ಬೀಟಿಂಗ್‌ ರೀಟ್ರೀಟ್‌: ವಂದೇ ಮಾತರಂ ಹಾಡಿನೊಂದಿಗೆ ಮುಕ್ತಾಯ?

ಈ ಬಾರಿ ವಂದೇ ಮಾತರಂ ಹಾಡಿನೊಂದಿಗೆ ಬೀಟಿಂಗ್‌ ರೀಟ್ರೀಟ್‌ ಮುಕ್ತಾಯ?|  ಮಹಾತ್ಮ ಗಾಂಧೀಜಿಗೆ ಇಷ್ಟವಾದ ‘ಅಬೈಟ್‌ ವಿತ್‌ ಮಿ’ ಎಂಬ ಹಾಡಿನೊಂದಿಗೆ ಮುಕ್ತಾಯವಾಗುತ್ತಿತ್ತು

ನವದೆಹಲಿ[ಜ.14]: ಜ.29ರಂದು ವಿಜಯ್‌ ಚೌಕ್‌ನಲ್ಲಿ ನಡೆಯಲಿರುವ ಬೀಟಿಂಗ್‌ ರೀಟ್ರೀಟ್‌ (ಗಣರಾಜ್ಯೋತ್ಸವಕ್ಕೆ ಆಗಮಿಸಿದ ಸೇನಾ ಪಡೆಗಳಿಗೆ ಬೀಳ್ಕೊಡುಗೆ) ಸಮಾರಂಭವನ್ನು ಈ ಬಾರಿ ‘ವಂದೇ ಮಾತರಂ’ ಗೀತೆಯೊಂದಿಗೆ ಮುಕ್ತಾಯಗೊಳಿಸುವ ಸಾಧ್ಯತೆ ಇದೆ.

ಸಾಮಾನ್ಯವಾಗಿ ಮಹಾತ್ಮ ಗಾಂಧೀಜಿಗೆ ಇಷ್ಟವಾದ ‘ಅಬೈಟ್‌ ವಿತ್‌ ಮಿ’ ಎಂಬ ಇಂಗ್ಲಿಷ್‌ ಹಾಡಿನೊಂದಿಗೆ ಸಾಂಪ್ರದಾಯಿಕ ಕಾರ್ಯಕ್ರಮವನ್ನು ಮುಕ್ತಾಯ ಮಾಡಲಾಗುತ್ತಿತ್ತು. ಕಳೆದ ವರ್ಷದ ಸಮಾರಂಭದಲ್ಲಿ ಕೇವಲ ಪಾಶ್ಚಾತ್ಯ ಸಂಗೀತ ನುಡಿಸಲಾಗಿತ್ತು.

ಹೀಗಾಗಿ ಈ ಬಾರಿ ದೇಶೀಯ ಸೊಗಡು ಮತ್ತು ದೇಶಭಕ್ತಿಯ ಭಾವನೆ ಮೂಡಿಸಲು ಸಮಾರಂಭವನ್ನು ವಂದೇ ಮಾತರಂ ಹಾಡಿನೊಂದಿಗೆ ಮುಕ್ತಾಯ ಮಾಡಲು ಉದ್ದೇಶಿಸಲಾಗಿದೆ ಎಂದು ಮೂಲಗಳು ತಿಳಿಸಿವೆ.