ಲೋಕಸಭೆಯಲ್ಲಿ ಭಾರೀ ಮತದೊಂದಿಗೆ ಮಹಿಳಾ ಮೀಸಲು ವಿಧೇಯಕ ಪಾಸ್‌ ಆಗಿದೆ. ಬರೋಬ್ಬರಿ 454 ಮತಗಳು ಮಹಿಳಾ ಮೀಸಲು ವಿಧೇಯಕದ ಪರವಾಗಿ ಬಿದ್ದಿದ್ದರೆ, ಕೇವಲ 2 ಮತಗಳು ಮಾತ್ರವೇ ವಿರುದ್ಧವಾಗಿ ಬಿದ್ದಿದ್ದವು.
ನವದೆಹಲಿ (ಸೆ.20): ಸಂಸತ್ತಿನ ವಿಶೇಷ ಅಧಿವೇಶನದ ಮೂರನೇ ದಿನವಾದ ಸೆಪ್ಟೆಂಬರ್ 20 ಭಾರತದ ಪಾಲಿಗೆ ಐತಿಹಾಸಿಕ ದಿನ. ಮಹಿಳಾ ಮೀಸಲಾತಿ ಮಸೂದೆ (ನಾರಿ ಶಕ್ತಿ ವಂದನ್ ಮಸೂದೆ) ಲೋಕಸಭೆಯಲ್ಲಿ ಭಾರೀ ಮತದೊಂದಿಗೆ ಅಂಗೀಕಾರವಾಗಿದೆ. ಸ್ಲಿಪ್ ಮತದಾನದಲ್ಲಿ ಮಸೂದೆಯನ್ನು ಬೆಂಬಲಿಸಿ 454 ಹಾಗೂ ವಿರುದ್ಧವಾಗಿ 2 ಮತಗಳು ಚಲಾವಣೆಯಾದವು. ಇದೀಗ ನಾಳೆ (ಗುರುವಾರ) ಈ ಮಸೂದೆಯನ್ನು ರಾಜ್ಯಸಭೆಯಲ್ಲಿ ಮಂಡಿಸಲಾಗುವುದು. ರಾಜ್ಯಸಭೆಯಲ್ಲೂ ಮಸೂದೆಗೆ ಗ್ರೀನ್‌ಸಿಗ್ನಲ್‌ ಸಿಕ್ಕ ಬಳಿಕ ರಾಷ್ಟ್ರಪತಿಗಳ ಅನುಮೋದನೆಗೆ ಹೋಗಲಿದೆ. ರಾಷ್ಟ್ರಪತಿಗಳ ಒಪ್ಪಿಗೆ ದೊರೆತ ಬಳಿಕ ಇದು ಕಾನೂನಾಗಿ ರೂಪುಗೊಳ್ಳಲಿದೆ. ಮಸೂದೆ ಮೇಲಿನ ಚರ್ಚೆಯಲ್ಲಿ 60 ಸಂಸದರು ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದರು. ಒಬಿಸಿ ಮೀಸಲಾತಿ ಇಲ್ಲದೆ ಈ ಮಸೂದೆ ಅಪೂರ್ಣ ಎಂದು ರಾಹುಲ್ ಗಾಂಧಿ ಹೇಳಿದರು. ಈ ಬಗ್ಗೆ ಮಾತನಾಡಿದ ಅಮಿತ್‌ ಶಾ, ಈ ಮೀಸಲಾತಿ ಸಾಮಾನ್ಯ, ಎಸ್‌ಸಿ ಮತ್ತು ಎಸ್‌ಟಿಗೆ ಸಮಾನವಾಗಿ ಅನ್ವಯಿಸುತ್ತದೆ. ಚುನಾವಣೆ ಮುಗಿದ ಕೂಡಲೇ ಜನಗಣತಿ ಮತ್ತು ಡಿಲಿಮಿಟೇಶನ್ ನಡೆಯಲಿದ್ದು, ಸದನದಲ್ಲಿ ಮಹಿಳೆಯರ ಪಾಲ್ಗೊಳ್ಳುವಿಕೆ ಶೀಘ್ರದಲ್ಲಿ ಹೆಚ್ಚಾಗಲಿದೆ. ಪ್ರತಿಭಟನೆಯಿಂದ ಮೀಸಲಾತಿ ಶೀಘ್ರ ಬರುವುದಿಲ್ಲ ಎಂದು ಈ ವೇಳೆ ತಿಳಿಸಿದ್ದಾರೆ.
