ಮನೆಯೊಳಗಿದ್ದ ಮಣ್ಣಿನ ಮಡಕೆಯಲ್ಲಿ ನೂರಾರು ಹಾವುಗಳು, ದೃಶ್ಯ ಕಂಡು ಬೆಚ್ಚಿ ಬಿದ್ದ ಗ್ರಾಮಸ್ಥರು!

* ಮನೆಯೊಳಗಿದ್ದ ಮಡಕೆಯಲ್ಲಿ ಹಾವುಗಳ ಹಿಂಡು * ನೂರಾರು ಹಾವುಗಳನ್ನು ಒಂದೇ ಬಾರಿ ಕಂಡ ಜನರಿಗೆ ಶಾಕ್ * ಇಡೀ ಪ್ರದೇಶವನ್ನು ಕೂಲಂಕುಷವಾಗಿ ತನಿಖೆ ನಡೆಸಲಾಗುವುದು ಎಂದ ಅರಣ್ಯ ಇಲಾಖೆ

ಲಕ್ನೋ(ಮೇ.11): ಮನೆಯೊಳಗೆ ನೂರಾರು ಹಾವುಗಳು ಒಟ್ಟಿಗೆ ಕಾಣಿಸಿಕೊಂಡರೆ ಹೇಗಾಗಬಹುದು? ಬೆಚ್ಚಿ ಬೀಳೋದಂತೂ ಗ್ಯಾರಂಟಿ. ಸದ್ಯ ಹಳ್ಳಿಯೊಂದರ ಮನೆಯಲ್ಲಿ ನೂರಾರು ಹಾವುಗಳು ಕಂಡು ಬಂದಿದ್ದು, ನೋಡುಗರನ್ನು ಭಯಭೀತಗೊಳಿಸಿವೆ. ಇದು ಉತ್ತರ ಪ್ರದೇಶದ (ಯುಪಿ) ಅಂಬೇಡ್ಕರ್ ನಗರದ ಪ್ರಕರಣ. ಮಾಹಿತಿ ಪ್ರಕಾರ ಇಲ್ಲಿನ ಮನೆಯೊಂದರಲ್ಲಿ ನೂರಾರು ಹಾವುಗಳು ಪತ್ತೆಯಾಗಿವೆ. ಮಣ್ಣಿನ ಮಡಕೆಯೊಳಗೆ ಈ ಹಾವುಗಳು ಪತ್ತೆಯಾಗಿವೆ. ಇಷ್ಟೊಂದು ಸಂಖ್ಯೆಯಲ್ಲಿ ಹಾವುಗಳು ಬಂದಿರುವುದರಿಂದ ಗ್ರಾಮಸ್ಥರಲ್ಲಿ ಭೀತಿ ಆವರಿಸಿದೆ. ಇಷ್ಟು ದೊಡ್ಡದಾದ ಹಾವುಗಳ ಹಿಂಡನ್ನು ಒಟ್ಟಿಗೆ ನೋಡಿ ಎಲ್ಲರೂ ಆಚ್ಚರಿಗೀಡಾಗಿದ್ದಾರೆ. ಈ ಹಾವುಗಳು ಎಲ್ಲಿಂದ ಬಂದವು, ಎಂಬ ಬಗ್ಗೆ ಯಾರಿಗೂ ತಿಳಿದಿಲ್ಲ.

ಆಲಾಪುರ ತಹಸಿಲ್ ವ್ಯಾಪ್ತಿಯ ಮದುವಾನ ಗ್ರಾಮದಲ್ಲಿ ಇಂತಹ ದೃಶ್ಯ ಕಂಡು ಬಂದಿದೆ. ಈ ಮನೆ ಬಹಳ ದಿನಗಳಿಂದ ಮುಚ್ಚಿತ್ತು ಎಂದು ಹೇಳಲಾಗುತ್ತಿದೆ. ಇದರೊಂದಿಗೆ ಈ ಹಾವುಗಳು ವಿಷಕಾರಿಯಲ್ಲ ಎಂಬ ಮಾಹಿತಿಯೂ ಸಿಕ್ಕಿದೆ. ಸದ್ಯ ಅರಣ್ಯ ತಂಡ ರಕ್ಷಣಾ ಕಾರ್ಯ ನಡೆಸುತ್ತಿದೆ. ಇಷ್ಟೊಂದು ಸಂಖ್ಯೆಯಲ್ಲಿ ಹಾವುಗಳು ಬಂದಿರುವುದರಿಂದ ಜನರಲ್ಲಿ ಆತಂಕ ಮೂಡಿದೆ. ಹಾವುಗಳಿರುವ ಬಗ್ಗೆ ಮಾಹಿತಿ ದೊರೆತ ಕೂಡಲೇ ಗ್ರಾಮಸ್ಥರು ಅರಣ್ಯ ಇಲಾಖೆಗೆ ಮಾಹಿತಿ ನೀಡಿದ್ದಾರೆ. ಬಳಿಕ ಅರಣ್ಯ ಇಲಾಖೆ ತಂಡ ಸ್ಥಳಕ್ಕೆ ಆಗಮಿಸಿದೆ. ಎಲ್ಲ ಹಾವುಗಳನ್ನು ಕಾಡಿಗೆ ಬಿಡಲು ಸಿದ್ಧತೆ ನಡೆದಿದೆ.

