ಐಎಎಸ್ ಅಧಿಕಾರಿ ಟೀನಾ ಡಾಬಿ ವಿಡಿಯೋವೊಂದು ವೈರಲ್ ಆಗಿದೆ. ಈ ವಿಡಿಯೋದಲ್ಲಿ ಆಕೆ ಬಿಜೆಪಿ ನಾಯಕ ಸತೀಶ್ ಪೂನಿಯಾಗೆ ಅತಿಯಾಗಿ ನಮಸ್ಕಾರ ಮಾಡುತ್ತಿರುವ ಬಗ್ಗೆ ಸೋಶಿಯಲ್‌ ಮೀಡಿಯಾದಲ್ಲಿ ಚರ್ಚೆಗಳು ಹುಟ್ಟುಹಾಕಿವೆ.
ನವದೆಹಲಿ (ಅ.26): ಐಎಎಸ್ ಅಧಿಕಾರಿ ಟೀನಾ ಡಾಬಿ ಯಾರಿಗೆ ಗೊತ್ತಿಲ್ಲ ಹೇಳಿ. 2015ರಲ್ಲಿ ಯುಪಿಎಸ್‌ಸಿಸ ಪರೀಕ್ಷೆಯಲ್ಲಿ ಯಶಸ್ಸಿನ ಬಳಿಕ ಆಕೆಯ ಸಕ್ಸಸ್‌ ಸ್ಟೋರಿಯೊಂದಿಗೆ ಆಕೆಯ ಸೌಂದರ್ಯದ ಬಗ್ಗೆಯೂ ಸಖತ್‌ ಸುದ್ದಿಯಾಗಿತ್ತು. ತನ್ನ ಸಹಪಾಠಿ ಐಎಎಸ್ ಅಧಿಕಾರಿ ಆಥರ್‌ ಆಮೀರ್‌ ಖಾನ್‌ರನ್ನು ಮದುವೆಯಾದ ಎರಡೇ ವರ್ಷಕ್ಕೆ ವಿಚ್ಛೇದನ ನೀಡಿದ ಈಕೆ ಬಳಿಕ 2013ರ ಬ್ಯಾಚ್‌ ಐಎಎಸ್ ಅಧಿಕಾರಿ ಪ್ರದೀಪ್ ಗವಾಂಡೆಯನ್ನು ವಿವಾಹವಾದರು. ವೈಯಕ್ತಿಕ ಜೀವನದ ಕಾರಣಕ್ಕಾಗಿಯೂ ಮಾಧ್ಯಮಗಳಲ್ಲಿ ಸುದ್ದಿಯಲ್ಲಿದ್ದ ಟೀನಾ ಡಾಬಿ ಈಗ ಮತ್ತೊಮ್ಮೆ ವೈರಲ್ ಆಗಿದ್ದಾರೆ. 2024 ರ ಸೆಪ್ಟೆಂಬರ್‌ನಿಂದ ರಾಜಸ್ಥಾನದ ಬಾರ್ಮರ್‌ನ ಜಿಲ್ಲಾಧಿಕಾರಿಯಾಗಿ ಸೇವೆ ಸಲ್ಲಿಸುತ್ತಿರುವ ದಾಬಿ ಇತ್ತೀಚೆಗೆ ಬಿಜೆಪಿ ನಾಯಕ ಸತೀಶ್ ಪೂನಿಯಾ ಅವರೊಂದಿಗೆ ಕಾಣಿಸಿಕೊಂಡಿರುವ ವೀಡಿಯೊಗೆ ವೈರಲ್ ಆಗಿದೆ.
