ಇಮ್ಯುನಿಟಿ ವೃದ್ಧಿಸಲು ಲಸಿಕೆ ಡೋಸ್ ನಡುವೆ 3 ತಿಂಗಳ ಅಂತರ ಅಗತ್ಯ: ಆಕ್ಸ್‌ಫರ್ಡ್

ಭಾರತದಲ್ಲಿ ಇತ್ತೀಚೆಗೆ ಡೋಸ್ ನಡುವಿನ ಅಂತರ ಹೆಚ್ಚಿಸಿದ್ದ ಕೇಂದ್ರ ಸರ್ಕಾರ ಪರ ವಿರೋಧಕ್ಕೆ ಕಾರಣವಾಗಿತ್ತು ಅಂತರ ವಿಸ್ತರಣೆ ನಿರ್ಧಾರ ಅಸ್ಟ್ರಝೆನಿಕಾ ಅಭಿವೃದ್ಧಿ ಪಡಿಸಿದ ಆಕ್ಸ್‌ಫರ್ಡ್ ವಿಶ್ವವಿದ್ಯಾಲಯದ ಪ್ರಕಟಣೆ  

ಇಂಗ್ಲೆಂಡ್(ಮೇ.21):  ದೇಶದಲ್ಲಿ ಕೊರೋನಾ ಲಸಿಕೆ ಅಭಾವ ಸೃಷ್ಟಿಯಾದಂತೆ ಲಸಿಕೆ ಡೋಸ್ ಅಂತರವನ್ನು ಹೆಚ್ಚಿಸಲಾಗಿದೆ. ಇದು ಪರ ವಿರೋಧಕ್ಕೂ ಕಾರಣವಾಗಿದೆ. ಆದರೆ ಕೊರೋನಾ ಅಸ್ಟ್ರಝೆನಿಕಾ ಲಸಿಕೆ ಅಭಿವೃದ್ಧಿ ಪಡಿಸಿರುವ ಆಕ್ಸ್‌ಫರ್ಡ್ ಯುನಿವರ್ಸಿಟಿ ಅಧ್ಯಯನದ ಪ್ರಕಾರ ಲಸಿಕೆ ಡೋಸ್ ನಡುವಿನ ಅಂತರ 3 ತಿಂಗಳಿದ್ದರೆ ಉತ್ತಮ ಎಂದಿದೆ.

ಆಕ್ಸ್‌ಫರ್ಡ್ ಯುನಿವರ್ಸಿಟಿ ಭಾರತದಲ್ಲಿ ಕೋವೀಶೀಲ್ಡ್ ಲಸಿಕೆ ಅಭಿವದ್ಧಿ ಪಡಿಸಿದೆ. ಇದೀಗ ಆಕ್ಸ್‌ಫರ್ಡ್ ವಿಶ್ವವಿದ್ಯಾಲಯದ ಪ್ರಕಟಣೆ ಹಲವರಲ್ಲಿ ನೆಮ್ಮದಿ ತಂದಿದೆ.  ಭಾರತದಲ್ಲಿ ಲಭ್ಯವಿರುವ ಎರಡು ಲಸಿಕೆಗಳಲ್ಲಿ ಒಂದಾದ ಕೋವಿಶೀಲ್ಡ್ ( ಅಸ್ಟ್ರಾಜೆನಿಕಾ ) ಎರಡು ಡೋಸ್ ನಡುವಿನ ಅಂತರ ಮೂರು ತಿಂಗಳಿದ್ದರೆ ಪರಿಣಾಮಕಾರಿ ಎಂದು ಲಸಿಕೆ ಅಭಿವೃದ್ಧಿ ಪಡಿಸಿದ ಸಂಶೋಧರಾದ ಆ್ಯಂಡ್ರೂ ಪೋಲಾರ್ಡ್ ಹಾಗೂ ಸಾರ ಗಿಲ್ಬರ್ಟ್ ಹೇಳಿದ್ದಾರೆ.

ಅಧ್ಯಯನ ವರದಿಯಲ್ಲಿ ಡೋಸ್ ಅಂತರ ಕನಿಷ್ಠ 3 ತಿಂಗಳಿದ್ದರೆ ಉತ್ತಮ, ಗರಿಷ್ಠ 6 ತಿಂಗಳ ವರೆಗೆ 2ನೇ ಡೋಸ್ ಅಂತರ ಹೆಚ್ಚಿಸಿಕೊಳ್ಳಬಹುದು. ಈ ಕುರಿತ ಅಂಕಿ ಅಂಶವನ್ನು ಆಕ್ಸ್‌ಫರ್ಡ್ ಯುನಿವರ್ಸಿಟಿ ಬಹಿರಂಗಪಡಿಸಿದೆ. ಕೊರೋನಾದಿಂದ ಚೇತರಿಸಿಕೊಂಡವರಿಗೆ ಲಸಿಕೆ ನೀಡಲು ಕನಿಷ್ಠ 3 ತಿಂಗಳಾಗಬೇಕು ಎಂದಿದೆ.