ತಿರುವಲ್ಲೂರಿನಲ್ಲಿ ಕಾಗೆ ಮಾಂಸ ಬಳಸಿ ಬಿರಿಯಾನಿ ತಯಾರಿಸುತ್ತಿದ್ದ ದಂಪತಿಯನ್ನು ಅರಣ್ಯಾಧಿಕಾರಿಗಳು ಪತ್ತೆ ಹಚ್ಚಿದ್ದಾರೆ. ಕಾನೂನಿನ ಬೆಂಬಲದ ಕೊರತೆಯಿಂದಾಗಿ ದಂಡ ವಿಧಿಸಿ ಬಿಡುಗಡೆ ಮಾಡಲಾಗಿದೆ.
ಬೆಂಗಳೂರು (ಡಿ.24): ಕೌ (ದನ) ಬಿರಿಯಾನಿ ಕೇಳಿದ್ದೇವೆ, ಬೌ ಬೌ ಬಿರಿಯಾನಿಯನ್ನೂ ಕೇಳಿದ್ದೇವೆ. ಆದರೆ, ತಮಿಳುನಾಡಿನ ತಿರುವಲ್ಲೂರ್‌ನಲ್ಲಿ ಚಿಕನ್‌ ಬಿರಿಯಾನಿ ಹೆಸರಲ್ಲಿ ಕಾಗೆ ಮಾಂಸವನ್ನು ಮಾರಾಟ ಮಾಡುತ್ತಿದ್ದ ದಂಪತಿಗಳನ್ನು ಅರಣ್ಯಾಧಿಕಾರಿಗಳು ಪತ್ತೆ ಮಾಡಿದ್ದಾರೆ. ಕಾಗೆಯ ಮಾಂಸ ಬಳಸಿ ಬಿರಿಯಾನಿ ಮಾಡುವಾಗಲೇ ಇವರು ಅಧಿಕಾರಿಯ ಬಳಿ ಸಿಕ್ಕಿಹಾಕಿಕೊಂಡಿದ್ದಾರೆ.ಅರಣ್ಯ ಇಲಾಖೆ ಆರಂಭದಲ್ಲಿ ಇವರನ್ನು ಬಂಧಿಸಿತ್ತಾದರೂ ಇದಕ್ಕೆ ಕಾನೂನಿನ ಬೆಂಬಲ ಇಲ್ಲದ ಕಾರಣ, ಇವರಿಗೆ ದಂಡ ಹಾಗೂ ಎಚ್ಚರಿಕೆ ನೀಡಿ ಬಿಡುಗಡೆ ಮಾಡಿದೆ. ಈ ವಿಲಕ್ಷಣ ಘಟನೆಯು ಅದರ ಸ್ವರೂಪದಿಂದಾಗಿ ಗಮನಸೆಳೆದಿದೆ. ನಯಪಕ್ಕಂ ಮೀಸಲು ಪ್ರದೇಶಕ್ಕೆ ಸಮೀಪವಿರುವ ತೊರೈಪಕ್ಕಂ ಗ್ರಾಮದಲ್ಲಿ ರಮೇಶ್ ಮತ್ತು ಭೂಚಮ್ಮ ಕಾಗೆಗಳನ್ನು ಕೊಲ್ಲುವ ಕಾರ್ಯದಲ್ಲಿ ತೊಡಗಿರುವುದನ್ನು ಅರಣ್ಯಾಧಿಕಾರಿಗಳು ಪತ್ತೆ ಹಚ್ಚಿದ್ದಾರೆ. ಅವರ ನಿವಾಸದ ಮೇಲೆ ದಾಳಿ ಮಾಡಿದಾಗ 14 ಕಾಗೆಗಳನ್ನು ಕೂಡ ಅವರು ರಕ್ಷಣೆ ಮಾಡಿದ್ದಾರೆ.
ಆಹಾರಕ್ಕಾಗಿ ಪಕ್ಷಿಗಳನ್ನು ಹಿಡಿದಿದ್ದೇವೆ ಎಂದು ದಂಪತಿಗಳು ಹೇಳಿಕೊಂಡಿದ್ದಾರೆ. ಆದರೆ, ಈ ಪ್ರದೇಶದ ರಸ್ತೆ ಬದಿಯ ಅಂಗಡಿಗಳಿಗೆ ಅವರು ಕಾಗೆ ಮಾಂಸವನ್ನು ಮಾರಾಟ ಮಾಡುತ್ತಿರುವ ಬಗ್ಗೆ ಅನುಮಾನಗಳು ಬಂದಿದ್ದವು ಎನ್ನಲಾಗಿದೆ.
