ಬಸವರಾಜ ಹಿರೇಮಠ
ಧಾರವಾಡ (ಫೆ.22) : ಸಮಗ್ರ ಕೃಷಿ ನೀತಿಯಲ್ಲಿ ಬಹುತೇಕ ರೈತರು ತಮ್ಮ ಸಾಂಪ್ರದಾಯಿಕ ಬೆಳೆಗಳೊಂದಿಗೆ ಮೀನು ಕೃಷಿ, ಕೋಳಿ ಸಾಕಾಣಿಕೆ, ಹೈನುಗಾರಿಕೆ, ಜೇನು ಕೃಷಿ ಅಂತಹ ಕೃಷಿ ಮಾಡುವ ಮೂಲಕ ಯಶೋಗಾಥೆ ಬರೆದಿದ್ದಾರೆ. ಆದರೆ, ಜಿಲ್ಲೆಯ ಕಲಘಟಗಿ ರೈತರೊಬ್ಬರು ಪ್ರಥಮ ಬಾರಿಗೆ ವಿನೂತನ ಏಡಿ ಕೃಷಿಯನ್ನು ಕೈಗೊಂಡಿದ್ದಾರೆ.
undefined
ಕಲಘಟಗಿ(Kalaghatagi) ತಾಲೂಕು ದುಮ್ಮವಾಡದ ಪ್ರಗತಿಪರ ರೈತ ಎಸ್‌.ಎನ್‌. ಉದ್ದನ್ನವರ(Farmer SN Uddannavar) ಎಂಬುವರ ದುಮ್ಮವಾಡ-ಜಮ್ಮಿಹಾಳ ಮಧ್ಯೆದ ಜಮೀನಿನಲ್ಲಿ ಸಚಿನ್‌ ಭೂಸದ(Sachin Boosad) ಎಂಬುವರು ಕಳೆದ ಆರು ತಿಂಗಳಿಂದ ಏಡಿ ಕೃಷಿ(Crab farming) ಕೈಗೊಂಡಿದ್ದು, ಸುತ್ತಲಿನ ಇತರ ರೈತರ ಗಮನ ಸೆಳದಿದ್ದಾರೆ. ಮೀನು, ಕೋಳಿ, ಹೈನುಗಾರಿಕೆ ಅಂತಹ ಉಪ ಕೃಷಿಗಳಿಗೆ ಹೆಚ್ಚಿನ ಬಂಡವಾಳದ ಅಗತ್ಯವಿದೆ. ಆದರೆ, ಏಡಿ ಕೃಷಿಗೆ ಹೇಳಿಕೊಳ್ಳುವ ಬಂಡವಾಳ ಬೇಕಿಲ್ಲ. ಕಡಿಮೆ ಜಾಗದಲ್ಲಿ, ಕಡಿಮೆ ಬಂಡವಾಳ ಹಾಕಿ, ಹೆಚ್ಚಿನ ಆದಾಯ ತರುವ ಏಡಿಗಳನ್ನು ಸಾಕುವ ಮೂಲಕ ರೈತರು ಆದಾಯ ದ್ವಿಗುಣಗೊಳಿಸಬಹುದು ಎಂಬುದನ್ನು ಸಚಿನ್‌ ತೋರಿಸಿಕೊಟ್ಟಿದ್ದಾರೆ.