ಇಡೀ ಪ್ರದೇಶವನ್ನು ಕೂಲಂಕುಷವಾಗಿ ತನಿಖೆ ನಡೆಸಲಾಗುವುದು

ಮನೆಯಲ್ಲಿ ಹಳೆಯ ಮಣ್ಣಿನ ಮಡಕೆಗಳನ್ನು ಕಂಡು ಗ್ರಾಮಸ್ಥರು ಇದು ಪ್ರಕೃತಿಯ ಕೋಪ ಎಂದು ಹೇಳಿದರೆ, ಕೆಲವರು ಇದನ್ನು ಸರ್ಪ ದೋಷ ಎಂದು ಕರೆದಿದ್ದಾರೆರೆ. ಮತ್ತೊಂದೆಡೆ ಹಾವಿನ ಹಾವಳಿಯಿಂದ ಗ್ರಾಮದಲ್ಲಿ ಆತಂಕ ಸೃಷ್ಟಿಯಾಗಿದೆ ಎಂದು ಗ್ರಾಮದ ನಿವಾಸಿ ಅನಿಲ್ ಕುಮಾರ್ ತಿಳಿಸಿದರು. ಅದರ ಮಾಹಿತಿಯನ್ನು ಅರಣ್ಯ ಇಲಾಖೆಗೆ ನೀಡಲಾಗಿದೆ. ಸದ್ಯ ಈ ಹಾವುಗಳನ್ನು ರಕ್ಷಿಸಿ ಎಲ್ಲಾ ಹಾವುಗಳನ್ನು ಕಾಡಿಗೆ ಬಿಡುವ ಕಾರ್ಯದಲ್ಲಿ ಅರಣ್ಯ ಇಲಾಖೆ ನಿರತವಾಗಿದೆ. ಇಷ್ಟೇ ಅಲ್ಲ, ಗ್ರಾಮಸ್ಥರಲ್ಲಿ ಭೀತಿ ಆವರಿಸಿದ್ದು, ಗ್ರಾಮದಲ್ಲಿ ಎಲ್ಲೂ ಹಾವುಗಳಿಗೆ ಬೇರೆ ಜಾಗವಿಲ್ಲ ಎಂಬ ಭಾವನೆ ಗ್ರಾಮಸ್ಥರಲ್ಲಿ ಮೂಡಿದೆ. ಇದಕ್ಕಾಗಿ ಗ್ರಾಮಸ್ಥರು ಹಾವು ಹಾವು ಮಾಡುವವರ ಹುಡುಕಾಟ ಆರಂಭಿಸಿದ್ದಾರೆ. ಇದರಿಂದ ಗ್ರಾಮದ ಸುತ್ತಮುತ್ತ ಹಾವುಗಳು ಕಾಣಸಿಗುತ್ತವೆ. ಅದೇ ಸಮಯದಲ್ಲಿ, ಅಂತಹ ಸಂಖ್ಯೆಯ ಹಾವುಗಳ ಪತ್ತೆಗೆ ಹುಡುಕಾಟ ನಡೆಸಲಾಗುತ್ತಿದೆ ಮತ್ತು ಇಡೀ ಪ್ರದೇಶದಲ್ಲಿ ತನಿಖೆ ನಡೆಸಲಾಗುವುದು ಎಂದು ಅರಣ್ಯ ಇಲಾಖೆಯ ಡಿಎಫ್‌ಒ ಹೇಳಿದರು. ಹಾಗಾಗಿ ಗ್ರಾಮಸ್ಥರು ಆತಂಕ ಪಡುವ ಅಗತ್ಯವಿಲ್ಲ.

ಇದೇ ವೇಳೆ ಗ್ರಾಮದಲ್ಲಿ ಇಷ್ಟೊಂದು ಸಂಖ್ಯೆಯಲ್ಲಿ ಹಾವುಗಳು ಒಂದೆಡೆ ಸೇರಿರುವುದರಿಂದ ಹಾವುಗಳು ಗ್ರಾಮವನ್ನೇ ತಮ್ಮ ವಾಸಸ್ಥಾನವನ್ನಾಗಿ ಮಾಡಿಕೊಂಡಿಲ್ಲವಲ್ಲ ಎಂಬ ಭಯ ಗ್ರಾಮಸ್ಥರಲ್ಲಿ ಮೂಡಿದೆ. ಒಂದೇ ಕಡೆ ಇಷ್ಟೊಂದು ಸಂಖ್ಯೆಯಲ್ಲಿ ಹಾವುಗಳು ಕಂಡು ಬಂದರೆ ಗ್ರಾಮದ ಬೇರೆ ಕಡೆಗಳಲ್ಲಿ ಹಾವುಗಳು ಬೀಡು ಬಿಟ್ಟಿರುವ ಸಾಧ್ಯತೆ ಇದೆ ಅಥವಾ ಹೆಚ್ಚಿನ ಸಂಖ್ಯೆಯಲ್ಲಿ ಹಾವುಗಳು ಇರುವ ಸಾಧ್ಯತೆ ಇದೆ ಎಂಬುವುದು ಅಲ್ಲಿನ ಜನರ ನಂಬಿಕೆಯಾಗಿದೆ.