ಭಾರತವು ಹಲವಾರು ವಾಸ್ತುಶಿಲ್ಪದ ಅದ್ಭುತಗಳಿಗೆ ನೆಲೆಯಾಗಿದೆ. ಈ ಪಟ್ಟಿಗೆ ಶೀಘ್ರದಲ್ಲೇ, ಪಶ್ಚಿಮ ಬಂಗಾಳದ ಮಾಯಾಪುರದಲ್ಲಿರುವ ವೇದಿಕ್ ಪ್ಲಾನಿಟೋರಿಯಂ ದೇವಾಲಯವು ದೇಶದ ಐಕಾನಿಕ್ ಕಟ್ಟಡಗಳ ಪಟ್ಟಿಗೆ ಸೇರಲಿದೆ. ಹಾಗೂ, ಈ ಧಾರ್ಮಿಕ ಕಟ್ಟಡವು ವಿಶ್ವದ ಅತಿದೊಡ್ಡ ಗುಮ್ಮಟವನ್ನು ಹೊಂದಿರುತ್ತದೆ.
ಭಾರತವು ಹಲವಾರು ವಾಸ್ತುಶಿಲ್ಪದ ಅದ್ಭುತಗಳಿಗೆ ನೆಲೆಯಾಗಿದೆ. ಈ ಪಟ್ಟಿಗೆ ಶೀಘ್ರದಲ್ಲೇ, ಪಶ್ಚಿಮ ಬಂಗಾಳದ ಮಾಯಾಪುರದಲ್ಲಿರುವ ವೇದಿಕ್ ಪ್ಲಾನಿಟೋರಿಯಂ ದೇವಾಲಯವು ದೇಶದ ಐಕಾನಿಕ್ ಕಟ್ಟಡಗಳ ಪಟ್ಟಿಗೆ ಸೇರಲಿದೆ. ವಿಶ್ವದ ಅತಿದೊಡ್ಡ ಧಾರ್ಮಿಕ ಸ್ಮಾರಕವೆಂದು ನಂಬಲಾದ ಈ ದೇವಾಲಯವು ವ್ಯಾಟಿಕನ್‌ನ ಸೇಂಟ್ ಪಾಲ್ ಕ್ಯಾಥೆಡ್ರಲ್ ಮತ್ತು ಆಗ್ರಾದ ತಾಜ್ ಮಹಲ್‌ಗಿಂತ ದೊಡ್ಡದಾಗಿದೆ. ಹಾಗೂ, ಈ ಧಾರ್ಮಿಕ ಕಟ್ಟಡವು ವಿಶ್ವದ ಅತಿದೊಡ್ಡ ಗುಮ್ಮಟವನ್ನು ಹೊಂದಿರುತ್ತದೆ.
ಈ ದಾರ್ಮಿಕ ಸ್ಮಾರಕದ ಸಂಪೂರ್ಣ ಯೋಜನೆಯು 100 ಮಿಲಿಯನ್ ಡಾಲರ್ ಮೌಲ್ಯದ್ದಾಗಿದೆ ಮತ್ತು ನಿರ್ಮಾಣವು 2010 ರಲ್ಲಿ ಪ್ರಾರಂಭವಾಯಿತು ಎಂದು ತಿಳಿದುಬಂದಿದೆ. ವರದಿಗಳ ಪ್ರಕಾರ, ಇಸ್ಕಾನ್ ದೇವಾಲಯದ ಪದ್ಧತಿಗಳ ಪ್ರಕಾರ ದೇವಾಲಯವು 10,000 ಜನರಿಗೆ ಅವಕಾಶ ಕಲ್ಪಿಸುವ ಸಾಮರ್ಥ್ಯವನ್ನು ಹೊಂದಿರುತ್ತದೆ. ಈ ಕಟ್ಟಡವು ಭಗವದ್ ಪುರಾಣದ ಪವಿತ್ರ ಗ್ರಂಥಗಳ ಅನುಸರಣೆಯಲ್ಲಿ ಗ್ರಹಗಳ ವ್ಯವಸ್ಥೆಯ ಕಾರ್ಯನಿರ್ವಹಣೆಯನ್ನು ಸಂಕೇತಿಸುವ ದೊಡ್ಡ ತಿರುಗುವ ಮಾದರಿಯನ್ನು ಸಹ ಹೊಂದಿರುತ್ತದೆ ಎನ್ನಲಾಗಿದೆ.
ವೈದಿಕ ಬ್ರಹ್ಮಾಂಡ ಮತ್ತು ಪುರಾಣಗಳ ಕಥೆಗಳನ್ನು ಅರ್ಥಮಾಡಿಕೊಳ್ಳಲು ಪ್ರತಿಯೊಬ್ಬರಿಗೂ ಸಹಾಯ ಮಾಡಲು ಸಂಪೂರ್ಣ ವೈದಿಕ ವಿಶ್ವವಿಜ್ಞಾನವನ್ನು ಸಂವಾದಾತ್ಮಕ ರೀತಿಯಲ್ಲಿ ಪ್ರದರ್ಶಿಸುವ ಮೊದಲ ಕಟ್ಟಡ ಇದಾಗಿದೆ ಎಂದು ದೇವಾಲಯದ ಅಧಿಕಾರಿಗಳ ಟ್ವೀಟ್ ಕೂಡ ಹೇಳಿಕೊಂಡಿದೆ.
ಮಾಯಾಪುರ ಜಿಲ್ಲೆಯಲ್ಲಿರುವ 'ವಿಶ್ವದ ಅತಿದೊಡ್ಡ ಧಾರ್ಮಿಕ ಸ್ಮಾರಕ' - ವೇದ ಪ್ಲಾನಿಟೋರಿಯಂ ದೇವಾಲಯದ ಉದ್ಘಾಟನೆಗೆ ಕ್ಷಣಗಣನೆ ಮುಂದುವರೆದಿದೆ. ಕೋಲ್ಕತ್ತಾದಿಂದ 130 ಕಿ.ಮೀ ದೂರದಲ್ಲಿರುವ ಈ ದೇವಾಲಯವು ಇಸ್ಕಾನ್‌ನ ಪ್ರಧಾನ ಕಚೇರಿಯಾಗಿಯೂ ಕಾರ್ಯನಿರ್ವಹಿಸುತ್ತದೆ. ಇದು ಜುಲೈ ಅಥವಾ ಆಗಸ್ಟ್ 2023 ರ ವೇಳೆಗೆ ತೆರೆಯುವ ನಿರೀಕ್ಷೆಯಿದೆ.