PM Narendra Modi Brunei Visit ಪ್ರಧಾನಿ ನರೇಂದ್ರ ಮೋದಿ ಬ್ರುನೈ ಭೇಟಿ ಹಿನ್ನೆಲೆಯಲ್ಲಿ ಪುಟ್ಟ ಬ್ರುನೈ ದೇಶ ಸುದ್ದಿಯಲ್ಲಿದೆ. ಬ್ರುನೈ ಸುಲ್ತಾನ್ ಹಸನಲ್ ಬೋಲ್ಕಿಯಾಹ್ ವಿಶ್ವದ ಶ್ರೀಮಂತ ರಾಜರಲ್ಲಿ ಒಬ್ಬರು, ಅವರು ತಮ್ಮ ಐಷಾರಾಮಿ ಜೀವನಶೈಲಿ ಮತ್ತು ಚಿನ್ನದ ಮೇಲಿನ ಪ್ರೀತಿಗೆ ಹೆಸರುವಾಸಿಯಾಗಿದ್ದಾರೆ.
ದೇಶದ ಬ್ರುನೈ ಸುಲ್ತಾನ್ ಹಸನಲ್ ಬೋಲ್ಕಿಯಾಹ್ ಸಾಮಾನ್ಯ ವ್ಯಕ್ತಿ ಅಲ್ಲವೇ ಅಲ್ಲ. ಈತನ ಐಷಾರಾಮಿ ಜೀವನಕ್ಕೆ ಮತ್ತೊಂದು ಉದಾಹರಣೆ ನೀಡೋಕೆ ಸಾಧ್ಯವೇ ಇಲ್ಲ.
ಸುಲ್ತಾನ್ ಹಸನಲ್ ಬೋಲ್ಕಿಯಾಹ್ ವಿಶ್ವದ ಶ್ರೀಮಂತ ರಾಜರಲ್ಲಿ ಒಬ್ಬರು. ಹಸನಲ್ ಬೋಲ್ಕಿಯಾಹ್ ಅವರು 1946ರ ಜುಲೈ 15, ರಂದು ಜನಿಸಿದರು. ಅವರು 1967 ರಿಂದ ಬ್ರುನೈನ ರಾಜರಾಗಿದ್ದಾರೆ ಮತ್ತು ಸುಮಾರು 59 ವರ್ಷಗಳ ಕಾಲ ಅಧಿಕಾರದಲ್ಲಿದ್ದಾರೆ.
ಸುಲ್ತಾನ್ ಹಸನಲ್ ಬೋಲ್ಕಿಯಾಹ್ ಅವರ ಜೀವನಶೈಲಿ ಪ್ರಪಂಚದಾದ್ಯಂತ ಚರ್ಚೆಯ ವಿಷಯವಾಗಿದೆ. ಅವರ ಚಿನ್ನದ ಮೋಹ ಮತ್ತು ಅವರ ರಾಯಲ್ ಜೀವನಶೈಲಿ ಅವರನ್ನು ಉಳಿದ ರಾಜರಿಂದ ವಿಭಿನ್ನವಾಗಿಸಿದೆ.
ಬ್ರುನೈ ಸುಲ್ತಾನನ ಆಸ್ತಿ: ಅವರ ನಿವ್ವಳ ಮೌಲ್ಯ ಸುಮಾರು 30 ಬಿಲಿಯನ್ ಡಾಲರ್ ಎಂದು ಅಂದಾಜಿಸಲಾಗಿದೆ, ಇದು ಅವರನ್ನು ವಿಶ್ವದ ಶ್ರೀಮಂತ ರಾಜರಲ್ಲಿ ಒಬ್ಬರನ್ನಾಗಿ ಮಾಡಿದೆ.
ಪ್ರಪಂಚದ ಅತಿದೊಡ್ಡ ಮತ್ತು ಭವ್ಯವಾದ ಅರಮನೆ: ಸುಲ್ತಾನನ ಅರಮನೆ, ಇಸ್ತಾನಾ ನೂರುಲ್ ಇಮಾನ್, 2 ಮಿಲಿಯನ್ ಚದರ ಅಡಿ ವಿಸ್ತೀರ್ಣವನ್ನು ಹೊಂದಿದೆ. ಈ ಅರಮನೆಯಲ್ಲಿ 1770 ಕೊಠಡಿಗಳು, 257 ಸ್ನಾನಗೃಹಗಳು ಮತ್ತು 110 ಕಾರು ಗ್ಯಾರೇಜ್‌ಗಳಿವೆ.
