ಪುರುಷರಿಗೆ ಮಾತ್ರವಲ್ಲ ಮೊಬೈಲ್ ಸೇಫ್ಟಿಗೆ ಬಂದಿದೆ ಕಾಂಡೋಮ್, ಏನಿದು USB ಕಾಂಡೋಮ್?
ಸಾರಾಂಶ
ಯುಎಸ್ಬಿ ಕಾಂಡೋಮ್ಗಳು ಈಗ ಮಾರುಕಟ್ಟೆಯಲ್ಲಿ ಮತ್ತು ವಿವಿಧ ಇ-ಕಾಮರ್ಸ್ ವೇದಿಕೆಯಲ್ಲಿ ಮಾರಾಟಕ್ಕೆ ಲಭ್ಯವಿದೆ. ಇಂದು ಅವುಗಳನ್ನು ಹೇಗೆ ಬಳಸುವುದು ಮತ್ತು ಅವುಗಳ ಪ್ರಯೋಜನಗಳೇನು ಅನ್ನೋದರ ವಿವರ ತಿಳಿದುಕೊಳ್ಳೋಣ
ಸಾಮಾನ್ಯವಾಗಿ ಪ್ರಯಾಣದ ವೇಳೆಯಲ್ಲಿ ಅದರಲ್ಲೂ ಹೋಟೆಲ್, ವಿಮಾನ ನಿಲ್ದಾಣ ಅಥವಾ ಇತರ ಪರಿಚಯವಿಲ್ಲದ ಸ್ಥಳದಲ್ಲಿ ನಿಮ್ಮ ಮೊಬೈಲ್ ಫೋನ್ ಅನ್ನು ಚಾರ್ಜ್ ಮಾಡಲು ನೀವು ಚಾರ್ಜಿಂಗ್ ಪಾಯಿಂಟ್ ಅನ್ನು ಬಳಸುತ್ತೀರಿ. ಇದರಿಂದ ನಿಮ್ಮ ಫೋನ್ಗೆ ದೊಡ್ಡ ಅಪಾಯ ಎದುರಾಗಬಹುದು ಎನ್ನುವುದು ನಿಮಗೆ ಗೊತ್ತಿರುತ್ತದೆ. ಆದರೆ, ಏನೂ ಮಾಡೋಕೆ ಆಗದ ಪರಿಸ್ಥಿತಿಯಲ್ಲಿ ನೀವು ಇರುತ್ತಿರಿ. ಅಂತಹ ಪರಿಚಯವಿಲ್ಲದ ಸ್ಥಳದಲ್ಲಿ ನಿಮ್ಮ ಮೊಬೈಲ್ ಫೋನ್ ಅನ್ನು ಚಾರ್ಜ್ ಮಾಡಲು ನೀವು ಚಾರ್ಜಿಂಗ್ ಪಾಯಿಂಟ್ ಅನ್ನು ಬಳಸಿದಾಗ, ಅದರ ಮೂಲಕ ನಿಮ್ಮ ಮೊಬೈಲ್ ಫೋನ್ನಲ್ಲಿ ಮಾಲ್ವೇರ್ ಸಾಫ್ಟ್ವೇರ್ ಇನ್ಸ್ಟಾಲ್ ಆಗಬಹುದು ಅಥವಾ ನಿಮ್ಮ ಮೊಬೈಲ್ ಫೋನ್ನಲ್ಲಿರುವ ಗೌಪ್ಯ ಮಾಹಿತಿಯನ್ನು ಸಹ ಕದಿಯಬಹುದು.
ಇದು ನಿಮ್ಮ ಗೌಪ್ಯತೆಯನ್ನು ಅಪಾಯಕ್ಕೆ ಸಿಲುಕಿಸಬಹುದು, ಅಥವಾ ದೊಡ್ಡ ಆರ್ಥಿಕ ನಷ್ಟಕ್ಕೆ ಕಾರಣವಾಗಬಹುದು. ಈ ಅಪಾಯವನ್ನು ತಪ್ಪಿಸಲು, ನೀವು USB ಕಾಂಡೋಮ್ ಅನ್ನು ಬಳಸಬಹುದು. USB ಕಾಂಡೋಮ್ ಒಂದು ವಿಶೇಷ ರೀತಿಯ ಕೇಬಲ್ ಆಗಿದೆ, ಇದನ್ನು ಡೇಟಾ ವರ್ಗಾವಣೆಗೆ ಬಳಸಲಾಗುವುದಿಲ್ಲ ಆದರೆ ಚಾರ್ಜ್ ಮಾಡಲು ಮಾತ್ರ ಬಳಸಲಾಗುತ್ತದೆ. ಯುಎಸ್ಬಿ ಕಾಂಡೋಮ್ ಎನ್ನುವುದು ನಿಮ್ಮ ಮೊಬೈಲ್ ಅನ್ನು ಮಾಲ್ವೇರ್ ಮತ್ತು ಡೇಟಾ ಕಳ್ಳತನದಿಂದ ಸುರಕ್ಷಿತವಾಗಿರಿಸುವ ಒಂದು ವಿಶೇಷ ರೀತಿಯ ಕೇಬಲ್ ಆಗಿದೆ.
ಇದು ಕೆಲಸ ಮಾಡೋದು ಹೇಗೆ?