ವೈರಲ್ ವಿಡಿಯೋದಲ್ಲಿ ಈ ಹಿಂದೆ ರಾಜಸ್ಥಾನದಲ್ಲಿ ಭಾರತೀಯ ಜನತಾ ಪಕ್ಷದ ರಾಜ್ಯಾಧ್ಯಕ್ಷ ಸ್ಥಾನವನ್ನು ಹೊಂದಿದ್ದ ಮತ್ತು ಪ್ರಸ್ತುತ ಹರ್ಯಾಣದಲ್ಲಿ ಪಕ್ಷದ ಕಾರ್ಯಾಚರಣೆಯನ್ನು ನೋಡಿಕೊಳ್ಳುತ್ತಿರುವ ಸತೀಶ್ ಪೂನಿಯಾ ಅವರನ್ನು ದಾಬಿ ಸ್ವಾಗತಿಸುತ್ತಿದ್ದಾರೆ. ಟೀನಾ ಡಾಬಿ ಅದೆಷ್ಟು ಗೌರವಪೂರ್ವಕವಾಗಿ ಸತೀಶ್ ಪೂನಿಯಾರನ್ನು ಸ್ವಾಗತಿಸಿದ್ದಾರೆಂದರೆ, ಕೇವಲ 7 ಸೆಕೆಂಡ್‌ಗಳಲ್ಲೇ 5 ಬಾರಿ ತಲೆತಗ್ಗಿಸಿ ಅವರಿಗೆ ನಮಸ್ಕರಿಸಿದ್ದಾರೆ. ಇದೇ ವೇಳೆ ಪೂನಿಯಾ ಕೂಡ ಬಾರ್ಮರ್‌ ಜಿಲ್ಲೆಯಲ್ಲಿ ಆಗಿರುವ ಕೆಲಸಕ್ಕೆ ಟೀನಾ ಡಾಬಿಯನ್ನು ಶ್ಲಾಘಿಸಿದ್ದಾರೆ. ಬಾರ್ಮರ್‌ ಕೂಡ ಶೀಘ್ರದಲ್ಲಿಯೇ ಇಂದೋರ್‌ನಂತೆ ಆಗಲಿದೆ. ನೀವು ಒಳ್ಳೆಯ ಕೆಲಸ ಮಾಡುತ್ತಿದ್ದೀರಿ ಎಂದು ಹೇಳಿದ್ದಾರೆ.
ನೆಟ್ಟಿಗರ ಮಿಶ್ರ ಪ್ರತಿಕ್ರಿಯೆ: ಅನೇಕರು ಟೀನಾ ಟಾಬಿಯ ನಮ್ರತೆಯನ್ನು ಶ್ಲಾಘನೆ ಮಾಡಿದ್ದರೆ, ಇನ್ನೂ ಕೆಲವರು ಅಧಿಕಾರಿಗಳು ಹಾಗೂ ರಾಜಕಾರಣಿಗಳ ನಡುವಿನ ಸಂಬಂಧದ ಬಗ್ಗೆ ಪ್ರಶ್ನೆ ಮಾಡಿದ್ದಾರೆ. ಇನ್ನೂ ಕೆಲವರು ಮೀಡಿಯಾ ಈ ಘಟನೆಯನ್ನು ತಿಳಿಸಿದ ರೀತಿಯೇ ಸರಿಯಾಗಿರಲಿಲ್ಲ. ಅಧೀನ ಅಧಿಕಾರಿಯಿಂದ ಹಿರಿಯ ರಾಝಕಾರಣಿಯೊಬ್ಬರಿಗೆ ಗೌರವದ ಸೂಚಕವಷ್ಟೇ ಇದಾಗಿತ್ತು ಎಂದಿದ್ದಾರೆ.
ಬ್ಯೂಟಿ ವಿತ್‌ ಬ್ರೈನ್ ಎಂದೇ ಕರೆಸಿಕೊಳ್ಳೋ ಐಎಎಸ್ ಆಫೀಸರ್ ಟೀನಾ ಡಾಬಿ ಲೈಫ್‌ಸ್ಟೈಲ್‌ ಇಷ್ಟೊಂದು ಲಕ್ಸುರಿನಾ?
ಸೋಶಿಯಲ್‌ ಮೀಡಿಯಾ ಯೂಸರ್‌ಗಳು ಈ ವಿಷಯದ ಬಗ್ಗೆ ತಮ್ಮ ಅಭಿಪ್ರಾಯಗಳನ್ನು ವ್ಯಕ್ತಪಡಿಸಿದ್ದಾರೆ, ದಾಬಿಯ ಗೆಸ್ಚರ್‌ನ ಸಕಾರಾತ್ಮಕ ಅಂಶಗಳನ್ನು ಎತ್ತಿ ತೋರಿಸಿದ್ದಾರೆ. ಒಬ್ಬ ಯೂಸರ್‌ , "ಒಬ್ಬರು ಹಿರಿಯರಿಗೆ ನಮಸ್ಕಾರ ಮಾಡುವುದು ಕೆಟ್ಟ ವಿಷಯವಲ್ಲ; ವಾಸ್ತವವಾಗಿ, ಇದು ಒಳ್ಳೆಯದು." ಮತ್ತೊಬ್ಬ ಯೂಸರ್‌ ಪ್ರತಿಭಾ ಪುಂಡೀರ್ ಅವರು ಈ ಭಾವನೆಯನ್ನು ಪ್ರತಿಧ್ವನಿಸಿದರು, "ಇದರಲ್ಲಿ ಏನು ತಪ್ಪಾಗಿದೆ ಎಂದು ನನಗೆ ಅರ್ಥವಾಗುತ್ತಿಲ್ಲ. ಒಬ್ಬರ ಹಿರಿಯರಿಗೆ ನಮಸ್ಕಾರ ಮಾಡುವುದು ಕೆಟ್ಟ ವಿಷಯವಲ್ಲ; ಇದು ಒಳ್ಳೆಯದು!" ಎಂದಿದ್ದಾರೆ.
