ಕ್ರಿಮಿನಲ್ ಗಳನ್ನು ಮಟ್ಟಹಾಕುವ ಪೊಲೀಸರೇ ತಮ್ಮ ಕ್ವಾಟರ್ಸ್ ಅನ್ನು ನಟೋರಿಯಸ್ ರೌಡಿಗಳ ಎಣ್ಣೆ ಪಾರ್ಟಿಗೆ ಅಡ್ಡೆಯಾಗಿ ಮಾಡಿಕೊಟ್ಟಿರುವುದು ಬೆಳಕಿಗೆ ಬಂದಿದೆ.
ಶಿವಮೊಗ್ಗ, (ಜ.23): ಬೇಲಿಯೇ ಎದ್ದು ಹೊಲ ಮೇಯ್ದಂತೆ ಪೊಲೀಸರೇ ನಟೋರಿಯಸ್ ರೌಡಿಗಳ ಎಣ್ಣೆ ಪಾರ್ಟಿಗೆ ತಮ್ಮ ಕ್ವಾಟರ್ಸ್ ನೀಡಿದ್ದಾರೆ.ಶಿವಮೊಗ್ಗದ ವಿನೋಬನಗರದಲ್ಲಿರುವ ಸಿವಿಲ್ ಪೋಲಿಸ್ ವಸತಿ ಗೃಹ ರೌಡಿಗಳು ಅಡ್ಡೆಯಾಗಿ ಮಾಡಿಕೊಂಡಿದ್ದಾರೆ.
ಕುಖ್ಯಾತ ಭೂಗತ ಪಾತಕಿ ನವಲೆ ಅನಂದ, ರೌಡಿಶೀಟರ್ ಕೊಕ್ರೆ ಶ್ಯಾಮ ಎನ್ನುವರು ಪೊಲೀಸ್ ವಸತಿಗೃಹದ ರೂಮ್ 101ರಲ್ಲಿ ಎಣ್ಣೆ ಪಾರ್ಟಿ ಮಾಡಿರುವುದು ಬೆಳಕಿಗೆ ಬಂದಿದೆ.
ಬೆಂಗಳೂರು ಪೊಲೀಸ್ ಸೂಪರ್ ಚೇಸಿಂಗ್: ತಾಯಿ ಮಡಿಲು ಸೇರಿದ ಕಂದಮ್ಮ
ಸಂಚಾರಿ ಪೋಲಿಸ್ ಪುನೀತ್ ಎಂಬುವವರಿಗೆ ಹಂಚಿಕೆಯಾಗಿದ್ದ ರೂಮ್ ಅನ್ನು ಬಾರ್ ಮಾಡಿಕೊಂಡು ಕಳೆದ 15 ದಿನಗಳಿಂದ ಠಿಕಾಣಿ ಹೂಡಿ ಭರ್ಜರಿ ಎಣ್ಣೆ ಪಾರ್ಟಿ ಮಾಡುತ್ತಿದ್ದಾರೆ.
ಪೋಲಿಸ್ ಕ್ವಾಟರ್ಸ್ನಲ್ಲಿ ರೌಡಿಗಳ ಚಟುವಟಿಕೆ ನಡೆಯುತ್ತಿರುವುದು ಸುವರ್ಣನ್ಯೂಸ್ ಗೆ ಎಸ್ಪಿ ಅಭಿನವ್ ಖರೆ ಖಚಿತಪಡಿಸಿದ್ದಾರೆ.
ಈ ಮೂಲಕ ರೌಡಿಗಳ ಡೀಲ್ ಗಳಿಗೆ ಅಡ್ಡೆಯಾಗಿತ್ತಾ ಪೋಲಿಸ್ ಕ್ವಾಟರ್ಸ್ ಎನ್ನುವ ಅನುಮಾನಗಳು ವ್ಯಕ್ತವಾಗುತ್ತಿವೆ.
ಕುಖ್ಯಾತ ಪಾತಕಿಗಳು ಪೋಲಿಸ್ ಕ್ವಾಟರ್ಸ್ನಲ್ಲಿರುತ್ತಿದ್ದ ಮಾಹಿತಿ ಪಡೆದ ಎಸ್ಪಿ ಅಭಿನವ್ ಖರೆ, ಪೋಲಿಸ್ ಪೇದೇ ಮತ್ತು ಕುಖ್ಯಾತಿ ಪಾತಕಿಗಳ ಸಂಬಂಧದ ಬಗ್ಗೆ ತನಿಖೆ ನಡೆಸಲು ಎಸ್ಪಿ ಸೂಚನೆ ನೀಡಿದ್ದಾರೆ.
ಇನ್ನು ದೊಡ್ಡಪೇಟೆ ಸಿಪಿಐ ವಸಂತ ಕುಮಾರ್ , ಪಿಎಸ್ ಐಗಳಾದ ಗಿರೀಶ್ , ರವಿ ಅವರು ಕ್ವಾಟರ್ಸ್ ಪರಿಶೀಲನೆ ಮಾಡುತ್ತಿದ್ದಾರೆ.
ಕುಖ್ಯಾತ ರೌಡಿ ನವಲೆ ಅನಂದ ಇಂಟರ್ ನ್ಯಾಷನಲ್ ಡಾನ್ ಬನ್ನಂಜೆ ರಾಜನ ಸಹಚರನಾಗಿದ್ದು, ಕೋಕಾ ಅಕ್ಟ್ ಅಡಿ ಬಂಧಿತನಾಗಿ ಜೈಲಿನಲ್ಲಿದ್ದ ನವಲೆ ಅನಂದ ಇತ್ತೀಚೆಗೆ ಜಾಮೀನಿನ ಮೇಲೆ ಬಿಡುಗಡೆಯಾಗಿದ್ದ.