ನಾವೆಲ್ಲರೂ ನಮ್ಮ ಮನೆಗಳಲ್ಲಿ ವಿಶೇಷ ಪೂಜಾ ಸ್ಥಳವನ್ನು ಹೊಂದಿದ್ದೇವೆ ಮತ್ತು ನಾವು ಪೂಜಾ ಮಂದಿರವನ್ನು ಸರಿಯಾದ ಸ್ಥಳದಲ್ಲಿ ಇಡುತ್ತೇವೆ. ಸಾಮಾನ್ಯವಾಗಿ, ಮನೆಯಲ್ಲಿ ದೇವಾಲಯದ ಸ್ಥಳವು ಶಾಂತಿ ಇರುವ ಸ್ಥಳದಲ್ಲಿರುತ್ತೆ ಮತ್ತು ಇದು ಮನೆಯ ಇತರ ಸ್ಥಳಗಳಿಗಿಂತ ಭಿನ್ನವಾಗಿರುತ್ತೆ. ಆದರೆ ದೇವರ ಮಂಟಪವನ್ನು ನೇತು ಹಾಕೋದು ಸರೀನಾ?
ವಾಸ್ತು ಮತ್ತು ಜ್ಯೋತಿಷ್ಯ ಪ್ರಕಾರ, ಮನೆಯಲ್ಲಿ ಪೂಜಾ ಸ್ಥಳವು ಈಶಾನ್ಯ ದಿಕ್ಕಿನಲ್ಲಿರಬೇಕು. ವಾಸ್ತು ಪ್ರಕಾರ ಈ ದಿಕ್ಕನ್ನು ಅತ್ಯುತ್ತಮ ದಿಕ್ಕು ಎಂದು ಪರಿಗಣಿಸಲಾಗಿದೆ. ದೇವಾಲಯವನ್ನು(Temple) ಇಟ್ಟುಕೊಳ್ಳುವ ಕೆಲವು ನಿಯಮಗಳನ್ನು ಹೇಳಲಾಗಿದೆ, ಆದರೆ ಕೆಲವರು ದೇವರ ಮಂದಿರವನ್ನು ಗೋಡೆಯ ಮೇಲೆ ನೇತು ಹಾಕುತ್ತಾರೆ.
ದೇವರ ಮಂಟಪವನ್ನು ಗೋಡೆಯಲ್ಲಿ(Wall) ನೇತುಹಾಕಲು ಕೆಲವು ನಿಯಮಗಳಿವೆ ಎಂದು ನಂಬಲಾಗಿದೆ, ಅದನ್ನು ಅನುಸರಿಸಬೇಕಾಗಿದೆ. ವಾಸ್ತು ಪ್ರಕಾರ, ಮನೆ ಗೋಡೆ ಮೇಲೆ ದೇವರ ಮಂದಿರವನ್ನು ನೇತುಹಾಕುವುದು ವಾಸ್ತು ಪ್ರಕಾರ ಮಂಗಳಕರವಾಗಿದೆಯೇ ಅಥವಾ ಇದು ಕೆಲವು ಅಡ್ಡಪರಿಣಾಮಗಳನ್ನು ಸಹ ಉಂಟುಮಾಡಬಹುದೇ ಇಲ್ಲಿ ತಿಳಿಯೋಣ.
ವಾಸ್ತು ಶಾಸ್ತ್ರದ ಪ್ರಕಾರ, ಮನೆಯಲ್ಲಿ ದೇವಾಲಯದ ಸರಿಯಾದ ಸ್ಥಳ
ವಾಸ್ತು ಪ್ರಕಾರ, ಮನೆಯಲ್ಲಿ ದೇವರನ್ನು ಸ್ಥಾಪಿಸಲು ಈಶಾನ್ಯ ಕೋನವನ್ನು ಉತ್ತಮ ಸ್ಥಳವೆಂದು ಪರಿಗಣಿಸಲಾಗಿದೆ. ಹಾಗೆಯೇ, ದೇವಾಲಯವನ್ನು ಎಂದಿಗೂ ಮೆಟ್ಟಿಲುಗಳ(Stairs) ಕೆಳಗೆ ಇಡಬಾರದು ಎಂದು ನಂಬಲಾಗಿದೆ. ದೇವರ ಮಂದಿರಕ್ಕೆ ಮನೆಯಲ್ಲಿ ಪ್ರತ್ಯೇಕ ಪೂಜಾ ಕೊಠಡಿಯನ್ನು ಮಾಡುವುದು ಒಳ್ಳೆಯದು. ಆದರೆ ಮನೆಯ ದೇವರ ಕೋಣೆಯನ್ನು ಎಂದಿಗೂ ದಕ್ಷಿಣ ದಿಕ್ಕಿನಲ್ಲಿ ಇಡಬೇಡಿ ಮತ್ತು ಸ್ನಾನ ಗೃಹದ ಬಳಿಯೂ ಇಡಬೇಡಿ.
ದೇವರ ಮಂದಿರವನ್ನು ಗೋಡೆಗೆ ನೇತುಹಾಕೋದು ಸರಿಯೇ?
