100 ಪ್ರಶಸ್ತಿ ಗೆದ್ದ ಸ್ವಿಸ್ ದಿಗ್ಗಜ ಫೆಡರರ್
ಸಾರಾಂಶ
ಈ ವರ್ಷ ಆಸ್ಟ್ರೇಲಿಯನ್ ಓಪನ್ನ 4ನೇ ಸುತ್ತಿನಲ್ಲಿ ಟಿಟ್ಸಿಪಾಸ್ ವಿರುದ್ಧ ಅಚ್ಚರಿಯ ಸೋಲು ಕಂಡಿದ್ದ ಫೆಡರರ್, ಆ ಸೋಲಿಗೆ ಸೇಡು ತೀರಿಸಿಕೊಂಡಿದ್ದಲ್ಲದೆ ಗೆಲುವನ್ನು ಅವಿಸ್ಮರಣೀಯ ಗೊಳಿಸಿಕೊಂಡರು.
ದುಬೈ(ಮಾ.03): ಟೆನಿಸ್ ಮಾಂತ್ರಿಕ, ಸ್ಪಿಜರ್ಲೆಂಡ್ನ ರೋಜರ್ ಫೆಡರರ್ ತಮ್ಮ ವೃತ್ತಿಬದುಕಿನ 100ನೇ ಪ್ರಶಸ್ತಿ ಜಯಿಸಿದ್ದಾರೆ.
ಶನಿವಾರ ಇಲ್ಲಿ ನಡೆದ ದುಬೈ ಓಪನ್ ಫೈನಲ್'ನಲ್ಲಿ ಗ್ರೀಸ್ನ ಯುವ ಆಟಗಾರ ಸ್ಟೆಫಾನೋ ಟಿಟ್ಸಿಪಾಸ್ ವಿರುದ್ಧ 6-4, 6-4 ಸೆಟ್ಗಳಲ್ಲಿ ಜಯಿಸಿದ ಫೆಡರರ್, ಪ್ರಶಸ್ತಿಗಳ ಶತಕ ಬಾರಿಸಿದರು. ಈ ಮೂಲಕ 100 ಪ್ರಶಸ್ತಿ ಮೈಲಿಗಲ್ಲು ತಲುಪಿದ ವಿಶ್ವದ 2ನೇ ಟೆನಿಸಿಗ ಎನ್ನುವ ದಾಖಲೆಯನ್ನು ರೋಜರ್ ಬರೆದರು. ಅಮೆರಿಕದ ದಿಗ್ಗಜ ಜಿಮ್ಮಿ ಕಾನ್ಸರ್ 109 ಪ್ರಶಸ್ತಿಗಳೊಂದಿಗೆ ಮೊದಲ ಸ್ಥಾನದಲ್ಲಿದ್ದಾರೆ.
ಈ ವರ್ಷ ಆಸ್ಟ್ರೇಲಿಯನ್ ಓಪನ್ನ 4ನೇ ಸುತ್ತಿನಲ್ಲಿ ಟಿಟ್ಸಿಪಾಸ್ ವಿರುದ್ಧ ಅಚ್ಚರಿಯ ಸೋಲು ಕಂಡಿದ್ದ ಫೆಡರರ್, ಆ ಸೋಲಿಗೆ ಸೇಡು ತೀರಿಸಿಕೊಂಡಿದ್ದಲ್ಲದೆ ಗೆಲುವನ್ನು ಅವಿಸ್ಮರಣೀಯ ಗೊಳಿಸಿಕೊಂಡರು. 1998ರಲ್ಲಿ ವೃತ್ತಿಪರ ಟೆನಿಸಿಗನಾದ ಫೆಡರರ್, 2001ರಲ್ಲಿ ಮಿಲಾನ್ ಒಳಾಂಗಣ ಟೂರ್ನಿ ಗೆಲ್ಲುವ ಮೂಲಕ ಚೊಚ್ಚಲ ಪ್ರಶಸ್ತಿಗೆ ಮುತ್ತಿಟ್ಟಿದ್ದರು. ಬಳಿಕ 2003ರಲ್ಲಿ ವಿಂಬಲ್ಡನ್ ಗೆಲ್ಲುವ ಮೂಲಕ ಫೆಡರರ್ ಮೊದಲ ಬಾರಿಗೆ ಗ್ರ್ಯಾಂಡ್ಸ್ಲಾಂ ಚಾಂಪಿಯನ್ ಆಗಿದ್ದರು.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.