* ಮಧ್ಯಪ್ರದೇಶದಲ್ಲಿ ಶಾಕಿಂಗ್ ಘಟನೆ
* ಗೆಳೆಯರ ಜೊತೆ ಕೊರೋನಾ ಸೋಂಕಿತನ ಎಣ್ಣೆ ಪಾರ್ಟಿ
* ದಾಳಿ ನಡೆಸಿದ ಅಧಿಕಾರಿಗಳಿಗೆ ಶಾಕ್
ಭೋಪಾಲ್(ಜ.10): ಒಮಿಕ್ರಾನ್ ರೂಪಾಂತರದಿಂದಾಗಿ, ಕೊರೋನದ ಮೂರನೇ ಅಲೆ ಆರಂಭವಾಗಿದ್ದು, ದೇಶದಲ್ಲಿ ಕೋಲಾಹಲ ಉಂಟಾಗಿದೆ. ಜನರು ಭಯಭೀತರಾಗಿದ್ದಾರೆ ಹೀಗಾಗಿ ಅಪಾಯ ಎಳೆದುಕೊಳ್ಳುವುದು ಬೇಡ ಎಂದು ಅನಗತ್ಯವಾಗಿ ಮನೆಯಿಂದ ಹೊರ ಬರುತ್ತಿಲ್ಲ. ಆದರೆ ಈ ನಡುವೆ ಮಧ್ಯಪ್ರದೇಶದ ರತ್ಲಂ ಜಿಲ್ಲೆಯಿಂದ ಅಚ್ಚರಿಯ ಪ್ರಕರಣವೊಂದು ಬೆಳಕಿಗೆ ಬಂದಿದೆ. ಅಲ್ಲಿ ಕೊರೋನಾ ಪಾಸಿಟಿವ್ ವ್ಯಕ್ತಿಯೊಬ್ಬ ತನ್ನ ಸ್ನೇಹಿತರೊಂದಿಗೆ ಭರ್ಜರಿ ಎಣ್ಣೆ ಪಾರ್ಟಿ ಮಾಡಿದ್ದಾನೆ. ಆತನಿಗಾಗಲೀ, ಆತನ ಸ್ನೇಹಿತರಿಗಾಗಲಿ ಕೊರೋನಾ ಭಯ ಕಮಡು ಬರಲಿಲ್ಲ. ಆಡಳಿತ ತಂಡವು ಸ್ಥಳಕ್ಕೆ ತಲುಪಿದಾಗ, ಅವರು ತಮ್ಮದೇ ಸಮರ್ಥನೆ ನೀಡಲಾರಂಭಿಸಿದ್ದಾರೆ.
ಒಳಗಿನ ದೃಶ್ಯ ಕಂಡು ಅಧಿಕಾರಿಗಲೇ ಶಾಕ್
ವಾಸ್ತವವಾಗಿ, ಈ ನಾಚಿಕೆಗೇಡಿನ ಪ್ರಕರಣವು ಜಿಲ್ಲೆಯ ನಾಯಗಾಂವ್ನಲ್ಲಿ ನಡೆದಿದೆ. ಅಲ್ಲಿ ಸೋಂಕಿತರು ಕಂಟೈನರ್ನಿಂದ ಮಾಡಿದ ಮನೆಯೊಳಗೆ ತನ್ನ ಸ್ನೇಹಿತರೊಂದಿಗೆ ಮದ್ಯದ ಪಾರ್ಟಿ ನಡೆಸುತ್ತಿದ್ದರು. ನೆರೆಹೊರೆಯವರು ಇದಕ್ಕೆ ವಿರೋಧ ವ್ಯಕ್ತಪಡಿಸಿದ್ದಾರೆ, ಆದರೆ ಅವರು ಒಪ್ಪದಿದ್ದಾಗ ಅವರು ಆಡಳಿತಾಧಿಕಾರಿಗಳಿಗೆ ತಿಳಿಸಿದರು. ನಂತರ ನಾಯಬ್ ತಹಸೀಲ್ದಾರ್ ಪೂಜಾ ಭಾಟಿ ತಮ್ಮ ತಂಡದೊಂದಿಗೆ ಯುವಕನ ಮನೆಗೆ ತಲುಪಿದರು. ತಂಡವು ಮನೆಗರೆ ಪ್ರವೇಶಿಸಿದ ತಕ್ಷಣ, ಅಲ್ಲಿನ ದೃಶ್ಯ ನೋಡಿ ಅಚ್ಚರಿಗೊಂಡಿದ್ದಾರೆ. ಒಳಗೆ ಪಾರ್ಟಿಯ ವಾತಾವರಣವಿತ್ತು, ಸಾಂಕ್ರಾಮಿಕ ರೋಗದ ಬಗ್ಗೆ ತಲೆ ಕೆಡಿಸಿಕೊಳ್ಳದೆ ಎಣ್ಣೆ ಪಾರ್ಟಿ ಮಾಡುತ್ತಾ ಸ್ನೇಹಿತರು ಬ್ಯೂಸಿಯಾಗಿದ್ದರು. ಕೂಡಲೇ ಪೊಲೀಸರು ನಾರಾಯಣ್ ಜೊತೆಗೆ ಪ್ರವೀಣ್ ಮತ್ತು ಡಾ.ಶುಭಮ್ ಜೈಸ್ವಾಲ್ ಅವರನ್ನು ಹಿಡಿದಿದ್ದಾರೆ. ಆದನೆ ಇನ್ನಿಬ್ಬರು ಸಹಚರರು ಹಿಂಬಾಗಿಲಿನಿಂದ ಓಡಿಹೋದರು.
