ಕಾರ್ಕಳದಲ್ಲಿ ಬೃಹತ್ ರಕ್ಕಸ‌ ಮಿಡತೆ ಪತ್ತೆ!

ಉತ್ತರ ಭಾರತವನ್ನು ಬಾಧಿಸುತ್ತಿರುವ ರಕ್ಕಸ ಮಿಡತೆಗಳು ಕರ್ನಾಟಕಕ್ಕೂ ಪ್ರವೇಶಿಸುವ ಆತಂಕದ ನಡುವೆ ಇದೀಗ ಕಾರ್ಕಳದ ನಗರದಲ್ಲಿ ರಕ್ಕಸ ಮಿಡತೆಯನ್ನೇ ಹೊಲುವ ಮಿಡತೆಯೊಂದು ಹವಾಲ್ದಾರ್‌ ಬೆಟ್ಟು ಪ್ರದೇಶದಲ್ಲಿ ಕಂಡು ಬಂದಿದೆ.

ಕಾರ್ಕಳ(ಮೇ 28): ಉತ್ತರ ಭಾರತವನ್ನು ಬಾಧಿಸುತ್ತಿರುವ ರಕ್ಕಸ ಮಿಡತೆಗಳು ಕರ್ನಾಟಕಕ್ಕೂ ಪ್ರವೇಶಿಸುವ ಆತಂಕದ ನಡುವೆ ಇದೀಗ ಕಾರ್ಕಳದ ನಗರದಲ್ಲಿ ರಕ್ಕಸ ಮಿಡತೆಯನ್ನೇ ಹೊಲುವ ಮಿಡತೆಯೊಂದು ಹವಾಲ್ದಾರ್‌ ಬೆಟ್ಟು ಪ್ರದೇಶದಲ್ಲಿ ಕಂಡು ಬಂದಿದೆ.

ಈ ಮಿಡತೆ ಕಂದು ಬಣ್ಣದಿಂದ ಕೂಡಿದ್ದು ಅದರ ಮೇಲು ಮೈಭಾಗ ಒಣಗಿದ ಮರದ ಎಲೆಯನ್ನು ಹೊದಿಸಿದ ರೀತಿಯಲ್ಲಿ ಕಂಡು ಬಂದಿದೆ. ಒಣಗಿದ ಪೇರಳೆ ಗಿಡದ ಎಲೆಯ ರೂಪದಲ್ಲಿ ಈ ಕೀಟ ಗೋಚರವಾಗಿದೆ.

ಅದಲ್ಲದೆ ಈ ಮಿಡತೆ ಕೀಟದ ಬಣ್ಣ ಗಾತ್ರ ಹಾಗೂ ಹಾರಾಟ ಒಂದೇ ರೀತಿಯಾಗಿದ್ದು ರಕ್ಷಸ ಮಿಡತೆಯನ್ನು ಹೋಲುತ್ತಿರುವುದರಿಂದ ಜನತೆ ಸ್ವಲ್ಪ ಮಟ್ಟದಲ್ಲಿ ಅತಂಕಕ್ಕೆ ಒಳಗಾಗಿದ್ದಾರೆ. ಇಂತಹ ಮಿಡತೆಯನ್ನು ಈ ಭಾಗದಲ್ಲಿ ಎಂದೂ ಕಂಡಿಲ್ಲ ಎಂದು ಸ್ಥಳೀಯರು ತಿಳಿಸಿದ್ದಾರೆ.