ಯುಎಸ್ಬಿ ಕಾಂಡೋಮ್ ಕೆಲಸ ಮಾಡೋದು ಹೇಗೆ ಅನ್ನೋದನ್ನು ನೋಡೋದಾದರೆ, ನೀವು ಮನೆಯಿಂದ ದೂರದಲ್ಲಿದ್ದಾಗ ಗೊತ್ತಿಲ್ಲದೆ ಇರುವ ಸ್ಥಳದಲ್ಲಿ ನಿಮ್ಮ ಮೊಬೈಲ್ ಅನ್ನು ಚಾರ್ಜ್ ಮಾಡುತ್ತಿದ್ದರೆ, ಮಾಲ್ವೇರ್ ನಿಮ್ಮ ಮೊಬೈಲ್ಗೆ ಇನ್ಸ್ಟಾಲ್ ಮಾಡುವ ಅಪಾಯ ಇರುತ್ತದೆ. ಅಂತಹ ಪರಿಸ್ಥಿತಿಯಲ್ಲಿ, ನೀವು ಯುಎಸ್ಬಿ ಕಾಂಡೋಮ್ ಅನ್ನು ಬಳಸಬೇಕು, ಯುಎಸ್ಬಿ ಕಾಂಡೋಮ್ ಒಂದು ವಿಶೇಷ ರೀತಿಯ ಡಾಂಗಲ್ ಅಥವಾ ನಾವು ಅದನ್ನು ಕೇಬಲ್ ಎಂದೂ ಕರೆಯಬಹುದು. ನೀವು ನಿಮ್ಮ ಮೊಬೈಲ್ಗೆ ಯುಎಸ್ಬಿ ಯುಎಸ್ಬಿ ಕಾಂಡೋಮ್ ಅನ್ನು ಲಗತ್ತಿಸಿದಾಗ, ಈ ಕೇಬಲ್ ನಿಮ್ಮ ಮೊಬೈಲ್ನಿಂದ ಯಾವುದೇ ರೀತಿಯ ಡೇಟಾವನ್ನು ಯುಎಸ್ಬಿ ಸಂಪರ್ಕಕ್ಕೆ ವರ್ಗಾಯಿಸುವುದನ್ನು ತಡೆಯುತ್ತದೆ, ಹೀಗಾಗಿ ನಿಮ್ಮ ಮೊಬೈಲ್ ಅನ್ನು ಸುರಕ್ಷಿತವಾಗಿರಿಸುತ್ತದೆ.
ಸರಳವಾಗಿ ಹೇಳುವುದಾದರೆ, ನೀವು USB ಕಾಂಡೋಮ್ ಬಳಸುವಾಗ, ನಿಮ್ಮ ಮೊಬೈಲ್ನಿಂದ ಯಾವುದೇ ಡೇಟಾವನ್ನು ಬೇರೆ ಯಾವುದೇ ಮೊಬೈಲ್ಗೆ ಅಥವಾ ಯಾವುದೇ ಸಾಫ್ಟ್ವೇರ್ ಅಥವಾ ಹಾರ್ಡ್ವೇರ್ಗೆ ವರ್ಗಾಯಿಸಲಾಗುವುದಿಲ್ಲ. ಅಲ್ಲದೆ, ಯಾವುದೇ ಮಾಲ್ವೇರ್ ಮೊಬೈಲ್ ಅನ್ನು ಪ್ರವೇಶಿಸಲು ಸಾಧ್ಯವಿಲ್ಲ. USB ಕಾಂಡೋಮ್ಗಳು ನಿಮ್ಮ ಮೊಬೈಲ್ ಅನ್ನು ಸುರಕ್ಷಿತವಾಗಿರಿಸಲು ಕೆಲಸ ಮಾಡುತ್ತವೆ, ಈ ಸಾಧನಗಳು ವಿವಿಧ ವೇದಿಕೆಗಳಲ್ಲಿ ಮಾರಾಟಕ್ಕೆ ಲಭ್ಯವಿದೆ.
ಸ್ಮಾರ್ಟ್ಫೋನ್ಗಳು ಮತ್ತು AI ನಿಂದ ಸೈಬರ್ ಭದ್ರತೆ ಮತ್ತು ವಿಜ್ಞಾನದ ಪ್ರಗತಿಯವರೆಗೆ ಇತ್ತೀಚಿನ ಟೆಕ್ನಾಲಜಿ (Technology News in Kannada) ಬಗ್ಗೆ ನಿರಂತರವಾದ ಅಪ್ಡೇಟ್. ಡಿಜಿಟಲ್ ಟ್ರೆಂಡ್ಗಳ ಕುರಿತು ತಜ್ಞರ ಮಾತುಗಳು, ವಿವರವಾದ ಮಾಹಿತಿ ಮತ್ತು ಬ್ರೇಕಿಂಗ್ ನ್ಯೂಸ್ ಸಿಗುವ ಏಕೈಕ ತಾಣ ಏಷ್ಯಾನೆಟ್ ಸುವರ್ಣ ನ್ಯೂಸ್. ಹೊಸ ಗ್ಯಾಜೆಟ್ ರಿಲೀಸ್ ಆಯ್ತಾ? ಹೊಸ ಸ್ಟಾರ್ಟ್ಅಪ್ಗಳು ಬಂದಿದ್ಯಾ? ಭವಿಷ್ಯವನ್ನು ಬದಲಿಸುವ ಟೆಕ್ ಪಾಲಿಸಿ ಯಾವುದು? ಇವುಗಳ ಇಂಚಿಂಚೂ ಮಾಹಿತಿ ಸಿಗಲಿದೆ. ಟೆಕ್ ಎಕ್ಸ್ಪ್ಲೇನರ್ಸ್ ಹಾಗೂ ಗ್ಯಾಜೆಟ್ ಡೆಮೋ ವಿಡಿಯೋಗಳು ಕೂಡ ನೀವು ಕಾಣಬಹುದು.