'ನಾನು ಕುಡಿಯುತ್ತಿರಲಿಲ್ಲ, ದೂರ ಕೂತಿದ್ದೆ ಸಾರ್...
ಸೋಂಕಿತರ ಈ ಕೃತ್ಯವು ಬಹಿರಂಗಗೊಂಡಾಗ ತಹಸೀಲ್ದಾರ್ ಸಾಹಿಬ್ ಅವರ ಮುಂದೆ ಕೈಮುಗಿದು ತಮ್ಮನ್ನು ಬಿಡುವಂತೆ ಮನವಿ ಮಾಡಿದ್ದಾರೆ. ಸರ್, ನಾನು ಕುಡಿಯಲಿಲ್ಲ, ನನ್ನ ಸ್ನೇಹಿತರು ಕುಡಿಯುತ್ತಿದ್ದರು. ನಾನು ಅವನಿಂದ ದೂರ ಕುಳಿತಿದ್ದೆ, ಅದು ನನ್ನ ತಪ್ಪಲ್ಲ ಎಂದು ಒಬ್ಬಾತ ಮನವಿ ಮಾಡಿದ್ದಾನೆ. ನಂತರ ಪೊಲೀಸರು ಸೋಂಕಿತ ಯುವಕರನ್ನು ಪ್ರತ್ಯೇಕ ವಾರ್ಡ್ಗೆ ಸ್ಥಳಾಂತರಿಸಿದ್ದಾರೆ. ಅದೇ ವೇಳೆ ಆತನೊಂದಿಗೆ ಲಿಕ್ಕರ್ ಪಾರ್ಟಿ ಮಾಡಿದ್ದ ಇಬ್ಬರು ಸ್ನೇಹಿತರ ಸ್ಯಾಂಪಲ್ ತೆಗೆದುಕೊಳ್ಳಲಾಗಿದೆ.
ಪಾರ್ಟಿ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್
ಸೋಂಕಿತ ಯುವಕ ಮತ್ತು ಆತನ ಸ್ನೇಹಿತರು ಮದ್ಯದ ಪಾರ್ಟಿ ನಡೆಸುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗುತ್ತಿದೆ ಎಂಬುವುದು ಉಲ್ಲೇಖನೀಯ. ಬಳಕೆದಾರರು ವಿವಿಧ ರೀತಿಯ ಕಾಮೆಂಟ್ಗಳನ್ನು ಮಾಡುವಲ್ಲಿ ತೊಡಗಿಸಿಕೊಂಡಿದ್ದಾರೆ. ಅದೇ ಸಮಯದಲ್ಲಿ, ಸೋಂಕಿತರ ಸ್ನೇಹಿತರು ಆಕ್ಸಿಸ್ ಬ್ಯಾಂಕ್ನ ಉದ್ಯೋಗಿಗಳು ಎಂದು ಹೇಳಲಾಗುತ್ತದೆ. ಅಲ್ಲದೇ ತಾನು ಕೊರೋನಾ ಸೋಂಕಿತ ಎಂದು ತಿಳಿದಿದ್ದರೂ ಯುವಕ ಈ ಎಣ್ಣೆ ಪಾರ್ಟಿ ಮಾಡಿದ್ದ ಎಂಬುವುದೂ ತನಿಖೆಯಲ್ಲಿ ಬಯಲಾಗಿದೆ.