ಯಾವಾಗ್ಲೂ ಇಯರ್ ಫೋನ್ ಹಾಕಿ ಕೊಳ್ಳೋ ಲಕ್ಷ್ಮೀ ಬಾರಮ್ಮ ಗಂಗಾ ನಿಜ ಜೀವನದಲ್ಲೂ ಹಿಂಗಾ?

ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಲಕ್ಷ್ಮೀ ಬಾರಮ್ಮ ಸೀರಿಯಲ್‌ನಲ್ಲಿ ಗಂಗಕ್ಕಾ ಪಾತ್ರದಲ್ಲಿ ನಟಿಸುತ್ತಿರುವ ಹರ್ಷಿತಾ ಕುರಿತು ಇಂಟ್ರೆಸ್ಟಿಂಗ್ ಮಾಹಿತಿ ಇಲ್ಲಿದೆ.   

ಕಲರ್ಸ್ ಕನ್ನಡದಲ್ಲಿ ಪ್ರಸಾರವಾಗುತ್ತಿರುವ ಲಕ್ಷ್ಮೀ ಬಾರಮ್ಮ (Lakshmi Baramma) ಸೀರಿಯಲ್ ಸದ್ಯ ಸೀರಿಯಲ್ ಪ್ರಿಯರ ಮನ ಸೆಳೆಯುವಲ್ಲಿ ಯಶಸ್ವಿಯಾಗಿದೆ. ಅದರಲ್ಲೂ ಸೀರಿಯಲ್ ನಲ್ಲಿ ಗಂಗಾ ಪಾತ್ರದಲ್ಲಿ ನಟಿಸುತ್ತಿರುವ ಹರ್ಷಿತಾ ಜನರಿಗೆ ತುಂಬಾ ಇಷ್ಟವಾಗಿದ್ದಾರೆ. 

ಈ ಬಾರಿಯ ಕಲರ್ಸ್ ಕನ್ನಡ ಅನುಬಂಧ ಅವಾರ್ಡ್ಸ್ 2023 (Anubanda Awards 2023) ಕಾರ್ಯಕ್ರಮದಲ್ಲಿ ಜನ ಮೆಚ್ಚಿದ ವಿಧೂಷಕ ಅವಾರ್ಡ್ಸ್ ಬಂದಿದ್ದು ಸಹ ಲಕ್ಷ್ಮೀ ಬಾರಮ್ಮ ಸೀರಿಯಲ್ ನ ಗಂಗಾ ಪಾತ್ರಧಾರಿ ಹರ್ಷಿತಾ ಅವರಿಗೆ. ಇಲ್ಲಿದೆ ನೋಡಿ ಅವರ ಬಗ್ಗೆ ಇಂಟ್ರೆಸ್ಟಿಂಗ್ ಮಾಹಿತಿಗಳು. 

ಲಕ್ಷ್ಮೀ ಬಾರಮ್ಮ ಸೀರಿಯಲ್ ನಲ್ಲಿ ಗಂಗಾ ಪಾತ್ರಕ್ಕೆ ತುಂಬಾನೆ ಪ್ರಾಮುಖ್ಯತೆ ಇದೆ. ಕಿವಿಗೆ ಇಯರ್ ಫೋನ್ ಹಾಕ್ಕೊಂಡು, ಅಡುಗೆ ಮಾಡುವ ಗಂಗಾ, ತನ್ನ ಮಾತಿನ ಮೂಲಕ ಎಲ್ಲರನ್ನೂ ನಗಿಸುವಂತೆ ಮಾಡುವುದರ ಜೊತೆಗೆ, ಲಕ್ಷ್ಮೀ ಮತ್ತು ವೈಷ್ಣವ್ ಜೊತೆಯಾಗಿರಲು ಸಹ ಸಹಾಯ ಮಾಡ್ತಾರೆ. 

