* ಇಂದ್ರಾಣಿ ಬ್ಯಾನರ್ಜಿಗೆ ಸುಪ್ರೀಂ ಕೋರ್ಟ್‌ನಿಂದ ಬುಧವಾರ ಜಾಮೀನು
* ಇಂದ್ರಾಣಿ ಪರವಾಗಿ ಮುಕುಲ್ ರೋಹಟಗಿ ವಾದ
* ಆರೂವರೆ ವರ್ಷಗಳಿಂದ ಜೈಲಿನಲ್ಲಿದ್ದ ಇಂದ್ರಾಣಿ
ನವದೆಹಲಿ(ಮೇ.18): ಇಂದ್ರಾಣಿ ಬ್ಯಾನರ್ಜಿ ಅವರು ಸುಪ್ರೀಂ ಕೋರ್ಟ್‌ನಿಂದ ಬುಧವಾರ ಜಾಮೀನು ಪಡೆದಿದ್ದಾರೆ. ಇಂದ್ರಾಣಿ ಪರವಾಗಿ ಮುಕುಲ್ ರೋಹಟಗಿ ವಾದ ಮಂಡಿಸಿದ್ದರು. ರೋಹಟಗಿ ತಮ್ಮ ವಾದದಲ್ಲಿ ಇಂದ್ರಾಣಿ ಕಳೆದ ಆರೂವರೆ ವರ್ಷಗಳಿಂದ ಜೈಲಿನಲ್ಲಿದ್ದಾರೆ. ಇದರ ಆಧಾರದ ಮೇಲೆ ಅವರಿಗೆ ಜಾಮೀನು ನೀಡಬೇಕು. ಬಹುತೇಕ ಇದೇ ಅವಧಿಗೆ ವಿಚಾರಣೆಯೂ ನಡೆಯುತ್ತಿದ್ದು, ಸದ್ಯ ಅದು ಶೀಘ್ರ ಇತ್ಯರ್ಥವಾಗುವ ನಿರೀಕ್ಷೆ ಇಲ್ಲ. ಹೀಗಾಗಿ ಅವರಿಂದ ಜೈಲಿನಿಂದ ಹೊರಗೆ ತರಬೇಕು ಎಂದು ಉಲ್ಲೇಖಿಸಿದ್ದಾರೆ. ಇದಾದ ಬಳಿಕ ನ್ಯಾಯಾಲಯವು ಆರೂವರೆ ವರ್ಷಗಳ ವಿಷಯವನ್ನು ಆಧಾರವಾಗಿ ಪರಿಗಣಿಸಿ ತೀರ್ಪು ನೀಡಿ ಇಂದ್ರಾಣಿಗೆ ಜಾಮೀನು ನೀಡಿದೆ.
ವಾಸ್ತವವಾಗಿ, ಇಂದ್ರಾಣಿ ಬ್ಯಾನರ್ಜಿ ತನ್ನ ಮಗಳು ಶೀನಾ ಬೋರಾಳನ್ನು ಹತ್ತು ವರ್ಷಗಳ ಹಿಂದೆ ಅಂದರೆ 2012 ರಲ್ಲಿ ಕೊಂದ ಆರೋಪ ಹೊತ್ತಿದ್ದಾರೆ. ಇಂದ್ರಾಣಿಯ ಚಾಲಕ ಈ ವಿಷಯವನ್ನು ಬಹಿರಂಗಪಡಿಸಿದ್ದರು, ಬಳಿಕ ಆಕೆಯನ್ನು ಬಂಧಿಸಲಾಯಿತು ಮತ್ತು ಅಂದಿನಿಂದ ಅವರು ಜೈಲಿನಲ್ಲಿದ್ದರು. ಈ ಬಗ್ಗೆ ಸಿಬಿಐ ತನಿಖೆ ನಡೆಸುತ್ತಿದೆ.
Supreme Court grants bail to Indrani Mukherjea, prime accused in Sheena Bora murder case.
— ANI (@ANI)ಶೀನಾ ಜೀವಂತವಾಗಿದ್ದು ಕಾಶ್ಮೀರದಲ್ಲಿ ವಾಸಿಸುತ್ತಿದ್ದಾರೆ!
