ಗಾಳಿ ಬಂದಾಗ ಮೆಲ್ಲಗೆ, ಮಧುರ ಶಬ್ಧ ಕೇಳಿಸೋ ವಿಂಡ್ ಬೆಲ್ ಮನೆಯಲ್ಲಿದ್ದರೆ, ಮನಸ್ಸಿಗೇನೋ ನೆಮ್ಮದಿ. ಫೆಂಗ್‌ಶ್ಯೂ ಪ್ರಕಾರ ಇಂಥದ್ದೊಂದು ಬೆಲ್ ಮನೆನಲ್ಲಿದ್ದರೆ ಶುಭವೂ ಹೌದು. ದುಷ್ಟ ಶಕ್ತಿಯನ್ನೂ ಓಡಿಸುವ ಇಂಥದ್ದೊಂದು ಬೆಲ್ ಮನೆಯಲ್ಲಿ ಏಕಿರಬೇಕು?
- ಹೇಗಿದ್ದಾದರೂ ಸರಿ, ಮನೆ ಮುಂದೆ ವಿಂಡ್ ಬೆಲ್ ಇದ್ದರೆ ಕೆಟ್ಟ ಶಕ್ತಿಯ ಪ್ರವೇಶ ಆಗುವುದಿಲ್ಲ.
- ಗಾಳಿ ಗಂಟೆಯನ್ನು ಪಶ್ಚಿಮ ದಿಕ್ಕಿಗೆ ನೇತು ಹಾಕಿದರೆ, ಅದರಿಂದ ಮನೆಯಲ್ಲಿ ಶುಭವಾಗುತ್ತದೆ. ಉತ್ತರ ದಿಕ್ಕಿಗೆ ಹಾಕಿದರೆ ಉದ್ಯೋಗ ಜೀವನ ಸುಸ್ಥಿತಿಗೊಳ್ಳುತ್ತದೆ.
- ಮನೆ ಅಥವಾ ಕಚೇರಿ ಹೊರ ಭಾಗದಲ್ಲಿ ಗಾಳಿ ಗಂಟೆಯನ್ನು ನೇತು ಹಾಕಿದಾಗ ಅದು ಪ್ರತಿ ಬಾರಿ ಗಾಳಿಗೆ ಶಬ್ದ ಮಾಡಿದಾಗಲೂ ಮನೆಯ ಶಕ್ತಿ ಹೆಚ್ಚುತ್ತದೆ.
- ಮನೆಯಲ್ಲಿ ಅನಾರೋಗ್ಯ ಸಮಸ್ಯೆ ಕಾಡಿದರೆ ಕೊನೆಯಲ್ಲಿ ಆರು ರಾಡ್ ಗಾಳಿ ಗಂಟೆಯನ್ನು ಬಳಸಿ ಇದರಿಂದ ಕೆಟ್ಟ ಶಕ್ತಿ ನಾಶವಾಗುತ್ತದೆ.
- ಫೆಂಗ್‌ಶ್ಯೂ ಪ್ರಕಾರ 6,7,8 ಮತ್ತು 9 ರಾಡ್ ಜೊತೆ ಗಂಟೆಯಿರುವ ಗಾಳಿ ಗಂಟೆಯನ್ನು ಹಾಕಬೇಕು. ಇದರಿಂದ ಮನೆಯಲ್ಲಿ ಆರ್ಥಿಕ ಸಮಸ್ಯೆ ಉಂಟಾಗುವುದಿಲ್ಲ.
- 7 ಮತ್ತು 8 ರಾಡ್ ಇರುವ ಗಾಳಿಗಂಟೆ ಹಾಕುವುದರಿಂದ ಮನೆಗೆ ಸಂಪತ್ತು ಬರಲಿದೆ.
- 2 ರಿಂದ 9 ರಾಡ್ ಇರುವ ಚೈಮ್‌ನ್ನು ಲೀವಿಂಗ್‌ ರೂಮ್‌ನ ದಕ್ಷಿಣ ಪಶ್ಚಿಮ ಭಾಗದಲ್ಲಿಟ್ಟರೆ ಸಮಾಜದಲ್ಲಿ ಮನ್ನಣೆ ದೊರೆಯುತ್ತದೆ.
- ಐದು ರಾಡ್ ಇರುವ ಗಾಳಿಗಂಟೆ ಮನೆಗೆ ನಕರಾತ್ಮಕ ಶಕ್ತಿ ಪ್ರವೇಶವಾಗುವ ಸಾಧ್ಯತೆ ಇದೆ.
- ಬಾಗಿಲಿಗೆ ತಾಗುವಂತೆ ವಿಂಡ್‌ಚೈಮ್‌ ಯಾವತ್ತೂ ಇಡಬೇಡಿ. ಅಲ್ಲದೆ ನೀವು ಕುಳಿತುಕೊಳ್ಳುವ, ಮಲಗುವ ಹಾಗೂ ಕೆಲಸ ಮಾಡುವ ಜಾಗದಲ್ಲೂ ತೂಗಿಸಬೇಡಿ.