ಮುಂಬರುವ Poco X4 Pro ಭಾರತದಲ್ಲಿ ಮಾರ್ಚ್ 28 ರಂದು ಬಿಡುಗಡೆಯಾಗಲಿದ್ದು ಇದರ ಬೆಲೆ ಸುಮಾರು 20,000 ರೂ. ಇರಬಹುದು ಎಂದು ವರದಿಗಳು ತಿಳಿಸಿವೆ.
Tech Desk: Poco X4 Pro ಮಾರ್ಚ್ 28 ರಂದು ಭಾರತದಲ್ಲಿ ಬಿಡುಗಡೆಯಾಗಲಿದೆ. ಕಂಪನಿಯು ತನ್ನ ಮುಂಬರುವ ಮಧ್ಯಮ ಶ್ರೇಣಿಯ ಫೋನ್‌ನ ಬಿಡುಗಡೆ ದಿನಾಂಕವನ್ನು ಟ್ವೀಟರ್‌ನಲ್ಲಿ ಪ್ರಕಟಿಸಿದೆ. Poco X4 Pro ಇತ್ತೀಚೆಗೆ ಜಾಗತಿಕ ಮಾರುಕಟ್ಟೆಯಲ್ಲಿ ಪಾದಾರ್ಪಣೆ ಮಾಡಿತು ಮತ್ತು ಅದು ಈಗ ಭಾರತೀಯ ಮಾರುಕಟ್ಟೆಗೂ ಬಿಡುಗಡೆಯಾಗುತ್ತಿದೆ. ಹೀಗಾಗಿ ಸ್ಮಾರ್ಟ್‌ ಫೋನಿನ ಫಿಚರ್‌ಗಳು ಈಗಾಗಲೇ ಬಹಿರಂಗಗೊಂಡಿವೆ.
ಹೊಸ ಸ್ಮಾರ್ಟ್‌ಫೋನಿನಿ ಫೀಚರ್‌ಗಳು ಇತ್ತೀಚೆಗೆ ಭಾರತದಲ್ಲಿ ಬಿಡುಗಡೆಯಾದ Redmi Note 11 Pro ಗೆ ಹೋಲುತ್ತದೆ ಎಂದು ಗಮನಿಸಬೇಕಾದ ಅಂಶವಾಗಿದೆ. ಈ ಹಿಂದೆ ಶಾಓಮಿ ಮತ್ತು ಪೋಕೋ ಫೋನ್‌ಗಳು ಒಂದೇ ರೀತಿಯ ಸ್ಪೆಕ್ಸ್‌ಗಳನ್ನು ಬಹುತೇಕ ಒಂದೇ ಬೆಲೆಯಲ್ಲಿ ನೀಡಿ ಹಲವಾರು ಉದಾಹರಣೆಗಳಿವೆ.
ಇದನ್ನೂ ಓದಿ: Poco M4 Pro 5G ಕೈಗೆಟುಕುವ ದರದ ಪೋಕೋ ಎಂ4 ಪ್ರೋ 5ಜಿ ಸ್ಮಾರ್ಟ್‌ಫೋನ್ ಬಿಡುಗಡೆ, ಇದರಲ್ಲಿದೆ ಹಲವು ವಿಶೇಷತೆ!
Poco X4 Pro: ಭಾರತದಲ್ಲಿ ನಿರೀಕ್ಷಿತ ಬೆಲೆ: ಮುಂಬರುವ Poco X4 Pro ಅನ್ನು ಸುಮಾರು 20,000 ರೂ.ಗಳಷ್ಟು ಬೆಲೆಗೆ ನೀಡಬಹುದು. ಈ ಹಿಂದಿನ Poco X3 Pro ಮೊಬೈಲನ್ನು 18,999 ರೂಗಳ ಆರಂಭಿಕ ಬೆಲೆಯೊಂದಿಗೆ ಬಿಡುಗಡೆ ಮಾಡಲಾಗಿತ್ತು. ಜಾಗತಿಕವಾಗಿ Poco X4 Pro ಫೋನ್ EUR 299 (ಸುಮಾರು ರೂ 25,300) ಗೆ ಮಾರಾಟವಾಗುತ್ತಿದೆ. ಆದರೆ, ಭಾರತದಲ್ಲಿ ಇದರ ಬೆಲೆ ಸ್ವಲ್ಪ ಕಡಿಮೆ ಇರುವ ನಿರೀಕ್ಷೆಯಿದೆ.
ಶಾಓಮಿ ಈಗಾಗಲೇ Redmi Note 11 Pro ಅನ್ನು 17,999 ರೂಗಳಿಗೆ ನೀಡುತ್ತಿದೆ ಮತ್ತು ಎರಡೂ ಸಾಧನಗಳು ಬಹುತೇಕ ಒಂದೇ ರೀತಿಯ ವಿಶೇಷಣಗಳನ್ನು ಹೊಂದಿವೆ. ಆದ್ದರಿಂದ, ಕಂಪನಿಯು ಹೆಚ್ಚಿನ ಬೆಲೆಗೆ ಸಾಧನವನ್ನು ಪ್ರಾರಂಭಿಸುವ ನಿರೀಕ್ಷೆಯಿಲ್ಲ.
