ಯುಎಸ್‌ನಲ್ಲಿ 40% ಉದ್ಯೋಗಿಗಳು ಬೆಳಕು ಹರಿಯುವ ಮುನ್ನವೇ ಲಾಗಿನ್, ವೈಯಕ್ತಿಕ ಜೀವನವೇ ಇಲ್ಲ!

ಇಂದಿನ ಉದ್ಯೋಗಿಗಳ ಕೆಲಸದ ದಿನಚರಿಯು ಡಿಜಿಟಲ್ ತಂತ್ರಜ್ಞಾನದಿಂದಾಗಿ ಅನಿರೀಕ್ಷಿತವಾಗಿ ವಿಸ್ತರಿಸುತ್ತಿದೆ. ನಿರಂತರ ಲಭ್ಯತೆಯ ಒತ್ತಡ ಮತ್ತು ಸಭೆಗಳ ಹೊರೆ ಉದ್ಯೋಗಿಗಳ ವೈಯಕ್ತಿಕ ಜೀವನದ ಮೇಲೆ ಪರಿಣಾಮ ಬೀರುತ್ತಿದೆ. ಕೆಲಸದ ಸಂಸ್ಕೃತಿಯಲ್ಲಿ ಮೂಲಭೂತ ಬದಲಾವಣೆ ಅಗತ್ಯವಿದೆ.

ಇಂದಿನ ಅಮೆರಿಕದ ಉದ್ಯೋಗಿಗಳ ಕೆಲಸದ ದಿನ ಸದ್ದಿಲ್ಲದೆ ಸ್ಪಷ್ಟವಾಗಿ ವಿಸ್ತಾರಗೊಳ್ಳುತ್ತಿದೆ. ಒಂದು ಕಾಲದಲ್ಲಿ ಆರಂಭ ಮತ್ತು ಸರಿಯಾದ ಸಮಯಕ್ಕೆ ಅಂತ್ಯವಾಗುತ್ತಿದ್ದ ದಿನಚರಿ, ಈಗ ಲಾಗಿನ್‌ಗಳು, ಪಿಂಗ್‌ಗಳು ಮತ್ತು ತಡರಾತ್ರಿಯ ಸಭೆಗಳ ಮೂಲಕ 24/7 ಕೆಲಸದ ಚಕ್ರವಾಗಿ ಪರಿವರ್ತನೆಯಾಗಿದೆ.

ಮೈಕ್ರೋಸಾಫ್ಟ್‌ನ ಇತ್ತೀಚಿನ “ವರ್ಕ್ ಟ್ರೆಂಡ್ ಇಂಡೆಕ್ಸ್” ವರದಿ ಪ್ರಕಾರ, ಅಮೆರಿಕದ 40% ಉದ್ಯೋಗಿಗಳು ಬೆಳಗ್ಗೆ 6 ಗಂಟೆಯೊಳಗೆ ಕೆಲಸ ಆರಂಭಿಸುತ್ತಿದ್ದಾರೆ. 29% ಜನರು ರಾತ್ರಿ 10 ಗಂಟೆಯ ನಂತರ ಮತ್ತೆ ಲಾಗಿನ್ ಆಗುತ್ತಾರೆ. ಸರಾಸರಿ ಕೆಲಸಗಾರನೊಬ್ಬ ಪ್ರತಿದಿನ 117 ಇಮೇಲ್‌ಗಳು ಮತ್ತು 150 ಟೀಮ್ ಸಂದೇಶಗಳನ್ನು ಕಳುಹಿಸುತ್ತಿದ್ದಾರೆ.

ಇದು ಕೇವಲ ಸಮಯದ ವಿಚಾರವಲ್ಲ. ಇದು ವ್ಯಕ್ತಿಯ ವೈಯಕ್ತಿಕ ಜೀವನ ಮತ್ತು ಕೆಲಸದ ನಡುವಿನ ಗಡಿಗಳ ಮಸುಕಾಗುವ ಸಂಕೇತ. ಹೈಬ್ರಿಡ್ ಮತ್ತು ದೂರಸ್ಥ ಕೆಲಸದ ಮಾದರಿಗಳು ವ್ಯಾಪಕವಾಗಿ ಅಳವಡಿಸಿಕೊಂಡಿರುವ ಹಿನ್ನಲೆಯಲ್ಲಿ, ಕೆಲಸ ದಿನದ ಎಲ್ಲ ಘಟ್ಟಗಳಲ್ಲಿ ಬೆಳಗ್ಗೆ, ಸಂಜೆ, ವಾರಾಂತ್ಯಗಳಲ್ಲಿ ನುಗ್ಗುತ್ತಿದೆ.

