ಅನಂತ್ ಅಂಬಾನಿ ರಾಧಿಕಾ ಮರ್ಚೆಂಟ್ ಲವ್ ಸ್ಟೋರಿ; ಬಾಲ್ಯದ ಗೆಳೆತನದಿಂದ ಜೀವನ ಸಾಂಗತ್ಯದವರೆಗೆ..

ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಅವರ ವಿವಾಹ ಪೂರ್ವ ಸಮಾರಂಭಗಳು ಮಾರ್ಚ್ 1ರಂದು ಗುಜರಾತ್‌ನ ಜಾಮ್‌ನಗರದಲ್ಲಿ ಆರಂಭಗೊಳ್ಳಲಿವೆ. ಇವರಿಬ್ಬರ ಪ್ರೇಮಕತೆ ಕೇಳಿದ್ದೀರಾ?

ಗುಜರಾತ್‌ನ ಜಾಮ್‌ನಗರದಲ್ಲಿ ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್‌ರ ಮೂರು ದಿನಗಳ ಅದ್ಧೂರಿ ವಿವಾಹ ಪೂರ್ವ ಸಮಾರಂಭಕ್ಕಾಗಿ ತಯಾರಿ ಜೋರಾಗಿ ನಡೆಯುತ್ತಿದೆ. ಮಾರ್ಚ್ 1, 2 ಮತ್ತು 3 ರಂದು ನಡೆಯಲಿರುವ ಅತಿರಂಜಿತ ಆಚರಣೆ ನಡುವೆ ಅನಂತ್ ಹಾಗೂ ರಾಧಿಕಾ ಪ್ರೇಮಕತೆ ಸ್ಪಾಟ್‌ಲೈಟ್‌ಗೆ ಬಂದಿದೆ. 

ಅನಂತ್ ಮತ್ತು ರಾಧಿಕಾ ಅವರ ನಿಶ್ಚಿತಾರ್ಥವಾಗಿ ಒಂದುವ ವರ್ಷಕ್ಕೆ ಸರಿಯಾಗಿ ಈ ವಿವಾಹ ಪೂರ್ವ ಕಾರ್ಯಕ್ರಮಗಳು ಶುರುವಾಗುತ್ತಿವೆ. ಈ ನಡುವೆ ಬಾಲ್ಯದ ಸ್ನೇಹಿತರಿಂದ ಜೀವನ ಸಂಗಾತಿಗಳವರೆಗೆ ಅವರಿಬ್ಬರ ಪ್ರಯಾಣ ಹೇಗೆ ತೆರೆದುಕೊಂಡಿತು ಎಂಬ ಕತೆಯ ಕಿರು ನೋಟ ಇಲ್ಲಿದೆ. 

ಶೀಘ್ರದಲ್ಲೇ ವಿವಾಹವಾಗಲಿರುವ ಈ ಹೆಸರಾಂತ ಜೋಡಿಯ ವೈಯಕ್ತಿಕ ಕತೆಗಳನ್ನು ಅಷ್ಟಾಗಿ ಅಂಬಾನಿ ಕುಟುಂಬ ಹೊರ ಬಿಟ್ಟುಕೊಡದಿದ್ದರೂ ಇವರಿಬ್ಬರೂ ಬಾಲ್ಯದಲ್ಲೇ ಸಖತ್ ಕ್ಲೋಸ್ ಫ್ರೆಂಡ್ಸ್. ಇಬ್ಬರೂ ಸಾಕಷ್ಟು ಸಮಯವನ್ನು ಜೊತೆಯಾಗಿ ಕಳೆಯುತ್ತಿದ್ದರು.

