ದೆಹಲಿ-ಮುಂಬೈ ಎಕ್ಸ್‌ಪ್ರೆಸ್‌ವೇ : ರಾಜಧಾನಿ ಎಕ್ಸ್‌ಪ್ರೆಸ್‌ಗಿಂತಲೂ ಫಾಸ್ಟ್

ದೆಹಲಿ-ಮುಂಬೈ ರಸ್ತೆ ಪ್ರಯಾಣ ಇನ್ನು ಬರೀ 12 ಗಂಟೆ ಮಾತ್ರ ಈಗಿರುವುದಕ್ಕಿಂತ ಅರ್ಧಕ್ಕರ್ಧ ಪ್ರಯಾಣ ಸಮಯ ಲಾಭ

ದೆಹಲಿ(ಸೆ.23): ಮುಂಬೈ ಎಕ್ಸ್‌ಪ್ರೆಸ್‌ವೇ ದೆಹಲಿ ಹಾಗೂ ಮುಂಬೈ ನಡುವಿನ ಪ್ರಯಾಣ ದೂರವನ್ನು ಅರ್ಧಕ್ಕರ್ಧದಷ್ಟು ಕಡಿಮೆ ಮಾಡಲಿದೆ. ಈಗ ದೆಹಲಿ(Delhi) ಹಾಗೂ ಮುಂಬೈ(Mumbai) ನಡುವಿನ ಪ್ರಯಾಣಾವಧಿ 24 ಗಂಟೆಯಾಗಿದ್ದು, ಈ ಅವಧಿ 12 ಗಂಟೆಗೆ ಇಳಇಕೆಯಾಗಲಿದೆ. ಈ ಮೂಲಕ ಬರೋಬ್ಬರಿ 130 ಕಿಮೀ ಪ್ರಯಾಣಿಸದೆ ಪರಸ್ಪರ ಎರಡು ನಗರಗಳ ನಡುವಿನ ಸಂಪರ್ಕ ಸಾಧಿಸಬಹುದಾಗಿದೆ. ಇದು ರಾಜಧಾನಿ ಎಕ್ಸ್‌ಪ್ರೆಸ್‌ಗಿಂತ ಫಾಸ್ಟ್ ಇರಲಿದೆ.

ಕೇಂದ್ರ ಸಾರಿಗೆ ಸಚಿವ ನಿತಿನ್ ಗಡ್ಕರಿ ಅವರು ಸೆ.16 ಹಾಗೂ 17ರಂದು ದೆಹಲಿ-ಮುಂಬೈ ಎಕ್ಸ್‌ಪ್ರೆಸ್‌ವೇ(DME) ಕಾಮಗಾರಿಯನ್ನು ಪರಿಶೀಲನೆ ಮಾಡಿದ್ದು ಈ ಎಕ್ಸ್‌ಪ್ರೆಸ್ ವೇ ಕೆಲಸವು ಮಾರ್ಚ್‌ 2023ಕ್ಕೆ ಮುಗಿಸಲು ಯೋಜಿಸಲಾಗಿದೆ. ಈ ರಸ್ತೆಯು ದೆಹಲಿ, ಹರಿಯಾಣ, ರಾಜಸ್ಥಾನ, ಮಧ್ಯಪ್ರದೇಶ ಹಾಗೂ ಗುಜರಾತ್‌ ರಾಜ್ಯದ ಮೂಲಕ ಹಾದು ಹೋಗಲಿದೆ. 98,000 ಕೋಟಿಯಲ್ಲಿ ಸಿದ್ಧವಾಗುತ್ತಿರುವ ಈ ರಸ್ತೆಯು 1380 ಕಿಮೀ ಇರಲಿದೆ.

