ನವದೆಹಲಿ(ಜು.14): ಭಾರತದಲ್ಲಿನ ಅಭಿವೃದ್ಧಿ ಕಾರ್ಯ, ಯೋಜನೆಗಳಲ್ಲಿ ಮಹತ್ತರ ಬದಲಾವಣೆಯಿಂದ ದೇಶದ ಜನರಿಗೆ ಅತ್ಯಾಧುನಿಕ, ವಿಶ್ವ ದರ್ಜೆ ಸೌಲಭ್ಯ ಹೊಂದಿರುವ ಸೇವೆಗಳು ಸಿಗುತ್ತಿವೆ. ಇದೀಗ ಪ್ರಧಾನಿ ನರೇಂದ್ರ ಮೋದಿ ಜುಲೈ 16 ರಂದು ಉದ್ಘಾಟಿಸಲಿರುವ ಗುಜರಾತ್ ರೈಲು ನಿಲ್ದಾಣ ಕೂಡ ಸೇರಿವೆ.
ಇದು ಸಿಂಗಾಪುರದ ಅಂಡರ್ ವಾಟರ್ ವರ್ಲ್ಡ್ ಅಲ್ಲ; ಬೆಂಗಳೂರಿನ ಅತ್ಯಾಕರ್ಷಕ ರೈಲು ನಿಲ್ದಾಣ!
ಜುಲೈ 16 ರಂದು ವಿಡಿಯೋ ಕಾನ್ಫರೆನ್ಸಿಂಗ್ ಮೂಲಕ ಗುಜರಾತ್‌ನಲ್ಲಿ ರೈಲ್ವೆಯ ಹಲವಾರು ಪ್ರಮುಖ ಯೋಜನೆಗಳನ್ನು ಉದ್ಘಾಟಿಸಿ ರಾಷ್ಟ್ರಕ್ಕೆ ಅರ್ಪಿಸಲಿದ್ದಾರೆ. ಈ ಸಂದರ್ಭದಲ್ಲಿ ಅವರು ಅಕ್ವಾಟಿಕ್ಸ್ ಮತ್ತು ರೊಬೊಟಿಕ್ಸ್ ಗ್ಯಾಲರಿ ಮತ್ತು ಗುಜರಾತ್ ಸೈನ್ಸ್ ಸಿಟಿಯಲ್ಲಿನ ನೇಚರ್ ಪಾರ್ಕ್ ಅನ್ನು ಉದ್ಘಾಟಿಸಲಿದ್ದಾರೆ.
ಗಾಂಧಿನಗರದ ರಾಜಧಾನಿ ರೈಲು ನಿಲ್ದಾಣವನ್ನು ಅಂತಾರಾಷ್ಟ್ರೀಯ ಮಟ್ಟಕ್ಕೆ ಏರಿಸಲಾಗಿದೆ. ಈ ನಿಲ್ದಾಣದ ಉದ್ಘಾಟನೆ ಜೊತೆಗೆ ಮೋದಿ, ಗಾಂಧಿನಗರ ಕ್ಯಾಪಿಟಲ್ - ವಾರಣಾಸಿ ಸೂಪರ್‌ಫಾಸ್ಟ್ ಎಕ್ಸ್‌ಪ್ರೆಸ್ ಮತ್ತು ಗಾಂಧಿನಗರ ಕ್ಯಾಪಿಟಲ್ ಮತ್ತು ವಾರೆಥಾ ನಡುವಿನ ಮೆಮು ಸೇವಾ ರೈಲಿಗೆ ಹಸಿರು ನಿಶಾನೆ ನೀಡಲಿದ್ದಾರೆ.
ಮೋದಿ ಉದ್ಘಾಟಿಸಲಿದ್ದಾರೆ ಭಾರತ- ಜಪಾನ್‌ ಸ್ನೇಹದ ಪ್ರತೀಕ 'ರುದ್ರಾಕ್ಷ'!