ಆದರೆ ಅವರು ಬಹಳ ನಂತರದ ವಯಸ್ಸಿನಲ್ಲಿ ಪರಸ್ಪರ ಡೇಟಿಂಗ್ ಮಾಡಲು ಪ್ರಾರಂಭಿಸಿದರು. ವರದಿಗಳು ಹೇಳುವಂತೆ ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಅವರು ಒಂದೇ ಸ್ನೇಹ ವಲಯಗಳಲ್ಲಿ ಹ್ಯಾಂಗ್ ಔಟ್ ಮಾಡುತ್ತಿದ್ದರು.

ತಮ್ಮ ಶಾಲಾ ಶಿಕ್ಷಣವನ್ನು ಪೂರ್ಣಗೊಳಿಸಿದ ನಂತರ, ಅನಂತ್ ಅಂಬಾನಿ ಉನ್ನತ ಶಿಕ್ಷಣವನ್ನು ಪಡೆಯಲು ರೋಡ್ ಐಲೆಂಡ್‌ನ ಬ್ರೌನ್ ವಿಶ್ವವಿದ್ಯಾಲಯಕ್ಕೆ ಹೋದರು. ಆದರೆ ರಾಧಿಕಾ ಮರ್ಚೆಂಟ್ ನ್ಯೂಯಾರ್ಕ್ ವಿಶ್ವವಿದ್ಯಾಲಯಕ್ಕೆ ಹೋದರು.

ಅನಂತ್ ಅಂಬಾನಿ ರಾಧಿಕಾ ಮರ್ಚೆಂಟ್ ಜೊತೆ ಡೇಟಿಂಗ್ ಮಾಡುವ ರೂಮರ್‌ಗಳು ಮೊದಲು ಪ್ರಾರಂಭವಾಗಿದ್ದು, ಇಬ್ಬರು ಹೊಂದಿಕೆಯಾಗುವ ಆಲಿವ್ ಹಸಿರು ನಿಲುವಂಗಿಯನ್ನು ಧರಿಸಿರುವ ಚಿತ್ರವು ವೈರಲ್ ಆದ ನಂತರ. ರಾಧಿಕಾ ಮರ್ಚೆಂಟ್ ಇಶಾ ಅಂಬಾನಿ ಮತ್ತು ಆಕಾಶ್ ಅಂಬಾನಿ ಮದುವೆಯಲ್ಲಿ ಭಾಗವಹಿಸಿದ ನಂತರ ವದಂತಿಗಳು ಬಲಗೊಂಡವು. 

ರಾಧಿಕಾ ಮರ್ಚೆಂಟ್ ಅವರು ಅಂಬಾನಿ ಕುಟುಂಬದ ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಪಾಲ್ಗೊಂಡರು ಮತ್ತು ಮುಖೇಶ್ ಅಂಬಾನಿ ಮತ್ತು ನೀತಾ ಅಂಬಾನಿ ಅವರೊಂದಿಗೆ ಫೋಟೋಗಳಿಗೆ ಪೋಸ್ ನೀಡಿದರು.

ಇಟಲಿಯ ಲೇಕ್ ಕೊಮೊದಲ್ಲಿ ಇಶಾ ಅಂಬಾನಿ ಅವರ ನಿಶ್ಚಿತಾರ್ಥದ ಸಂದರ್ಭದಲ್ಲಿ, ರಾಧಿಕಾ ಮರ್ಚೆಂಟ್ ಅನಂತ್ ಅಂಬಾನಿ ಅವರೊಂದಿಗೆ ಕೆಂಪು ಉಡುಪಿನಲ್ಲಿ ಭಾಗವಹಿಸಿದರು. ಅವರ ಕೋಮಲ ಕ್ಷಣವನ್ನು ಸೆರೆ ಹಿಡಿಯುವ ವೈರಲ್ ಫೋಟೋ ಅವರ ಸಂಬಂಧದ ಬಗ್ಗೆ ಊಹಾಪೋಹಗಳನ್ನು ಹುಟ್ಟು ಹಾಕಿತು.

