ಇಪಿಎಫ್‌ಒ ತನ್ನ ಐಟಿ ವ್ಯವಸ್ಥೆಯನ್ನು ನವೀಕರಿಸುತ್ತಿದೆ, ಇದು ಖಾತೆದಾರರಿಗೆ ಕ್ಲೇಮ್ ಸೆಟ್ಲ್‌ಮೆಂಟ್ ಅನ್ನು ಸುಲಭಗೊಳಿಸುತ್ತದೆ. ಈ ಹೊಸ ವ್ಯವಸ್ಥೆಯು ಮುಂದಿನ ಮೂರು ತಿಂಗಳಲ್ಲಿ ಪ್ರಾರಂಭವಾಗಲಿದ್ದು, ಪಾವತಿ ಮತ್ತು ಕ್ಲೇಮ್ ಇತ್ಯರ್ಥಕ್ಕಾಗಿ ಕೇಂದ್ರೀಕೃತ ವ್ಯವಸ್ಥೆಯನ್ನು ಒಳಗೊಂಡಿರುತ್ತದೆ.
ನವದೆಹಲಿ (ಆ.22): EPFO ಖಾತೆದಾರರಿಗೆ ಸಂತಸದ ಸಂತಸದ ಸುದ್ದಿ. ಮುಂಬರುವ ದಿನಗಳಲ್ಲಿ ಪ್ರಾವಿಡೆಂಟ್ ಫಂಡ್ ಕ್ಲೇಮ್ ಸೆಟ್ಲ್‌ಮೆಂಟ್ ಸುಲಭವಾಗುತ್ತದೆ. EPFO ಮುಂದಿನ ತ್ರೈಮಾಸಿಕದಲ್ಲಿ ತನ್ನ ನವೀಕರಿಸಿದ ಐಟಿ ವ್ಯವಸ್ಥೆ EPFO IT System 2.01 ಅನ್ನು ಪ್ರಾರಂಭಿಸಲು ಸಿದ್ಧವಾಗಿದೆ.
ಹೊಸ ವ್ಯವಸ್ಥೆಯಿಂದ 6 ಕೋಟಿಗೂ ಹೆಚ್ಚು EPFO ಖಾತೆದಾರರಿಗೆ ಪ್ರಯೋಜನವಾಗಲಿದೆ. ಅವರಿಗೆ EPFO ಖಾತೆಗೆ ಸಂಬಂಧಿಸಿದ ಅನುಭವ ಉತ್ತಮವಾಗಿರುತ್ತದೆ. ಅದೇ ಸಮಯದಲ್ಲಿ, ಕಂಪನಿಗಳಿಗೆ EPFO (Employees Provident Fund Organisation) ಸಂಬಂಧಿತ ಕೆಲಸಗಳು ಸುಲಭವಾಗುತ್ತವೆ. ಹೊಸ ಸುಧಾರಣೆಯಲ್ಲಿ ಪಾವತಿ ಮತ್ತು ಕ್ಲೇಮ್ ಇತ್ಯರ್ಥಕ್ಕಾಗಿ ಕೇಂದ್ರೀಕೃತ ವ್ಯವಸ್ಥೆ ಇರುತ್ತದೆ. ಇದು ಖಾತೆದಾರರಿಗೆ ಹಣವನ್ನು ಹಿಂಪಡೆಯುವುದನ್ನು ಸುಲಭಗೊಳಿಸುತ್ತದೆ.
undefined
ಕೇವಲ 1200 ಕುಟುಂಬಗಳಿರುವ ಭಾರತದ ಈ ಹಳ್ಳಿಯು ಏಷ್ಯಾದ ಶ್ರೀಮಂತ ಗ್ರಾಮವಾಗಿದ್ದು ಹೇಗೆ?
ಮೂರು ತಿಂಗಳೊಳಗೆ ಹೊಸ ವ್ಯವಸ್ಥೆ ಪ್ರಾರಂಭವಾಗಲಿದೆ: ಮೂಲಗಳ ಪ್ರಕಾರ ಕೇಂದ್ರ ಕಾರ್ಮಿಕ ಮತ್ತು ಉದ್ಯೋಗ ಸಚಿವ ಮನ್ಸುಖ್ ಮಾಂಡವಿಯಾ ಬುಧವಾರ EPFO ಐಟಿ ವ್ಯವಸ್ಥೆಯ ಆಧುನೀಕರಣ ಮತ್ತು ಪರಿಷ್ಕರಣೆಯ ವಿಮರ್ಶೆ ನಡೆಸಿದರು. ಹೊಸ ವ್ಯವಸ್ಥೆಯು ಮೂರು ತಿಂಗಳೊಳಗೆ ಕಾರ್ಯನಿರ್ವಹಿಸಲು ಪ್ರಾರಂಭಿಸುತ್ತದೆ ಎಂದು ಮಾಹಿತಿ ನೀಡಿದ್ದಾರೆ.