ದೇಶವನ್ನು ನಡೆಸುತ್ತಿರುವ 90 ಕಾರ್ಯದರ್ಶಿಗಳಲ್ಲಿ ಕೇವಲ 3 ಮಂದಿ ಮಾತ್ರ ಒಬಿಸಿ. ಇದಕ್ಕೆ ಪ್ರತಿಕ್ರಿಯಿಸಿದ ಅಮಿತ್‌ ಶಾ, ರಾಹುಲ್ ಹೆಸರನ್ನು ತೆಗೆದುಕೊಳ್ಳದೆ, ದೇಶವನ್ನು ಸರ್ಕಾರ ನಡೆಸುತ್ತಿದೆಯೇ ಹೊರತು ಕಾರ್ಯದರ್ಶಿಗಳಲ್ಲ ಎಂದು ಹೇಳಿದರು. ಒಟ್ಟು ಬಿಜೆಪಿ ಸಂಸದರ ಪೈಕಿ 85 ಮಂದಿ ಒಬಿಸಿಯವರು. ಒಟ್ಟು ಬಿಜೆಪಿ ಶಾಸಕರ ಪೈಕಿ ಶೇ.27ರಷ್ಟು ಮಂದಿ ಒಬಿಸಿಗೆ ಸೇರಿದವರಾಗಿದ್ದಾರೆ. ಒಟ್ಟು ಬಿಜೆಪಿ ಎಂಎಲ್ ಸಿಗಳಲ್ಲಿ ಶೇ.40ರಷ್ಟು ಎಂಎಲ್‌ಸಿಗಳು ಓಬಿಸಿಯವರಾಗಿದ್ದಾರೆ.. ರಾಜಕೀಯಕ್ಕೆ ಬರುವ ಮುನ್ನ ನಾನು ಐಎಎಸ್ ಆಗಿದ್ದೆ ಎಂದು ಕಾನೂನು ಸಚಿವ ಅರ್ಜುನ್‌ರಾಮ್ ಮೇಘವಾಲ್ ಹೇಳಿದ್ದಾರೆ. 1992ರ ಬ್ಯಾಚ್‌ನ ಅಧಿಕಾರಿ ಕಾರ್ಯದರ್ಶಿಯಾಗಲಿದ್ದಾರೆ. ಆ ಸಮಯದಲ್ಲಿ ಯಾರ ಸರ್ಕಾರ ಇತ್ತು? ಅವರು (ರಾಹುಲ್ ಗಾಂಧಿ) ತಮ್ಮದೇ ಸರ್ಕಾರವನ್ನು ಶಪಿಸುತ್ತಿದ್ದಾರೆ.
ನಾನು ಇಲ್ಲಿ 128 ನೇ ತಿದ್ದುಪಡಿ ಸಂವಿಧಾನದ ತಿದ್ದುಪಡಿಯ ಬಗ್ಗೆ ಮಾತನಾಡಲು ನಿಂತಿದ್ದೇನೆ. ಅವರು ಈ ಮಾತು ಹೇಳುತ್ತಿದ್ದಂತೆಯೇ ಪ್ರತಿಪಕ್ಷಗಳು ಗದ್ದಲ ಎಬ್ಬಿಸತೊಡಗಿದವು. ಇದಕ್ಕೆ ಮುಗುಳ್ನಗುತ್ತಲೇ ರಾಹುಲ್ ಗಾಂಧಿ ಅವರಂತೆಯೇ ಭಯಪಡಬೇಡಿ ಎಂದು ಅಮಿತ್‌ ಶಾ ಹೇಳಿದರು. ಮಹಿಳಾ ಮೀಸಲಾತಿ ಮಸೂದೆ ಯುಗ ಪರಿವರ್ತನೆಯ ಮಸೂದೆಯಾಗಿದೆ. ನಾಳೆ ಭಾರತೀಯ ಸಂಸತ್ತಿನ ಇತಿಹಾಸದಲ್ಲಿ ಸುವರ್ಣಾಕ್ಷರಗಳಲ್ಲಿ ಬರೆಯಲ್ಪಡುತ್ತದೆ. ಮೊನ್ನೆಯಷ್ಟೇ ನೂತನ ಸದನಕಕೆ ಕಾಲಿಟ್ಟಿದ್ದೇವೆ. ನಿನ್ನೆ ಗಣೇಶ ಚತುರ್ಥಿ ಹಾಗೂ ಮೊದಲ ಬಾರಿಗೆ ಹಲವು ವರ್ಷಗಳಿಂದ ಬಾಕಿ ಉಳಿದಿರುವ ಬಿಲ್ ಪಾಸಾಗಿದೆ. ದೇಶದಲ್ಲಿ ಎಸ್‌ಸಿ-ಎಸ್‌ಟಿಗೆ ಮೀಸಲಾದ ಸ್ಥಾನಗಳ ಪೈಕಿ ಶೇ.33 ರಷ್ಟು ಮಹಿಳೆಯರಿಗೆ ಮೀಸಲಿಡಲಾಗುವುದು ಎಂದರು.
