ಬೇಸಿಗೆಯಲ್ಲಿ ಕಾಂತಿಯುತ, ಫ್ರೆಶ್ ಲುಕ್‌ಗಾಗಿ ಪುರುಷರು ಮಾಡಬೇಕಾದ ಕೆಲಸಗಳು

Summer Tips for Men: ಈ ಬೇಸಿಗೆಯ ಶಾಖದಿಂದ ಪುರುಷರು ತಮ್ಮ ಚರ್ಮವನ್ನು ಹೇಗೆ ರಕ್ಷಿಸಿಕೊಳ್ಳಬಹುದು ಎಂದು ತಿಳಿಯೋಣ.

ಬೇಸಿಗೆಯಲ್ಲಿ ಪುರುಷರ ಚರ್ಮದ ರಕ್ಷಣೆ ಸಲಹೆಗಳು: ಸಾಮಾನ್ಯವಾಗಿ ಚರ್ಮದ ರಕ್ಷಣೆ ಅಂದಾಕ್ಷಣ ಅದು ಹೆಂಗಸರಿಗೆ ಮಾತ್ರ ಸೀಮಿತ ಅಂತ ಅಂದುಕೊಳ್ಳುವುದು ತಪ್ಪು. ಈಗಿನ ಕಾಲದಲ್ಲಿ ಈ ಮನೋಭಾವನೆ ಬದಲಾಗುತ್ತಿದೆ. ಅದಕ್ಕಾಗಿಯೇನೋ ಮಾರುಕಟ್ಟೆಗಳಲ್ಲಿ ಗಂಡಸರಿಗಾಗಿ ಚರ್ಮದ ರಕ್ಷಣೆ ಮಾಡುವಂತಹ ವಸ್ತುಗಳು ದೊಡ್ಡ ಮಟ್ಟದಲ್ಲಿ ಮಾರಾಟವಾಗುತ್ತಿದೆ.

ಚರ್ಮವನ್ನು ಹೆಂಗಸರು ಮಾತ್ರವಲ್ಲ ಗಂಡಸರು ಕೂಡ ಆರೋಗ್ಯವಾಗಿ ಇಟ್ಟುಕೊಳ್ಳಬೇಕು. ಅದರಲ್ಲೂ ಗಂಡಸರು ಬೇಸಿಗೆಯಲ್ಲಿ ತಮ್ಮ ಚರ್ಮವನ್ನು ಕಾಪಾಡಿಕೊಳ್ಳುವುದು ಬಹಳ ಮುಖ್ಯ. ಹಾಗಾಗಿ ಬೇಸಿಗೆ ಕಾಲದಲ್ಲಿ ಗಂಡಸರು ತಮ್ಮ ಚರ್ಮವನ್ನು ಬಿಸಿಲಿನಿಂದ ಹೇಗೆ ರಕ್ಷಿಸಿಕೊಳ್ಳಬೇಕು ಎಂಬುದನ್ನು ಈ ಕೆಳಗೆ ತಿಳಿಯೋಣ.

ಕ್ಲೆನ್ಸಿಂಗ್:

ಬೇಸಿಗೆ ಕಾಲ ಶುರುವಾಗಿದೆ. ಈ ಸೀಸನ್‌ನಲ್ಲಿ ಎಂದಿಗಿಂತಲೂ ಹೆಚ್ಚಾಗಿ ಬೆವರು ಬರುತ್ತದೆ. ಆದ್ದರಿಂದ ಮುಖವನ್ನು ಕ್ಲೆನ್ಸಿಂಗ್ ಮಾಡುವುದು ಬಹಳ ಮುಖ್ಯ. ನಿಮ್ಮ ಚರ್ಮಕ್ಕೆ ಸರಿಹೊಂದುವ ಫೇಸ್‌ವಾಶ್ ಬಳಸಿ ಚೆನ್ನಾಗಿ ಮುಖ ತೊಳೆಯಿರಿ. ದಿನಕ್ಕೆ ಎರಡು ಬಾರಿಯಾದರೂ ಫೇಸ್ ವಾಶ್‌ನಿಂದ ಮುಖ ತೊಳೆಯಿರಿ. ಇದರ ಜೊತೆಗೆ ಉಗುರು ಬೆಚ್ಚಗಿನ ನೀರಿನಿಂದ ಆಗಾಗ ಮುಖವನ್ನು ತೊಳೆಯಿರಿ. ಇದರಿಂದ ಮುಖದಲ್ಲಿರುವ ಕೊಳೆ ಮತ್ತು ಎಣ್ಣೆ ಅಂಶ ಹೋಗಿ ಚರ್ಮ ಸ್ವಚ್ಛವಾಗುತ್ತದೆ.

ಮಾಯಿಶ್ಚರೈಸರ್

ಬಿಸಿಲಿನಿಂದ ಚರ್ಮ ಬೇಗನೆ ಒಣಗಿ ಹೋಗುತ್ತದೆ. ಆದ್ದರಿಂದ ಚರ್ಮವನ್ನು ಒಣಗದಂತೆ ಯಾವಾಗಲೂ ತೇವಾಂಶದಿಂದ ಇಟ್ಟುಕೊಳ್ಳುವುದು ಬಹಳ ಮುಖ್ಯ. ಅದಕ್ಕಾಗಿ ನೀವು ಮಾಯಿಶ್ಚರೈಸರ್ ಬಳಸಿ. ತುಂಬಾ ದಪ್ಪವಾಗಿರದ ವಾಟರ್ ಬೇಸ್ಡ್ ಮಾಯಿಶ್ಚರೈಸರ್ ಬಳಸುವುದು ಒಳ್ಳೆಯದು.

ಸನ್ ಸ್ಕ್ರೀನ್

ಪ್ರತಿಯೊಬ್ಬ ಗಂಡಸರು ಸನ್ ಸ್ಕ್ರೀನ್ ಬಳಸಬೇಕು. ಅದರಲ್ಲೂ ಬೇಸಿಗೆಯಲ್ಲಿ ಸನ್ ಸ್ಕ್ರೀನ್ ಇಲ್ಲದೆ ಮನೆಯಿಂದ ಹೊರಗೆ ಬರಬಾರದು. ನಿಮಗೆ ಒಣ ಚರ್ಮ ಇದ್ದರೆ ನೀವು ಸ್ಕ್ರೀನ್ ಪೇಸ್ಟ್ ರೀತಿ ಇರುವ ಸನ್ ಸ್ಕ್ರೀನ್ ಬಳಸಬಹುದು. ಅದೇ ನಿಮಗೆ ಆಯಿಲ್ ಸ್ಕಿನ್ ಇದ್ದರೆ ಜೆಲ್ ಪೇಸ್ಟ್ ರೀತಿ ಇರುವ ಸನ್ ಸ್ಕ್ರೀನ್ ಬಳಸಿ. ಸನ್ ಸ್ಕ್ರೀನ್ ನಿಮ್ಮ ಚರ್ಮವನ್ನು ಸೂರ್ಯನ ಕಿರಣಗಳಿಂದ ರಕ್ಷಿಸುತ್ತದೆ. ಮುಖ್ಯವಾಗಿ ನಿಮ್ಮ ಚರ್ಮದ ಬಣ್ಣ ಬದಲಾಗದಂತೆ ನೋಡಿಕೊಳ್ಳುತ್ತದೆ.

ಎಕ್ಸ್‌ಫೋಲಿಯೇಟ್

ಎಕ್ಸ್‌ಫೋಲಿಯೇಟ್ ಹೆಂಗಸರಿಗೆ ಮಾತ್ರವಲ್ಲ, ನಿಮಗೂ ಬೇಕು. ಸಾಮಾನ್ಯವಾಗಿ ಗಂಡಸರು ಚರ್ಮವನ್ನು ಸರಿಯಾಗಿ ನೋಡಿಕೊಳ್ಳುವುದಿಲ್ಲ. ಇದರಿಂದ ಚರ್ಮದಲ್ಲಿ ಸತ್ತ ಜೀವಕೋಶಗಳು ಹಾಗೆಯೇ ಇರುತ್ತವೆ. ಇದರಿಂದ ಚರ್ಮದಲ್ಲಿ ರಕ್ತ ಸಂಚಾರಕ್ಕೆ ತೊಂದರೆಯಾಗುತ್ತದೆ. ಆದ್ದರಿಂದ ಅವುಗಳನ್ನು ತೆಗೆಯಲು ನೀವು ಅಕ್ಕಿ ಹಿಟ್ಟು ಅಥವಾ ಕಾಫಿ ಸ್ಕ್ರಬ್ ಬಳಸಿ ವಾರಕ್ಕೆ ಒಂದು ಅಥವಾ ಎರಡು ಬಾರಿ ಸ್ಕ್ರಬ್ ಮಾಡಿ ಎಕ್ಸ್‌ಫೋಲಿಯೇಟ್ ಮಾಡುವುದು ಬಹಳ ಒಳ್ಳೆಯದು.

