ಇ-ಕಾಮರ್ಸ್ ಕಂಪನಿಗಳು ಕೋವಿಡ್ -19 ಕಾಯಿಲೆಗೆ ಮತ್ತು ಆರೋಗ್ಯ ನಿರ್ವಹಣೆಗೆ ಸಂಬಂಧಿಸಿದ ವಸ್ತುಗಳು ಮಾರಾಟದಲ್ಲಿ ಗಣನೀಯ ಹೆಚ್ಚಳವಾಗಿದೆ ಎಂದು ತಿಳಿಸಿವೆ. ಭಾರತದಾದ್ಯಂತ ಹರಡುತ್ತಿರುವ ಮೂರನೇ ಕೋವಿಡ್-19 ಅಲೆಯೊಂದಿಗೆ ಬೇಡಿಕೆಯಲ್ಲಿರುವ ಎಲ್ಲಾ ವಸ್ತುಗಳ ಡಿಟೇಲ್ಸ್‌ ಇಲ್ಲಿದೆ.
Tech Desk: ಭಾರತದಲ್ಲಿ ಕೊರೋನಾ ಪಾಸಿಟಿವ್‌ (Covid 19) ಪ್ರಕರಣಗಳ ಸಂಖ್ಯೆ ದಿನದಿಂದ ದಿನಕ್ಕೆ ಏರುತ್ತಿದ್ದೆ. ಅಲ್ಲದೇ ಕೋವಿಡ್‌ನ ರೂಪಾಂತರಿ ಒಮಿಕ್ರೋನ್‌ ಪ್ರಕರಣಗಳ ಸಂಖ್ಯೆ ಭಾರತದಲ್ಲಿ 4000 ಗಡಿ ದಾಟಿದೆ. ಈ ಬೆನ್ನಲ್ಲೇ ಬಹುತೇಕ ರಾಜ್ಯ ಸರ್ಕಾರಗಳು ಈಗಾಗಳೆ ನೈಟ್‌ಕರ್ಫ್ಯೂ, ವಿಕೇಂಡ್‌ ಕರ್ಫ್ಯೂನಂತಹ ಕ್ರಮಗಳನ್ನು ಜಾರಿಗೊಳಿಸಿವೆ. ಈಗಾಗಳೆ ಕೋವಿಡ್ ಮೊದಲನೇ ಮತ್ತು ಎರಡನೇ ಅಲೆಯ ಅನುಭವ ಹೊಂದಿರುವ ಜನಸಾಮಾನ್ಯರಿಗೆ ಕೋವಿಡ್ ಮೂರನೇ ಅಲೆಯ ಭೀತಿ ಕಾಡುತ್ತಿದೆ. ಹೀಗಾಗಿ ಭಾರತದಲ್ಲಿ ಕೋವಿಡ್-19 ರ ಹೊಸ ಓಮಿಕ್ರಾನ್ ರೂಪಾಂತರದ ಹರಡುವಿಕೆಯೊಂದಿಗೆ, ಆಕ್ಸಿಮೀಟರ್‌ಗಳು ಮತ್ತು ಕೋವಿಡ್ -19 ಪರೀಕ್ಷಾ ಕಿಟ್‌ಗಳ ಬೇಡಿಕೆ ಮತ್ತೊಮ್ಮೆ ಹೆಚ್ಚಿದೆ. ಇವುಗಳಿಗೆ ಹೆಚ್ಚುವರಿಯಾಗಿ, ಪ್ರತಿ ವಾರ ಇಮ್ಯುನಿಟಿ ಬೂಸ್ಟರ್‌ಗಳು ಮತ್ತು ಮಿನರಲ್‌ ಪೂರೈಕೆಗಳ ಆರ್ಡರ್‌ಗಳು 50 ಪ್ರತಿಶತದಷ್ಟು ಹೆಚ್ಚುತ್ತಿವೆ.
