ಇದು ಕಿಚ್ಚ ಸುದೀಪ್ ಆಸ್ತಿ, 20 ಕೋಟಿಯ ಬಂಗಲೆ, ಮುಂಬೈನಲ್ಲಿ ಫಾರ್ಮ್‌ಹೌಸ್‌, ಲ್ಯಾಂಬೋರ್ಗಿನಿ ಗೀಳು!
First Published | Nov 23, 2023, 6:14 PM ISTಕಿಚ್ಚ ಸುದೀಪ್ ಇಂದು ಇಡೀ ದೇಶವೇ ಮೆಚ್ಚುವಂಥ ನಟ. ಇಷ್ಟು ವರ್ಷಗಳ ಸಿನಿಮಾ ಜೀವನದಲ್ಲಿ ಅವರು ಸಂಪಾದಿಸಿದ್ದೆಷ್ಟು ಎನ್ನುವ ವಿವರ ಇಲ್ಲಿದೆ.
ಕಿಚ್ಚ ಸುದೀಪ್ ಇಂದು ಇಡೀ ದೇಶವೇ ಮೆಚ್ಚುವಂಥ ನಟ. ಇಷ್ಟು ವರ್ಷಗಳ ಸಿನಿಮಾ ಜೀವನದಲ್ಲಿ ಅವರು ಸಂಪಾದಿಸಿದ್ದೆಷ್ಟು ಎನ್ನುವ ವಿವರ ಇಲ್ಲಿದೆ.
ಸ್ಯಾಂಡಲ್‌ವುಡ್‌ ಮಾತ್ರವಲ್ಲ, ದಕ್ಷಿಣ ಭಾರತದಲ್ಲಿ ಕಿಚ್ಚ ಸುದೀಪ್ ಎನ್ನುವ ಹೆಸರಿಗೆ ದೊಡ್ಡ ಸ್ಟಾರ್‌ ವ್ಯಾಲ್ಯೂ ಇದೆ. ಬ್ಲಾಕ್‌ಬಸ್ಟರ್‌ ಚಿತ್ರಗಳಲ್ಲಿ ತಮ್ಮ ಸ್ಮರಣೀಯ ಅಭಿನಯ ನೀಡಿರುವ ಕಿಚ್ಚ ಸುದೀಪ್ ಬಿಗ್‌ಬಾಸ್‌ನ 10 ಸೀಸನ್‌ಗಳ ನಿರೂಪಕರಾಗಿದ್ದಾರೆ.
ಸಿನಿಮಾರಂಗದಲ್ಲಿ ದೊಡ್ಡ ಸಂಭಾವನೆ ಪಡೆಯುವ ನಟ ಮಾತ್ರವೇ ಅಲ್ಲ, ಕರ್ನಾಟಕದ ಮನೆ ಮನೆಯಲ್ಲೂ ಹೆಸರಾದ ನಟ. ಬೆಳ್ಳಿತೆರೆಯಲ್ಲಿ ಪಾತ್ರಗಳ ಮೂಲಕ ಮಾತ್ರವಲ್ಲ, ಸುದೀಪ್ ಅವರ ಶ್ರೀಮಂತ ಜೀವನಶೈಲಿ ಮತ್ತು ದುಬಾರಿ ಖರೀದಿಗಳು ಕೂಡ ಗಮನಸೆಳೆಯುತ್ತದೆ. ಸ್ಯಾಂಡಲ್‌ವುಡ್‌ನ ಐಕಾನ್‌ನ ಐಷಾರಾಮಿ ಜಗತ್ತಿನ ವಿವರಗಳು ಇಲ್ಲಿವೆ.
ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ಇರುವ ಸುದೀಪ್ ನಿವಾಸದ ಈಗಿನ ಮೌಲ್ಯ ಕಡಿಮೆಯೆಂದರೂ 20 ಕೋಟಿ ರೂಪಾಯಿ. ಈ ಅದ್ದೂರಿ ಮನೆಯಲ್ಲಿ ಅತ್ಯಾಕರ್ಷಕ ಪೀಠೋಪಕರಣಗಳು ಅವರ ಅಭಿರುಚಿಗೆ ತಕ್ಕಂತೆ ಇವೆ. ಇದು ಸುದೀಪ್ ಅವರ ಆರ್ಥಿಕ ಬುದ್ಧಿವಂತಿಕೆಯನ್ನು ಪ್ರದರ್ಶಿಸುವ ಮನೆ ಮಾತ್ರವಲ್ಲ ಹೂಡಿಕೆಯೂ ಆಗಿದೆ ಎಂದು ವರದಿಗಳು ಹೇಳುತ್ತವೆ.
ಬೆಂಗಳೂರು ಮತ್ತು ಸುತ್ತಮುತ್ತಲಿನ ಗೆಸ್ಟ್‌ಹೌಸ್‌ಗಳು ಮತ್ತು ಭೂಮಿ ಸೇರಿದಂತೆ ಸುದೀಪ್ ಅವರ ಹಣಕಾಸು ಬಂಡವಾಳವು ಅವರ ನಿವಾಸದ ಆಚೆಗೂ ವಿಸ್ತರಿಸಿದೆ. ಅದಲ್ಲದೆ, ಅವರು ಮುಂಬೈನಲ್ಲಿ ಭವ್ಯ ಫಾರ್ಮ್‌ಹೌಸ್‌ ಕೂಡ ಹೊಂದಿದ್ದಾರೆ. ಭಿನ್ನ ಭಿನ್ನ ಮಾರ್ಗದ ಹೂಡಿಕೆಯನ್ನು ಅವರು ಅನುಸರಿಸುತ್ತಾರೆ.
ಇನ್ನು ಆಕರ್ಷಕ ಕಾರುಗಳ ಸಂಗ್ರಹಣೆ ಅವರ ಆಟೋಮೊಬೈಲ್‌ಗಳ ಮೇಲಿನ ಪ್ರೀತಿ ಎದ್ದು ಕಾಣುವಂತೆ ಮಾಡಿದೆ. 3 ಕೋಟಿ ಮೌಲ್ಯದ ಲ್ಯಾಂಬೋರ್ಗಿನಿ, ಹಮ್ಮರ್ ಎಚ್‌ 3 ಮಾತ್ರವಲ್ಲ ಅವರ ಗ್ಯಾರೇಜ್‌ನಲ್ಲಿರುವ ಎಲ್ಲಾ ವಾಹನ ಕೂಡ ಐಷಾರಾಮಿಯಾಗಿದೆ. ಅದರೊಂದಿಗೆ ಬಿಎಂಡಬ್ಲ್ಯು ಎಂ3 ಮತ್ತು ಜೀಪ್‌ ಕಂಪಾಸ್‌ಅನ್ನು ಕೂಡ ಹೊಂದಿದ್ದಾರೆ.
ಕಾರು, ರಿಯಲ್ ಎಸ್ಟೇಟ್ ಮಾತ್ರವಲ್ಲದೆ, ಸುದೀಪ್ ಅತ್ಯಾಧುನಿಕ ಕೈಗಡಿಯಾರಗಳ ಒಲವು ಕೂಡ ಹೊಂದಿದ್ದಾರೆ. ಅವರ ಸಂಗ್ರಹದಲ್ಲಿ ರಿಚರ್ಡ್ ಮಿಲ್ಲೆ ಕೈಗಡಿಯಾರವನ್ನು ಒಳಗೊಂಡಿದೆ, ಇದು 1.5 ಕೋಟಿ ರೂಪಾಯಿ ಎನ್ನಲಾಗಿದೆ.
