Junior Women's Hockey World Cup ಸೆಮಿಫೈನಲ್ನಲ್ಲಿಂದು ಭಾರತ-ನೆದರ್ಲೆಂಡ್ಸ್ ಕಾದಾಟ
ಸಾರಾಂಶ
* ಕಿರಿಯರ ಮಹಿಳಾ ಹಾಕಿ ವಿಶ್ವಕಪ್ ಟೂರ್ನಿಯಲ್ಲಿ ಭಾರತಕ್ಕೆ ನೆದರ್ಲೆಂಡ್ಸ್ ಸವಾಲು * ಚೊಚ್ಚಲ ಬಾರಿ ಫೈನಲ್ ಪ್ರವೇಶಿಸುವ ಕಾತರದಲ್ಲಿರುವ ಭಾರತ * 2013ರಲ್ಲಿ ಕಂಚಿನ ಪದಕ ಜಯಿಸಿದ್ದ ಭಾರತ
ಪಾಚೆಫ್ಸ್ಟ್ರೋಮ್(ಏ.10): ಕಿರಿಯ ಮಹಿಳೆಯರ ಹಾಕಿ ವಿಶ್ವಕಪ್ನಲ್ಲಿ (Junior Women's Hockey World Cup) ಚೊಚ್ಚಲ ಬಾರಿ ಫೈನಲ್ ಪ್ರವೇಶಿಸುವ ಕಾತರದಲ್ಲಿರುವ ಭಾರತ ಕಿರಿಯರ ಮಹಿಳಾ ಹಾಕಿ ತಂಡ (Junior Indians Women's Hockey), ಭಾನುವಾರ ಸೆಮಿಫೈನಲ್ನಲ್ಲಿ 3 ಬಾರಿ ಚಾಂಪಿಯನ್ ನೆದರ್ಲೆಂಡ್ಸ್ ವಿರುದ್ಧ ಸೆಣಸಾಡಲಿದೆ. 2013ರಲ್ಲಿ ಕಂಚಿನ ಪದಕ ಜಯಿಸಿದ್ದ ಭಾರತ 2ನೇ ಬಾರಿ ಸೆಮೀಸ್ನಲ್ಲಿ ಆಡುತ್ತಿದ್ದರೆ, ನೆದರ್ಲೆಂಡ್ಸ್ಗೆ ಇದು 8 ಸೆಮಿಫೈನಲ್.
ಉಭಯ ತಂಡಗಳು ಗುಂಪು ಹಂತದಲ್ಲಿ ಆಡಿದ ಎಲ್ಲಾ ಮೂರು ಪಂದ್ಯಗಳಲ್ಲಿ ಜಯ ಸಾಧಿಸಿತ್ತು. ಬಳಿಕ ಭಾರತ ಕ್ವಾರ್ಟರ್ ಫೈನಲ್ನಲ್ಲಿ ದಕ್ಷಿಣ ಕೊರಿಯಾ ವಿರುದ್ಧ 3-0 ಗೋಲುಗಳ ಅಂತರದಲ್ಲಿ ಗೆದ್ದರೆ, ನೆದರ್ಲೆಂಡ್ಸ್ ತಂಡ ದಕ್ಷಿಣ ಆಫ್ರಿಕಾ ವಿರುದ್ಧ 5-0 ಗೋಲುಗಳಿಂದ ಜಯಿಸಿತ್ತು. ಕಳೆದ ಆವೃತ್ತಿಯಲ್ಲಿ ರನ್ನರ್-ಅಪ್ ಆಗಿದ್ದ ನೆದರ್ಲೆಂಡ್ಸ್ ಸತತ 4ನೇ ಫೈನಲ್ ನಿರೀಕ್ಷೆಯಲ್ಲಿದ್ದು, ಭಾರತಕ್ಕೆ ಕಠಿಣ ಸವಾಲು ಎದುರಾಗುವ ಸಾಧ್ಯತೆ ಇದೆ. ಮತ್ತೊಂದು ಸೆಮೀಸ್ನಲ್ಲಿ ಇಂಗ್ಲೆಂಡ್-ಜರ್ಮನಿ ಮುಖಾಮುಖಿಯಾಗಲಿವೆ.
ಭಾರತದ ಪಂದ್ಯ ಆರಂಭ: ಸಂಜೆ 5ಕ್ಕೆ
ಪ್ರೊ ಲೀಗ್: ನೆದರ್ಲೆಂಡ್ಸ್ ವಿರುದ್ಧ ಭಾರತಕ್ಕೆ ಸೋಲು
ಭುವನೇಶ್ವರ್: ಪ್ರೊ ಲೀಗ್ ಹಾಕಿ (FIH Pro League Hockey Tournament) ಟೂರ್ನಿಯಲ್ಲಿ ನೆದರ್ಲೆಂಡ್ಸ್ ವಿರುದ್ಧದ 2ನೇ ಪಂದ್ಯದಲ್ಲಿ ಭಾರತ ಮಹಿಳಾ ತಂಡ ಸೋಲನುಭವಿಸಿದೆ. ಶನಿವಾರ ನಡೆದ ಪಂದ್ಯದಲ್ಲಿ ನೆದರ್ಲೆಂಡ್ಸ್ ಶೂಟೌಟ್ನಲ್ಲಿ 3-1 ಗೋಲುಗಳಿಂದ ಜಯಗಳಿಸಿತು.
