ವಿಶ್ವದಲ್ಲಿ ಕ್ಷೀಣಿಸುತ್ತಿರುವ ಗಿಡುಗಗಳ ಸಂಖ್ಯೆಯನ್ನು ಗಮನದಲ್ಲಿಟ್ಟುಕೊಂಡು ಉತ್ತರ ಪ್ರದೇಶ ಸರ್ಕಾರವು ಒಂದು ದೊಡ್ಡ ಹೆಜ್ಜೆಯನ್ನು ಇಟ್ಟಿದೆ. ಏಷ್ಯಾದ ಮೊದಲ ಗಿಡುಗ ಸಂತಾನೋತ್ಪತ್ತಿ ಕೇಂದ್ರವನ್ನು ಉತ್ತರ ಪ್ರದೇಶದಲ್ಲಿ ಸ್ಥಾಪಿಸಲಾಗಿದೆ. ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಸೆಪ್ಟೆಂಬರ್ 6 ರಂದು ಇದನ್ನು ಉದ್ಘಾಟಿಸಲಿದ್ದಾರೆ.
ರೆಡ್ ಹೆಡೆಡ್ ವಲ್ಚರ್ ಅಂದರೆ ರಾಜ್ ಗಿಡುಗವನ್ನು ಸಂರಕ್ಷಿಸುವ ಉದ್ದೇಶದಿಂದ ಈ ಜಟಾಯು ಸಂರಕ್ಷಣೆ ಮತ್ತು ಸಂತಾನೋತ್ಪತ್ತಿ ಕೇಂದ್ರವನ್ನು ಸ್ಥಾಪಿಸಲಾಗಿದೆ. ಈ ಕೇಂದ್ರದ ಮೂಲಕ ರಾಜ್ ಗಿಡುಗಗಳ ಸಂಖ್ಯೆ ಹೆಚ್ಚಾಗುವುದಲ್ಲದೆ, ಅಳಿವಿನಂಚಿನಲ್ಲಿರುವ ಈ ಜೀವಿಗಳನ್ನು ನೋಡಲು ಪ್ರವಾಸಿಗರ ಆಗಮನ ಹೆಚ್ಚಾಗುವುದರಿಂದ ಪರಿಸರ ಪ್ರವಾಸೋದ್ಯಮಕ್ಕೂ ಉತ್ತೇಜನ ದೊರೆಯಲಿದೆ.
ಜಟಾಯು ಅಂದರೆ ಗಿಡುಗ ಪೌರಾಣಿಕ ಮಹತ್ವವನ್ನು ಹೊಂದಿದೆ. ರಾಮಾಯಣದಲ್ಲಿ ಸೀತಾಪಹರಣದ ಸಮಯದಲ್ಲಿ ರಾವಣನೊಂದಿಗೆ ಜಟಾಯು ಹೋರಾಟ ನಡೆಸಿದ್ದ. ರಾಮನಿಗೆ ಸೀತೆಯ ಬಗ್ಗೆ ಮಾಹಿತಿ ನೀಡಿದ್ದ.
ದೇಶ-ವಿದೇಶಗಳಲ್ಲಿ ಗಿಡುಗಗಳ ಅಸ್ತಿತ್ವಕ್ಕೆ ಕುತ್ತು ಬಂದೊದಗಿದೆ. ಇವುಗಳ ಸಂಖ್ಯೆ ನಿರಂತರವಾಗಿ ಕಡಿಮೆಯಾಗುತ್ತಿದೆ. ಗೋರಖ್‌ಪುರದ ಕ್ಯಾಂಪಿಯರ್‌ಗಂಜ್‌ನಲ್ಲಿ ಜಟಾಯು ಸಂರಕ್ಷಣೆ ಮತ್ತು ಸಂತಾನೋತ್ಪತ್ತಿ ಕೇಂದ್ರವನ್ನು ಸ್ಥಾಪಿಸಲಾಗಿದೆ. 2 ಕೋಟಿ 80 ಲಕ್ಷ 54 ಸಾವಿರ ರೂಪಾಯಿ ವೆಚ್ಚದಲ್ಲಿ ಇದರ ನಿರ್ಮಾಣ ಮಾಡಲಾಗಿದೆ. ಇದರಲ್ಲಿ ಸಂತಾನೋತ್ಪತ್ತಿ ಕೊಠಡಿ, ಹೋಲ್ಡಿಂಗ್ ಕೊಠಡಿ, ಆಸ್ಪತ್ರೆ ಕೊಠಡಿ, ನರ್ಸರಿ ಕೊಠಡಿ, ಪಶುವೈದ್ಯ ವಿಭಾಗ, ಆಡಳಿತ ಕಟ್ಟಡ, ಚೇತರಿಕೆ ಕೊಠಡಿ, ಕಾವಲುಗಾರರ ಕೊಠಡಿ, ಜನರೇಟರ್ ಕೊಠಡಿ, ಮಾರ್ಗಗಳನ್ನು ನಿರ್ಮಿಸಲಾಗಿದೆ.
ಪ್ರಸ್ತುತ ಕೇಂದ್ರದಲ್ಲಿ ಆರು ರೆಡ್ ಹೆಡೆಡ್ ವಲ್ಚರ್‌ಗಳನ್ನು ತರಲಾಗಿದೆ. ಸಿಸಿಟಿವಿ ಕ್ಯಾಮೆರಾಗಳ ಮೂಲಕ 8 ಸಿಬ್ಬಂದಿ ಇವುಗಳನ್ನು ಮೇಲ್ವಿಚಾರಣೆ ಮಾಡಲಿದ್ದಾರೆ.
ಬಾಂಬೆ ನೈಸರ್ಗಿಕ ಇತಿಹಾಸ ಸೊಸೈಟಿ ಇವುಗಳ ಉಸ್ತುವಾರಿಗೆ ಸಹಾಯ ಮಾಡುತ್ತದೆ. ಗೋರಖ್‌ಪುರದ ಡಿಎಫ್‌ಒ ವಿಕಾಸ್ ಯಾದವ್ ಅವರ ಪ್ರಕಾರ, ಐದು ಹೆಕ್ಟೇರ್ ಜಮೀನಿನಲ್ಲಿ ನಿರ್ಮಿಸಲಾದ ಈ ಕೇಂದ್ರಕ್ಕಾಗಿ ಬಾಂಬೆ ನೈಸರ್ಗಿಕ ಇತಿಹಾಸ ಸೊಸೈಟಿ ಮತ್ತು ರಾಜ್ಯ ಸರ್ಕಾರದ ನಡುವೆ ಒಪ್ಪಂದ ಮಾಡಿಕೊಳ್ಳಲಾಗಿದೆ. ಮುಂದಿನ ಕೆಲವು ವರ್ಷಗಳಲ್ಲಿ 40 ಗಿಡುಗಗಳನ್ನು ಬಿಡುಗಡೆ ಮಾಡಲಾಗುವುದು.