ಅರಮನೆಯ ಗುಮ್ಮಟಕ್ಕೆ 22 ಕ್ಯಾರೆಟ್ ಚಿನ್ನದ ಅಲಂಕಾರ: ಅರಮನೆಯ ಗುಮ್ಮಟವನ್ನು 22 ಕ್ಯಾರೆಟ್ ಚಿನ್ನದಿಂದ ಅಲಂಕರಿಸಲಾಗಿದೆ ಮತ್ತು ಇದರ ಬೆಲೆ 2550 ಕೋಟಿ ರೂ.ಗಳಿಗೂ ಹೆಚ್ಚು.
ಅರಮನೆಯಿಂದ ವಿಮಾನದವರೆಗೆ ಚಿನ್ನದ ಅಲಂಕಾರ: ಸುಲ್ತಾನ್ ಹಸನಲ್ ಬೋಲ್ಕಿಯಾಹ್ ಅವರಿಗೆ ಚಿನ್ನ ತುಂಬಾ ಇಷ್ಟ. ಅವರ ಅರಮನೆಯಲ್ಲಿ ಚಿನ್ನದ ಬೇಸಿನ್‌ಗಳು ಮತ್ತು ಕಾರುಗಳನ್ನು ಸಹ ಚಿನ್ನದಿಂದ ಅಲಂಕರಿಸಲಾಗಿದೆ.
ಖಾಸಗಿ ವಿಮಾನ ಕೂಡ ಅರಮನೆಯಂತೆ ಚಿನ್ನದಿಂದ ಅಲಂಕೃತ: ಅವರು 'ಫ್ಲೈಯಿಂಗ್‌ ಪ್ಯಾಲೇಸ್‌' ಎಂದು ಕರೆಯಲ್ಪಡುವ ವೈಯಕ್ತಿಕ ವಿಮಾನವನ್ನು ಹೊಂದಿದ್ದಾರೆ. ವಿಮಾನದ ಒಳಭಾಗದಲ್ಲಿ ಚಿನ್ನವನ್ನು ವ್ಯಾಪಕವಾಗಿ ಬಳಸಲಾಗಿದೆ.
ಪ್ರಪಂಚದ ಅತಿದೊಡ್ಡ ಕಾರು ಸಂಗ್ರಹ: ಸುಲ್ತಾನ್ ಹಸನಲ್ ಬೋಲ್ಕಿಯಾಹ್ ಅವರು ವಿಶ್ವದ ಅತಿದೊಡ್ಡ ಕಾರು ಸಂಗ್ರಹವನ್ನು ಹೊಂದಿದ್ದಾರೆ, ಇದರಲ್ಲಿ 7000 ಕ್ಕೂ ಹೆಚ್ಚು ಕಾರುಗಳಿವೆ. ಈ ಸಂಗ್ರಹವು ರೋಲ್ಸ್-ರಾಯ್ಸ್, ಫೆರಾರಿ, ಬೆಂಟ್ಲಿ ಮತ್ತು ಇತರ ಐಷಾರಾಮಿ ಕಾರುಗಳನ್ನು ಒಳಗೊಂಡಿದೆ.
ಬ್ರುನೈ ಮುಸ್ಲಿಂ ಬಹುಸಂಖ್ಯಾತ ದೇಶ, 1962 ರಿಂದ ತುರ್ತು ಪರಿಸ್ಥಿತಿ: ಬ್ರುನೈನ 80% ಜನಸಂಖ್ಯೆಯು ಮುಸ್ಲಿಮರು. 1962 ರಲ್ಲಿ ಬ್ರುನೈನಲ್ಲಿ ತುರ್ತು ಪರಿಸ್ಥಿತಿ ಘೋಷಿಸಲಾಯಿತು, ಅದು ಇಂದಿಗೂ ಜಾರಿಯಲ್ಲಿದೆ. ಇಲ್ಲಿನ ರಾಜಪ್ರಭುತ್ವದಲ್ಲಿ ವಿರೋಧ ಪಕ್ಷಗಳಿಗೆ ಹೆಚ್ಚಿನ ಅಸ್ತಿತ್ವವಿಲ್ಲ.
ಬ್ರುನೈ ಸುಲ್ತಾನನ ಐಷಾರಾಮಿ ಜೀವನದ ಗುಟ್ಟೇನು?: ಸುಲ್ತಾನ್ ಹಸನಲ್ ಬೋಲ್ಕಿಯಾಹ್ ಅವರ ಐಷಾರಾಮಿ ಜೀವನದ ಗುಟ್ಟು ಅವರ ತೈಲ ಮತ್ತು ಅನಿಲ ನಿಕ್ಷೇಪಗಳು. ಇಲ್ಲಿನ ತೈಲ ಮತ್ತು ಅನಿಲ ಉದ್ಯಮದಿಂದಾಗಿ ಬ್ರುನೈ ವಿಶ್ವದ ಶ್ರೀಮಂತ ರಾಷ್ಟ್ರಗಳಲ್ಲಿ ಒಂದಾಗಿದೆ.