ಅನೇಕ ಜನರ ಮನೆಗಳಲ್ಲಿ ಕಡಿಮೆ ಸ್ಥಳಾವಕಾಶದ ಕಾರಣ, ಪೂಜಾ ಮಂದಿರವನ್ನು ಗೋಡೆಯ ಮೇಲೆ ನೇತುಹಾಕ್ತಾರೆ. ವಾಸ್ತು ಪ್ರಕಾರ, ಇದನ್ನು ಮಾಡೋದರಿಂದ ಯಾವುದೇ ನಕಾರಾತ್ಮಕ (Negative) ಪರಿಣಾಮ ಬೀರೋದಿಲ್ಲ. ಆದರೆ, ಗೋಡೆಯ ಸರಿಯಾದ ದಿಕ್ಕನ್ನು ನಿರ್ಧರಿಸಬೇಕು. ಮನೆಯ ಪೂರ್ವ ಗೋಡೆಯ ಮೇಲೆ, ಮನೆಯ ಈಶಾನ್ಯ ಪ್ರದೇಶದ ಕಡೆಗೆ ದೇವರ ಮಂದಿರವನ್ನು ನೇತುಹಾಕುವುದು ಸರಿ. ದೇವರ ಮಂದಿರವನ್ನು ಈ ಭಾಗದ ಗೋಡೆಯ ಮೇಲೆ ನೇತುಹಾಕಿ, ಇದರಿಂದ ಪೂಜಿಸುವಾಗ, ನಿಮ್ಮ ಮುಖ ಪೂರ್ವ ದಿಕ್ಕಿನಲ್ಲಿರುತ್ತೆ.
ವಾಸ್ತವವಾಗಿ, ಪೂರ್ವ ದಿಕ್ಕನ್ನು ಉದಯಿಸುವ ಸೂರ್ಯ(Sun) ಮತ್ತು ಇಂದ್ರನ ದಿಕ್ಕು ಎಂದು ಪರಿಗಣಿಸಲಾಗುತ್ತೆ, ಆದ್ದರಿಂದ ಪೂರ್ವಕ್ಕೆ ಮುಖ ಮಾಡಿ ಪ್ರಾರ್ಥಿಸೋದು ಅದೃಷ್ಟ ಮತ್ತು ಬೆಳವಣಿಗೆಗೆ ಕಾರಣವಾಗುತ್ತೆ. ಪೂಜೆ ಮಾಡುವಾಗ ನಿಮ್ಮ ಮುಖವು ಪಶ್ಚಿಮ ದಿಕ್ಕಿನ ಕಡೆಗೆ ಇರುವಂತೆ ನೀವು ದೇವರ ಮಂದಿರವನ್ನು ಪಶ್ಚಿಮ ಗೋಡೆಯಲ್ಲಿ ನೇತು ಹಾಕಬಹುದು.
ಪೂಜಾ ಮಂದಿರವನ್ನು ಯಾವ ಗೋಡೆಯಲ್ಲಿ ನೇತುಹಾಕಬೇಕು(Hang)?
ದಕ್ಷಿಣ ದಿಕ್ಕಿನಲ್ಲಿ ಎಂದಿಗೂ ಪೂಜಾ ಮಂದಿರವನ್ನು ಇಡಬೇಡಿ. ಪೂಜಿಸುವಾಗ, ನಿಮ್ಮ ಮುಖ ಎಂದಿಗೂ ದಕ್ಷಿಣ ದಿಕ್ಕಿನ ಕಡೆಗೆ ಇರಬಾರದು. ವಾಸ್ತು ಶಾಸ್ತ್ರದ ಪ್ರಕಾರ, ಇದನ್ನು ಉತ್ತಮ ದಿಕ್ಕು ಎಂದು ಪರಿಗಣಿಸಲಾಗೋದಿಲ್ಲ. ಸ್ನಾನಗೃಹ ಅಥವಾ ವಿಶ್ರಾಂತಿ ಕೊಠಡಿಗೆ ಜೋಡಿಸಲಾದ ಗೋಡೆಯ ಮೇಲೆ ಮಂದಿರವನ್ನು ಎಂದಿಗೂ ನೇತುಹಾಕಬೇಡಿ. ಜೊತೆಗೆ ಪೂಜಾ ಮಂದಿರವನ್ನು ಎಂದಿಗೂ ಅಡುಗೆಮನೆಯ ಗೋಡೆಯಲ್ಲಿ ನೇತು ಹಾಕಬಾರದು.
ಪೂಜಾ ಮಂದಿರವನ್ನು ಗೋಡೆಯ ಮೇಲೆ ನೇತುಹಾಕುತ್ತಿದ್ದರೆ, ಅದನ್ನು ಮರೆತು ಕೂಡ ಮಲಗುವ ಕೋಣೆಯಲ್ಲಿ ನೇತುಹಾಕಬೇಡಿ ಎಂಬುದನ್ನು ನೆನಪಿನಲ್ಲಿಡಿ. ಅಲ್ಲದೇ ಸಾಕಷ್ಟು ಬೆಳಕು ಇಲ್ಲದ ಗೋಡೆಯ ಮೇಲೆ ಮಂದಿರವನ್ನು ಎಂದಿಗೂ ನೇತು ಹಾಕಬೇಡಿ. ಯಾವಾಗಲೂ ಪೂಜಾ ಮಂದಿರವನ್ನು ಎತ್ತರದಲ್ಲಿ ಇರಿಸಿ ಇದರಿಂದ ನೀವು ಸುಲಭವಾಗಿ ನಿಂತು ಪೂಜಿಸಬಹುದು. ಮನೆಯ ಗೋಡೆಯ ಮೇಲೆ ಮಂದಿರವನ್ನು ಇಡುವಾಗ ಅದು ಕಪ್ಪು(Black) ಬಣ್ಣದಲ್ಲಿರಬಾರದು ಎಂಬುದನ್ನು ನೆನಪಿನಲ್ಲಿಡಬೇಕು.