ಇದಕ್ಕೂ ಮೊದಲು ಇಂದ್ರಾಣಿ ಮುಖರ್ಜಿಯವರು 2021 ರ ಡಿಸೆಂಬರ್ 16 ರಂದು ಶೀನಾ ಬೋರಾ ಕೊಲೆ ಪ್ರಕರಣದಲ್ಲಿ ತನ್ನ ಮಗಳು ಶೀನಾ ಜೀವಂತವಾಗಿದ್ದಾಳೆ ಎಂದು ಹೇಳಿದ್ದರು. ಅವರ ಮಾತು ಕೇಳಿ ಎಲ್ಲರೂ ಬೆಚ್ಚಿಬಿದ್ದಿದ್ದರು. ಶೀನಾ ಸದ್ಯ ಕಾಶ್ಮೀರದಲ್ಲಿದ್ದಾರೆ ಎಂದು ಇಂದ್ರಾಣಿ ಹೇಳಿದ್ದರು. ಆದರೆ, ಆ ವೇಳೆಗಾಗಲೇ ಶೀನಾ ಪ್ರಕರಣದಲ್ಲಿ ಹಲವು ವಿಚಾರಗಳು ಬಹಿರಂಗೊಂಡಿದ್ದರು. ಮುಂಬೈನ ಭಯಖಾಲಾ ಜೈಲಿನಲ್ಲಿ ಮಹಿಳೆಯೊಬ್ಬರನ್ನು ಭೇಟಿಯಾಗಿದ್ದಾಗಿ ಇಂದ್ರಾಣಿ ಪ್ರಕರಣದ ತನಿಖೆ ನಡೆಸುವಂತೆ ಸಿಬಿಐಗೆ ಪತ್ರ ಬರೆದಿದ್ದರು. ಶೀನಾ ಕಾಶ್ಮೀರದಲ್ಲಿದ್ದು, ಬದುಕಿದ್ದಾಳೆ ಎಂದು ಮಹಿಳೆ ಇಂದ್ರಾಣಿಗೆ ಹೇಳಿದ್ದಳು. ಶೀನಾಳನ್ನು ಭೇಟಿಯಾಗಿದ್ದಾಗಿ ಮಹಿಳೆಯೇ ಹೇಳಿಕೊಂಡಿದ್ದಾರೆ. ಇದಾದ ನಂತರ ಇಂದ್ರಾಣಿ ಅವರು ಶೀನಾ ಅವರನ್ನು ಕಾಶ್ಮೀರದಲ್ಲಿ ಶೋಧಿಸಬೇಕು ಎಂದು ಸಿಬಿಐಗೆ ಮನವಿ ಮಾಡಿದ್ದರು.
ಏನಿದು ಪ್ರಕರಣ?
2015 ರಲ್ಲಿ ಒಬ್ಬ ವ್ಯಕ್ತಿಯನ್ನು ಮುಂಬೈ ಪೊಲೀಸರು ಬಂಧಿಸಿದ್ದರು. ಪರವಾನಗಿ ಇಲ್ಲದ ಪಿಸ್ತೂಲ್ ಹೊಂದಿದ್ದ ಆರೋಪ ಅವರ ಮೇಲಿತ್ತು. ಆತನನ್ನು ಬಂಧಿಸಿದ ಬಳಿಕ ವಿಚಾರಣೆ ನಡೆಸಿದಾಗ 2012ರಲ್ಲಿ ಯುವತಿಯನ್ನು ಕೊಂದಿದ್ದಾಗಿ ಆತ ತಪ್ಪೊಪ್ಪಿಕೊಂಡಿದ್ದಾನೆ. ಇದರಲ್ಲಿ ಅವರ ತಾಯಿಯೂ ಭಾಗಿಯಾಗಿದ್ದರು. ಈ ವ್ಯಕ್ತಿ ಇಂದ್ರಾಣಿ ಮುಖರ್ಜಿ ಅವರ ಚಾಲಕ ಮತ್ತು ಕೊಲೆಯಾದ ಹುಡುಗಿ ಇಂದ್ರಾಣಿ ಅವರ ಮಗಳು ಶೀನಾ ಎಂದು ನಂತರ ತಿಳಿದುಬಂದಿದೆ. ಶೀನಾ 2012 ರಿಂದ ನಾಪತ್ತೆಯಾಗಿದ್ದು, ಆಕೆಯ ನಾಪತ್ತೆ ವರದಿಯನ್ನು ಸಲ್ಲಿಸಲಾಗಿಲ್ಲ. ಶೀನಾ ಬೋರಾ ಇಂದ್ರಾಣಿ ಮುಖರ್ಜಿ ಮತ್ತು ಅವರ ಮೊದಲ ಪತಿ ಸಿದ್ಧಾರ್ಥ್ ದಾಸ್ ಅವರ ಮಗಳು ಎಂಬುವುದು ಉಲ್ಲೇಖನೀಯ.
ಸಂಬಂಧಗಳ ಜಾಲ
ಇಂದ್ರಾಣಿಯ ಎರಡನೇ ಗಂಡನ ಹೆಸರು ಪೀಟರ್ ಮುಖರ್ಜಿ. ಪೀಟರ್ ಅವರ ಮೊದಲ ಪತ್ನಿಯ ಮಗ ರಾಹುಲ್ ಮತ್ತು ಶೀನಾ ಪರಸ್ಪರ ಪ್ರೀತಿಸುತ್ತಿದ್ದು, ಮದುವೆಯಾಗಲು ಬಯಸಿದ್ದರು. ಇಂದ್ರಾಣಿ ಮತ್ತು ಪೀಟರ್ ಇಬ್ಬರೂ ಸಂಬಂಧದಲ್ಲಿ ಸಂತೋಷವಾಗಿರಲಿಲ್ಲ ಎಂದು ಹೇಳಲಾಗಿದೆ. ಈ ವಿಚಾರವಾಗಿ ಅವರ ನಡುವೆ ಆಗಾಗ ಜಗಳ ನಡೆಯುತ್ತಿತ್ತು. ಕೆಲವು ದಿನಗಳ ನಂತರ ಶೀನಾ ಬೋರಾ ನಾಪತ್ತೆಯಾಗಿದ್ದಳು.