undefined
ಕಾಗೆ ಜನಸಂಖ್ಯೆಯ ಬಗ್ಗೆ ಕಾಳಜಿ: ಕಾಗೆಗಳ ಸಂತತಿ ಕ್ಷೀಣಿಸುತ್ತಿರುವ ಬಗ್ಗೆ ಅರಣ್ಯ ಇಲಾಖೆ ಆತಂಕ ವ್ಯಕ್ತಪಡಿಸಿದೆ. ಇಂಥ ಕೃತ್ಯಗಳಿಂದ ಅವುಗಳ ಸಂಖ್ಯೆಯ್ನು ಮತ್ತಷ್ಟು ಕಡಿಮೆ ಮಾಡಬಹುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಕಾಂಗೆ ಮಾಸ ಸೇವನೆ ಮಾಡೋದರಿಂದ ಆರೋಗ್ಯಕ್ಕೆ ಯಾವುದೇ ಅಪಾಯವಿಲ್ಲ ಎಂದು ದಂಪತಿಗಳಿ ಹೇಳಿದ್ದರೂ. ಪರಿಸರದ ಮೇಲೆ ಆಗುವ ಪರಿಣಾಮಗಳ ಬಗ್ಗೆ ಅಧಿಕಾರಿಗಳು ಕಾಳಜಿ ವಹಿಸಿದ್ದಾರೆ.
1972ರ ಅರಣ್ಯ ಇಲಾಖೆ ಸಂರಕ್ಷಣಾ ಕಾಯ್ದೆಯಡಿ ಕಾಗೆಗಳನ್ನು ಕೀಟಗಳೆಂದು ವರ್ಗೀಕರಿಸಲಾಗಿದೆ. ಪರಿಣಾಮವಾಗಿ, ರಮೇಶ್ ಮತ್ತು ಭೂಚಮ್ಮ ಅವರನ್ನು ಬಂಧಿಸಲಾಗಿಲ್ಲ ಆದರೆ ಅರಣ್ಯ ಅತಿಕ್ರಮಣಕ್ಕಾಗಿ ರೂ 5,000 ದಂಡವನ್ನು ಎದುರಿಸಿದರು. ಈ ಸಮಸ್ಯೆಯನ್ನು ಕಾನೂನಾತ್ಮಕವಾಗಿ ಬಗೆಹರಿಸುವಂತೆ ಅವರ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ.
ಮಾಂಸ ಪೂರೈಕೆಯ ಅನುಮಾನಗಳು: ದಂಪತಿಯನ್ನು ವಿಚಾರಣೆಗೆ ಒಳಪಡಿಸಿದಾಗ ರಮೇಶ್‌ಗೆ ನಾಲ್ವರು ಪುತ್ರಿಯರು ಹಾಗೂ ಒಬ್ಬ ಪುತ್ರ ಇರುವುದು ಬೆಳಕಿಗೆ ಬಂದಿದೆ. ಕುಟುಂಬ ಜೀವನೋಪಾಯಕ್ಕಾಗಿ ಕಾಗೆಗಳನ್ನು ಹಿಡಿಯಲು ಆಶ್ರಯಿಸಿತ್ತು. ಆದಾಗ್ಯೂ, ಹೆದ್ದಾರಿಗಳಲ್ಲಿನ ಸಣ್ಣ ಮಾಂಸಾಹಾರಿ ರೆಸ್ಟೋರೆಂಟ್‌ಗಳಿಗೆ ಕಾಗೆ ಮಾಂಸವನ್ನು ಸರಬರಾಜು ಮಾಡುವುದೇ ನಿಜವಾದ ಉದ್ದೇಶ ಎಂದು ಅಧಿಕಾರಿಗಳು ಶಂಕಿಸಿದ್ದಾರೆ. ಈ ಘಟನೆಯು ವನ್ಯಜೀವಿ ರಕ್ಷಣೆ ಮತ್ತು ಪ್ರಾಣಿಗಳ ಜನಸಂಖ್ಯೆಯ ಮೇಲೆ ಪರಿಣಾಮ ಬೀರುವ ಮಾನವ ಚಟುವಟಿಕೆಗಳ ಬಗ್ಗೆ ವ್ಯಾಪಕ ಕಾಳಜಿಯನ್ನು ಎತ್ತಿ ತೋರಿಸುತ್ತದೆ. ಇದು ಮಾನವನ ಅಗತ್ಯತೆಗಳು ಮತ್ತು ಪರಿಸರ ಸಂರಕ್ಷಣೆಯ ನಡುವಿನ ಸೂಕ್ಷ್ಮ ಸಮತೋಲನದ ಜ್ಞಾಪನೆಯಾಗಿ ಕಾರ್ಯನಿರ್ವಹಿಸುತ್ತದೆ.
ಬೆಂಗಳೂರು ಮೂಲದ ಫಿನ್‌ಟೆಕ್‌ ಸ್ಟಾರ್ಟ್‌ಅಪ್‌ ಅಡ್ವೈಸರ್‌ ಶ್ರೀರಾಮ್‌ ಕೃಷ್ಣನ್‌ ಈಗ ಟ್ರಂಪ್‌ಗೆ AI Advisor!