ಹೆಪ್ಪುಗಟ್ಟಿದ ಕಾಶ್ಮೀರದ ದ್ರಾಸ್‌!

ಲಡಾಖ್‌ನ ದ್ರಾಸ್‌ನಲ್ಲಿ -30 ಡಿಗ್ರಿ ಉಷ್ಣಾಂಶ| ಕಾಶ್ಮೀರ ಕಣಿವೆಯಾದ್ಯಂತ ಭಾರೀ ಚಳಿಗಾಳಿ, ಹಿಮಪಾತ

ಶ್ರೀನಗರ[ಜ.25]: ಕಾಶ್ಮೀರ ಕಣಿವೆಯಲ್ಲಿ ಚಳಿಗಾಲದ ಶೀತಗಾಳಿಯ ತೀವ್ರತೆ ದಿನೇ ದಿನೇ ಏರುತ್ತಿದೆ. ಜೊತೆಗೆ ಭಾರೀ ಉಷ್ಣಾಂಶ ಕುಸಿದ ಪರಿಣಾಮ ಶನಿವಾರದ ಬಳಿಕ ಕೆಲ ದಿನಗಳ ಕಾಲ ಸಣ್ಣ ಮಳೆ ಅಥವಾ ಹಿಮಪಾತ ಹೆಚ್ಚಾಗಲಿದೆ ಎಂದು ಹವಮಾನ ಇಲಾಖೆ ಭವಿಷ್ಯ ನುಡಿದಿದೆ.

ಈ ನಡುವೆ ಲಡಾಖ್‌ನ ದ್ರಾಸ್‌ನಲ್ಲಿ ಉಷ್ಣಾಂಶ ಬರೋಬ್ಬರಿ -30 ಡಿಗ್ರಿಗೆ ಕುಸಿದಿದೆ.ಈ ಹಿಂದೆ 1995 ಜನವರಿ 9 ರಂದು -60 ಡಿಗ್ರಿ ದಾಖಲಿಸುವ ಮೂಲಕ ದ್ರಾಸ್‌ ದಾಖಲೆ ಬರೆದಿತ್ತು.

ಇನ್ನು-20.1 ಡಿಗ್ರಿ ದಾಖಲಿಸುವ ಮೂಲಕ ಲೇಹ್‌ ಎರಡನೇ ಸ್ಥಾನದಲ್ಲಿದೆ. ಶ್ರೀನಗರದಲಿ -6.1 ಡಿ. ಸೆ., ಪಹಲ್ಗಾಂನಲ್ಲಿ 13.4 ಡಿ.ಸೆ., ಗುಲ್ಮಾರ್ಗ್‌ನಲ್ಲಿ -11.2 ಡಿ.ಸೆ.ಕ್ಕೆ ಇಳಿದಿದೆ ಎಂದು ಹವಾಮಾನ ಇಲಾಖೆ ಹೇಳಿದೆ.