2 ದಿನದಲ್ಲಿ ವಾರಂಗಲ್‌ ಕೊಳವೆ ಬಾವಿಯಲ್ಲಿ 9 ಮೃತದೇಹಗಳ ಪತ್ತೆ!

2 ದಿನದಲ್ಲಿ ವಾರಂಗಲ್‌ ಕೊಳವೆ ಬಾವಿಯಲ್ಲಿ 9 ಮೃತದೇಹಗಳ ಪತ್ತೆ!| ಸಾಮೂಹಿಕ ಆತ್ಮಹತ್ಯೆ ಇರಬಹುದೇ ಎಂಬ ಶಂಕೆ| ಮೃತರೆಲ್ಲರೂ ಗೋಣಿ ಚೀಲದ ಬ್ಯಾಗ್‌ ತಯಾರಿಸುವ ಸ್ಥಳೀಯ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದರು

ಹೈದರಾಬಾದ್‌(ಮೇ.24): ವಾರಂಗಲ್‌ನಲ್ಲಿರುವ ತೆರೆದ ಕೊಳವೆ ಬಾವಿಯೊಂದರಿಂದ ಎರಡು ದಿನಗಳಲ್ಲಿ 9 ಮೃತದೇಹಗಳು ಪತ್ತೆಯಾಗಿವೆ. ಇದು ಭಾರೀ ಆತಂಕಕ್ಕೆ ಕಾರಣವಾಗಿದೆ. ಇದು ಸಾಮೂಹಿಕ ಆತ್ಮಹತ್ಯೆ ಇರಬಹುದೇ ಎಂಬ ಶಂಕೆ ವ್ಯಕ್ತವಾಗಿದೆ.

ಮೃತರೆಲ್ಲರೂ ಗೋಣಿ ಚೀಲದ ಬ್ಯಾಗ್‌ ತಯಾರಿಸುವ ಸ್ಥಳೀಯ ಕಂಪನಿಯಲ್ಲಿ ಕೆಲಸ ಮಾಡುತ್ತಿರುವವರಾಗಿದ್ದಾರೆ. ಈ ಕೊಳವೆ ಬಾವಿಯಲ್ಲಿ ಗುರುವಾರ 4 ಮತ್ತು ಶುಕ್ರವಾರ ಮತ್ತೆ 5 ಮೃತದೇಹಗಳು ಪತ್ತೆಯಾಗಿವೆ.

ಮರಣೋತ್ತರ ಪರೀಕ್ಷೆ ವೇಳೆ ದೇಹದ ಮೇಲೆ ಗಾಯದ ಗುರುತುಗಳು ಅಥವಾ ದೇಹದಲ್ಲಿ ವಿಷದ ಅಂಶವೂ ಪತ್ತೆಯಾಗಿಲ್ಲ. ಹೀಗಾಗಿ, ಇದೊಂದು ಸಾಮೂಹಿಕ ಆತ್ಮಹತ್ಯೆ ಅಥವಾ ಕೊಲೆ ಇರಬಹುದು ಎಂಬ ವದಂತಿಗಳು ಹರದಾಡುತ್ತಿವೆ.