ನಕಲಿ ಕೋವಿಡ್‌ ಲಸಿಕೆ ಬಗ್ಗೆ ಎಚ್ಚರ ವಹಿಸಿ: ಅಸಲಿ ವ್ಯಾಕ್ಸಿನ್ ಹೀಗೆ ಪತ್ತೆ ಹಚ್ಚಿ!

Published : Sep 06, 2021, 09:50 AM ISTUpdated : Sep 06, 2021, 10:56 AM IST
ನಕಲಿ ಕೋವಿಡ್‌ ಲಸಿಕೆ ಬಗ್ಗೆ ಎಚ್ಚರ ವಹಿಸಿ: ಅಸಲಿ ವ್ಯಾಕ್ಸಿನ್ ಹೀಗೆ ಪತ್ತೆ ಹಚ್ಚಿ!

ಸಾರಾಂಶ

* ರಾಜ್ಯಗಳಿಗೆ ಕೇಂದ್ರ ಸರ್ಕಾರದ ಸುತ್ತೋಲೆ * ನಕಲಿ ಕೋವಿಡ್‌ ಲಸಿಕೆ ಬಗ್ಗೆ ಎಚ್ಚರ ವಹಿಸಿ * ಲಸಿಕೆ ಬಾಟಲ್‌, ಲೇಬಲ್‌, ಬಣ್ಣ ನೋಡಿಯೇ ಅಸ​ಲಿ​ತನ ಪತ್ತೆ * ವಿಶ್ವ ಆರೋಗ್ಯ ಸಂಸ್ಥೆ ಎಚ್ಚರಿಕೆ ಬೆನ್ನಲ್ಲೇ ದೇಶದಲ್ಲೂ ಅಲ​ರ್ಟ್‌

ನವದೆಹಲಿ(ಸೆ.06): ನಕಲಿ ಕೋವಿಶೀಲ್ಡ್‌ ಕೋವಿಡ್‌ ಲಸಿಕೆಗಳು ಚಲಾವಣೆಯಲ್ಲಿವೆ ಎಂಬ ವಿಶ್ವ ಆರೋಗ್ಯ ಸಂಸ್ಥೆ ಎಚ್ಚರಿಕೆ ನೀಡಿದ ಬೆನ್ನಲ್ಲೇ, ಕೇಂದ್ರ ಸರ್ಕಾರ ಭಾರತದಲ್ಲೂ ಹೈಅಲರ್ಟ್‌ ಘೋಷಿಸಿದೆ. ಇಂಥ ನಕಲಿ ಲಸಿಕೆಗಳ ಬಗ್ಗೆ ಎಚ್ಚರ ವಹಿಸುವಂತೆ ರಾಜ್ಯ ಸರ್ಕಾರಗಳಿಗೆ ಸುತ್ತೋಲೆ ರವಾನಿಸಿರುವ ಕೇಂದ್ರ ಸರ್ಕಾರ, ಅಸಲಿ ಮತ್ತು ನಕಲಿ ಬಾಟಲ್‌ಗಳನ್ನು ಗುರುತಿಸುವ ಕುರಿತ ಮಾರ್ಗಸೂಚಿಗಳನ್ನು ರಾಜ್ಯಗಳಿಗೆ ಕಳುಹಿಸಿಕೊಟ್ಟಿದೆ.

 

ಲಸಿಕೆ ಬಾಟಲ್‌, ಲೇಬಲ್‌, ಬಣ್ಣ ಮೊದಲಾದ ಮಾಹಿತಿಗಳ ಮೂಲಕ ಹೇಗೆ ಅಸ​ಲಿ​ತ​ನ/ನಕ​ಲಿ​ತನ ಪತ್ತೆ ಹಚ್ಚಬಹುದು ಎಂದು ಕೇಂದ್ರ ಸರ್ಕಾರ ಮಾಹಿತಿ ನೀಡಿದೆ. ಸದ್ಯ ಭಾರತದಲ್ಲಿ ಬಳಸಲಾಗುತ್ತಿರುವ ಕೋವಿಶೀಲ್ಡ್‌, ಕೋವ್ಯಾಕ್ಸಿನ್‌ ಮತ್ತು ಸ್ಪುಟ್ನಿಕ್‌ ಲಸಿಕೆಗಳ ಕುರಿತ ಮಾಹಿತಿಯನ್ನು ಸರ್ಕಾರ ಹಂಚಿಕೊಂಡಿದೆ.