ಕೆಲವರಿಗೆ ಮಹಿಳಾ ಸಬಲೀಕರಣ ಚುನಾವಣೆ ಗೆಲ್ಲುವ ಸಮಸ್ಯೆಯಾಗಿರಬಹುದು, ಆದರೆ ನನ್ನ ಪಕ್ಷ ಮತ್ತು ನನ್ನ ನಾಯಕ ಮೋದಿಯವರಿಗೆ ಇದು ರಾಜಕೀಯದ ಸಮಸ್ಯೆಯೇ ಅಲ್ಲ. ಇದೊಂದು ಮನ್ನಣೆಯ ವಿಚಾರ ಎಂದರು. ಬಿಜೆಪಿ ಪಕ್ಷದ ಹುದ್ದೆಗಳಲ್ಲಿ ಮಹಿಳೆಯರಿಗೆ ಶೇ 33ರಷ್ಟು ಮೀಸಲಾತಿ ಕಲ್ಪಿಸಿದವರು ಮೋದಿ ಎಂದು ತಿಳಿಸಿದರು. ಸಿಎಂ ಆಗಿ ಹಲವು ವರ್ಷಗಳ ಕಾಲ ಸೇವೆ ಮಾಡಿದ ಬಳಿಕ ಮೋದಿ ಅವರನ್ನು ಪ್ರಧಾನಿ ಮಾಡಿದ್ದು ಈ ಜನ. ಅಂದಾಜು 30 ವರ್ಷಗಳ ಬಳಿಕ ಪೂರ್ಣ ಬಹುಮತದೊಂದಿಗೆ ಕೇಂದ್ರದಲ್ಲಿ ಸರ್ಕಾರ ಬಂದಿದೆ. ಈ ವೇಳೆ ಸಿಎಂ ಸ್ಥಾನಕ್ಕೆ ರಾಜೀನಾಮೆ ನೀಡಿದ ಮೋದಿ ತಮ್ಮ ಖಾತೆಯಲ್ಲಿದ್ದ ಹಣವನ್ನು ಕ್ಲಾಸ್‌ 3 ನೌಕರರು ಮತ್ತು ಪುತ್ರಿಯರ ಖಾತೆಗಳಿಗೆ ಹಾಕಿದ್ದರು ಎಂದು ತಿಳಿಸಿದರು.
ಮಹಿಳಾ ಮೀಸಲು ಕಾಂಗ್ರೆಸ್, ಯುಪಿಎ ಪ್ರಯತ್ನಕ್ಕೆ ಸಂದ ಜಯ: ಶಾಸಕ ದೇಶಪಾಂಡೆ
ಈ ಸಾಂವಿಧಾನಿಕ ತಿದ್ದುಪಡಿಯು ಮೊದಲ ಬಾರಿಗೆ ಬಂದಿಲ್ಲ. ದೇವೇಗೌಡರಿಂದ ಹಿಡಿದು ಮನಮೋಹನ್ ವರೆಗೆ ನಾಲ್ಕು ಪ್ರಯತ್ನಗಳು ನಡೆದಿವೆ. ಆದರೆ, ಸಫಲವಾಗಿರಲಿಲ್ಲ. ಮೊದಲನೆಯದಾಗಿ 1996ರ ಸೆಪ್ಟೆಂಬರ್ 12ರಂದು ಪ್ರಧಾನಿ ಎಚ್.ಡಿ.ದೇವೇಗೌಡರ ಕಾಲದಲ್ಲಿ ಈ ಕುರಿತ ಸಂವಿಧಾನ ತಿದ್ದುಪಡಿ ಬಂದಿತ್ತು. ಈ ವೇಳೆ ಕಾಂಗ್ರೆಸ್ ವಿರೋಧ ಪಕ್ಷವಾಗಿತ್ತು. ಮಸೂದೆಯನ್ನು ಸದನದಲ್ಲಿ ಇರಿಸಿದ ನಂತರ ಅದನ್ನು ಗೀತಾ ಮುಖರ್ಜಿ ನೇತೃತ್ವದ ಸಮಿತಿಗೆ ನೀಡಲಾಯಿತು, ಆದರೆ ಮಸೂದೆ ಸದನವನ್ನು ತಲುಪಲು ಸಾಧ್ಯವಾಗಲಿಲ್ಲ.
ಮೊಬೈಲ್‌ನಲ್ಲಿ ಅಶ್ಲೀಲ ವಿಡಿಯೋ ನೋಡುತ್ತಿದ್ದ ಪ್ರಭಾವ, 7 ವರ್ಷದ ಬಾಲಕನಿಂದ 5 ವರ್ಷದ ಬಾಲಕಿಯ ರೇಪ್‌