ಆಸ್ಪತ್ರೆ ಬಾಗಿಲಲ್ಲೇ ಗರ್ಭದಿಂದ ಜಾರಿದ ಮಗು ಸಾವು : ವೈದ್ಯರ ವಿರುದ್ಧ ಆರೋಪ

 ಆ​ಸ್ಪತ್ರೆ ಬಾ​ಗಿ​ಲಲ್ಲೇ ಗರ್ಭದಿಂದ ಜಾರಿ ಹಸುಗೂಸು ಮಂಡ್ಯ ವೈ​ದ್ಯ​ಕೀಯ ವಿ​ಜ್ಞಾ​ನ​ಗಳ ಸಂಸ್ಥೆ(​ಮಿಮ್ಸ್‌)ನಲ್ಲಿ ಘಟನೆ ಹೆ​ರಿಗೆ ವಾರ್ಡ್‌ ಎದುರೇ ಹೆ​ರಿ​ಗೆ​ಯಾಗಿ ಮಗು ಸಾವು

ಮಂಡ್ಯ (ಮೇ.27): ಗ​ರ್ಭಿಣಿ​ಯೊ​ಬ್ಬ​ರಿಗೆ ಆ​ಸ್ಪತ್ರೆ ಬಾ​ಗಿ​ಲಲ್ಲೇ ಗರ್ಭದಿಂದ ಜಾರಿ ಹಸುಗೂಸು ಕೆಳಗೆ ಬಿದ್ದ ಪ್ರ​ಸಂಗ ಮಂಡ್ಯ ವೈ​ದ್ಯ​ಕೀಯ ವಿ​ಜ್ಞಾ​ನ​ಗಳ ಸಂಸ್ಥೆ(​ಮಿಮ್ಸ್‌) ಸ್ತ್ರೀರೋಗ ಮತ್ತು ಪ್ರಸೂತಿ ವಿ​ಭಾ​ಗದ ಮುಂದೆ ಬು​ಧ​ವಾರ ನ​ಡೆ​ದಿದೆ. 

ನೆಲಕ್ಕೆ ಬಿದ್ದ ಮಗು ಅಸುನೀಗಿತ್ತು. ಸೋನು (23) ಎಂಬಾ​ಕೆಗೆ ಹೆ​ರಿಗೆ ವಾರ್ಡ್‌ ಎದುರೇ ಹೆ​ರಿ​ಗೆ​ಯಾಗಿದೆ. ಮಂಗಳವಾರವೇ ಸೋನು ಹಾಗೂ ಕುಟುಂಬಸ್ಥರು ಮಂಡ್ಯ ಮಿಮ್ಸ್‌ಗೆ ಆಗಮಿಸಿದ್ದರು. ಆ ವೇಳೆ ಸ್ಕ್ಯಾ‌​ನಿಂಗ್‌ ನಡೆಸಿದಾಗ ಮಗು ಗರ್ಭದಲ್ಲೇ ಅಸುನೀಗಿರುವುದು ವೈದ್ಯರ ಗಮನಕ್ಕೆ ಬಂದಿದೆ. ತಕ್ಷಣವೇ ಆಸ್ಪತ್ರೆಗೆ ದಾಖಲಾಗುವಂತೆ ಸೂಚಿಸಿದ್ದಾರೆ. ಆದರೆ, ಇದನ್ನು ಧಿಕ್ಕರಿಸಿ ಮನೆಗೆ ತೆರಳಿದ್ದ ಸೋನು ಕುಟುಂಬಸ್ಥರು, ಬುಧವಾರ ಬೆಳಗ್ಗೆ ಆಸ್ಪತ್ರೆಗೆ ಆಗಮಿಸಿದ್ದಾರೆ.

ಈ ವೇಳೆ ಆರ್‌ಟಿ​ಪಿ​ಸಿ​ಆರ್‌ ಟೆಸ್ಟ್‌ ಮಾಡಿಸಿದ್ದು, ಒಂದು ತಾಸಿನೊಳಗೆ ನೆಗೆಟಿವ್‌ ವರದಿ ಬಂದ ನಂತರ ದಾಖಲು ಮಾಡಿಕೊಳ್ಳಲಾಗಿದೆ. ಈ ವೇಳೆ ವಾರ್ಡ್‌ನಲ್ಲಿದ್ದ ಸೋನು, ತನ್ನ ಮೈಮೇಲಿದ್ದ ಒಡವೆಗಳನ್ನು ಪೋಷಕರಿಗೆ ಕೊಡಲು ವಾರ್ಡ್‌ನಿಂದ ಹೊರಗೆ ಬಂದಾಗ ಬಾಗಿಲಲ್ಲೇ ಹೆರಿಗೆಯಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಆದರೆ, ಕೋವಿಡ್‌ ಪರೀಕ್ಷೆ ನೆಪವೊಡ್ಡಿ ವೈದ್ಯರು ತಡಮಾಡಿದ್ದೆ ಅವಘಡಕ್ಕೆ ಕಾರಣ ಎಂದು ಪೋಷಕರು ದೂರಿದ್ದಾರೆ.