ಕೋವಿಡ್‌ ಚಿಕಿತ್ಸೆ, ಲಸಿಕೆಗೆ ಪೇಟೆಂಟ್‌ ಬೇಡ: ಮೋದಿ

* ಕೋವಿಡ್‌ ಚಿಕಿತ್ಸೆ, ಲಸಿಕೆಗೆ ಪೇಟೆಂಟ್‌ ಬೇಡ: ಮೋದಿ * ಭಾರತದ ಗೊತ್ತುವಳಿ ಬೆಂಬಲಿಸಿ: ಜಿ-7ಗೆ ಕರೆ * ಒಂದು ಭೂಮಿ, ಒಂದು ಆರೋಗ್ಯ: ವಿಶ್ವಕ್ಕೆ ‘ಮೋದಿ ಮಂತ್ರ’

ನವದೆಹಲಿ(ಜೂ.13): ಕೊರೋನಾ ಸಂಬಂಧೀ ತಂತ್ರಜ್ಞಾನದ (ಲಸಿಕೆ, ಚಿಕಿತ್ಸೆ ಸೇರಿದಂತೆ) ಮೇಲೆ ಬೌದ್ಧಿಕ ಹಕ್ಕು ಹೊಂದುವುದನ್ನು ವಿರೋಧಿಸಿ ಭಾರತವು ವಿಶ್ವ ವ್ಯಾಪಾರ ಸಂಸ್ಥೆಯಲ್ಲಿ ಮಂಡಿಸಿದ ಗೊತ್ತುವಳಿ ಬೆಂಬಲಿಸಬೇಕು ಎಂದು ಜಿ-7 ದೇಶ ಪ್ರಧಾನಿ ನರೇಂದ್ರ ಮೋದಿ ಕೋರಿದ್ದಾರೆ. ಅಲ್ಲದೆ, ‘ಒಂದು ಭೂಮಿ-ಒಂದು ಆರೋಗ್ಯ’ ಇದು ನಮ್ಮ ಮಂತ್ರವಾಗಬೇಕು ಎಂದು ಕರೆ ನೀಡಿದ್ದಾರೆ.

ಜಿ-7 ದೇಶಗಳ ಶೃಂಗಸಭೆಯಲ್ಲಿ ಅತಿಥಿ ರಾಷ್ಟ್ರವಾಗಿ ಭಾರತಕ್ಕೆ ಬಂದಿದ್ದ ಆಹ್ವಾನ ಮನ್ನಿಸಿ ವರ್ಚುವಲ್‌ ಭಾಷಣ ಮಾಡಿದ ಮೋದಿ, ‘ಜಗತ್ತಿನ ಆರೋಗ್ಯ ಸುಧಾರಣೆ ಆಗಬೇಕು ಹಾಗೂ ಮುಂಬರುವ ಪಿಡುಗುಗಳು ದೂರ ಆಗಬೇಕು ಎಂದರೆ ಎಲ್ಲ ದೇಶಗಳ ಸಂಘಟಿತ ಪ್ರಯತ್ನ ಇರಬೇಕು.

ಈ ನಿಟ್ಟಿನಲ್ಲಿ ಭಾರತಕ್ಕೆ ಇತ್ತೀಚಿನ ಕೊರೋನಾದ 2ನೇ ಅಲೆಯಲ್ಲಿ ಜಿ-7 ನೀಡಿದ ಬೆಂಬಲವೇ ಸಾಕ್ಷಿ. ಒಂದು ಭೂಮಿ-ಒಂದು ಆರೋಗ್ಯ ಎಂಬ ಸಂದೇಶವನ್ನು ಇಂದಿನ ಸಭೆ ನೀಡಬೇಕು’ ಎಂದು ಪ್ರಶಂಸಿಸಿದರು.