ದಾವಣಗೆರೆ ಬಗರ್ ಹುಕುಂ ಸಾಗುವಳಿದಾರರಿಗೆ ಹಕ್ಕು ಪತ್ರ ವಿತರಿಸಲು ಒತ್ತಾಯ, ಪ್ರತಿಭಟನೆ
ವರ್ಷಕ್ಕೆ ನೂರು ಮರಿ
ಮಹಾರಾಷ್ಟ್ರದ ಲಾತೂರಿನಲ್ಲಿ ಏಡಿ ಸಾಕುವ ಕುರಿತು ಎರಡ್ಮೂರು ದಿನಗಳ ಕಾಲ ತರಬೇತಿ ಪಡೆದಿರುವ ನಾನು, ಹೊಲದ ಒಂದು ಭಾಗದಲ್ಲಿ 55*55 ಜಾಗದಲ್ಲಿ ಒಂದು ಕೊಳ ಸೃಷ್ಟಿಮಾಡಿದ್ದೇನೆ. ಅಲ್ಲಿ ಏಡಿಗಳನ್ನು ಸಾಕುತ್ತಿದ್ದು, ಮೀನು, ಚಿಕನ್‌ ವೇಸ್ಟ್‌ ಅವುಗಳಿಗೆ ಆಹಾರ. ಆರು ತಿಂಗಳ ಹಿಂದೆ ರಾಕ್‌ ಅಂಡ್‌ ಮಡ್‌ ಜಾತಿ(Rock and mud caste)ಯ 1500 ಏಡಿಗಳನ್ನು (ಶೇ. 60 ಗಂಡು, ಶೇ. 40 ಹೆಣ್ಣು) ತಂದಿದ್ದು, ಈಗ ಅವುಗಳು ಸಂತಾನೋತ್ಪತ್ತಿ ಮಾಡುತ್ತಿದ್ದು ಅವುಗಳ ಸಂಖ್ಯೆ 2000ಕ್ಕೂ ಹೆಚ್ಚಾಗಿದೆ. ಎರಡೂವರೆ ವರ್ಷ ಜೀವಿತಾವಧಿಯ ಒಂದು ಏಡಿ ವರ್ಷಕ್ಕೆ 100 ಮರಿಗಳನ್ನು ಹಾಕುತ್ತದೆ. ಈ ಪೈಕಿ ವಿವಿಧ ಕಾರಣಗಳಿಂದ 25 ರಿಂದ 30 ಏಡಿಗಳು ಮಾತ್ರ ಬದುಕುತ್ತವೆ. ಒಂದು ಏಡಿ ಅಂದಾಜು ಅರ್ಧ ಕೆಜಿ ವರೆಗೂ ತೂಗುತ್ತಿದ್ದು, ಹೋಟೆಲ್‌ ಹಾಗೂ ಮಾರುಕಟ್ಟೆಯಲ್ಲಿ ಒಂದು ಏಡಿಗೆ .250ರಿಂದ 300ರ ವರೆಗೂ ಮಾರಾಟ ಆಗುತ್ತಿವೆ ಎಂದು ಕನ್ನಡಪ್ರಭಕ್ಕೆ ಸಚಿನ್‌ ಭೂಸದ ಮಾಹಿತಿ ನೀಡಿದರು.
ಕಡಿಮೆ ವೆಚ್ಚ
ಬರೀ ಎರಡೂವರೆ ಲಕ್ಷ ವೆಚ್ಚದಲ್ಲಿ ಏಡಿ ಕೃಷಿ ಶುರು ಮಾಡಿದ್ದೇನೆ. ಮೂರು ತಿಂಗಳಿಗೊಮ್ಮೆ ಏಡಿಗಳ ಮಾರಾಟ ಮಾಡುತ್ತಿದ್ದು, ಒಂದು ವರ್ಷದ ನಂತರ ಲಾಭದ ಬಗ್ಗೆ ಸಂಪೂರ್ಣ ಮಾಹಿತಿ ಸಿಗುತ್ತದೆ. ಆದರೆ, ಏಡಿಯಲ್ಲಿ ಮನುಷ್ಯನ ದೇಹಕ್ಕೆ ಬೇಕಾದ ವಿಟಮನ್‌, ಮಿನರಲ್ಸ್‌, ಓಮೆಗಾ-3 ಇರುತ್ತದೆ. ಆರೋಗ್ಯದ ದೃಷ್ಟಿಯಿಂದ ಅತ್ಯುತ್ತಮ. ಈ ಹಿನ್ನೆಲೆಯಲ್ಲಿ ಅವಳಿ ನಗರದ ಹೋಟೆಲ್‌ಗಳು ಹಾಗೂ ಮಾರುಕಟ್ಟೆಯಲ್ಲಿ ಏಡಿಗೆ ತುಂಬ ಬೇಡಿಕೆ ಇದೆ. ಬೇರೆ ಬೇರೆ ಬೆಳೆಗಳ ಮಧ್ಯೆ ಏಡಿ ಸಾಕಾಣಿಕೆ ಲಾಭ ತರುವಲ್ಲಿ ಸಂಶಯವೇ ಇಲ್ಲ. ನೈಸರ್ಗಿಕವಾಗಿ ನದಿ, ಹಳ್ಳ-ಕೊಳ್ಳದ ರೀತಿಯಲ್ಲಿ ಏಡಿಗಳಿಗೆ ಪರಿಸರ ರಚಿಸಿಕೊಟ್ಟರೆ ಉತ್ತಮವಾಗಿ ಏಡಿ ಕೃಷಿ ಮಾಡಬಹುದು. ಹುಬ್ಬಳ್ಳಿ-ಧಾರವಾಡ ಮಾತ್ರವಲ್ಲದೇ ಮಹಾರಾಷ್ಟ್ರ, ಬೆಳಗಾವಿ, ಉತ್ತರ ಕನ್ನಡದಲ್ಲಿ ಹೆಚ್ಚಿನ ಬೇಡಿಕೆ ಇದೆ ಎಂದು ಸಚಿನ್‌ ಮಾಹಿತಿ ನೀಡಿದರು.
