ರೈಲ್ವೆ ನಿಲ್ದಾಣಗಳಿಗೆ ಜಂಕ್ಷನ್, ಸೆಂಟ್ರಲ್, ಟರ್ಮಿನಲ್, ಕಂಟೋನ್ಮೆಂಟ್ ಹೀಗೆ ಯಾಕೆ ಹೆಸರಿಡ್ತಾರೆ ಅಂತ ಎಂದಾದ್ರೂ ಯೋಚಿಸಿದ್ದೀರಾ? ಈ ಹೆಸರುಗಳ ಹಿಂದಿನ ಕಾರಣ ಮತ್ತು ಅವುಗಳ ಮಹತ್ವವನ್ನು ನಾವಿಂದು ತಿಳಿಯೋಣ ಬನ್ನಿ
ಭಾರತೀಯ ರೈಲ್ವೆ ವ್ಯವಸ್ಥೆ ಪ್ರಪಂಚದಲ್ಲೇ ಮೂರನೇ ಅತಿ ದೊಡ್ಡದು. 42 ರೈಲ್ವೆ ಸಂಸ್ಥೆಗಳು 1951 ರಲ್ಲಿ ಒಗ್ಗೂಡಿ ಭಾರತೀಯ ರೈಲ್ವೆ ಆಯಿತು. ಪ್ರತಿದಿನ 8,702 ರೈಲುಗಳು ದೇಶಾದ್ಯಂತ ಓಡುತ್ತವೆ. ರೈಲ್ವೆ ವಿವಿಧ ವಿಭಾಗಗಳನ್ನು ಹೊಂದಿದೆ.
ಜಂಕ್ಷನ್, ಸೆಂಟ್ರಲ್, ಟರ್ಮಿನಲ್, ರೋಡ್ ಹೀಗೆ ವಿವಿಧ ಹೆಸರುಗಳನ್ನು ನಾವೆಲ್ಲರೂ ಓದಿರುತ್ತೇವೆ, ನೋಡಿರುತ್ತೇವೆ. ರೈಲ್ವೆ ನಿಲ್ದಾಣಗಳಿಗೆ ಜಂಕ್ಷನ್, ಸೆಂಟ್ರಲ್, ಟರ್ಮಿನಲ್, ಕಂಟೋನ್ಮೆಂಟ್ ಹೆಸರುಗಳಿರುವುದಕ್ಕೆ ತನ್ನದೇ ಆದ ಕಾರಣಗಳಿವೆ. ಸ್ಥಳೀಯ ಪ್ರಾಮುಖ್ಯತೆ, ರೈಲು ಮಾರ್ಗಗಳ ಆಧಾರದ ಮೇಲೆ ಹೆಸರಿಡಲಾಗುತ್ತದೆ. ಜಂಕ್ಷನ್ ಎಂದರೆ ಎರಡು ಅಥವಾ ಹೆಚ್ಚು ರೈಲು ಮಾರ್ಗಗಳು ಸೇರುವ/ಬೇರ್ಪಡುವ ನಿಲ್ದಾಣ.
ಉದಾ: ಬಳ್ಳಾರಿ ಜಂಕ್ಷನ್
ಸೆಂಟ್ರಲ್ ಎಂದರೆ ಆ ನಗರದ ಪ್ರಮುಖ ರೈಲ್ವೆ ನಿಲ್ದಾಣ. ಉದಾ: ಚೆನ್ನೈ ಸೆಂಟ್ರಲ್. ಟರ್ಮಿನಲ್ ಎಂದರೆ ರೈಲುಗಳು ಪ್ರಾರಂಭ/ಅಂತ್ಯಗೊಳ್ಳುವ ನಿಲ್ದಾಣ.
ಉದಾ: ಯಶವಂತಪುರ ಟರ್ಮಿನಲ್.
ಯಾವ ರೈಲ್ವೆ ನಿಲ್ದಾಣ ಆರ್ಮಿ ಬೇಸ್ ಪಕ್ಕದಲ್ಲಿರುತ್ತದೆಯೋ ಅದನ್ನು ಕಂಟೋನ್ಮೆಂಟ್ ಎಂದು ಕರೆಯಲಾಗುತ್ತದೆ
ಉದಾ: ಬೆಂಗಳೂರು ದಂಡು ರೈಲ್ವೆ ನಿಲ್ದಾಣ
ಕೆಲ ರೈಲ್ವೆ ನಿಲ್ದಾಣದ ಮುಂದೆ ರೋಡ್ ಎಂದು ಹೆಸರಿರುತ್ತದೆ. ಗೋಕರ್ಣ ರೋಡ್ ರೈಲ್ವೆ ನಿಲ್ದಾಣ ಎಂದು ನೀವು ಬೋರ್ಡ್ ನೋಡಿರಬಹುದು. ಊರಿಗೆ ರೈಲ್ವೆ ಹಳಿ ನಿರ್ಮಾಣ ಸಾಧ್ಯವಿಲ್ಲ ಎನ್ನುವ ಪರಿಸ್ಥಿತಿಯಲ್ಲಿ ಅದರ ಪಕ್ಕದ ಹಳ್ಳಿಗೆ ರೈಲು ಸಂಚರಿಸುತ್ತದೆ. ಈ ಸಮಯದಲ್ಲಿ ಮುಂದಿನ ನಗರದ ಹೆಸರಿನ ಜೊತೆ ರೋಡ್ ಸೇರಿಸಿ ಬೋರ್ಡ್ ಹಾಕಲಾಗುತ್ತದೆ.