ಅಸಲಿ ಕೋವಿಡ್‌ ಲಸಿಕೆ ಬಾಟಲ್‌ ಹೇಗಿರುತ್ತೆ?

1. ಕೋವಿಶೀಲ್ಡ್‌

- SII (ಸೀರಂ ಇನ್ಸ್‌​ಟಿ​ಟ್ಯೂಟ್‌ ಆಫ್‌ ಇಂಡಿ​ಯಾ) ಉತ್ಪನ್ನ ಲೇಬಲ್‌

- ಲೇಬಲ್‌ನ ಬಣ್ಣ ಕಡು ಹಸಿರು. ಬಾಟಲ್‌ನ ಅಲ್ಯುಮಿನಿಯಂ ಫ್ಲಿಪ್‌ನ ಬಣ್ಣ ಕಡು ಹಸಿರು.

- ಟ್ರೇಡ್‌ಮಾರ್ಕ್ ಜೊತೆಗೆ ಬ್ರ್ಯಾಂಡ್‌ ಹೆಸರು, ಅಂದರೆ COVISHIELD

- ಲಸಿಕೆಯ ಜನೆರಿಕ್‌ ಅನ್ನು ಬರೆದಿರುವ ಅಕ್ಷರದ ಫಾಂಟ್‌ ಬೋಲ್ಡ್‌ ಆಗಿಲ್ಲ.

- CGS NOT FOR ALL ಎಂದು ಮುದ್ರಿಸಲಾಗಿದೆ.

- Recombinant ಅನ್ನು ಜನೆರಿಕ್‌ ಹೆಸರಿನ ಕಡೆಯಲ್ಲಿ ಮುದ್ರಿಸಲಾಗಿದೆ.

- ಲೇಬಲ್‌ ಅಂಟಿಸಿದ ಬದಿಯಲ್ಲಿ ಖಐಐ ಲೋಗೋ ಮುದ್ರಿಸಲಾಗಿದೆ. ಇದನ್ನು ವಿಶಿಷ್ಟಆ್ಯಂಗಲ್‌ ಮತ್ತು ಸ್ಥಳದಲ್ಲಿ ಮುದ್ರಿಸಿರುವ ಕಾರಣ, ಸೂಕ್ತ ಮಾಹಿತಿ ಇದ್ದವರು ಮಾತ್ರವೇ ಇದನ್ನು ಗುರುತಿಸಬಹುದಾಗಿದೆ.

- ಹೆಚ್ಚು ಸ್ಪಷ್ಟಮತ್ತು ಓದಬಲ್ಲವಂತೆ ಮಾಡಲು ಅಕ್ಷರಗಳನ್ನು ಬಿಳಿಯ ಇಂಕ್‌ನಲ್ಲಿ ಮುದ್ರಿಸಲಾಗಿದೆ.

- ಪೂರ್ಣ ಲೇಬಲ್‌ಗೆ ವಿಶೇಷವಾದ ಹನಿಕೂಂಬ್‌ ಎಫೆಕ್ಟ್ ನೀಡಲಾಗಿದ್ದು ಅದನ್ನು ನಿರ್ದಿಷ್ಟಕೋನದಲ್ಲಿ ಮಾತ್ರವೇ ಕಾಣಬಹುದು.

* ಕೋವ್ಯಾಕ್ಸಿನ್‌

- ಲೇಬಲ್‌ ಮೇಲೆ ಯುವಿ ಲೈಟ್‌ನಲ್ಲಿ ಮಾತ್ರ ನೋಡಬಹುದಾದ ಯುವಿ ಹೆಲಿಕ್ಸ್‌ (ಡಿಎನ್‌ಎ ರೀತಿಯ ಸಂರಚನೆ) ಮುದ್ರಿಸಲಾಗಿದೆ.