ಎಂದಿಗೂ ಮುಗಿಯದ ಕೆಲಸ ಎಂಬ ಭಾವನೆ

ಇಂದಿನ ಉದ್ಯೋಗಿಗೆ, ಕೆಲಸದ ದಿನ ಟ್ರಾಫಿಕ್‌ ಅಥವಾ ಲಾಗ್‌ಆಫ್‌ನೊಂದಿಗೆ ಆರಂಭವಾಗುವುದಿಲ್ಲ ಅಥವಾ ಮುಗಿಯುವುದಿಲ್ಲ. ಅವರ ಫೋನ್ ಎತ್ತಿದ ಕ್ಷಣದಿಂದಲೇ ಕೆಲಸ ಆರಂಭವಾಗುತ್ತದೆ, ಬಹುತೇಕರು ಸೂರ್ಯೋದಯಕ್ಕೂ ಮುನ್ನವೇ ಲಾಗ್‌ ಇನ್ ಆಗುತ್ತಾರೆ. ಈ ದಿನಚರಿ ತಡರಾತ್ರಿ ವರೆಗೆ ಮುಂದುವರಿಯುತ್ತದೆ. ಒಂದು ಕಾಲದಲ್ಲಿ ಕಚೇರಿಗೆ ಸೀಮಿತವಾಗಿದ್ದ ಕೆಲಸ, ಇಂದಿಗೆ ಶಾಶ್ವತವಾಗಿ ಒಂದು ಪ್ರಕ್ರಿಯೆಯಂತೆ ಮೌನವಾಗಿ, ನಿರಂತರವಾಗಿ ನಡೆಯುತ್ತಿದೆ.

ಈ ರೀತಿಯ ಕೆಲಸದಿಂದಾಗಿ, ಬಹುತೇಕ ಉದ್ಯೋಗಿಗಳು ಬೆಳಿಗ್ಗೆ ಹಗಲು ಬರುವದಕ್ಕೂ ಮೊದಲು ಇಮೇಲ್‌ಗಳನ್ನು ಓದುತ್ತಿದ್ದಾರೆ, ಊಟದ ಸಮಯದಲ್ಲೂ ಟೀಮ್‌ ನೋಟಿಫಿಕೇಶನ್‌ಗಳಿಗೆ ಸ್ಪಂದಿಸುತ್ತಿದ್ದಾರೆ ಮತ್ತು ಸಂಜೆಗೂ ಆಫೀಸ್ ಕೆಲಸವನ್ನು ಮುಂದುವರೆಸುತ್ತಿದ್ದಾರೆ. ಸಂಜೆಯ ಸಭೆಗಳ ಪ್ರಮಾಣ ವರ್ಷದಿಂದ ವರ್ಷಕ್ಕೆ 16% ಹೆಚ್ಚಾಗಿರುವ ಹಿನ್ನೆಲೆಯಲ್ಲಿ, ಬಹುಪಾಲು ಉದ್ಯೋಗಿಗಳಿಗೆ "ಆಫೀಸ್ ನಮ್ಮ ಮನೆಗೆ ಹಿಂಬಾಲಿಸಿದೆ" ಎಂಬ ಭಾವನೆಂಟಾಗಿದೆ.

ಈ ಸ್ಥಿತಿಗೆ ಕಾರಣವೇನು?

ಈ ಪರಿವರ್ತನೆಯ ಮೂಲದಲ್ಲಿ "ಲಭ್ಯತೆಯ ಸಂಸ್ಕೃತಿ" ಇದೆ. ರಿಮೋಟ್ ಅಥವಾ ಹೈಬ್ರಿಡ್ ಕೆಲಸದ ಮಾದರಿಯಲ್ಲಿ, ನೌಕರರು ಕಚೇರಿ ಸ್ಪೇಸ್‌ನಿಂದ ದೂರವಿರುವರಾದರೂ, ಡಿಜಿಟಲ್ ಜಗತ್ತಿನಲ್ಲಿ ಸದಾ ಲಭ್ಯವಿರುತ್ತಾರೆ. ಈ ನಿರಂತರ ಲಭ್ಯತೆಯ ಒತ್ತಡ ಮತ್ತು ಕೆಲಸ ಮಾಡುತ್ತಿರುವುದು ಕಾಣಬೇಕಾದ ಒತ್ತಾಯ, ಉದ್ಯೋಗಿಗಳನ್ನು ನಿರಂತರವಾಗಿ ಆನ್‌ಲೈನ್‌ನಲ್ಲಿ ಇರುವುದು, ತಕ್ಷಣ ಪ್ರತಿಕ್ರಿಯೆ ನೀಡುವುದು ಮತ್ತು ತಮ್ಮ ವೈಯಕ್ತಿಕ ಕಾಲವನ್ನು ತ್ಯಜಿಸುವುದಕ್ಕೆ ದಾರಿ ಮಾಡಿಕೊಡುತ್ತದೆ.

