'ಬಡವರ ಸೇಬು' ಎಂದೇ ಕರೆಯುವ ಸೀಬೆಕಾಯಿ ಈಗ ಬಡವರಿಗೆ ಸಿಗುವಷ್ಟು ಅಗ್ಗವಲ್ಲ. ಆದರೆ, ಮಧುಮೇಹಿಗಳಿಗೂ ಒಳ್ಳೆ ಆಹಾರವಾಗಿರುವ ಇದರ ಸೇವನೆಯಿಂದ ಸೌಂದರ್ಯ ವೃದ್ಧಿಸುತ್ತೆ. ಏಕೆ ಇದು ಆರೋಗ್ಯಕ್ಕೆ ಬೇಕು?
- ಕೆಂಪು ಸೀಬೆಹಣ್ಣಿನ ತಿರುಳು ತೆಗೆದು, ಮ್ಯಾಶ್ ಮಾಡಿ ಅದಕ್ಕೆ ಮೊಟ್ಟೆಯ ಹಳದಿ ಭಾಗ ಸೇರಿಸಿ ಮುಖಕ್ಕೆ ಹಚ್ಚಿ. 20 ನಿಮಿಷದ ನಂತರ ಇದನ್ನು ತೊಳೆಯಿರಿ. ಇದನ್ನು ವಾರದಲ್ಲಿ 2 ಬಾರಿ ಮಾಡಿದರೆ ಡೆಡ್ ಸ್ಕಿನ್ ನಿವಾರಣೆಯಾಗಿ ಹೊಳೆಯುವ ತ್ವಚೆ ನಿಮ್ಮದಾಗುತ್ತದೆ.
- ಸೀಬೆ ಹಣ್ಣಿನಲ್ಲಿ ಲೈಕೊಪೀನ್ ಅಂಶವಿದೆ. ಇದು ನೇರಳಾತೀತ ಕಿರಣಗಳಿಂದ ಚರ್ಮವನ್ನು ರಕ್ಷಿಸುತ್ತದೆ.
- ಚರ್ಮ ಸುಕ್ಕುಗಟ್ಟುವುದನ್ನು ಇದು ಮರೆಮಾಚುತ್ತದೆ. ಹಣ್ಣನ್ನು ಮುಖಕ್ಕೆ ಹಚ್ಚಿದರೆ ಸುಕ್ಕಾಗುವುದು, ಗೆರೆಗಳು ಕಾಣಿಸಿಕೊಳ್ಳುವಂಥ ಸಮಸ್ಯೆಗಳಿಗೆ ಪರಿಹಾರ ಸಿಗುತ್ತದೆ.
- ಪೇರಲೆಯಲ್ಲಿ ವಿಟಮಿನ್, ಮಿನರಲ್ಸ್ ಮತ್ತು ನ್ಯೂಟ್ರಿಯೆಂಟ್ಸ್ ಅಧಿಕವಾಗಿದ್ದು, ಸ್ಕಿನ್ ಟೋನರ್‌ನಂತೆ ಕಾರ್ಯನಿರ್ವಹಿಸುತ್ತದೆ. ಇದರಿಂದ ಮುಖದಲ್ಲಿ ಮೊಡವೆ, ಕಲೆ ಎಲ್ಲವೂ ನಿವಾರಣೆಯಾಗುತ್ತವೆ.
- ಒಂದು ವೇಳೆ ಮುಖದಲ್ಲಿ ಕಪ್ಪು ಕಲೆ ಅಥವಾ ಮೊಡವೆ ಕಾಣಿಸಿಕೊಂಡರೆ ಸೀಬೆ ಎಲೆಗಳನ್ನು ಪೇಸ್ಟ್ ಮಾಡಿ ಮುಖಕ್ಕೆ ಹಚ್ಚಿ . ಇದನ್ನು ಪ್ರತಿದಿನ ಮಾಡಿದರೆ ಕಲೆ ನಿವಾರಣೆಯಾಗುತ್ತದೆ.
- ಸ್ಕಿನ್ ಆರೋಗ್ಯಯುತವಾಗಿರಲು ನೀರು ಅತ್ಯಗತ್ಯ. ಸೀಬೆ ತಿಂದರೆ ದೇಹಕ್ಕೆ ಅಗತ್ಯ ನೀರಿನಂಶ ಸಿಗುತ್ತದೆ. ಇದರಿಂದ ತ್ವಚೆ ಒಣಗುತ್ತದೆ ಕಾಪಾಡುತ್ತದೆ.
- ಸೀಬೆ ಎಲೆಗಳನ್ನು ಪೇಸ್ಟ್ ಮಾಡಿ ಕೂದಲಿಗೆ ಹಚ್ಚುವುದರಿಂದ ಕೂದಲು ಉದುರುವುದು ನಿವಾರಣೆಯಾಗುತ್ತದೆ.