ಗುಜರಾತ್ ಪತ್ರಿಕೆ ಬಿತ್ತರಿಸಿದ್ದ 'ಏಪ್ರಿಲ್ ಫೂಲ್' ಹಾಸ್ಯವನ್ನು ನಿಜವಾಗಿಸಿದ ಮೋದಿಯ ಮಾಸ್ಟರ್ ಸ್ಟ್ರೋಕ್!

ರಾಜ್'ಕೋಟ್'ನ ಸಂಜೆ ಪತ್ರಿಕೆಯೊಂದು 'ಏಪ್ರಿಲ್ ಫೂಲ್' ದಿನದಂದು ಓದುಗರಿಗಾಗಿ ವ್ಯಂಗ ಚಿತ್ರದ ಮೂಲಕ 'ಸರ್ಕಾರ 500 ಹಾಗೂ 1000 ರೂ. ನೋಡುಗಳನ್ನು ನಿಷೇಧಿಸುತ್ತದೆ' ಎಂಬ ಹಾಸ್ಯವನ್ನು ಪ್ರಕಟಿಸಿತ್ತು. ಆದರೆ ಪ್ರಧಾನಿ ಮೋದಿ ಯಾವ ದಿನ ನೋಟ್ ಬ್ಯಾನ್ ಮಾಡಿದರೋ ಅಂದಿನಿಂದ ಈ ಪತ್ರಿಕೆಯ ಸಂಪಾದಕರಿಗೆ ಒಂದರ ಮೇಲೊಂದರಂತೆ ದೂರವಾಣಿ ಕರೆಗಳು ಬರಲಾರಂಭಿಸಿವೆಯಂತೆ.

ಗುಜರಾತ್(ನ.18): ರಾಜ್'ಕೋಟ್'ನ ಸಂಜೆ ಪತ್ರಿಕೆಯೊಂದು 'ಏಪ್ರಿಲ್ ಫೂಲ್' ದಿನದಂದು ಓದುಗರಿಗಾಗಿ ವ್ಯಂಗ ಚಿತ್ರದ ಮೂಲಕ 'ಸರ್ಕಾರ 500 ಹಾಗೂ 1000 ರೂ. ನೋಡುಗಳನ್ನು ನಿಷೇಧಿಸುತ್ತದೆ' ಎಂಬ ಹಾಸ್ಯವನ್ನು ಪ್ರಕಟಿಸಿತ್ತು. ಆದರೆ ಪ್ರಧಾನಿ ಮೋದಿ ಯಾವ ದಿನ ನೋಟ್ ಬ್ಯಾನ್ ಮಾಡಿದರೋ ಅಂದಿನಿಂದ ಈ ಪತ್ರಿಕೆಯ ಸಂಪಾದಕರಿಗೆ ಒಂದರ ಮೇಲೊಂದರಂತೆ ದೂರವಾಣಿ ಕರೆಗಳು ಬರಲಾರಂಭಿಸಿವೆಯಂತೆ.

ಈ ಕುರಿತಾಗಿ ಸಂಜೆ ಪತ್ರಿಕೆ 'ಅಕೀಲಾ' ಪತ್ರಿಕೆಗೆ ಬರುತ್ತಿರುವ ಕರೆಗಳನ್ನು ಸ್ವೀಕರಿಸಿ ಹೈರಾಣಾಗಿರುವ ಸಂಪಾದಕ ತಾವು ಇದನ್ನು ಕೇವಲ ಒಂದು ಹಾಸ್ಯವಾಗಿ ಪ್ರಕಟಿಸಿದ್ದೆವು. ಈ ಕುರಿತಾಗಿ ನಮಗೆ ಯಾವುದೇ ಮಾಹಿತಿ ಇರಲಿಲ್ಲ' ಎನ್ನುತ್ತಿದ್ದಾರೆ. ಏಪ್ರಿಲ್ 1, 2016ರಂದು ಪ್ರಕಟವಾಗಿದ್ದ ಈ ಪ್ರಧಾನಿ ಮೋದಿ 500 ಹಾಗೂ 1000 ರು. ನೋಟ್ ಬ್ಯಾನ್ ಮಾಡಿದ ಕ್ಷಣದಿಂದ ಸಾಮಾಜಿಕ ಜಾಲಾತಾಣಗಳಲ್ಲಿ ವೈರಲ್ ಆಗುತ್ತಿದೆ.  

ಈ ವಿಚಾರವಾಗಿ ಮಾತನಾಡಿರುವ ಪತ್ರಿಕೆಯ ಸಂಪಾದಕ 'ನಾವು ಏಪ್ರಿಲ್ 1, 2016 ರಂದು ಇದನ್ನು ಕೇಲವ ಒಂದು ಹಾಸ್ಯವಾಗಿ ಪ್ರಕಟಿಸಿದ್ದೆವು. ಇದಾಗಿ 6 ತಿಂಗಳ ಬಳಿಕ ಪ್ರಧಾನಿ ನೋಟುಗಳನ್ನು ಬ್ಯಾನ್ ಮಾಡಿರುವುದು ಕಾಕತಾಳೀಯ. ಏಪ್ರಿಲ್ ಫೂಲ್'ನಂದು ಗುಜರಾತ್'ನ ಪತ್ರಿಕೆಗಳು ಇಂತಹ ಹಾಸ್ಯಗಳನ್ನು ಪ್ರಕಟಿಸುವುದು ಸಾಮಾನ್ಯ' ಎಂದಿದ್ದಾರೆ.