ಮೈಕ್ರೋಸಾಫ್ಟ್ ಸಂಶೋಧನೆಯ ಪ್ರಕಾರ, ಪ್ರತಿಯೊಬ್ಬ ಉದ್ಯೋಗಿಗೆ ಪ್ರತಿ 1.75 ನಿಮಿಷಕ್ಕೆ ವ್ಯತ್ಯಯವಾಗುತ್ತದೆ. ಇದರಿಂದ ದಿನಕ್ಕೆ ಸುಮಾರು 275 ಗೊಂದಲಗಳು ಸಂಭವಿಸುತ್ತವೆ. ಇಮೇಲ್‌ಗಳು, ಚಾಟ್‌ಗಳು, ಕರೆಗಳು, ಸಭೆಗಳು ಇವುಗಳ ಕಾರಣದಿಂದ ನಿಜವಾದ ಉತ್ಪಾದಕತೆ ಕುಸಿಯುತ್ತದೆ.

ಸಭೆಗಳ ಅನಿಯಂತ್ರಿತ ವ್ಯತ್ಯಯಗಳು:

• 57% ಸಭೆಗಳು ಪೂರ್ವ ಯೋಜನೆಯಿಲ್ಲದವು ಅಥವಾ ತಾತ್ಕಾಲಿಕವಾಗಿರುತ್ತವೆ
• 10% ಸಭೆಗಳು ಒಂದು ಗಂಟೆಯೊಳಗಿನ ಅಂತರದಲ್ಲಿ ಸೇರಿಸಲಾಗುತ್ತದೆ
• ಇವುಗಳಲ್ಲಿ ಹೆಚ್ಚಿನವು ನೈಸರ್ಗಿಕ ಉತ್ಪಾದಕ ಸಮಯದಲ್ಲಿ ನಡೆಯುತ್ತವೆ, ಪರಿಣಾಮವಾಗಿ ಮಾನಸಿಕ ಶಕ್ತಿಯ ಖಾಲಿ ಜಾಗ ಕಬಳಿಸಿಕೊಳ್ಳುತ್ತವೆ

ಡಿಜಿಟಲ್ ಪರಿಕರಗಳ ಆಘಾತ

ಕೇಳಲು ಹೇಗೇನಿದ್ದರೂ, ಕೆಲಸ ಸುಗಮಗೊಳಿಸಲು ರೂಪುಗೊಳ್ಳಲಾದ ಪರಿಕರಗಳೇ ಇದೀಗ ಜಟಿಲತೆಯ ಮೂಲವಾಗಿವೆ. ಇವು ಸ್ಪಷ್ಟತೆಯನ್ನು ನೀಡುವ ಬದಲು, ಓವರ್‌ಲೋಡ್, ವಿಭಜಿತ ಗಮನ ಮತ್ತು ಸುಸ್ತಿನ ತೀವ್ರತೆ ಉಂಟುಮಾಡುತ್ತಿವೆ.

