ಬಾಂಗ್ಲಾದೇಶೀಯರು ಕೇವಲ ಪೋಹಾ(ಅವಲಕ್ಕಿ) ತಿನ್ನುತ್ತಾರಂತೆ| ಅವರ ಆಹಾರ ಪದ್ಧತಿಯಿಂದಲೇ ಅವರನ್ನು ಸುಲಭವಾಗಿ ಗುರುತಿಸಬಹುದಂತೆ| ಬಿಜೆಪಿ ನಾಯಕ ಕೈಲಾಶ್ ವಿಜಯವರ್ಗೀಯ ವಿವಾದಾತ್ಮಕ ಹೇಳಿಕೆ| ತಮ್ಮ ಮನೆ ನಿರ್ಮಾಣಕ್ಕೆ ಬಂದಿದ್ದ ಬಾಂಗ್ಲಾದೇಶಿ ವಲಸಿಗರು ನಿತ್ಯವೂ ಪೋಹಾ ತಿನ್ನುತ್ತಿದ್ದರು ಎಂದ ಕೈಲಾಶ್| ಕೈಲಾಶ್ ವಿಜಯವರ್ಗೀಯ ಹೇಳಿಕೆಗೆ ತೀವ್ರ ವಿರೋಧ|
ಇಂಧೋರ್(ಜ.24): ಅಕ್ರಮ ಬಾಂಗ್ಲಾದೇಶೀಯರನ್ನು ಅವರು ತಿನ್ನುವ ಆಹಾರದಿಂದಲೇ ಸುಲಭವಾಗಿ ಗುರುತಿಸಬಹುದು ಎಂಧು ಬಿಜೆಪಿ ನಾಯಕ ಹಾಗೂ ಪ.ಬಂಗಾಳ ಉಸ್ತುವಾರಿ ಕೈಲಾಶ್ ವಿಜಯವರ್ಗೀಯ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ.
ಬಾಂಗ್ಲಾದೇಶೀಯರು ಕೇವಲ ಪೋಹಾ(ಅವಲಕ್ಕಿ) ತಿನ್ನುತ್ತಾರೆ. ಅವರ ಈ ಆಹಾರ ಪದ್ದತಿಯಿಂದಲೇ ಅವರನ್ನು ಸುಲಭವಾಗಿ ಗುರುತಿಸಬಹುದು ಎಂದು ಕೈಲಾಶ್ ವಿಜಯವರ್ಗೀಯ ಅಭಿಪ್ರಾಯಪಟ್ಟಿದ್ದಾರೆ.
ರಾಜ್ಯದಲ್ಲಿ ಅಕ್ರಮ ಬಾಂಗ್ಲನ್ನರ ಲೆಕ್ಕವೇ ಇಲ್ಲ!
ತಮ್ಮ ಮನೆ ನಿರ್ಮಾಣ ಕೆಲಸಕ್ಕೆ ಬಂದಿದ್ದ ಕೆಲವು ಕಾರ್ಮಿಕರು ನಿತ್ಯವೂ ಊಟಕ್ಕೆ ಕೇವಲ ಪೋಹಾ ತಿನ್ನುತ್ತಿದ್ದರು. ಅವರ ಈ ಆಹಾರ ಪದ್ಧತಿ ತಮಗೆ ಅನುಮಾನ ಬರುವಂತೆ ಮಾಡಿತು. ಈ ಕುರಿತು ಪರಿಶೀಲನೆ ನಡೆಸಿದಾಗ ಅವರು ಅಕ್ರಮ ಬಾಂಗ್ಲಾದೇಶೀಯರು ಎಂಬುದು ಗೊತ್ತಾಯಿತು ಎಂದು ಕೈಲಾಶ್ ವಿಜಯವರ್ಗೀಯ ಹೇಳಿದ್ದಾರೆ.
Eating habits of construction workers created suspicion over their nationality, says Kailash Vijayvargiya
Read Story l https://t.co/87WyallOEX pic.twitter.com/7wxn0Y4h9L
ಸಿಎಎ ಪರ ಅಭಿಯಾನದಲ್ಲಿ ಪಾಲ್ಗೊಂಡು ಮಾತನಾಡಿದ ಕೈಲಾಶ್ ವಿಜಯವರ್ಗೀಯ, ಅಕ್ರಮ ಭಾಂಗ್ಲಾ ವಲಸಿಗರ ಆಹಾರ ಪದ್ಧತಿಯಿಂದ ಅವರನ್ನು ಸುಲಭವಾಗಿ ಗುರುತಿಸಿ ಹೊರ ಹಾಕಬಹುದಾಗಿದೆ ಎಂದು ಹೇಳಿದರು.
1 ಕೋಟಿ ಬಾಂಗ್ಲಾ ಮುಸ್ಲಿಂರನ್ನು ಹೊರ ದಬ್ಬುತ್ತೇವೆ: ಬಿಜೆಪಿಗ
ಆದರೆ ಬಾಂಗ್ಲಾದೇಶೀಯರಿಗೆ ಪೋಹಾ(ಅವಲಕ್ಕಿ) ಆಹಾರ ಗೊತ್ತೇ ಇಲ್ಲ ಎಂದು ಕೆಲವರು ವಾದಿಸಿದ್ದು, ತಮ್ಮ ರಾಜಕೀಯ ಲಾಭಕ್ಕಾಗಿ ಆಹಾರ ಪದ್ಧತಿಯನ್ನು ಎಳೆದು ತಂದಿದ್ದು ಸರಿಯಲ್ಲ ಎಂದು ಕೈಲಾಶ್ ವಿಜಯವರ್ಗೀಯ ವಿರುದ್ಧ ಹರಿಹಾಯ್ದಿದ್ದಾರೆ.