ವೀಕೆಂಡ್‌ನಲ್ಲಿ ಸಿನಿಮಾ ನೋಡೋಕೆ ಹೋದ್ರೆ ಖರ್ಚಾಗೋದೆಷ್ಟು? ಶುರುವಾಗಿದೆ ಸಖತ್‌ ಚರ್ಚೆ!

ನಟ ಕರಣ್ ಜೋಹರ್ ಅವರು ಭಾರತದಲ್ಲಿ ಸಿನಿಮಾ ವೀಕ್ಷಣೆ ದುಬಾರಿ ಎಂದು ಹೇಳಿದ್ದಾರೆ, ಇದು ಚರ್ಚೆಗೆ ಕಾರಣವಾಗಿದೆ. ಮಲ್ಟಿಪ್ಲೆಕ್ಸ್ ಅಸೋಸಿಯೇಷನ್ ಆಫ್ ಇಂಡಿಯಾ (MAI) ಅವರ ಹೇಳಿಕೆಯನ್ನು ತಿರಸ್ಕರಿಸಿದೆ, ಸರಾಸರಿ ಟಿಕೆಟ್ ದರಗಳು ಕೈಗೆಟುಕುವವು ಎಂದು ಹೇಳಿದೆ.

ನಟ, ನಿರ್ದೇಶಕ ಹಾಗೂ ನಿರ್ಮಾಪಕದ ಕರಣ್‌ ಜೋಹರ್‌ ಇತ್ತೀಚೆಗೆ ಭಾರತದಲ್ಲಿ ಥಿಯೇಟರ್‌ಗೆ ಹೋಗಿ ಸಿನಿಮಾ ನೋಡುವುದು ಬಹಳ ದುಬಾರಿ ಎಂದು ಹೇಳಿದ್ದರು.  ಇತ್ತೀಚೆಗೆ ತಮ್ಮೊಂದಿಗೆ ಒಂದು ಕುಟುಂಬ ಮಾತನಾಡುತ್ತಿತ್ತು. ಅವರು ಹೇಳಿದ್ದೇನೆಂದರೆ, ನಾವು ಸಿನಿಮಾ ಹಾಲ್‌ಗೆ ಹೋಗಿ ಫಿಲ್ಮ್‌ ನೋಡೋಕೆ ಇಷ್ಟ ಪಡೋದಿಲ್ಲ. ಏಕೆಂದರೆ, ಸಿನಿಮಾಗೆ ಹೋದಾಗ ಮಕ್ಕಳು ಅಲ್ಲಿ ಪಾಪ್‌ಕಾರ್ನ್‌ ಅಥವಾ ಇನ್ನೂ ಏನಾದರೂ ಬೇಕು ಅಂತಾ ಕೇಳ್ತಾರೆ. ಈ ವೇಳೆ ಇಲ್ಲ ಅಂತಾ ಹೇಳೋಕೆ ಆಗಲ್ಲ. ನಾಲ್ಕು ಮಂದಿಯ ಒಂದು ಕುಟುಂಬ ವೀಕೆಂಡ್‌ನಲ್ಲಿ ಸಿನಿಮಾಗೆ ಹೋಗಬೇಕು ಅಂದರೆ, ಕನಿಷ್ಠ 10 ಸಾವಿರ ರೂಪಾಯಿ ಖರ್ಚಾಗುತ್ತದೆ' ಎಂದು ಹೇಳಿದ್ದಾಗಿ ತಿಳಿಸಿದ್ದರು. ಕರಣ್‌ ಜೋಹರ್‌ ಈ ಮಾತಿನ ಬೆನ್ನಲ್ಲಿಯೇ ಭಾರತದಲ್ಲಿ ವೀಕೆಂಡ್‌ನಲ್ಲಿ ಸಿನಿಮಾ ನೋಡೋಕೆ ಹೋದ್ರೆ ಖರ್ಚಾಗೋದೆಷ್ಟು ಅನ್ನೋದರ ಚರ್ಚೆ ಆರಂಭವಾಗಿದೆ.

ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ದೇಶದ ಮಲ್ಟಿಫ್ಲೆಕ್ಸ್‌ ಅಸೋಶಿಯೇಷನ್‌ ಆಫ್‌ ಇಂಡಿಯಾದ ಅಧ್ಯಕ್ಷ ಕಮಲ್‌ ಗೈನ್‌ಚಂದಾನಿ ಮಾತನಾಡಿದ್ದು, 'ದೇಶದ ಅತಿದೊಡ್ಡ ಸಿನಿಮಾ ಚೈನ್‌ 2023-24ರಲ್ಲಿ ನೀಡಿದ ವರದಿಯಲ್ಲಿ ಸರಾಸರಿ ಟಿಕೆಟ್‌ ದರ 258 ರೂಪಾಯಿ ಎಂದು ಹೇಳಿತ್ತು. ಅದೇ ರೀತಿಯಲ್ಲಿ ಫುಡ್‌ & ಬೇವರ್ಜಸ್‌ಗೆ  ಪ್ರತಿ ತಲೆಗೆ ಖರ್ಚಾಗುವ ಸರಾಸರಿ ಮೊತ್ತ 132 ರೂಪಾಯಿ ಎಂದಿತ್ತು. ಇದರಿಂದಾಗಿ 4 ಮಂದಿಯ ಒಂದು ಕುಟುಂಬ ಸಿನಿಮಾಗೆ ಹೋದರೆ 1560 ರೂಪಾಯಿ ಖರ್ಚಾಗುತ್ತದೆ' ಎಂದು ಹೇಳುವ ಮೂಲಕ ಕರಣ್‌ ಜೋಹರ್‌ ಮಾತನ್ನು ತಿರಸ್ಕರಿಸಿದ್ದಾರೆ.

ಇತ್ತೀಚೆಗೆ ಸಿನಿಮಾ ಮಂದಿ ಕೂಡ ಈ ಬಗ್ಗೆ ಚರ್ಚೆ ಮಾಡಿದ್ದರು. ಥಿಯೇಟರ್‌ಗಳಲ್ಲಿ ಸಿನಿಮಾ ನೋಡುವುದು ದುಬಾರಿ ಎನ್ನುವ ಕಾರಣಕ್ಕಾಗಿಯೇ ಜನರು ಥಿಯೇಟರ್‌ಗೆ ಬರುತ್ತಿಲ್ಲವೇ ಅಥವಾ ತಾವು ನೀಡುವ ಹಣದಷ್ಟು ಮೌಲ್ಯ ಈ ಸಿನಿಮಾಕ್ಕೆ ಇಲ್ಲ ಯೋಚಿಸಿದ್ದಾರೆಯೇ ಎನ್ನುವ ಬಗ್ಗೆ ಚರ್ಚೆ ನಡೆದಿತ್ತು. ಈ ವೇಳೆ ನಿರ್ದೇಶಕಿ ಜೋಯಾ ಅಖ್ತರ್‌, ಸಿನಿಮಾಕ್ಕೆ ಹೋಗಬೇಕು ಎಂದು ಜನ ನಿರ್ಧಾರ ಮಾಡಿದ್ದರೂ ಹಣದ ಕಾರಣದಿಂದಾಗಿ ಅವರಿಗೆ ಹೋಗಲು ಸಾಧ್ಯವಾಗುತ್ತಿಲ್ಲ ಎಂದಿದ್ದರು. ಇದೇ ವೇಳೆ ಕರಣ್‌ 4 ಮಂದಿಯ ಒಂದು ಕುಟುಂಬಕ್ಕೆ ಸಿನಿಮಾಕ್ಕೆ ಹೊರಗೆ ಹೋದರೆ 10 ಸಾವಿರ ಖರ್ಚಾಗುತ್ತದೆ ಎಂದು ಹೇಳಿಕೆ ನೀಡಿದ್ದರು.