ನಿಗದಿತ ಸಮಯದ ಮುಕ್ತಾಯದ ವೇಳೆಗೆ ಉಭಯ ತಂಡಗಳು 1-1 ಗೋಲುಗಳಿಂದ ಸಮಬಲ ಸಾಧಿಸಿದ್ದವು. ಭಾರತದ ರಾಜ್ವಿಂದರ್ ಕೌರ್ ಮೊದಲ ನಿಮಿಷದಲ್ಲೇ ಗೋಲು ಬಾರಿಸಿದರೂ, ಬಳಿಕ ತಂಡದ ಪರ ಯಾವುದೇ ಗೋಲು ದಾಖಲಾಗಲಿಲ್ಲ. 53ನೇ ನಿಮಿಷದಲ್ಲಿ ಯಿಬ್ಬಿ ಯಾನ್ಸನ್ ಗೋಲು ಗಳಿಸಿ ನೆದರ್ಲೆಂಡ್ಸ್ ಪುಟಿದೇಳಲು ಕಾರಣರಾದರು. ಈ ಸೋಲಿನೊಂದಿಗೆ ಭಾರತ 15 ಅಂಕದೊಂದಿಗೆ ಅಂಕಪಟ್ಟಿಯಲ್ಲಿ 2ನೇ ಸ್ಥಾನದಲ್ಲೇ ಉಳಿದರೆ, 19 ಅಂಕದೊಂದಿಗೆ ನೆದರ್ಲೆಂಡ್ಸ್ ಅಗ್ರಸ್ಥಾನದಲ್ಲಿದೆ.
ಪುರುಷರ ರಾಷ್ಟ್ರೀಯ ಹಾಕಿ: ಕರ್ನಾಟಕ ಶುಭಾರಂಭ
ಭೋಪಾಲ್: 12ನೇ ಆವೃತ್ತಿಯ ಪುರುಷರ ರಾಷ್ಟ್ರೀಯ ಹಾಕಿ ಚಾಂಪಿಯನ್ಶಿಪ್ನಲ್ಲಿ ಕರ್ನಾಟಕ ಶುಭಾರಂಭ ಮಾಡಿದೆ. ಶನಿವಾರ ‘ಸಿ’ ಗುಂಪಿನ ಮೊದಲ ಪಂದ್ಯದಲ್ಲಿ ರಾಜ್ಯ ತಂಡ ಉತ್ತರಾಖಂಡ ವಿರುದ್ಧ 9-1 ಗೋಲುಗಳ ಅಂತರದಲ್ಲಿ ಭರ್ಜರಿ ಜಯ ಸಾಧಿಸಿತು. ಹರೀಶ್ 3ನೇ ನಿಮಿಷದಲ್ಲಿ ರಾಜ್ಯದ ಪರ ಗೋಲಿನ ಖಾತೆ ತೆರೆದರೆ, ಚಿರಂತ್ ಸೋಮಣ್ಣ ಹಾಗೂ ಪ್ರಣಾಮ್ ಗೌಡ ತಲಾ 2 ಗೋಲು ಬಾರಿಸಿದರು. ಮೇದಪ್ಪ, ಲಿಖಿತ್, ದೀಕ್ಷಿತ್, ನಾಚಪ್ಪ ತಲಾ 1 ಗೋಲು ಹೊಡೆದರು. ಶಾನವಾಜ್ ಹಸನ್ ಉತ್ತರಾಖಂಡ ಪರ ಏಕೈಕ ಗೋಲು ಬಾರಿಸಿದರು. ರಾಜ್ಯ ತಂಡ ಭಾನುವಾರ 2ನೇ ಪಂದ್ಯದಲ್ಲಿ ಆಂಧ್ರ ಪ್ರದೇಶ ವಿರುದ್ಧ ಸೆಣಸಾಡಲಿದೆ.
ಕ್ರಿಕೆಟ್ ಮತ್ತು ಕ್ರೀಡಾ ಜಗತ್ತಿನ (Sports News in Kannada) ಕ್ಷಣಕ್ಷಣದ ಕನ್ನಡ ಸುದ್ದಿ ಅಪ್ಡೇಟ್ಗಳಿಗಾಗಿ ಏಷ್ಯಾನೆಟ್ ಸುವರ್ಣ ನ್ಯೂಸ್ ಫಾಲೋ ಮಾಡಿ. IPL Live ಸೇರಿದಂತೆ ಟೀಂ ಇಂಡಿಯಾದ ಬ್ರೇಕಿಂಗ್ ಸುದ್ದಿ (Cricket News in Kannada), ವಿಶೇಷ ವರದಿಗಳು ಮತ್ತು ನೇರ ಪ್ರಸಾರಗಳೊಂದಿಗೆ ಸಂಪೂರ್ಣ ಮಾಹಿತಿ ನಿಮ್ಮ ಒಂದೇ ಕ್ಲಿಕ್ನಲ್ಲಿ ಲಭ್ಯ. ಏಷ್ಯಾನೆಟ್ ಸುವರ್ಣ ನ್ಯೂಸ್ ಅಧಿಕೃತ ಆ್ಯಪ್ ಡೌನ್ಲೋಡ್ ಮಾಡಿ ಹಾಗೂ ಎಲ್ಲಾ ಅಪ್ಡೇಟ್ ಗಳನ್ನು ಪಡೆಯಿರಿ.