ಆನ್‌ಲೈನ್ ಗೇಮಿಂಗ್ ಬಿಲ್ 2025: ಡ್ರೀಮ್11 ಬಂದ್? ಯೂಸರ್ಸ್ ದುಡ್ಡಿನ ಕಥೆ ಏನು?

ಆನ್‌ಲೈನ್ ಗೇಮಿಂಗ್ ಬಿಲ್ 2025 ಪಾರ್ಲಿಮೆಂಟ್‌ನಲ್ಲಿ ಪಾಸ್ ಆಗಿ, ಡ್ರೀಮ್11, ಮೈ11ಸರ್ಕಲ್‌ಗಳಿಗೆ ಶಾಕ್ ಕೊಟ್ಟಿದೆ. ಯೂಸರ್‌ಗಳ ದುಡ್ಡಿನ ಬಗ್ಗೆ ಆತಂಕದ ನಡುವೆ ಕಂಪನಿಗಳು ಸ್ಪಷ್ಟನೆ ನೀಡಿವೆ.

ಆನ್‌ಲೈನ್ ಗೇಮಿಂಗ್‌ಗೆ ಕಡಿವಾಣ ಹಾಕಲು ಸರ್ಕಾರ ತಂದ ‘ಆನ್‌ಲೈನ್ ಗೇಮಿಂಗ್ ಬಿಲ್ 2025’ಗೆ ಲೋಕಸಭಾ, ರಾಜ್ಯಸಭೆಗಳ ಒಪ್ಪಿಗೆ ಸಿಕ್ಕಿದೆ. ರಾಷ್ಟ್ರಪತಿ ಸಹಿ ಹಾಕಿದ ನಂತರ ಇದು ಕಾನೂನಾಗಿದೆ. ಡ್ರೀಮ್11, ಮೈ11ಸರ್ಕಲ್, ಎಂಪಿಎಲ್‌ಗಳಿಗೆ ಶಾಕ್.

ಡ್ರೀಮ್ ಸ್ಪೋರ್ಟ್ಸ್ ತಮ್ಮ ಡ್ರೀಮ್11 ಆ್ಯಪ್‌ನಲ್ಲಿನ ‘ಪೇ ಟು ಪ್ಲೇ’ ಗೇಮ್‌ಗಳನ್ನು ತಾತ್ಕಾಲಿಕವಾಗಿ ನಿಲ್ಲಿಸಿದೆ. ಡ್ರೀಮ್ ಪಿಕ್ಸ್, ಡ್ರೀಮ್ ಪ್ಲೇ ಆ್ಯಪ್‌ಗಳನ್ನೂ ಸ್ಥಗಿತಗೊಳಿಸಿದೆ. ಯೂಸರ್‌ಗಳ ದುಡ್ಡು ಸೇಫ್, ಯಾವಾಗ ಬೇಕಾದರೂ ವಾಪಸ್ ಪಡೆಯಬಹುದು ಎಂದಿದೆ.

ಎಂಎಪಿಎಲ್ ಕೂಡ ತನ್ನ ಆ್ಯಪ್‌ನಲ್ಲಿ ಹಣದ ಗೇಮ್‌ಗಳನ್ನು ನಿಲ್ಲಿಸಿದೆ. ಹೊಸದಾಗಿ ಹಣ ಹಾಕಲು ಆಗಲ್ಲ, ಆದರೆ ಉಳಿದ ಹಣವನ್ನು ವಾಪಸ್ ಪಡೆಯಬಹುದು ಎಂದಿದೆ.

ಗೇಮ್ಸ್‌ಕ್ರಾಫ್ಟ್ ತನ್ನ ರಮ್ಮಿ ಆ್ಯಪ್‌ನಲ್ಲಿ ಹಣದ ವ್ಯವಹಾರ ನಿಲ್ಲಿಸಿದೆ. ಜೂಪೀ ಕೂಡ ಹಣದ ಗೇಮ್‌ಗಳನ್ನು ನಿಲ್ಲಿಸುತ್ತಿದೆ. ಯೂಸರ್‌ಗಳು ತಮ್ಮ ಹಣವನ್ನು ಬೇಗ ವಾಪಸ್ ಪಡೆಯಬೇಕು ಎಂದು ತಜ್ಞರು ಹೇಳಿದ್ದಾರೆ.

ಭಾರತದ ಆನ್‌ಲೈನ್ ಗೇಮಿಂಗ್ ಮಾರುಕಟ್ಟೆ ಈಗ $3.7 ಬಿಲಿಯನ್ ಇದೆ. 2029ರ ವೇಳೆಗೆ $9.1 ಬಿಲಿಯನ್ ಆಗಬಹುದು. ಈ ಕಾನೂನಿನಿಂದ ದೊಡ್ಡ ಬದಲಾವಣೆಗಳಾಗಲಿವೆ.