ಮಲ್ಟಿಪ್ಲೆಕ್ಸ್ ಅಸೋಸಿಯೇಷನ್ ​​ಆಫ್ ಇಂಡಿಯಾ (MAI) ಸರಾಸರಿ ಟಿಕೆಟ್ ದರಗಳು ಸಿನಿಮಾ ವೀಕ್ಷಣೆಯ ಅನುಭವವು ದುಬಾರಿಯಾಗಿದೆಯೇ ಇಲ್ಲವೇ ಎನ್ನುವುದನ್ನೂ ತಿಳಿಸಿಲ್ಲ. ಸ್ಥಳ, ವಾರದ ದಿನ, ಆಸನದ ಪ್ರಕಾರ, ಚಲನಚಿತ್ರ ಮತ್ತು ಸಿನಿಮಾ ಸ್ವರೂಪಗಳಂತಹ ಅಂಶಗಳ ಆಧಾರದ ಮೇಲೆ "ಡೈನಾಮಿಕ್ ಮತ್ತು ಫ್ಲೆಕ್ಸಿಬಲ್" ಸಿನಿಮಾ ಬೆಲೆಯು ಏರಿಳಿತಗೊಳ್ಳುತ್ತದೆ ಎಂದು ತಿಳಿಸಿದೆ.

ಮಲ್ಟಿಪ್ಲೆಕ್ಸ್ ಅಸೋಸಿಯೇಷನ್ ​​ಆಫ್ ಇಂಡಿಯಾ (MAI) ಸರಾಸರಿ ಟಿಕೆಟ್ ದರಗಳು ಸಿನಿಮಾ ವೀಕ್ಷಣೆಯ ಅನುಭವವು ದುಬಾರಿಯಾಗಿದೆಯೇ ಇಲ್ಲವೇ ಎನ್ನುವುದನ್ನೂ ತಿಳಿಸಿಲ್ಲ. ಸ್ಥಳ, ವಾರದ ದಿನ, ಆಸನದ ಪ್ರಕಾರ, ಚಲನಚಿತ್ರ ಮತ್ತು ಸಿನಿಮಾ ಸ್ವರೂಪಗಳಂತಹ ಅಂಶಗಳ ಆಧಾರದ ಮೇಲೆ "ಡೈನಾಮಿಕ್ ಮತ್ತು ಫ್ಲೆಕ್ಸಿಬಲ್" ಸಿನಿಮಾ ಬೆಲೆಯು ಏರಿಳಿತಗೊಳ್ಳುತ್ತದೆ ಎಂದು ತಿಳಿಸಿದೆ.

ಮಲ್ಟಿಪ್ಲೆಕ್ಸ್ ಅಸೋಸಿಯೇಷನ್ ​​ಆಫ್ ಇಂಡಿಯಾ (MAI) ಸರಾಸರಿ ಟಿಕೆಟ್ ದರಗಳು ಸಿನಿಮಾ ವೀಕ್ಷಣೆಯ ಅನುಭವವು ದುಬಾರಿಯಾಗಿದೆಯೇ ಇಲ್ಲವೇ ಎನ್ನುವುದನ್ನೂ ತಿಳಿಸಿಲ್ಲ. ಸ್ಥಳ, ವಾರದ ದಿನ, ಆಸನದ ಪ್ರಕಾರ, ಚಲನಚಿತ್ರ ಮತ್ತು ಸಿನಿಮಾ ಸ್ವರೂಪಗಳಂತಹ ಅಂಶಗಳ ಆಧಾರದ ಮೇಲೆ "ಡೈನಾಮಿಕ್ ಮತ್ತು ಫ್ಲೆಕ್ಸಿಬಲ್" ಸಿನಿಮಾ ಬೆಲೆಯು ಏರಿಳಿತಗೊಳ್ಳುತ್ತದೆ ಎಂದು ತಿಳಿಸಿದೆ.