ಡೆಲ್ಟಾ ಪ್ಲಸ್‌ಗೆ ಮತ್ತೆ 3 ಬಲಿ, ಒಟ್ಟು ಸೋಂಕಿತರ ಸಂಖ್ಯೆ 52!

ಡೆಲ್ಟಾಪ್ಲಸ್‌ಗೆ ಮತ್ತೆ 3 ಬಲಿ, ಒಟ್ಟು ಸೋಂಕಿತರ ಸಂಖ್ಯೆ 52 ಮಧ್ಯಪ್ರದೇಶದಲ್ಲಿ 2, ಮಹಾರಾಷ್ಟ್ರದಲ್ಲಿ ಒಂದು ಸಾವು ಆಸ್ಪ್ರೇ​ಲಿ​ಯಾ, ಇಸ್ರೇ​ಲ್‌​ನಲ್ಲಿ ಕೋವಿ​ಡ್‌ ನಿರ್ಬಂಧ ಮರು ಜಾರಿ

ನವದೆಹಲಿ(ಜೂ.26): 3ನೇ ಅಲೆಗೆ ಕಾರಣವಾಗಬಲ್ಲದು ಎಂಬ ಭೀತಿ ಹುಟ್ಟಿಸಿರುವ ಡೆಲ್ಟಾಪ್ಲಸ್‌ ರೂಪಾಂತರಿ ಕೊರೋನಾ ತಳಿಯ ಸೋಂಕಿತರ ಸಂಖ್ಯೆ ಮತ್ತಷ್ಟುಏರಿಕೆ ಕಂಡಿದ್ದು, ಶುಕ್ರವಾರ 52ಕ್ಕೆ ತಲುಪಿದೆ. ಜೊತೆಗೆ ಶುಕ್ರವಾರ ಒಂದೇ ದಿನ ಡೆಲ್ಟಾಪ್ಲಸ್‌ ವೈರಸ್‌ಗೆ ತುತ್ತಾಗಿದ್ದ ಮೂವರು ಸಾವನ್ನಪ್ಪಿದ್ದಾರೆ.

ಈ ಪೈಕಿ ಎರಡು ಸಾವು ಮಧ್ಯಪ್ರದೇಶದಲ್ಲಿ ಮತ್ತು 1 ಸಾವು ಮಹಾರಾಷ್ಟ್ರದಲ್ಲಿ ಸಂಭವಿಸಿದೆ. ಮಧ್ಯಪ್ರದೇಶದಲ್ಲಿ ಸಾವನ್ನಪ್ಪಿದ ಇಬ್ಬರೂ ಲಸಿಕೆ ಪಡೆದುಕೊಂಡಿರಲಿಲ್ಲ. ಇದರೊಂದಿಗೆ ಈ ರೂಪಾಂತರಿಗೆ ಬಲಿಯಾದವರ ಸಂಖ್ಯೆ 4ಕ್ಕೆ ಏರಿದೆ. ಮೊದಲ ಸಾವು ಕೂಡಾ ಮಧ್ಯಪ್ರದೇಶದಲ್ಲೇ ಸಂಭವಿಸಿತ್ತು. ಈ ವರೆಗೆ 9 ರಾಜ್ಯಗಳಲ್ಲಿ ಡೆಲ್ಟಾಪ್ಲಸ್‌ ರೂಪಾಂತರಿ ಪತ್ತೆಯಾಗಿದೆ.

ಆಸ್ಪ್ರೇ​ಲಿ​ಯಾ, ಇಸ್ರೇ​ಲ್‌​ನಲ್ಲಿ ಕೋವಿ​ಡ್‌ ನಿರ್ಬಂಧ ಮರು ಜಾರಿ

ಕೊರೊನಾ ವೈರಸ್‌ ಅನ್ನು ಯಶ​ಸ್ವಿ​ಯಾಗಿ ನಿಯಂತ್ರ​ಣಕ್ಕೆ ತಂದಿದ್ದ ಆಸ್ಪ್ರೇ​ಲಿಯಾ ಮತ್ತು ಇಸ್ರೇಲ್‌​ನಲ್ಲಿ ಈಗ ಡೆಲ್ಟಾವೈರ​ಸ್‌ನ ಭೀತಿ ಎದು​ರಾ​ಗಿದೆ. ಸಿಡ್ನಿ​ಯಲ್ಲಿ ಬೆರ​ಳೆ​ಣಿ​ಕೆ​ಯಷ್ಟುಪ್ರಕ​ರ​ಣ​ಗಳು ದಾಖ​ಲಾ​ಗು​ತ್ತಿ​ದ್ದ​ರಿಂದ ಜನ​ಜೀ​ವನ ಸಹ​ಜ​ಸ್ಥಿ​ತಿಗೆ ಮರ​ಳಿತ್ತು. ಆದ​ರೆ, ಡೆಲ್ಟಾ​ದಿಂದಾಗಿ ಕೊರೋನಾ ವೈರಸ್‌ ಹರ​ಡು​ವು​ದನ್ನು ತಪ್ಪಿ​ಸುವ ಸಲು​ವಾಗಿ ಸಿಡ್ನಿ​ಯಲ್ಲಿ ಒಂದು ವಾರ​ಗಳ ಕಾಲ ಲಾಕ್‌​ಡೌನ್‌ ಜಾರಿ ಮಾಡ​ಲಾ​ಗಿದೆ.

ಅದೇ ರೀತಿ ಪರಿ​ಣಾ​ಮ​ಕಾರಿ ಲಸಿಕೆ ನೀಡಿ​ಕೆ​ಯಿಂದಾಗಿ ಇಸ್ರೇಲ್‌ ಕೊರೋ​ನ​ವನ್ನು ಗೆದ್ದಿತ್ತು. ಹೀಗಾಗಿ ಇಸ್ರೇ​ಲ್‌​ನಲ್ಲಿ ಕೋವಿಡ್‌ ನಿರ್ಬಂಧ​ಗ​ಳನ್ನು ಸಂಪೂ​ರ್ಣ​ವಾಗಿ ಹಿಂಪ​ಡೆ​ಯ​ಲಾ​ಗಿತ್ತು. ಆದರೆ, ಡೆಲ್ಟಾಭೀತಿ​ಯಿಂದಾಗಿ ಇಸ್ರೇ​ಲ್‌​ನಲ್ಲಿ ಕೋವಿಡ್‌ ನಿರ್ಬಂಧ​ಗ​ಳನ್ನು ಪುನಃ ಜಾರಿ ಮಾಡ​ಲಾ​ಗಿದೆ. ಒಳಾಂಗಣದಲ್ಲಿ ಮಾಸ್ಕ್‌ ಧರಿಸುವುದನ್ನು ಮತ್ತೆ ಕಡ್ಡಾಯ ಮಾಡಲಾಗಿದೆ. ಇದೇ ವೇಳೆ ಫಿಜಿ ದೇಶ​ದಲ್ಲಿ ಡೆಲ್ಟಾ​ದಿಂದಾಗಿ ಮೂರನೇ ಅಲೆ ಏಳುವ ಅಪಾಯ ಎದು​ರಾ​ಗಿದೆ.