ಇ-ಕಾಮರ್ಸ್ ದೈತ್ಯ ಫ್ಲಿಪ್‌ಕಾರ್ಟ್ ಮತ್ತು 1MG ಇತ್ತೀಚೆಗೆ ಈ ಬೇಡಿಕೆಯ ಏರಿಕೆಯನ್ನು ದೃಢಪಡಿಸಿವೆ. ಮನಿ ಕಂಟ್ರೋಲ್‌ನೊಂದಿಗಿನ ಪತ್ರವ್ಯವಹಾರದಲ್ಲಿ, ಭಾರತದಲ್ಲಿ ಕೋವಿಡ್ -19 ರ ಮೂರನೇ ಅಲೆಯ ಪ್ರಾರಂಭದೊಂದಿಗೆ ಆಕ್ಸಿಮೀಟರ್‌ಗಳ ಮಾರಾಟವು ಅದರ ಸಾಮಾನ್ಯ ಬೇಡಿಕೆಗಿಂತ 4.4 ಪಟ್ಟು ಹೆಚ್ಚಾಗಿದೆ ಎಂದು ಫ್ಲಿಪ್‌ಕಾರ್ಟ್ ತಿಳಿಸಿದೆ. ಅದೇ ಸಮಯದಲ್ಲಿ, ದೇಶದ ಮೆಟ್ರೋ ನಗರಗಳಲ್ಲಿ ಕೋವಿಡ್ -19 ಪರೀಕ್ಷಾ ಕಿಟ್‌ಗಳಿಗೆ ಬೇಡಿಕೆಯಲ್ಲಿ 12 ಪಟ್ಟು ಹೆಚ್ಚಳ ಕಂಡುಬಂದಿದೆ.
undefined
ಕೋವಿಸೆಲ್ಫ್ ಮಾರಾಟ 500 ಪ್ರತಿಶತದಷ್ಟು ಏರಿಕೆ!
ಸ್ವಯಂ-ಪರೀಕ್ಷಾ ಕಿಟ್ ಕೋವಿಸೆಲ್ಫ್‌ನ (CoviSelf) ತಯಾರಕರಾದ ಮೈಲ್ಯಾಬ್ ಡಿಸ್ಕವರಿ ಸೊಲ್ಯೂಷನ್ಸ್ ಸಹ ಬೇಡಿಕೆಯಲ್ಲಿ ಇದೇ ರೀತಿಯ ಏರಿಕೆಯನ್ನು ದೃಢಪಡಿಸಿದೆ. ಸೋಂಕಿನ ಹರಡುವಿಕೆ ಪ್ರಾರಂಭವಾದಾಗಿನಿಂದ ಕೋವಿಸೆಲ್ಫ್ ಮಾರಾಟವು 500 ಪ್ರತಿಶತದಷ್ಟು ಜಿಗಿತವನ್ನು ಕಂಡಿದೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ. ದೆಹಲಿ, ಮಹಾರಾಷ್ಟ್ರ, ಪಶ್ಚಿಮ ಬಂಗಾಳ, ತಮಿಳುನಾಡು, ಕೇರಳ, ಕರ್ನಾಟಕ ಮತ್ತು ಆಂಧ್ರಪ್ರದೇಶ ರಾಜ್ಯಗಳಲ್ಲಿ ಸ್ವಯಂ-ಪರೀಕ್ಷಾ ಕಿಟ್‌ಗೆ ಹೆಚ್ಚಿನ ಬೇಡಿಕೆ ಇದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.
ಇದನ್ನೂ ಓದಿ: Omicron Variant: ನಿಯಂತ್ರಣ ಮೀರಿದ ಸೋಂಕು, ರೋಗಲಕ್ಷಣ ಕಡಿಮೆಯಿದ್ದರೂ ಅಸಡ್ಡೆ ಬೇಡ: ತಜ್ಞರು
ನಿಖರವಾದ ಮಾರಾಟದ ಸಂಖ್ಯೆಯನ್ನು ಫ್ಲಿಪ್‌ಕಾರ್ಟ್ ಅಥವಾ ಮೈಲ್ಯಾಬ್ ಡಿಸ್ಕವರಿ ಸೊಲ್ಯೂಷನ್ಸ್ ಹಂಚಿಕೊಂಡಿಲ್ಲವಾದರೂ, ಸ್ವಯಂ-ಪರೀಕ್ಷಾ ಕಿಟ್‌ಗಳ ವಿತರಕರಾದ ಪಿರಾಮಲ್, ಜನವರಿಯ ಮೊದಲ ಒಂಬತ್ತು ದಿನಗಳಲ್ಲಿ ಭಾರತದಾದ್ಯಂತ 4 ಲಕ್ಷ ಕಿಟ್‌ಗಳ ಮಾರಾಟವನ್ನು ದಾಖಲಿಸಿದ್ದಾರೆ ಎಂದು ವರದಿ ಉಲ್ಲೇಖಿಸುತ್ತದೆ. ಇದಕ್ಕೆ ವ್ಯತಿರಿಕ್ತವಾಗಿ, ಪಿರಮಾಲ್ ಇಡೀ ಡಿಸೆಂಬರ್ ತಿಂಗಳಲ್ಲಿ 1.39 ಲಕ್ಷ ಸ್ವಯಂ-ಪರೀಕ್ಷಾ ಕಿಟ್‌ಗಳನ್ನು ಮಾತ್ರ ಮಾರಾಟ ಮಾಡಿದೆ.