ಗಾಂಧಿನಗರ ರಾಜಧಾನಿ ರೈಲ್ವೆ ನಿಲ್ದಾಣದ ಪುನರಾಭಿವೃದ್ಧಿ
ಗಾಂಧಿನಗರ ರಾಜಧಾನಿ ರೈಲ್ವೆ ನಿಲ್ದಾಣದ ನವೀಕರಣವನ್ನು 71 ಕೋಟಿ ರೂ ವೆಚ್ಚದಲ್ಲಿ ಆಧುನೀಕರಣ ಗೊಳಿಸಲಾಗಿದೆ. ವಿಮಾನ ನಿಲ್ದಾಣಗಳಿಗೆ ಸಮನಾಗಿ ಈ ನಿಲ್ದಾಣಕ್ಕೆ ವಿಶ್ವ ದರ್ಜೆಯ ಸೌಲಭ್ಯಗಳನ್ನು ಒದಗಿಸಲಾಗಿದೆ. ವಿಶೇಷ ಟಿಕೆಟ್ ಬುಕಿಂಗ್ ಕೌಂಟರ್, ಲಿಫ್ಟ್‌ಗಳು, ಮೀಸಲಾದ ಪಾರ್ಕಿಂಗ್ ಸ್ಥಳ ಸೇರಿದಂತೆ ಹಲವು ಸೌಲಭ್ಯ ಕಲ್ಪಿಸಲಾಗಿದೆ.
ದಿವ್ಯಾಂಗ ಸ್ನೇಹಿ ನಿಲ್ದಾಣವನ್ನಾಗಿ ಮಾಡಲು ವಿಶೇಷ ಕಾಳಜಿ ವಹಿಸಲಾಗಿದೆ. ಸಂಪೂರ್ಣ ಕಟ್ಟಡವನ್ನು ವಿನ್ಯಾಸಗೊಳಿಸಲಾಗಿದೆ ಮತ್ತು ಗ್ರೀನ್ ಬಿಲ್ಡಿಂಗ್ ರೇಟಿಂಗ್ ವೈಶಿಷ್ಟ್ಯಗಳನ್ನು ಒದಗಿಸಲಾಗಿದೆ. ಮುಂಭಾಗವು 32 ಥೀಮ್‌ಲೈಟ್, ದೈನಂದಿನ ಥೀಮ್ ಆಧಾರಿತ ಬೆಳಕನ್ನು ಹೊಂದಿರುತ್ತದೆ. ನಿಲ್ದಾಣವು ಪಂಚತಾರಾ ಹೋಟೆಲ್ ಅನ್ನು ಸಹ ಹೊಂದಿರುತ್ತದೆ.
55 ಕಿ.ಮೀ ದೂರದಲ್ಲಿರುವ ಮಹೇಶನ - ವಾರೆಥಾ ಗೇಜ್ ಪರಿವರ್ತನೆ 293 ಕೋಟಿ ರೂ.ಗಳ ವೆಚ್ಚದಲ್ಲಿ ವಿದ್ಯುದೀಕರಣ ಮಾಡಲಾಗಿದೆ. ಇದರಲ್ಲಿ 74 ಕೋಟಿ ರೂಪಾಯಿ ವೆಚ್ಚದ ಹತ್ತು ನಿಲ್ದಾಣಗಳು ಹೊಂದಿದೆ. ವಿಷ್ಣಗರ, ವಡ್ನಗರ, ಖೇರಲು ಮತ್ತು ವಾರೆಥಾ ನಾಲ್ದು ಆಧುನೀಕರಣ ನಿಲ್ದಾಣ ಒಳಗೊಂಡಿದೆ.
ಜುಲೈ 15 ರಂದು ವಾರಣಾಸಿಗೆ ಪ್ರಧಾನಿ ಮೋದಿ ಭೇಟಿ; 1,500 ಕೋಟಿ ರೂ. ಯೋಜನೆ ಉದ್ಘಾಟನೆ!
ಸುರೇಂದ್ರನಗರದ ಪಿಪಾವ್ ವಿಭಾಗ ವಿದ್ಯುದ್ದೀಕರಣ
ಸುರೇಂದ್ರನಗರದ ಪಿಪಾವ್ ವಿಭಾಗ ವಿದ್ಯುದ್ದೀಕರಣ ಒಟ್ಟು 289 ಕೋಟಿ ವೆಚ್ಚದಲ್ಲಿ ಯೋಜನೆ ಪೂರ್ಣಗೊಂಡಿದೆ. ಈ ಯೋಜನೆಯು ಪಾಲನ್ಪುರ್, ಅಹಮದಾಬಾದ್ ಮತ್ತು ದೇಶದ ಇತರ ಭಾಗಗಳಿಂದ ಪಿಪಾವವ್ ಬಂದರಿನವರೆಗೆ ತಡೆರಹಿತ ಸರಕು ಸಾಗಣೆಯನ್ನು ಒದಗಿಸುತ್ತದೆ.