ಎರಡೂ ಫೋನ್‌ಗಳ ನಡುವಿನ ವ್ಯತ್ಯಾಸವೆಂದರೆ ರೆಡ್‌ಮಿ ಫೋನ್ ಹೆಚ್ಚುವರಿ ಡೆಪ್ತ್ ಸೆನ್ಸಾರ್ ಮತ್ತು ವಿಭಿನ್ನ ಚಿಪ್‌ಸೆಟನ್ನು ಹೊಂದಿದೆ. ರೆಡ್‌ಮಿ ಮತ್ತು ಪೋಕೋ ಎರಡರಲ್ಲೂ ಉಳಿದ ಫೀಚರ್ಸ್ ಒಂದೇ ಆಗಿವೆ. ಮುಂಬರುವ ಪೋಕೋ ಫೋನನ್ನು ಫ್ಲಿಪ್‌ಕಾರ್ಟ್ ಮೂಲಕ ಮಾರಾಟ ಮಾಡಲಾಗುವುದು ಎಂದು ಇತ್ತೀಚಿನ ಟೀಸರ್‌ ಬಹಿರಂಪಡಿಸುತ್ತಿದೆ.
Poco X4 Pro ಫೀಚರ್ಸ್: Poco X4 Pro ಅತ್ಯಂತ ಜನಪ್ರಿಯ ಫೋನ್‌ಗಳಲ್ಲಿ ಒಂದಾದ Poco X3 Pro ನ ಉತ್ತರಾಧಿಕಾರಿಯಾಗಲಿದೆ. ಸಾಧನವನ್ನು ಬಜೆಟ್ ಬೆಲೆಯಲ್ಲಿ ಪವರ್‌ಫುಲ್ ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 860 ಚಿಪ್‌ಸೆಟ್‌ನೊಂದಿಗೆ ಪ್ರಾರಂಭಿಸಲಾಗಿದೆ.
ಇದನ್ನೂ ಓದಿ: AI ಟ್ರಿಪಲ್ ಕ್ಯಾಮೆರಾ ಸೆಟಪ್‌ನೊಂದಿಗೆ Realme Narzo 50A Prime ಲಾಂಚ್!
ಚಿಪ್ ಸ್ನಾಪ್‌ಡ್ರಾಗನ್ 855 SoC ಯ ಪರಿಷ್ಕೃತ ಆವೃತ್ತಿಯಾಗಿದ್ದು ಅದು 2019 ರ ಫ್ಲ್ಯಾಗ್‌ಶಿಪ್ ಫೋನ್‌ಗಳಿಗೆ ಪವರ್ ನೀಡುತ್ತದೆ. Poco X4 Pro ನ ಜಾಗತಿಕ ಮಾದರಿಯು ಸ್ನಾಪ್‌ಡ್ರಾಗನ್ 695 SoC ಹೊಂದಿದ್ದು ಕಂಪನಿಯು RAM ಅನ್ನು 11GB ವರೆಗೆ ವಿಸ್ತರಿಸುವ ಆಯ್ಕೆಯನ್ನು ನೀಡಿದೆ.
ಸ್ಮಾರ್ಟ್‌ಫೋನ್ 6.67-ಇಂಚಿನ AMOLED ಡಿಸ್ಪ್ಲೇ ಹೊಂದಿದ್ದು Full-HD+ ರೆಸಲ್ಯೂಶನ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಡಿಸ್ಪ್ಲೇ ಒಂದೇ ಪಂಚ್-ಹೋಲ್ ಡಿಸ್ಪ್ಲೇ ವಿನ್ಯಾಸವನ್ನು ಹೊಂದಿದೆ. ಮಧ್ಯಮ ಶ್ರೇಣಿಯ ಫೋನ್ ವಿಶಿಷ್ಟವಾದ 5,000mAh ಬ್ಯಾಟರಿಯನ್ನು ಹೊಂದಿದ್ದು ಅದು 67W ವೇಗದ ಚಾರ್ಜಿಂಗ್‌ಗೆ ಬೆಂಬಲವನ್ನು ಹೊಂದಿದೆ.
ಕ್ಯಾಮೆರಾ ವಿಭಾಗದಲ್ಲಿ, 108-ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾ, 8-ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್-ಆಂಗಲ್ ಕ್ಯಾಮೆರಾ ಮತ್ತು 2-ಮೆಗಾಪಿಕ್ಸೆಲ್ ಮ್ಯಾಕ್ರೋ ಕ್ಯಾಮೆರಾ ಸೇರಿದಂತೆ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್ ಇದೆ. ಸೆಲ್ಫಿಗಳಿಗಾಗಿ, Poco 16-ಮೆಗಾಪಿಕ್ಸೆಲ್ ಕ್ಯಾಮೆರಾವನ್ನು ಒಳಗೊಂಡಿದೆ.