ಸ್ವಯಂ-ಪರೀಕ್ಷಾ ಕಿಟ್‌ಗಳ ಬೇಡಿಕೆಯ ಹೆಚ್ಚಳಕ್ಕೆ ಎರಡು ಕಾರಣಗಳನ್ನು ಉಲ್ಲೇಖಿಸಲಾಗಿದೆ. ಒಂದು, ಲ್ಯಾಬ್ ಪರೀಕ್ಷೆಗಳು ಫಲಿತಾಂಶಗಳನ್ನು ನೀಡಲು ತಡ ಮಾಡುತ್ತಿವೆ. ಇನ್ನೊಂದು, ಜನರು ಕೋವಿಡ್-19 ಓಮಿಕ್ರಾನ್ ಮತ್ತು ಅದರ ಹರಡುವಿಕೆಯ ವಿರುದ್ಧ ಜಾಗರೂಕರಾಗಿದ್ದಾರೆ. ಹೀಗಾಗಿ ಸೋಂಕು ದೃಡಪಡುವ ಮುನ್ನವೇ ಅಂತಹ ಸ್ವಯಂ-ಪರೀಕ್ಷಾ ಕಿಟ್‌ಗಳನ್ನು ಸಂಗ್ರಹಿಸುತ್ತಿದ್ದಾರೆ.
ಆಕ್ಸಿಮೀಟರ್‌ಗಳ ಮಾರಾಟದಲ್ಲಿ 4x ಏರಿಕೆ!
ಮಾರಾಟದಲ್ಲಿನ ಏರಿಕೆಯು 1MG ಯಿಂದ ಕೂಡ ದಾಖಲಾಗಿದೆ, ಇದು ಡಿಸೆಂಬರ್ ಕೊನೆಯ ವಾರಕ್ಕೆ ಹೋಲಿಸಿದರೆ ಪರೀಕ್ಷಾ ಕಿಟ್‌ಗಳ ಮಾರಾಟದಲ್ಲಿ 5x ಹೆಚ್ಚಳ ಮತ್ತು ಆಕ್ಸಿಮೀಟರ್‌ಗಳ ಮಾರಾಟದಲ್ಲಿ 4x ಏರಿಕೆಯನ್ನು ಕಂಡಿದೆ ಎಂದು MoneyControl ತಿಳಿಸಿದೆ. ಈ ವರ್ಷ ಥರ್ಮಾಮೀಟರ್‌ಗಳು ಮತ್ತು ಮುಖವಾಡಗಳ (Face Mask) ಬೇಡಿಕೆ ದ್ವಿಗುಣಗೊಂಡಿದೆ ಎಂದು ಕಂಪನಿ ಉಲ್ಲೇಖಿಸಿದೆ.
ಇದನ್ನೂ ಓದಿ: Covid Crisis: ಬೆಂಗಳೂರಿನ ಗಲ್ಲಿ ಗಲ್ಲಿಗಳಿಗೆ ಆವರಿಸಿದ ಕೊರೋನಾ, 2 ವಲಯಗಳು ಭಾರೀ ಡೇಂಜರ್!