ಖಾಸಗಿ ಜೆಟ್ ಅನ್ನು ಹೊಂದಿಲ್ಲದಿದ್ದರೂ, ಸುದೀಪ್ ಸೈಲಿಶ್‌ ಆಗಿ ಪ್ರಯಾಣಿಸಲು ಆದ್ಯತೆ ನೀಡುತ್ತಾರೆ. ದೇಶದಾದ್ಯಂತ ಹೆಲಿಕಾಪ್ಟರ್ ಪ್ರಯಾಣವನ್ನು ಆಯ್ಕೆ ಮಾಡಿಕೊಳ್ಳುವುದರಿಂದ, ಪ್ರತಿ ಪ್ರವಾಸಕ್ಕೆ ಅಂದಾಜು 15-20 ಲಕ್ಷ ರೂಪಾಯಿ ಖರ್ಚಾಗುತ್ತದೆ. ಈ ಆಯ್ಕೆಯು ಕೇವಲ ಅನುಕೂಲಕ್ಕಾಗಿ ಮಾತ್ರವಲ್ಲದೆ ಐಷಾರಾಮಿ ಜೀವನಶೈಲಿಯೂ ಆಗಿದೆ.
ಸರಿಸುಮಾರು $16 ಮಿಲಿಯನ್ (INR 125 ಕೋಟಿಗಳು) ನಿವ್ವಳ ಮೌಲ್ಯವನ್ನು ಕಿಚ್ಚ ಸುದೀಪ್ ಹೊಂದಿದ್ದಾರೆ. ಹಲವಾರು ಯಶಸ್ವಿ ಚಿತ್ರಗಳ ಜವಾಬ್ದಾರಿಯನ್ನು ಹೊಂದಿರುವ ಹೆಸರಾಂತ ನಿರ್ಮಾಣ ಸಂಸ್ಥೆಯಾದ ಕಿಚ್ಚ ಕ್ರಿಯೇಷನ್ಸ್‌ನ ಹೆಮ್ಮೆಯ ಮಾಲೀಕರಾಗಿದ್ದಾರೆ.
ಸುದೀಪ್ ಸಕ್ರಿಯವಾಗಿ ಪರೋಪಕಾರ ಕೆಲಸದಲ್ಲೂ ತೊಡಗಿಸಿಕೊಂಡಿದ್ದಾರೆ. ಅವರ ಕೊಡುಗೆಗಳಲ್ಲಿ ಸರ್ಕಾರಿ ಕನ್ನಡ ಶಾಲೆಗಳಿಗೆ ಹಣಕಾಸಿನ ನೆರವು, 2 ವರ್ಷಗಳ ಲಾಕ್‌ಡೌನ್ ಸಮಯದಲ್ಲಿ 1 ಲಕ್ಷ ಪಡಿತರ ಕಿಟ್‌ಗಳ ವಿತರಣೆ, ಆಸ್ಪತ್ರೆಯ ವೆಚ್ಚವನ್ನು ಭರಿಸುವುದು ಮತ್ತು 2019 ಮತ್ತು 2021 ರಲ್ಲಿ ಉಚಿತ ಆರೋಗ್ಯ ತಪಾಸಣೆ ಶಿಬಿರಗಳನ್ನು ಆಯೋಜಿಸುವುದು ಸೇರಿವೆ. ಇದು ಸೂಪರ್‌ಸ್ಟಾರ್‌ನ ಮಾನವೀಯ ಮುಖವನ್ನು ಎತ್ತಿ ತೋರಿಸಿದೆ.
ಸುದೀಪ್ ಅವರ ಜನಪ್ರಿಯತೆಯು ಬೆಳ್ಳಿ ಪರದೆಯನ್ನು ಮೀರಿದೆ, ಇದು ಅವರ ಒಪ್ಪಂದಗಳಲ್ಲಿ ಸ್ಪಷ್ಟವಾಗಿ ಕಂಡುಬರುತ್ತದೆ. ಇತ್ತೀಚಿಗೆ 5 ಕೋಟಿ ರೂಪಾಯಿಗಳ ಒಪ್ಪಂದದ ಬಗ್ಗೆ ಬೇಸರ ತೋಡಿಕೊಂಡರೂ, ವಾಣಿಜ್ಯ ಅವಕಾಶಗಳನ್ನು ಸ್ವೀಕರಿಸುವುದನ್ನು ಮುಂದುವರೆಸಿದ್ದಾರೆ.