ಮೂಲಭೂತ ಮೌಲ್ಯಗಳ ಪುನರ್ ಪರಿಶೀಲನೆ ಅಗತ್ಯ

ಮೈಕ್ರೋಸಾಫ್ಟ್ ಸೂಚಿಸುತ್ತಿರುವಂತೆ, ಕೊಪಿಲಾಟ್‌ಗಳಂತಹ ಎಐ ಉಪಕರಣಗಳು ಕಾರ್ಯಕ್ರಮ ನಿರ್ವಹಣೆ, ಉತ್ತರದ ತಯಾರಿ ಮತ್ತು ಸಭೆಗಳ ಸಾರಾಂಶ ನೀಡುವ ಮೂಲಕ ಸಹಾಯ ಮಾಡಬಹುದು. ಆದರೆ, ಎಐ ಯಿಂದ ಮುರಿದ, ಹಾಳಾದ ಉಪಕರಣಗಳ ವ್ಯವಸ್ಥೆಯನ್ನು ಸರಿಪಡಿಸಲು ಮಾತ್ರ ಸಾಧ್ಯವಿಲ್ಲ. ಕೆಲಸದ ಮೂಲ ವಿನ್ಯಾಸವನ್ನೇ ಮರುನಿರ್ಮಿಸಬೇಕಾಗಿರುವ ಅಗತ್ಯವಿದೆ. ಇಲ್ಲವಾದರೆ, ಎಐ ಕೂಡ ಈ ವ್ಯತ್ಯಯವನ್ನು ವೇಗಗೊಳಿಸುವ ಯಂತ್ರವಾಗಿ ಪರಿವರ್ತನೆಗೊಳ್ಳಬಹುದು.

ಪರಿಹಾರಕ್ಕೆ ಕೆಲವು ಕ್ರಮಗಳು

ನಿರ್ದಿಷ್ಟ ಸಮಯದ ಮರುಸ್ಥಾಪನೆ: ಕೆಲಸದ ಆರಂಭ ಮತ್ತು ಅಂತ್ಯದ ಸಮಯಗಳನ್ನು ಸ್ಪಷ್ಟವಾಗಿ ನಿರ್ಧರಿಸಿ. “ಯಾವಾಗಲೂ ಲಭ್ಯವಿಲ್ಲ” ಎಂಬ ಸಂಸ್ಕೃತಿಯನ್ನು ನಿರ್ಮಿಸಿ.

ಗಮನ ಕೊಡಿ: ಅನಿವಾರ್ಯವಲ್ಲದ ಸಭೆಗಳನ್ನು ಕಡಿಮೆ ಮಾಡಿ, ಆಳವಾದ ಕೆಲಸಕ್ಕೆ ನಿರ್ಬಂಧರಹಿತ ಸಮಯ ನೀಡಿರಿ

ಉತ್ಪಾದಕತೆ ಮರು ವ್ಯಾಖ್ಯಾನ: ಇಮೇಲ್‌ ಸಂಖ್ಯೆ ಅಥವಾ ಸಭೆಗೋಷ್ಠಿಗಳ ಭರದಲ್ಲಿ ಮಾಪನ ಮಾಡುವುದನ್ನು ನಿಲ್ಲಿಸಿ; ಪರಿಣಾಮ ಆಧಾರಿತ ಮೌಲ್ಯಮಾಪನಕ್ಕೆ ಹಾದಿ ಮಾಡಿರಿ

ಕಾರ್ಯ ಶೈಲಿ ಬದಲಾವಣೆ: ತಕ್ಷಣ ಸ್ಪಂದನೆ ಅವಶ್ಯಕವಿಲ್ಲದ ಸಂವಹನವನ್ನು ಉತ್ತೇಜಿಸಿ, ನಿರಂತರ ಲಭ್ಯತೆಯ ಒತ್ತಡವನ್ನು ತಗ್ಗಿಸಿ

ನಾಯಕತ್ವದ ಮಾದರಿಯ ಬದಲಾವಣೆ ಮುಖ್ಯ

ಈ ಬದಲಾವಣೆಗಾಗಿ ನಾವೆಲ್ಲಾ ಹೊಣೆಗಾರರಾಗಬೇಕಾದರೂ, ನಾಯಕರು ಮಾದರಿಯಾಗಿರಬೇಕು. ಅವರು ತಮ್ಮ ಡಿಜಿಟಲ್ ಸಂಪರ್ಕವನ್ನು ನಿಯಂತ್ರಿಸಿದಾಗ, ಅನಗತ್ಯ ಸಭೆಗಳನ್ನು ನಿರಾಕರಿಸಿದಾಗ ಮತ್ತು ನೌಕರರ ಸಮತೋಲನಕ್ಕೆ ಬೆಂಬಲ ನೀಡಿದಾಗ, ಕೆಲಸ ಮತ್ತು ಜೀವನದ ನಡುವಿನ ಸಮತೋಲನ ಸಾಧ್ಯವೆಂಬ ಶಕ್ತಿಶಾಲಿ ಸಂದೇಶವನ್ನು ಕಳುಹಿಸುತ್ತಾರೆ.