ತಾಯಿಯಾಗಲಿದ್ದಾರೆ ಜೈಸಲ್ಮೇರ್‌ ಜಿಲ್ಲಾಧಿಕಾರಿ ಟೀನಾ ಡಾಬಿ
ಇನ್ನೂ ಕೆಲವರು ಇಂಥ ಗೌರವಗಳು ಸಾರ್ವಜನಿಕ ಸೇವೆ ಹಾಗೂ ರಾಜಕೀಯ ನಿಷ್ಠ ನಡುವಿನ ಸಣ್ಣ ಗೆರೆಯನ್ನು ಮಸುಕುಗೊಳಿಸುತ್ತದೆ ಎಂದಿದ್ದಾರೆ. "ಈ ರೀತಿಯ ನಡವಳಿಕೆಯು ನಾಗರಿಕ ಸೇವಕರ ಸ್ವಾತಂತ್ರ್ಯವನ್ನು ಹಾಳುಮಾಡುತ್ತದೆ" ಎಂದು ಎಚ್ಚರಿಸಿದೆ. ಮತ್ತೊಬ್ಬ ಯೂಸರ್‌, "ನಾಗರಿಕ ಸೇವಕರು ರಾಜಕೀಯ ನಾಯಕರಿಂದ ಅಂತರವನ್ನು ಕಾಯ್ದುಕೊಳ್ಳುವುದು ಅತ್ಯಗತ್ಯ' ಎಂದಿದ್ದಾರೆ.
ಟೀನಾ ಡಾಬಿ ಬಗ್ಗೆ: ಟೀನಾ ದಾಬಿ 2017 ರಲ್ಲಿ ಅಜ್ಮೀರ್‌ನಲ್ಲಿ ಸಹಾಯಕ ಕಲೆಕ್ಟರ್ ಆಗಿ ತಮ್ಮ ಆಡಳಿತಾತ್ಮಕ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಐಎಎಸ್ ಅಧಿಕಾರಿ ಅಥರ್ ಅಮೀರ್ ಖಾನ್ ಅವರೊಂದಿಗಿನ ಅವರ ಹಿಂದಿನ ವಿವಾಹವು ಮೀಡಿಯಾದಲ್ಲಿ ಹೈಲೈಟ್‌ ಆಗಿತ್ತು. ಎರಡು ವರ್ಷಗಳ ನಂತರ 2020 ರಲ್ಲಿ ಕೊನೆಗೊಂಡಿತು. ಇವರ ಸಹೋದರಿ ರಿಯಾ ಡಾಬಿ, 2020 ರ UPSC ಪರೀಕ್ಷೆಯಲ್ಲಿ 15 ನೇ ಅಖಿಲ ಭಾರತ ಶ್ರೇಣಿ ಪಡೆದುಕೊಂಡಿದ್ದಾರೆ. ಪ್ರಸ್ತುತ, ಟೀನಾ ಜಲೋರ್‌ನಲ್ಲಿ ಜಿಲ್ಲಾಧಿಕಾರಿಯಾಗಿ ಸೇವೆ ಸಲ್ಲಿಸುತ್ತಿರುವ ಐಎಎಸ್ ಪ್ರದೀಪ್ ಗವಾಂಡೆ ಅವರನ್ನು ವಿವಾಹವಾಗಿದ್ದಾರೆ. 2022 ರಲ್ಲಿ ಮದುವೆಯಾದ ದಂಪತಿಗಳು ಸೆಪ್ಟೆಂಬರ್ 2023 ರಲ್ಲಿ ತಮ್ಮ ಮೊದಲ ಗಂಡು ಮಗುವನ್ನು ಸ್ವಾಗತಿಸಿದ್ದರು.
IAS टीना डाबी ने BJP नेता सतीश पूनिया के सामने 7 सेकेंड में 5 बार सिर झुकाकर अभिवादन किया।
वीडियो वायरल। pic.twitter.com/Wl6a90AtNl