ಗೆಳತಿ ರಕ್ಷಿಸಲು ಮೊಸಳೆ ಕಣ್ಣಿಗೆ ತಿವಿದ ಧೀರ ಬಾಲಕಿ!

ಮೊಸಳೆ ಮೇಲೆರಗಿ ಕಣ್ಣಿಗೆ ತಿವಿದು ಗೆಳತಿ ರಕ್ಷಿಸಿದ ಬಾಲಕಿ| ಗೆಳತಿ ರಕ್ಷಿಸಲು ಅಸಾಧಾರಣ ಧೈರ್ಯ ತೋರಿದ 11 ವರ್ಷದ ಬಾಲಕಿ| ಜಿಂಬಾಬ್ವೆಯ ಹ್ವಾಂಗೆಯ 11 ವರ್ಷದ ಬಾಲಕಿ ರೆಬೆಕಾ ಮುಂಕ್ವಾಂಬ್ವೆ| ಗೆಳತಿ ಲಾಟೋಯಾ ಮುವಾನಿ ರಕ್ಷಿಸಲು ಮೊಸಳೆ ಕಣ್ಣಿಗೆ ತಿವಿದ ರೆಬೆಕಾ ಮುಂಕ್ವಾಂಬ್ವೆ|

ಹರಾರೆ(ಅ.29): A friend in need is a friend indeed ಅಂತಾರೆ. ಗೆಳೆತನವೇ ಅಂತದ್ದು. ಒಬ್ಬ ಗೆಳೆಯನೋ, ಗೆಳತಿಯೋ ಸಂಕಷ್ಟದಲ್ಲಿದ್ದರೆ ಗೆಳಯನೋ, ಗೆಳತಿಯೋ ನೆರವಿಗೆ ಬರುವುದನ್ನೇ ಗೆಳತನ ಎನ್ನುವುದು.

ಅದರಂತೆ ಕೇವಲ 11 ವರ್ಷದ ಬಾಲಕಿಯೋರ್ವಳು ತನ್ನ ಗೆಳತಿಯನ್ನು ನುಂಗಲಿದ್ದ ಮೊಸಳೆ ಮೇಲೆ ಎರಗಿ ಅದರ ಕಣ್ಣನ್ನು ತಿವಿದು ಓಡಿಸಿದ ಘಟನೆ ಜಿಂಬಾಬ್ವೆಯ ಹ್ವಾಂಗೆಯಲ್ಲಿ ನಡೆದಿದೆ.

ಲಾಟೋಯಾ ಮುವಾನಿ ಎಂಬ ಬಾಲಿಕಿ ಮೇಲೆ ಮೊಸಳೆಯೊಂದು ದಾಳಿ ಮಾಡಿ, ಆಕೆಯನ್ನು ನುಂಗಲು ಹವಣಿಸುತ್ತಿತ್ತು. ಈ ವೇಳೆ 11 ವರ್ಷದ ಬಾಲಕಿ ರೆಬೆಕಾ ಮುಂಕ್ವಾಂಬ್ವೆ ಮೊಸಳೆ ಮೇಲೆರಗಿ ಅದರ ಕಣ್ಣಿಗೆ ತಿವಿದು ತನ್ನ ಗೆಳತಿಯನ್ನು ರಕ್ಷಿಸಿದ್ದಾಳೆ.

ಇನ್ನು ಗೆಳತಿ ಲಾಟೋಯಾಳನ್ನು ರಕ್ಷಿಸಲು ರೆಬೆಕಾ ತೋರಿದ ಧೈರ್ಯಕ್ಕೆ ಭಾರೀ ಮೆಚ್ಚುಗೆ ವ್ಯಕ್ತವಾಗಿದ್ದು, ಹ್ವಾಂಗೆ ಗ್ರಾಮಸ್ಥರು ಆಕೆಯನ್ನು ಸನ್ಮಾನಿಸಿದ್ದಾರೆ.