ಆಕಾಶ್ ಅಂಬಾನಿ ಮತ್ತು ಶ್ಲೋಕಾ ಮೆಹ್ತಾ ಅವರ ಮಗ, ಪೃಥ್ವಿ ಅವರ ಮೊದಲ ಹುಟ್ಟುಹಬ್ಬದ ಸಮಾರಂಭದಲ್ಲಿ ಕೂಡಾ ರಾಧಿಕಾ ಮರ್ಚೆಂಟ್ ಕಾಣಿಸಿಕೊಂಡರು. ಅಂತಿಮವಾಗಿ 2018ರಲ್ಲಿ ಸಾರ್ವಜನಿಕರ ಗಮನವನ್ನು ಸೆಳೆಯುವ ಪ್ರಣಯ ಸಂಬಂಧವಾಗಿ ಇವರಿಬ್ಬರ ಸಂಬಂಧ ವಿಕಸನಗೊಂಡಿತು.

ಅವರ ಪ್ರೇಮಕಥೆಯ ವಿಶೇಷತೆಗಳು ಹೆಚ್ಚಾಗಿ ಖಾಸಗಿಯಾಗಿ ಉಳಿದಿದ್ದರೂ, ವರದಿಗಳು  ಮಾತ್ರ ಅನಂತ್ ಮತ್ತು ರಾಧಿಕಾ ಅವರ ಬಾಂಧವ್ಯವು ಅವರ ಬಾಲ್ಯದಿಂದಲೂ ಹೆಚ್ಚು ಆಪ್ತವಾಗಿತ್ತು ಎಂದಿವೆ. 

ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ನಿಶ್ಚಿತಾರ್ಥ
2022ರ ಡಿಸೆಂಬರ್‌ನಲ್ಲಿ ರಾಜಸ್ಥಾನದ ನಾಥದ್ವಾರದಲ್ಲಿರುವ ಪೂಜ್ಯ ಶ್ರೀನಾಥ್‌ಜಿ ದೇವಸ್ಥಾನದಲ್ಲಿ ರೋಕಾ ಸಮಾರಂಭದೊಂದಿಗೆ ಅನಂತ್ ಮತ್ತು ರಾಧಿಕಾ ಅವರ ಒಕ್ಕೂಟದ ಔಪಚಾರಿಕತೆಯು ಪ್ರಾರಂಭವಾಯಿತು. ತರುವಾಯ, ಜನವರಿ 19, 2023ರಂದು ಅಂಬಾನಿ ನಿವಾಸದಲ್ಲಿ ಅವರ ನಿಶ್ಚಿತಾರ್ಥವಾಯಿತು. 

ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಬಗ್ಗೆ
ಅಂಬಾನಿ ವಂಶದ ಕುಡಿ ಅನಂತ್, USA ಯ ಬ್ರೌನ್ ವಿಶ್ವವಿದ್ಯಾಲಯದಿಂದ ಪದವಿಗಳನ್ನು ಪಡೆದಿದ್ದಾರೆ ಮತ್ತು ಪ್ರಸ್ತುತ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ (RIL) ನಲ್ಲಿ ಇಂಧನ ವ್ಯವಹಾರವನ್ನು ಮುನ್ನಡೆಸುತ್ತಿದ್ದಾರೆ.

ಏತನ್ಮಧ್ಯೆ, ನ್ಯೂಯಾರ್ಕ್ ವಿಶ್ವವಿದ್ಯಾನಿಲಯದ ಪದವೀಧರರಾದ ರಾಧಿಕಾ ಅವರು ಎನ್ಕೋರ್ ಹೆಲ್ತ್‌ಕೇರ್ ಮಂಡಳಿಯಲ್ಲಿ ನಿರ್ದೇಶಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ, ಭಾರತೀಯ ಶಾಸ್ತ್ರೀಯ ನೃತ್ಯಗಾರ್ತಿಯಾಗಿ ಪ್ರದರ್ಶನ ನೀಡುತ್ತಾರೆ.