- ಲೇಬಲ್‌ ಮೇಲಿನ ಡಾಟ್ಸ್‌ಗಳಲ್ಲಿ ಮೈಕ್ರೋ ಟೆಕ್ಟಸ್‌ ರೂಪದಲ್ಲಿ COVAXIN ಎಂದು ಎಂದು ಮುದ್ರಿಸಲಾಗಿದೆ.

- COVAXIN ಎಕ್ಸ್‌ನಲ್ಲಿ ಗ್ರೀನ್‌ ಫಾಯಿಲ್‌ ಎಫೆಕ್ಟ್

- COVAXIN ಮೇಲೆ ಹಾಲೋಗ್ರಾಫಿಕ್‌ ಎಫೆಕ್ಟ್

* ಸ್ಪುಟ್ನಿಕ್‌

ರಷ್ಯಾದಿಂದ ಆಮದು ಮಾಡಿಕೊಳ್ಳಲಾದ ಸ್ಪುಟ್ನಿಕ್‌ ಲಸಿಕೆ ಇಬ್ಬರು ಉತ್ಪಾದಕರಿಂದ ಬಂದಿದೆ. ಹೀಗಾಗಿ ಎರಡೂ ಬೇರೆ ಬೇರೆ ಲೇಬಲ್‌ ಹೊಂದಿವೆ. ಆದರೆ ಉಳಿದಂತೆ ವಿನ್ಯಾಸ, ಮಾಹಿತಿ ಒಂದೇ ಇದೇ. ಉತ್ಪಾದಕರ ಹೆಸರು ಮಾತ್ರವೇ ಬೇರೆ ಬೇರೆ ಇದೆ.ಇದುವರೆಗೆ ಆಮದಾದ ಎಲ್ಲಾ ಸ್ಪುಟ್ನಿ​ಕ್‌ ಉತ್ಪನ್ನಗಳಲ್ಲಿ, ಮುಂಭಾಗ ಮತ್ತು ಹಿಂಭಾಗ ಮಾತ್ರವೇ ಇಂಗ್ಲಿಷ್‌ ಲೇಬಲ್‌ ಇದೆ. ಬಾಟಲ್‌ನ ಇನ್ನೊಂದು ಬದಿಯ ಪೂರ್ಣ ಮಾಹಿತಿ ರಷ್ಯನ್‌ ಭಾಷೆಯಲ್ಲಿದೆ.

PREV

ಕರ್ನಾಟಕ, ಭಾರತ (India News) ಮತ್ತು ಜಗತ್ತಿನ ಕ್ಷಣಕ್ಷಣದ ಕನ್ನಡ ಸುದ್ದಿ (Kannada News) ಅಪ್ಡೇಟ್‌ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್‌ ಫಾಲೋ ಮಾಡಿ. ಬ್ರೇಕಿಂಗ್ ಸುದ್ದಿ (Latest Kannada News), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ (kannada news live) ಸಂಪೂರ್ಣ ಮಾಹಿತಿ ಒಂದೇ ಕ್ಲಿಕ್‌ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್‌ಲೋಡ್ ಮಾಡಿ ಹಾಗು ಎಲ್ಲಾ ಅಪ್‌ಡೇಟ್ ಗಳನ್ನು ಪಡೆಯಿರಿ

click me!

Recommended Stories

ಮಲ್ಲಿಕಾರ್ಜುನ ಖರ್ಗೆ ಹಠಾವೋ ಪ್ರಿಯಾಂಕಾ ಗಾಂಧಿ ಲಾವೋ, ಕಾಂಗ್ರೆಸ್ ಅಧ್ಯಕ್ಷ ಬದಲಾವಣೆಗೆ ಹೋರಾಟ
ಅನಾರೋಗ್ಯ ಏನಿದ್ದರೂ ವೀಕ್ ಆಫ್‌ನಲ್ಲೇ ಬರಬೇಕು ಸಿಕ್ ಲೀವ್ ಇಲ್ಲ, ನೋವು ತೋಡಿಕೊಂಡ ಉದ್ಯೋಗಿ