ದೆಹಲಿ-ಮುಂಬೈ ಜೋಡಿಸುವ ರಸ್ತೆ ಸಿದ್ಧವಾದರೆ ಇದು ಭಾರತದ ಅತ್ಯಂತ ಉದ್ದದ ಎಕ್ಸ್‌ಪ್ರೆಸ್ ವೇ ಆಗಲಿದೆ. ಎಕ್ಸ್‌ಪ್ರೆಸ್‌ವೇ ದೆಹಲಿಯ ನಗರ ಕೇಂದ್ರಗಳನ್ನು ದೆಹಲಿಯ-ಫರಿದಾಬಾದ್-ಸೋಹ್ನಾ ವಿಭಾಗದ ಮೂಲಕ ಕಾರಿಡಾರ್‌ನಿಂದ ಜೆವಾರ್ ವಿಮಾನ ನಿಲ್ದಾಣ ಮತ್ತು ಜವಾಹರಲಾಲ್ ನೆಹರು ಬಂದರಿನಿಂದ ಮುಂಬಯಿಗೆ ಮುಂಬೈನ ಸ್ಪರ್ ಮೂಲಕ ಸಂಪರ್ಕಿಸುತ್ತದೆ ಎಂದು ಸಚಿವಾಲಯದ ಅಧಿಕೃತ ಪ್ರಕಟಣೆ ತಿಳಿಸಿದೆ.

ದೆಹಲಿ, ಹರಿಯಾಣ, ರಾಜಸ್ಥಾನ, ಮಧ್ಯಪ್ರದೇಶ, ಗುಜರಾತ್ ಮತ್ತು ಮಹಾರಾಷ್ಟ್ರದ ಆರು ರಾಜ್ಯಗಳ ಮೂಲಕ ಹಾದುಹೋಗುವ ಎಕ್ಸ್‌ಪ್ರೆಸ್‌ವೇ ಆರ್ಥಿಕ ಕೇಂದ್ರಗಳಾದ ಜೈಪುರ, ಕಿಶನ್‌ಗರ್, ಅಜ್ಮೇರ್, ಕೋಟ, ಚಿತ್ತೋರ್‌ಗರ್, ಉದಯಪುರ, ಭೋಪಾಲ್, ಉಜ್ಜಯಿನಿ, ಇಂದೋರ್ ನಡುವೆ ಸಂಪರ್ಕವನ್ನು ಸುಧಾರಿಸುತ್ತದೆ. ಅಹಮದಾಬಾದ್, ವಡೋದರಾ, ಸೂರತ್ ಲಕ್ಷಾಂತರ ಜನರಿಗೆ ಆರ್ಥಿಕವಾಗಿ ಬೆಳೆಯಲು ಅವಕಾಶವಾಗುತ್ತದೆ.

ದೆಹಲಿ - ಮುಂಬೈ ಎಕ್ಸ್‌ಪ್ರೆಸ್ ವೇ ಕುರಿತ ಪ್ರಮುಖ ವಿಚಾರಗಳಿವು :

