ಉಡುಪಿ ರಂಗಭೂಮಿ ವತಿಯಿಂದ ಹಮ್ಮಿಕೊಳ್ಳಲಾದ 43ನೆಯ ರಾಜ್ಯ ಮಟ್ಟದ ಕನ್ನಡ ನಾಟಕ ಸ್ಪರ್ಧೆಯಲ್ಲಿ ಹಾವೇರಿ ಶೇಷಗಿರಿ ಗಜಾನನ ಯುವಕ ಮಂಡಲ ತಂಡದ ವಾಲಿವಧೆ ನಾಟಕ ಪ್ರಥಮ ಬಹುಮಾನ ಗೆದ್ದುಕೊಂಡಿದೆ.
ಉಡುಪಿ (ಡಿ.6): ಉಡುಪಿ ರಂಗಭೂಮಿ ವತಿಯಿಂದ ಹಮ್ಮಿಕೊಳ್ಳಲಾದ 43ನೆಯ ರಾಜ್ಯ ಮಟ್ಟದ ಕನ್ನಡ ನಾಟಕ ಸ್ಪರ್ಧೆಯಲ್ಲಿ ಹಾವೇರಿ ಶೇಷಗಿರಿ ಗಜಾನನ ಯುವಕ ಮಂಡಲ ತಂಡದ ವಾಲಿವಧೆ ನಾಟಕ ಪ್ರಥಮ ಬಹುಮಾನ ಗೆದ್ದುಕೊಂಡು 35,000ರೂ. ನಗದು ಮತ್ತು ಸ್ಮರಣಿಕೆ ಹಾಗೂ ಪರ್ಯಾಯ ಫಲಕವನ್ನು ತನ್ನದಾಗಿಸಿಕೊಂಡಿದೆ. ದ್ವಿತೀಯ ಬಹುಮಾನವನ್ನು ತೀರ್ಥಹಳ್ಳಿಯ ನಟಮಿತ್ರರು ತಂಡದ ತುರುಬ ಕಟ್ಟುವ ಹದನ ನಾಟಕ (25,000ರೂ. ನಗದು ಮತ್ತು ಸ್ಮಾರಕ ಸ್ಮರಣಿಕೆ) ಹಾಗೂ ತೃತೀಯ ಬಹುಮಾನವನ್ನು ಮಂದಾರ ಬೈಕಾಡಿ ತಂಡದ ಕೊಳ್ಳಿ ನಾಟಕ (15,000ರೂ. ಮತ್ತು ಸ್ಮಾರಕ ಸ್ಮರಣಿಕೆ) ಪಡೆದುಕೊಂಡಿದೆ.
ಮೆಚ್ಚುಗೆ ಬಹುಮಾನಗಳು: ಬಿಂಕ ಬಿನ್ನಾಣರು ರಂಗತಂಡ ಬೆಂಗಳೂರು ತಂಡದ ಸುಯೋಧನ ನಾಟಕದ ಸುಯೋಧನಪಾತ್ರಧಾರಿ ಶಿವು ಹೊನ್ನಿಗನ ಹಳ್ಳಿ, ತದ್ರೂಪಿ ನಾಟಕದ ತದ್ರೂಪಿ ಪಾತ್ರಧಾರಿ ಕೃಷ್ಣ ಹೆಬ್ಬಾಲೆ, ಸೂರ್ಯಾಸ್ತದಿಂದ ಸೂರ್ಯೋದಯದವರೆಗೆ ನಾಟಕದ ಓಕ್ಕಾಕ ಪಾತ್ರಧಾರಿ ಸುನಿಲ್ ಪಾಂಡೇಶ್ವರ, ತುರುಬ ಕಟ್ಟುವ ಹದನ ನಾಟಕದದುರ್ಯೋಧನ ಪಾತ್ರಧಾರಿ ಶರತ್ ಕುಮಾರ್ ಇ.ಜಿ., ರಂಗಪಯಣ ಬೆಂಗಳೂರು ತಂಡದ ಪೂಲನ್ ದೇವಿ ನಾಟಕದ ಪೂಲನ್ ದೇವಿ ಪಾತ್ರಧಾರಿಣಿ ನಯನಾ ಜೆ.ಸೂಡ.
undefined
Dharmasthala Laksha Deepotsava: ಸಿರಿ ವಾನಳ್ಳಿಯವರ ಏಕ ವ್ಯಕ್ತಿ ನಾಟಕ, ರಸಮಂಜರಿಯ ರಸದೌತಣ
ಶ್ರೇಷ್ಠ ನಿರ್ದೇಶಕ: ಪ್ರಥಮ-ವಾಲಿವಧೆ ನಾಟಕದ ಗಣೇಶ್ ಮಂದಾರ್ತಿ(10,000ರೂ. ನಗದು ಹಾಗೂ ಪರ್ಯಾಯ ಫಲಕ), ದ್ವಿತೀಯ- ತುರುಬ ಕಟ್ಟುವ ಹದನ ನಾಟಕದ ಶ್ರೀಕಾಂತ್ ಕುಮುಟಾ (6,000ರೂ. ನಗದು ಮತ್ತು ಸ್ಮರಣಿಕೆ), ತೃತೀಯ- ಸಂಚಯ ಟ್ರಸ್ಟ್ ಬೆಂಗಳೂರು ತಂಡದ ತದ್ರೂಪಿ ನಾಟಕದ ಜೋಸೆಫ್ ಜಾನ್ (4,000ರೂ. ನಗದು ಮತ್ತು ಸ್ಮರಣಿಕೆ).
Mysuru News: ಟಿಪ್ಪು ಕುರಿತ ನಾಟಕ ರದ್ದುಪಡಿಸಲು ದಲಿತ ಮಹಾಸಭಾ ಆಗ್ರಹ
ರಂಗಭೂಮಿ ಪ್ರಶಸ್ತಿ ಪ್ರಧಾನ ಸಮಾರಂಭವು 2023ರ ಜನವರಿ 3ನೇ ವಾರದಲ್ಲಿ ಉಡುಪಿ ಎಂಜಿಎಂ ಕಾಲೇಜಿನ ಮುದ್ದಣ ಮಂಟಪದಲ್ಲಿ ನಡೆಯಲಿದೆ. ಅಂದು ಪ್ರಥಮ ಪ್ರಶಸ್ತಿ ಪುರಸ್ಕೃತ ವಾಲಿವಧೆ ನಾಟಕದ ಮರು ಪ್ರದರ್ಶನ ಗೊಳ್ಳಲಿದೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದೆ.