ವಿಶ್ವಾದ್ಯಂತ ಮಹಿಳೆಯರ ವಿರುದ್ಧ ಅತ್ಯಾಚಾರದಂತಹ ಪ್ರಕರಣ ಗಂಭೀರ ಸಮಸ್ಯೆಯಾಗಿದೆ, ಆದರೆ ಹೆಚ್ಚಿನ ದೇಶಗಳಲ್ಲಿ ಅಪರಾಧಿಗಳಿಗೆ ಶಿಕ್ಷೆ ವಿಧಿಸುವುದೇ ದೊಡ್ಡ ಸವಾಲಾಗಿದೆ. ಭಾರತ ಸೇರಿದಂತೆ ಅನೇಕ ಅಭಿವೃದ್ಧಿ ಹೊಂದಿದ ದೇಶಗಳಲ್ಲಿಯೂ ಶಿಕ್ಷೆಯ ಪ್ರಮಾಣ ತೀರಾ ಕಡಿಮೆಯಿದೆ.
ನಿರ್ಭಯಾ ಪ್ರಕರಣವಾಗಲಿ ಅಥವಾ ಕತುವಾ ಪ್ರಕರಣವಾಗಲಿ, ಪ್ರತಿ ಬಾರಿಯೂ ಹೆಣ್ಣುಮಕ್ಕಳು ನ್ಯಾಯಕ್ಕಾಗಿ ಧ್ವನಿ ಎತ್ತುವ ಸನ್ನಿವೇಶ ನಿರ್ಮಾಣವಾಗುತ್ತದೆ. ದೇಶವಷ್ಟೇ ಅಲ್ಲ, ಪ್ರಪಂಚದ ಎಲ್ಲಾ ಸಂಘಟನೆಗಳು ಮಹಿಳೆಯರ ಮೇಲಿನ ಅತ್ಯಾಚಾರದಂತಹ ದೌರ್ಜನ್ಯಗಳ ಬಗ್ಗೆ ಕಳವಳ ವ್ಯಕ್ತಪಡಿಸುತ್ತವೆ, ಆದರೆ ಅಂಕಿಅಂಶಗಳನ್ನು ಗಮನಿಸಿದರೆ, ಪ್ರಪಂಚದ ಹೆಚ್ಚಿನ ದೇಶಗಳಲ್ಲಿ ಶಿಕ್ಷೆಯ ಪ್ರಮಾಣ ಅಂದರೆ ಅಪರಾಧಿಗಳಿಗೆ ಶಿಕ್ಷೆಯ ಪ್ರಮಾಣ ತೀರಾ ಕಡಿಮೆ.
ಭಾರತ: ಎನ್‌ಸಿಆರ್‌ಬಿ ಅಂಕಿಅಂಶಗಳ ಪ್ರಕಾರ, ದೇಶದಲ್ಲಿ ಪ್ರತಿದಿನ 86 ಅತ್ಯಾಚಾರ ಪ್ರಕರಣಗಳು ವರದಿಯಾಗುತ್ತವೆ. ರಾಷ್ಟ್ರೀಯ ಅಪರಾಧ ದಾಖಲೆಗಳ ಬ್ಯೂರೋ (ಎನ್‌ಸಿಆರ್‌ಬಿ) ಪ್ರಕಾರ, 2021 ರಲ್ಲಿ ಅತ್ಯಾಚಾರ ಪ್ರಕರಣಗಳಲ್ಲಿ ಶಿಕ್ಷೆಯ ಪ್ರಮಾಣ ಸುಮಾರು 32.2% ರಷ್ಟಿತ್ತು. ಅಂದರೆ, ನ್ಯಾಯಾಲಯವನ್ನು ತಲುಪುವ ಪ್ರಕರಣಗಳಲ್ಲಿ ಮೂರನೇ ಒಂದು ಭಾಗಕ್ಕಿಂತ ಕಡಿಮೆ ಪ್ರಕರಣಗಳಲ್ಲಿ ಅಪರಾಧಿಗಳಿಗೆ ಶಿಕ್ಷೆಯಾಗುತ್ತದೆ. ಆರೋಪಿಗಳಿಗೆ ಶಿಕ್ಷೆ ವಿಧಿಸುವಲ್ಲಿನ ವೈಫಲ್ಯದ ಹಿಂದೆ ಸುದೀರ್ಘ ಕಾನೂನು ಪ್ರಕ್ರಿಯೆ, ಪೊಲೀಸ್ ತನಿಖೆಯಲ್ಲಿನ ಲೋಪಗಳು, ಸಾಮಾಜಿಕ ಕಳಂಕ ಮತ್ತು ಸಂತ್ರಸ್ಥೆ ಮತ್ತು ಅವರ ಕುಟುಂಬದ ಮೇಲಿನ ಪ್ರಕರಣವನ್ನು ಮುಂದುವರಿಸುವಲ್ಲಿನ ಅಡೆತಡೆಗಳು ಶಿಕ್ಷೆಗೆ ಅಡ್ಡಿಯಾಗುತ್ತವೆ ಎಂದು ಹೇಳಲಾಗಿದೆ.