ಅಕ್ವಾಟಿಕ್ಸ್ ಗ್ಯಾಲರಿ
ಅತ್ಯಾಧುನಿಕ ಸಾರ್ವಜನಿಕ ಅಕ್ವಾಟಿಕ್ಸ್ ಗ್ಯಾಲರಿಯು ವಿಶ್ವದ ವಿವಿಧ ಪ್ರದೇಶಗಳಿಗೆ ಸೇರಿದ ಜಲವಾಸಿ ಪ್ರಭೇದಗಳಿಗೆ ಮೀಸಲಾಗಿರುವ ವಿವಿಧ ಟ್ಯಾಂಕ್‌ಗಳನ್ನು ಒಳಗೊಂಡಿದೆ. 28 ಮೀಟರ್ ಅನನ್ಯ ವಾಕ್ ವೇ ಸುರಂಗ ಮಾರ್ಗವೂ ಇದ್ದು, ಅನನ್ಯ ಅನುಭವವನ್ನು ನೀಡುತ್ತದೆ.
ರೊಬೊಟಿಕ್ಸ್ ಗ್ಯಾಲರಿ
ರೊಬೊಟಿಕ್ಸ್ ಗ್ಯಾಲರಿ ರೋಬಾಟಿಕ್ ತಂತ್ರಜ್ಞಾನಗಳ ಗಡಿನಾಡುಗಳನ್ನು ಪ್ರದರ್ಶಿಸುವ ಸಂವಾದಾತ್ಮಕ ಗ್ಯಾಲರಿಯಾಗಿದೆ. ಪ್ರವೇಶದ್ವಾರದಲ್ಲಿ ಟ್ರಾನ್ಸ್‌ಫಾರ್ಮರ್ ರೋಬೋಟ್‌ನ ದೈತ್ಯ ಪ್ರತಿಕೃತಿ ಇದೆ. ಗ್ಯಾಲರಿಯಲ್ಲಿನ ಒಂದು ವಿಶಿಷ್ಟ ಆಕರ್ಷಣೆಯೆಂದರೆ ಸ್ವಾಗತ ಹುಮನಾಯ್ಡ್ ರೋಬೋಟ್. ಇದು ಸಂದರ್ಶಕರೊಂದಿಗೆ ಸಂತೋಷ, ಆಶ್ಚರ್ಯ ಮತ್ತು ಉತ್ಸಾಹದಂತಹ ಭಾವನೆಗಳನ್ನು ವ್ಯಕ್ತಪಡಿಸುತ್ತದೆ. ವಿವಿಧ ಕ್ಷೇತ್ರಗಳ ರೋಬೋಟ್‌ಗಳನ್ನು ಗ್ಯಾಲರಿಯ ವಿವಿಧ ಮಹಡಿಗಳಲ್ಲಿ ಇರಿಸಲಾಗಿದೆ.
ನೇಚರ್ ಪಾರ್ಕ್
ಮಿಸ್ಟ್ ಗಾರ್ಡನ್, ಚೆಸ್ ಗಾರ್ಡನ್, ಸೆಲ್ಫಿ ಪಾಯಿಂಟ್ಸ್, ಹೊರಾಂಗಣ ಮುಂತಾದ ಹಲವಾರು ಆಕರ್ಷಕ ವೈಶಿಷ್ಟ್ಯಗಳನ್ನು ಈ ಪಾರ್ಕ್ ಒಳಗೊಂಡಿದೆ. ಇದು ಮಕ್ಕಳಿಗಾಗಿ ವಿನ್ಯಾಸಗೊಳಿಸಲಾದ ಆಸಕ್ತಿದಾಯಕ ಚಕ್ರವ್ಯೂಹಗಳನ್ನು ಸಹ ಒಳಗೊಂಡಿದೆ. ಈ ಉದ್ಯಾನದಲ್ಲಿ ಅಳಿದುಳಿದ ಪ್ರಾಣಿಗಳ ವಿವಿಧ ಶಿಲ್ಪಗಳಾದ ಮ್ಯಾಮತ್, ಟೆರರ್ ಬರ್ಡ್, ಸಬೆರ್ ಟೂತ್ ಸಿಂಹವು ವೈಜ್ಞಾನಿಕ ಮಾಹಿತಿಯೊಂದಿಗೆ ತುಂಬಿದೆ.