ಉದ್ದಿಮೆಗಳಿಗೆ ಆಕ್ಸಿಜನ್‌ ನಿರ್ಬಂಧ 2 ದಿನದಲ್ಲಿ ತೆರವು ಸಾಧ್ಯತೆ!

* ದೇಶ​ದಲ್ಲಿ ಹೊಸ ಕೊರೋನಾ ಕೇಸ್‌​ಗಳ ಇಳಿಕೆ ಹಾಗೂ ರೋಗಿ​ಗ​ಳಿಗೆ ವೈದ್ಯ​ಕೀ​ಯ ಆಮ್ಲ​ಜ​ನ​ಕದ ಬೇಡಿಕೆ ಇಳಿ​ಕೆ​ * ಉದ್ದಿಮೆಗಳಿಗೆ ಆಕ್ಸಿಜನ್‌ ನಿರ್ಬಂಧ 2 ದಿನದಲ್ಲಿ ತೆರವು ಸಾಧ್ಯತೆ * ಆದ್ಯ​ತೆಯ ಮೇರೆಗೆ ಕೆಲ ಕೈಗಾ​ರಿ​ಕೋ​ದ್ಯ​ಮ​ಗ​ಳಿಗೆ ಆಮ್ಲ​ಜ​ನಕ ಬಳ​ಸಲು 2-3 ದಿನ​ಗ​ಳಲ್ಲಿ ಅವ​ಕಾಶ

ನವ​ದೆ​ಹ​ಲಿ(ಮೇ.31): ದೇಶ​ದಲ್ಲಿ ಹೊಸ ಕೊರೋನಾ ಕೇಸ್‌​ಗಳ ಇಳಿಕೆ ಹಾಗೂ ರೋಗಿ​ಗ​ಳಿಗೆ ವೈದ್ಯ​ಕೀ​ಯ ಆಮ್ಲ​ಜ​ನ​ಕದ ಬೇಡಿಕೆ ಇಳಿ​ಕೆ​ಯಾ​ಗಿ​ರುವ ಬೆನ್ನಲ್ಲೇ, ದ್ರವ​ರೂ​ಪದ ಆಮ್ಲ​ಜ​ನಕ ಬಳ​ಕೆ ಮಾಡ​ಲು ಉದ್ಯ​ಮ​ಗ​ಳಿಗೆ ಹೇರ​ಲಾ​ಗಿ​ರುವ ನಿರ್ಬಂಧ​ವನ್ನು ಕೇಂದ್ರ ಸರ್ಕಾರ ಇನ್ನೂ 2-3 ದಿನ​ಗ​ಳಲ್ಲಿ ತೆರ​ವು​ಗೊ​ಳಿ​ಸುವ ಸಾಧ್ಯ​ತೆ​ಯಿದೆ.

ಈ ಬಗ್ಗೆ ಭಾನು​ವಾ​ರ ಪ್ರತಿ​ಕ್ರಿ​ಯಿ​ಸಿದ ಹಿರಿಯ ಅಧಿ​ಕಾ​ರಿ​ಯೊ​ಬ್ಬರು, ‘ಇದೀಗ ವೈದ್ಯ​ಕೀಯ ಆಮ್ಲ​ಜ​ನ​ಕದ ಬೇಡಿಕೆ ಇಳಿ​ಕೆ​ಯಾ​ಗಿದೆ. ಈ ಹಿನ್ನೆ​ಲೆ​ಯಲ್ಲಿ ಆದ್ಯ​ತೆಯ ಮೇರೆಗೆ ಕೆಲ ಕೈಗಾ​ರಿ​ಕೋ​ದ್ಯ​ಮ​ಗ​ಳಿಗೆ ಆಮ್ಲ​ಜ​ನಕ ಬಳ​ಸಲು 2-3 ದಿನ​ಗ​ಳಲ್ಲಿ ಅವ​ಕಾಶ ಕಲ್ಪಿ​ಸ​ಲಾ​ಗು​ತ್ತ​ದೆ’ ಎಂದಿ​ದ್ದಾರೆ.

ದೇಶಾ​ದ್ಯಂತ ಕೊರೋನಾ ವೈರ​ಸ್‌ನ 2ನೇ ಅಲೆ ತೀವ್ರ​ವಾ​ಗಿದ್ದ ಹಿನ್ನೆ​ಲೆ​ಯಲ್ಲಿ ಉಸಿ​ರಾಟ ಸಮ​ಸ್ಯೆಗೆ ಸಿಲು​ಕು​ತ್ತಿದ್ದವ​ರಿಗೆ ತ್ವರಿ​ತ​ ಮತ್ತು ಹೆಚ್ಚು ಮಂದಿಗೆ ಆಮ್ಲ​ಜ​ನಕ ಪೂರೈ​ಸಲು ಕೇಂದ್ರ ಸರ್ಕಾರ, ವೈದ್ಯ​ಕೀ​ಯೇ​ತರ ಕಾರ​ಣ​ಕ್ಕಾಗಿ ದ್ರವ​ರೂ​ಪದ ಆಮ್ಲ​ಜ​ನ​ಕ ಬಳ​ಸ​ದಂತೆ ನಿರ್ಬಂಧ ಹೇರಿತ್ತು. ಅಲ್ಲದೆ ಆಮ್ಲ​ಜ​ನಕ ಉತ್ಪಾ​ದ​ನೆ​ಯನ್ನು ಗರಿಷ್ಠ ಮಟ್ಟಕ್ಕೆ ಹೆಚ್ಚಿ​ಸು​ವಂತೆ ಖಾಸಗಿ ಕಂಪ​ನಿ​ಗ​ಳಿಗೆ ಸೂಚಿ​ಸಿದ್ದ ಕೇಂದ್ರ ಸರ್ಕಾ​ರವು, ಅದನ್ನು ತನ್ನ ಬಳ​ಕೆಗೆ ನೀಡ​ಬೇಕು ಎಂದು ಹೇಳಿತ್ತು.

ಸೂಚನೆ: ಕೊರೋನಾ ಮಹಾಮಾರಿ ಎಲ್ಲೆಡೆ ಹರಡುತ್ತಿದೆ. ಹೀಗಿರುವಾಗ ಎಲ್ಲರೂ ತಪ್ಪದೇ ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಪಾಡಿ ಹಾಗೂ ಲಸಿಕೆ ಪಡೆಯಿರಿ ಎಂಬುವುದು ಏಷ್ಯಾನೆಟ್‌ ನ್ಯೂಸ್‌ ಕಳಕಳಿಯ ವಿನಂತಿ. ಒಗ್ಗಟ್ಟಿನಿಂದ ನಾವು ಈ ಕೊರೋನಾ ಸರಪಳಿ ಮುರಿಯೋಣ #ANCares #IndiaFightsCorona