ಈ ವೈದ್ಯಕೀಯ ಸಲಕರಣೆಗಳನ್ನು ಹೊರತುಪಡಿಸಿ, ಜನರು ಇಂತಹ ಆನ್‌ಲೈನ್ ಪ್ಲಾಟ್‌ಫಾರ್ಮ್‌ಗಳಿಂದ ಇಮ್ಯುನಿಟಿ ಬೂಸ್ಟರ್‌ಗಳು, ವಿಟಮಿನ್ ಪೂರಕಗಳು ಮತ್ತು ದಿನಸಿ ವಸ್ತುಗಳನ್ನು ಆರ್ಡರ್ ಮಾಡುತ್ತಿದ್ದಾರೆ ಎಂದು ವರದಿಯಾಗಿದೆ. ಮೊದಲ ಎರಡರ ಮಾರಾಟವು ಪ್ರತಿ ವಾರದಲ್ಲಿ 50 ಪ್ರತಿಶತದಷ್ಟು ಬೆಳವಣಿಗೆಯನ್ನು ಕಾಣುತ್ತಿರುವಾಗ, ಈ ಅವಧಿಯಲ್ಲಿ ದಿನಸಿ ಬೇಡಿಕೆಯು ದ್ವಿಗುಣಗೊಂಡಿದೆ.
ಭಾರತದಲ್ಲಿ ಕೊರೋನಾ ಆರ್ಭಟ
ಭಾರತದಲ್ಲಿ ಕೋವಿಡ್-19 ಆರ್ಭಟ ಮುಂದುವರೆದಿದ್ದು, ಸೋಮವಾರ ಬೆಳಗ್ಗೆ 8 ಗಂಟೆಗೆ ಕೊನೆಗೊಂಡ 24 ತಾಸುಗಳ ಅವಧಿಯಲ್ಲಿ 1,79,723 ಕೊರೋನಾ ಪ್ರಕರಣಗಳು ದೃಢಪಟ್ಟಿವೆ. ಇದು ಕಳೆದ 227 ದಿನಗಳ (7 ತಿಂಗಳು)ಗರಿಷ್ಠ ಸಂಖ್ಯೆಯಾಗಿದೆ. ಕಳೆದ ಮೇ 27ರಂದು ದೇಶದಲ್ಲಿ ಒಂದೇ ದಿನ 1.86 ಲಕ್ಷ ಕೇಸ್‌ ಪತ್ತೆಯಾಗಿತ್ತು. ಅದಾದ ಬಳಿಕ ಇಷ್ಟೊಂದು ಕೊರೋನಾ ಪ್ರಕರಣ ಪತ್ತೆಯಾಗುತ್ತಿರುವುದು ಇದೇ ಮೊದಲು.
ಇನ್ನು ಸೋಮವಾರ ಇದೇ ಅವಧಿಯಲ್ಲಿ 146 ಮಂದಿ ಸೋಂಕಿಗೆ ಬಲಿಯಾಗಿದ್ದಾರೆ. ಇದರೊಂದಿಗೆ ಒಟ್ಟು ಸೋಂಕಿತರ ಸಂಖ್ಯೆ 3.57 ಕೋಟಿಗೆ ಏರಿಕೆಯಾಗಿದೆ. ಒಟ್ಟು ಸಾವಿಗೀಡಾದವರ ಸಂಖ್ಯೆ 4,83,936ಕ್ಕೆ ತಲುಪಿದೆ. ಹೊಸ ಸೋಂಕಿತರೂ ಸೇರಿ ಸಕ್ರಿಯ ಸೋಂಕಿನ ಪ್ರಮಾಣ 7.23ಲಕ್ಷಕ್ಕೆ ಏರಿಕೆಯಾಗಿದೆ. ಇದು ಕಳೆದ 204 ದಿನಗಳ ಗರಿಷ್ಠ ಸಂಖ್ಯೆ. ಚೇತರಿಕೆ ಪ್ರಮಾಣ ಶೇ.96.62ರಷ್ಟಿದೆ. ದೈನಂದಿನ ಪಾಸಿಟಿವಿಟಿ ದರ ಶೇ.13.29ಕ್ಕೆ ಏರಿಕೆಯಾಗಿದೆ. ಒಟ್ಟು ಸೋಂಕಿತರ ಪೈಕಿ 3.45 ಕೋಟಿ ಮಂದಿ ಗುಣಮುಖರಾಗಿದ್ದಾರೆ. ಈ ನಡುವೆ 151.94 ಕೋಟಿ ಡೋಸ್‌ ಲಸಿಕೆ ವಿತರಣೆ ಮಾಡಲಾಗಿದೆ.