• ಹೊಸ ಎಕ್ಸ್‌ಪ್ರೆಸ್‌ವೇ ದೆಹಲಿ ಮತ್ತು ಮುಂಬೈ ನಡುವಿನ ಪ್ರಯಾಣದ ಸಮಯವನ್ನು ಸುಮಾರು 24 ಗಂಟೆಗಳಿಂದ 12 ಗಂಟೆಗಳವರೆಗೆ ಅರ್ಧದಷ್ಟು ಕಡಿಮೆಗೊಳಿಸುತ್ತದೆ. ದೂರವನ್ನು 130 ಕಿಮೀ ಕಡಿಮೆಗೊಳಿಸುತ್ತದೆ.
• ಇದು ವರ್ಷಕ್ಕೆ 320 ದಶಲಕ್ಷ ಲೀಟರ್‌ಗಳಷ್ಟು ಇಂಧನ ಉಳಿತಾಯವನ್ನು ಮಾಡಲು ಕಾರಣವಾಗಲಿದೆ. 850 ದಶಲಕ್ಷ ಕೆಜಿಯಷ್ಟು CO2 ಹೊರಸೂಸುವಿಕೆಯನ್ನು ಕಡಿಮೆ ಮಾಡುತ್ತದೆ. ಇದು 40 ದಶಲಕ್ಷ ಮರಗಳನ್ನು ನೆಡುವುದಕ್ಕೆ ಸಮನಾಗಿದೆ.
• ರಸ್ತೆ 3 ಪ್ರಾಣಿಗಳು ಮತ್ತು 5 ಓವರ್‌ಪಾಸ್‌ಗಳನ್ನು ಹೊಂದಿದ್ದು, 7 ಕಿಮೀ ಉದ್ದದ ವನ್ಯಜೀವಿ ಸಂಚಾರಕ್ಕಾಗಿ ಮೀಸಲಾಗಿರುತ್ತದೆ. ಎಕ್ಸ್‌ಪ್ರೆಸ್‌ವೇಯು ಲೇನ್ ಸುರಂಗಗಳನ್ನು ಕೂಡ ಒಳಗೊಂಡಿದೆ.
• ಎಕ್ಸ್‌ಪ್ರೆಸ್‌ ವೇಯಲ್ಲಿ ಎರಡು ಲೇನ್ ಸುರಂಗಗಳು ಇರಲಿದ್ದು, ಒಂದು ಮುಕುಂದ್ರ ಅಭಯಾರಣ್ಯದ ಮೂಲಕ ಹಾದು ಹೋಗಲಿದೆ. ಇದು 4 ಕಿಮೀ ವ್ಯಾಪ್ತಿಗೆ ಬರಲಿದ್ದು, ಇನ್ನೊಂದು ಮಥೆರನ್ ನೈಸರ್ಗಿಕ ಸೂಕ್ಷ್ಮ ವಲಯದ ಮೂಲಕ 4 ಕಿಮೀ ವ್ಯಾಪ್ತಿಯಲ್ಲಿ ಹಾದುಹೋಗಲಿದೆ.
• ಪಾದಚಾರಿ ವಿನ್ಯಾಸವನ್ನು ದೆಹಲಿ - ವಡೋದರಾ ವಿಭಾಗಕ್ಕೆ ಅಳವಡಿಸಲಾಗಿದೆ. ಇದು ಶುಷ್ಕ ಪ್ರದೇಶಗಳ ಮೂಲಕ ಹಾದುಹೋಗಲಿದ್ದು ವಡೋದರಾ - ಮುಂಬೈ ವಿಭಾಗಕ್ಕೆ ಕಠಿಣ ಪಾದಚಾರಿ ವಿನ್ಯಾಸವನ್ನು ಅಳವಡಿಸಲಾಗಿದೆ.
• ಡಿಎಂಇ ಸಹ ಸಾವಿರಾರು ತರಬೇತಿ ಪಡೆದ ಸಿವಿಲ್ ಇಂಜಿನಿಯರ್‌ಗಳಿಗೆ ಉದ್ಯೋಗವನ್ನು ಸೃಷ್ಟಿಸಿದೆ. 50 ಲಕ್ಷಕ್ಕೂ ಹೆಚ್ಚು ದಿನಗಳ ಕಾಲ ಜನ ಕೆಲಸ ಮಾಡಿದ್ದಾರೆ.
• ಇನ್ನೊಂದು ವಿಶಿಷ್ಟ ಅಂಶವೆಂದರೆ ಕಾರಿಡಾರ್‌ನ ಉದ್ದಕ್ಕೂ ಬಳಕೆದಾರರ ಅನುಕೂಲ ಮತ್ತು ಸುರಕ್ಷತೆಯನ್ನು ಸುಧಾರಿಸಲು 94-ರಸ್ತೆ ಬದಿ ಸೌಕರ್ಯಗಳನ್ನು (WSA) ಸ್ಥಾಪಿಸುವುದು.
• ಪೆಟ್ರೋಲ್ ಪಂಪ್‌ಗಳು, ಹೊಟೆಲ್‌ಗಳು, ವಿಶ್ರಾಂತಿ ಪ್ರದೇಶಗಳು, ರೆಸ್ಟೋರೆಂಟ್‌ಗಳು ಮತ್ತು ಅಂಗಡಿಗಳನ್ನು ಹೊಂದಿವೆ. ಈ ವೇಸೈಡ್ ಸೌಲಭ್ಯಗಳು ಸಂಪರ್ಕವನ್ನು ಹೆಚ್ಚಿಸಲು ಮತ್ತು ವೈದ್ಯಕೀಯ ತುರ್ತು ಸಂದರ್ಭಗಳಲ್ಲಿ ಜನರನ್ನು ಸ್ಥಳಾಂತರಿಸಲು ಹೆಲಿಪ್ಯಾಡ್‌ಗಳನ್ನು ಹೊಂದಿರುತ್ತವೆ.