ಸ್ಲೀಪರ್‌ನಿಂದ AC ಕ್ಲಾಸ್‌ಗೆ ಉಚಿತ ಅಪ್‌ಗ್ರೇಡ್, ರೈಲ್ವೆ ಇಲಾಖೆಯ ಈ ನಿಯಮ ನಿಮಗೆ ತಿಳಿದಿರಲಿ
ಉದ್ಯೋಗಗಳನ್ನು ಬದಲಾಯಿಸುವಾಗ UAN ವರ್ಗಾವಣೆ ಅಗತ್ಯವಿಲ್ಲ: ಸುಧಾರಣೆಯ ನಂತರ, ಪ್ರಾರಂಭದಿಂದ ಕೊನೆಯವರೆಗೆ ಕ್ಲೇಮ್ ಪ್ರಕ್ರಿಯೆಯು ಸಂಪೂರ್ಣವಾಗಿ ಸ್ವಯಂಚಾಲಿತವಾಗಿರುತ್ತದೆ. ಪಿಂಚಣಿ ಪಾವತಿಯನ್ನು ಕೇಂದ್ರೀಕರಿಸಲಾಗುತ್ತದೆ. ಇದನ್ನು ಮಾಸಿಕ ಆಧಾರದ ಮೇಲೆ ನಿರ್ವಹಿಸಲಾಗುತ್ತದೆ. EPFO ಲೆಕ್ಕಪತ್ರ ವ್ಯವಸ್ಥೆಯು ಯುನಿವರ್ಸಲ್ ಖಾತೆ ಸಂಖ್ಯೆಯನ್ನು ಆಧರಿಸಿರುತ್ತದೆ. ಇದು ಸದಸ್ಯರಿಗೆ ಪ್ರಕ್ರಿಯೆಯನ್ನು ಸರಳಗೊಳಿಸುತ್ತದೆ. ಎಲೆಕ್ಟ್ರಾನಿಕ್ ಚಲನ್-ಕಮ್-ರಸೀದಿಯನ್ನು ಪರಿಷ್ಕರಣೆ ಮಾಡಲಾಗುತ್ತದೆ. ಉದ್ಯೋಗಗಳನ್ನು ಬದಲಾಯಿಸುವಾಗ ಸದಸ್ಯರ ಯುಎಎನ್‌ (UAN) ಅನ್ನು ವರ್ಗಾಯಿಸುವ ಅಗತ್ಯವಿರುವುದಿಲ್ಲ. ಇದರಿಂದಾಗಿ ಉದ್ಯೋಗಿಗಳು ತಮ್ಮ PF ಹಣದ ಬಗ್ಗೆ ಚಿಂತಿಸಬೇಕಾಗಿಲ್ಲ. ಹೊಸ ಉದ್ಯೋಗ ಸೇರಿದ ನಂತರ, ಅವರ ಖಾತೆಗೆ ಹೊಸ ಕಂಪನಿಯಿಂದ ಹಣ ಕ್ರೆಡಿಟ್‌ ಆಗಲು ಪ್ರಾರಂಭವಾಗುತ್ತದೆ.
2024-25 ನೇ ಸಾಲಿನಲ್ಲಿ EPFO ಈಗಾಗಲೇ ಸುಲಭ ಐಟಿ ಪ್ರಕ್ರಿಯೆಗಳನ್ನು ಪ್ರಾರಂಭಿಸಿದೆ. ಇದರಲ್ಲಿ ರೂ. 1 ಲಕ್ಷದವರೆಗಿನ ಎಲ್ಲಾ ರೀತಿಯ EPF ಮುಂಗಡ ಕ್ಲೇಮ್‌ಗಳ ಸ್ವಯಂ-ಮೋಡ್ ಸಂಸ್ಕರಣೆ ಸೇರಿದೆ.
EPFO ಎಂದರೇನು?: ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (EPFO) ಭಾರತ ಸರ್ಕಾರ ಸ್ಥಾಪಿಸಿದ ಶಾಸನಬದ್ಧ ಸಂಸ್ಥೆಯಾಗಿದೆ. ಇದನ್ನು 1952 ರಲ್ಲಿ ಸ್ಥಾಪಿಸಲಾಯಿತು. ಉದ್ಯೋಗಿಗಳ ಭವಿಷ್ಯ ನಿಧಿ (PF) ಹಣವನ್ನು EPFO ನಿರ್ವಹಿಸುತ್ತದೆ. PF ಮೇಲೆ ಪ್ರಸ್ತುತ 8.25% ಬಡ್ಡಿದರವಿದೆ.