ಎರಡು ಬಾರಿ ಸ್ನಾನ ಮಾಡಿ

ಸುಡುವ ಬೇಸಿಗೆಯಲ್ಲಿ ಎರಡು ಬಾರಿ ಸ್ನಾನ ಮಾಡುವುದನ್ನು ಅಭ್ಯಾಸ ಮಾಡಿಕೊಳ್ಳಿ. ಇದರಿಂದ ದೇಹದ ಉಷ್ಣತೆ ಕಡಿಮೆಯಾಗುತ್ತದೆ. ಇದರಿಂದ ಬಿಸಿಲಿನಿಂದ ಉಂಟಾಗುವ ಬೆವರು, ಕೊಳೆ ನಿವಾರಣೆಯಾಗಿ ಚರ್ಮ ತಾಜಾತನದಿಂದ ಕೂಡಿರುತ್ತದೆ.

ತುಟಿಯ ಆರೈಕೆ 

ಬಿಸಿಲಿನಿಂದ ಚರ್ಮ ಮಾತ್ರವಲ್ಲ ತುಟಿಯೂ ಒಣಗುತ್ತದೆ. ಆದ್ದರಿಂದ ನಿಮ್ಮ ತುಟಿಯನ್ನು ತೇವಾಂಶದಿಂದ ಇಡಲು ಲಿಪ್ ಬಾಮ್ ಬಳಸಿ. ಇಲ್ಲದಿದ್ದರೆ ವ್ಯಾಸಲಿನ್ ಬಳಸಬಹುದು.

ಶೇವಿಂಗ್

ಬೇಸಿಗೆಯಲ್ಲಿ ನೀವು ರಿಮ್ಮರ್ ಮತ್ತು ಬಿಸಿಯಾದ ಸ್ಕ್ರೀನ್ ಬಳಸಿ ಶೇವ್ ಮಾಡಿದರೆ ಚರ್ಮದಲ್ಲಿ ಉರಿ ಉಂಟಾಗುತ್ತದೆ. ಅದಕ್ಕೆ ಬದಲಾಗಿ ತಂಪಾಗಿರುವ ಕ್ರೀಮ್ ಮಾರುಕಟ್ಟೆಯಲ್ಲಿ ಸಿಗುತ್ತವೆ. ಅವುಗಳನ್ನು ಬಳಸಿ ಶೇವ್ ಮಾಡಿ ನಂತರ ತಣ್ಣೀರಿನಿಂದ ಮುಖ ತೊಳೆಯಿರಿ. ಚರ್ಮ ಮೃದುವಾಗಿರುತ್ತದೆ.

ನೆನಪಿಡಿ:

ಮೇಲೆ ಹೇಳಿರುವ ಎಲ್ಲಕ್ಕಿಂತ ಮುಖ್ಯವಾಗಿ ಬೇಸಿಗೆಯಲ್ಲಿ ಆರೋಗ್ಯಕರವಾದ ಆಹಾರ ಕ್ರಮವನ್ನು ಅನುಸರಿಸುವುದು ಬಹಳ ಮುಖ್ಯ. ಅದಕ್ಕಾಗಿ ನೀವು ನೀರಿನ ಅಂಶ ಹೆಚ್ಚಿರುವ ಹಣ್ಣುಗಳು ಮತ್ತು ತರಕಾರಿಗಳನ್ನು ಸೇವಿಸಿ. ಇದರ ಜೊತೆಗೆ ಪೋಷಕಾಂಶಗಳು ಹೆಚ್ಚಿರುವ ಆಹಾರವನ್ನು ಹೆಚ್ಚಾಗಿ ತಿನ್ನಿ. ನೆನೆಸಿದ ಒಣ ದ್ರಾಕ್ಷಿ ಮತ್ತು ಅದರ ನೀರನ್ನು ಕುಡಿಯುತ್ತಾ ಬಂದರೆ ಚರ್ಮ ಯಾವಾಗಲೂ ಹೊಳೆಯುತ್ತಿರುತ್ತದೆ.