ಈ ಭಾಗದಲ್ಲಿ ವಿನೂತನ ಎನ್ನಿಸಿಕೊಂಡಿರುವ ಏಡಿ ಕೃಷಿಯನ್ನು ಈಗಾಗಲೇ ಸುತ್ತಲಿನ ರೈತರು ವೀಕ್ಷಣೆ ಮಾಡಿ ಹೋಗಿದ್ದಾರೆ. ಕೃಷಿ ಇಲಾಖೆ ಅಧಿಕಾರಿಗಳು ಸಹ ಏಡಿ ಕೃಷಿ ಬಗ್ಗೆ ಮಾಹಿತಿ ಪಡೆದುಕೊಂಡಿದ್ದು ಇನ್ನುಳಿದ ರೈತರು ಸಹ ಸಮಗ್ರ ಕೃಷಿಯಲ್ಲಿ ಏಡಿ ಕೃಷಿ ಸೇರಿಸಿಕೊಳ್ಳುವ ಮೂಲಕ ರೈತರ ಆದಾಯ ಹೆಚ್ಚಿಸಲು ಪ್ರಯತ್ನಗಳನ್ನು ನಡೆಸಿದ್ದಾರೆ.
ರೈತರ ಆರ್ಥಿಕ ಸ್ಥಿತಿ ಸುಧಾರಣೆಗೆ ಒತ್ತು; ಭೂ ಸಿರಿ ನೂತನ ಯೋಜನೆ ಘೋಷಣೆ
ಈಗಾಗಲೇ ಸಮಗ್ರ ನೀತಿಯಲ್ಲಿ ಹತ್ತು ಹಲವು ಉಪ ಕೃಷಿಗಳನ್ನು ಅಳವಡಿಸುವ ಮೂಲಕ ರೈತ ಆದಾಯ ಹೆಚ್ಚಿಸಲಾಗುತ್ತಿದೆ. ಇದೀಗ ಧಾರವಾಡ ಭಾಗದಲ್ಲಿ ಆರಂಭವಾಗಿರುವ ಏಡಿ ಕೃಷಿಯನ್ನು ತಾವು ವೀಕ್ಷಣೆ ಮಾಡಿದ್ದೇವೆ. ಕಡಿಮೆ ವೆಚ್ಚದಲ್ಲಿ ರೈತರು ಏಡಿ ಕೃಷಿ ಮಾಡಿ ಯಶಸ್ಸು ಗಳಿಸಬಹುದು ಎಂಬುದನ್ನು ಸಚಿನ ಭೂಸದ್‌ ತೋರಿಸಿಕೊಟ್ಟಿದ್ದಾರೆ. ಆದ್ದರಿಂದ ಸಮಗ್ರ ಕೃಷಿ ನೀತಿಯಲ್ಲಿ ಏಡಿ ಕೃಷಿಯನ್ನು ಸಹ ಅಳವಡಿಸಲು ಸರ್ಕಾರಕ್ಕೆ ಪತ್ರ ಬರೆಯಲಾಗಿದೆ.
ಡಾ.ಸುರೇಶ ಇಟ್ನಾಳ, ಜಿಪಂ ಸಿಇಒ