ಸೆಕ್ಸ್‌ಗೂ ಮುನ್ನ ಕಾಂಡೋಂಗೆ ರಂಧ್ರ ಮಾಡುತ್ತಿದ್ದ ಪ್ರೇಮಿ, ಕೊಟ್ಟ ಕಾರಣ ಕೇಳಿದವರಿಗೆ ಅಚ್ಚರಿ!
First Published Oct 6, 2020, 5:23 PM ISTದಂಪತಿ ತಮ್ಮ ನಡುವಿನ ಪ್ರೀತಿ ಹೆಚ್ಚಿಸಿಕೊಳ್ಳಲು ಏನೆಲ್ಲಾ ಕಸರತ್ತು ಮಾಡ್ತಾರೆ. ಹೂವು ನೀಡುವುದರಿಂದ ಹಿಡಿದು ಅವರಿಗಿಷ್ಟದ ತಿಂಡಿ ತಯಾರಿಸುವವರೆಗೆ ಎಲ್ಲವನ್ನೂ ಮಾಡುತ್ತಾರೆ. ಆದರೆ ಲಂಡನ್‌ನ ಯುವಕನೊಬ್ಬ ತನ್ನ ಪ್ರಿಯತಮೆ ಜೊತೆಗಿನ ಸಂಬಂಧ ಮತ್ತಷ್ಟು ಗಟ್ಟಿಗೊಳಿಸಲು ಕಾಂಡೋಂಗೆ ರಂಧ್ರ ಮಾಡಲು ಆರಂಭಿಸಿದ್ದ. ಈತನ ಪ್ರೇಯಸಿ ಕಾಂಡೋಂ ಇದ್ದರಷ್ಟೇ ದೈಹಿಕ ಸಂಬಂಧ ಬೆಳೆಸಲು ಅನುಮತಿ ನೀಡುತ್ತಿದ್ದಳು. ಆದರೆ ಪ್ರೇಮಿಗೆ ಮಾತ್ರ ಕಾಂಡೋಂ ಬಳಸಿದಾಗೆಲ್ಲಾ ತಮ್ಮ ನಡುವಿನ ಪ್ರೀತಿ ಕಡಿಮೆಯಾಗುತ್ತಿದೆ ಎಂಬ ಭಾವನೆ ಹುಟ್ಟಿಕೊಳ್ಳುತ್ತಿತ್ತು. ಹೀಗಾಗೇ ಆತ ಸೆಕ್ಸ್‌ಗೂ ಮುನ್ನ ರಂಧ್ರಗಳನ್ನು ಮಾಡುತ್ತಿದ್ದ. ಆದರೆ ಈ ವಿಚಾರ ತಿಳಿದ ಪ್ರೇಯಸಿ ದೂರು ದಾಖಲಿಸಿದ್ದಾರೆ. ವಿಚಾರಣೆ ನಡೆಸಿರುವ ಕೋರ್ಟ್ ಆತನಿಗೆ ಅತ್ಯಾಚಾರ ಅಪರಾಧಿ ಎಂದು ಜೈಲು ಶಿಕ್ಷೆ ವಿಧಿಸಿದೆ. ಸದ್ಯ ಈ ವಿಚಿತ್ರ ಪ್ರಕರಣ ಸೋಶಿಯಲ್ ಮಿಡಿಯಾದಲ್ಲಿ ಸಿಕ್ಕಾಪಟ್ಟೆ ಸೌಂಡ್ ಮಾಡುತ್ತಿದೆ.