ವೈಷ್ಣವ್ ಮತ್ತು ಲಕ್ಷ್ಮೀ ಮನೆಯವರ ಬಲವಂತಕ್ಕೆ ಮದುವೆಯಾಗಿದ್ದು. ಇಬ್ಬರ ನಡುವೆ ಸ್ನೇಹ, ಲಕ್ಷ್ಮೀ ಮನಸಲ್ಲಿ ವೈಷ್ಣವ್ ಮೇಲೆ ಪ್ರೀತಿ ಬೆಳೆಯಲು ಕಾರಣ ಅಂದರೆ ಅದು ಗಂಗಾಕ್ಕಾ ಮಾತುಗಳು. ಆಕೆ ಇವರಿಬ್ಬರು ಜೊತೆ ಸೇರಲು ಮುಖ್ಯ ಕಾರಣವೇ ಗಂಗಾ. 

ಗಂಗಾ ರಿಯಲ್ ಲೈಫ್ ಬಗ್ಗೆ ಹೇಳೋದಾದರೆ, ಇವರ ನಿಜಾ ಹೆಸರು ಹರ್ಷಿತಾ (Harshitha), ಇವರು ತುಮಕೂರು ಜಿಲ್ಲೆಯ ಮಧುಗಿರಿಯ ಹುಡುಗಿ. ಇವರು ಮಾಡರ್ನ್ ಡ್ರೆಸ್ ನಲ್ಲೂ, ಸಾಂಪ್ರದಾಯಿಕ ಡ್ರೆಸ್ ನಲ್ಲೂ ಅದ್ಭುತವಾಗಿ ಕಾಣಿಸ್ತಾರೆ. ನಟನೆ, ಪಾತ್ರ ಅಂದಮೇಲೆ ಯಾವ ಪಾತ್ರ ಮಾಡೋಕ್ಕು ಸೈ ಎನ್ನುತ್ತಾರೆ ಹರ್ಷಿತಾ. 

ಸೋಶಿಯಲ್ ಮೀಡಿಯಾದಲ್ಲಿ (social media) ಸಿಕ್ಕಾಪಟ್ಟೆ ಬ್ಯುಸಿಯಾಗಿರುವ ಹರ್ಷಿತಾ, ಯಾವಾಗಲೂ ಒಂದಲ್ಲ ಒಂದು ರೀಲ್ಸ್ ಮಾಡುತ್ತಾ ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡ್ತಾರೆ. ಈಗಂತೂ ಹೆಚ್ಚಾಗಿ ತಮ್ಮ ಲಕ್ಷ್ಮೀ ಬಾರಮ್ಮ ತಂಡದ ಜೊತೆ ರೀಲ್ಸ್ ಮಾಡ್ತಾರೆ. 

ಭಾಗ್ಯಲಕ್ಷ್ಮೀ ಸೀರಿಯಲ್ ಅಲ್ಲದೇ ಹರ್ಷಿತಾ ಸುಂದರಿ ಸೀರಿಯಲ್ ನಲ್ಲೂ ಸಹ ನಟಿಸಿದ್ದರು. ಅದರಲ್ಲಿ ಮಾಡರ್ನ್ ಪಾತ್ರದಲ್ಲಿ ನಟಿ ಕಾಣಿಸಿಕೊಂಡಿದ್ದರು. ಅಲ್ಲದೇ ಹೂಮಳೆ, ಸಿರಿ ಕನ್ನಡದ ಸೀರಿಯಲ್ ನಲ್ಲಿ ಜೊತೆಗೆ ಜೋಗ್ 101 ಸಿನಿಮಾದಲ್ಲೂ ನಟಿಸಿದ್ದಾರೆ. 

ಹರ್ಷಿತಾ ಅವರ ಪತಿ ಸಂದೀಪ್ ವಿ ಆಚಾರ್. ಇವರು ಸಹ ಕಿರುತೆರೆಯಲ್ಲಿ ಗುರುತಿಸಿಕೊಂಡರು. ಆದರೆ ತೆರೆಯ ಮೇಲಲ್ಲ, ತೆರೆಯ ಹಿಂದೆ. ಹಲವಾರು ಕಾಮಿಡಿ ಶೋಗಳಲ್ಲಿ ಸ್ಕಿಟ್ ಗಳಿಗೆ ಸ್ಕ್ರಿಪ್ಟ್ ಬರೆದು, ಅತ್ಯುತ್ತಮವಾಗಿ ಮೂಡಿ ಬರುವಂತೆ ಮಾಡಿರುವವರು ಹರ್ಷಿತಾ ಪತಿ ಸಂದೀಪ್.