ಇಂಗ್ಲೆಂಡ್: ಭಾರತದಲ್ಲಿ ಮಾತ್ರವಲ್ಲ, ಇಂಗ್ಲೆಂಡ್‌ನಲ್ಲಿಯೂ ಅತ್ಯಾಚಾರ ಪ್ರಕರಣಗಳಲ್ಲಿ ಶಿಕ್ಷೆಯ ಪ್ರಮಾಣ ತೀರಾ ಕಡಿಮೆ. 2022 ರ ಡೇಟಾವನ್ನು ನೋಡಿದರೆ, ಅತ್ಯಾಚಾರ ಅಪರಾಧಿಗಳಿಗೆ ಶಿಕ್ಷೆಯ ಪ್ರಮಾಣ ತೀರಾ ಕಡಿಮೆ ಇದೆ. ಯುಕೆಯಲ್ಲಿ ವರದಿಯಾದ ಪ್ರಕರಣಗಳಲ್ಲಿ ಶಿಕ್ಷೆಯ ಪ್ರಮಾಣ ಸುಮಾರು 1.3% ರಷ್ಟಿದೆ. ಹಾಗಿದ್ದರೂ, ನ್ಯಾಯಾಲಯವನ್ನು ತಲುಪುವ ಪ್ರಕರಣಗಳಲ್ಲಿ ಶಿಕ್ಷೆಯ ಪ್ರಮಾಣ ಸುಮಾರು 65% ರಷ್ಟಿದೆ.
ಅಮೆರಿಕ: ಅಮೆರಿಕದಲ್ಲಿ ನ್ಯಾಯಾಲಯವನ್ನು ತಲುಪುವ ಅತ್ಯಾಚಾರ ಪ್ರಕರಣಗಳಲ್ಲಿ ಶಿಕ್ಷೆಯ ಪ್ರಮಾಣ ಸುಮಾರು 5.7 ಪ್ರತಿಶತ. ಆದರೂ, ಅನೇಕ ಪ್ರಕರಣಗಳು ನ್ಯಾಯಾಲಯವನ್ನು ತಲುಪುವುದಿಲ್ಲ ಎಂದು ನಂಬಲಾಗಿದೆ.
ಸ್ವೀಡನ್: ಯುರೋಪಿಯನ್ ದೇಶವಾದ ಸ್ವೀಡನ್‌ನಲ್ಲಿ ಅತ್ಯಾಚಾರ ಪ್ರಕರಣಗಳು ಹೆಚ್ಚು ವರದಿಯಾಗುತ್ತವೆ. ಇಲ್ಲಿ ಅತ್ಯಾಚಾರದ ವರದಿ ದರವು ಅತಿ ಹೆಚ್ಚು, ಆದರೆ ಇಲ್ಲಿಯೂ ಸಹ ಶಿಕ್ಷೆಯ ಪ್ರಮಾಣವು ಸುಮಾರು 12 ಪ್ರತಿಶತದಷ್ಟಿದೆ. ತಜ್ಞರ ಪ್ರಕಾರ, ಸ್ವೀಡನ್‌ನ ಕಾನೂನು ವ್ಯವಸ್ಥೆಯಲ್ಲಿ ಅತ್ಯಾಚಾರದ ವ್ಯಾಪಕ ವ್ಯಾಖ್ಯಾನದಿಂದಾಗಿ ಹೆಚ್ಚಿನ ಪ್ರಕರಣಗಳು ವರದಿಯಾಗುತ್ತವೆ. ಆದರೆ, ರೇಪ್‌ ಕೇಸ್‌ಅನ್ನು ಸಾಬೀತುಪಡಿಸುವಲ್ಲಿಯೇ ಸಂತ್ರಸ್ಥೆಯರು ಹೈರಾಣಾಗುತ್ತಾರೆ.
ಜರ್ಮನಿ: ಜರ್ಮನಿಯಲ್ಲಿಯೂ ಅತ್ಯಾಚಾರ ಪ್ರಕರಣಗಳಲ್ಲಿ ಶಿಕ್ಷೆಯ ಪ್ರಮಾಣ ಕೇವಲ 8-10 ರಷ್ಟಿದೆ.ಇತರ ಅನೇಕ ಯುರೋಪಿಯನ್ ದೇಶಗಳಂತೆ, ಇಲ್ಲಿಯೂ ಸಹ ಸಮ್ಮತಿಯಿಲ್ಲದ ಸೆಕ್ಸ್‌ ಎಂದು ಸಾಬೀತುಪಡಿಸುವುದು ಸವಾಲಿನ ಸಂಗತಿಯಾಗಿದೆ. ಇಲ್ಲಿಯೂ ಸಂತ್ರಸ್ಥೆಯರು ಸಾಮಾಜಿಕ ಕಳಂಕಕ್ಕೆ ಹೆದರುತ್ತಾರೆ.
ಇದನ್ನೂ ಓದಿ:
ಕೋಲ್ಕತ್ತಾ ವೈದ್ಯ ವಿದ್ಯಾರ್ಥಿನಿಯ ಮೇಲೆ ಆಗಿರುವುದು ರೇಪ್‌, ಗ್ಯಾಂಗ್‌ರೇಪ್‌ ಅಲ್ಲ: ಕೋರ್ಟ್‌ಗೆ ತಿಳಿಸಿದ ಸಿಬಿಐ!