8ನೇ ವೇತನ ಆಯೋಗ: ಸರ್ಕಾರಿ ನೌಕರರ ವೇತನ ಎಷ್ಟು ಹೆಚ್ಚಳ ಆಗುತ್ತೆ?

8ನೇ ವೇತನ ಆಯೋಗ ರಚನೆ ಬಗ್ಗೆ ಮೋದಿ ಸರ್ಕಾರ ಘೋಷಿಸಿದಾಗಿನಿಂದ, ನೌಕರರು ಮತ್ತು ಪಿಂಚಣಿದಾರರಲ್ಲಿ ವೇತನ ಹೆಚ್ಚಳ ಎಷ್ಟಿರುತ್ತದೆ ಎಂಬ ಕುತೂಹಲ ಹೆಚ್ಚಿದೆ. ಈ ಬಗ್ಗೆ ಮಾಹಿತಿ ಇಲ್ಲಿದೆ.

8ನೇವೇತನ ಆಯೋಗದ ಜಾರಿಯಲ್ಲಿ ವಿಳಂಬ ಏಕೆ?

8ನೇ ವೇತನ ಆಯೋಗ ರಚನೆ ಬಗ್ಗೆ ಮೋದಿ ಸರ್ಕಾರ ಘೋಷಿಸಿದಾಗಿನಿಂದ, ನೌಕರರು ಮತ್ತು ಪಿಂಚಣಿದಾರರಲ್ಲಿ ವೇತನ ಹೆಚ್ಚಳ ಎಷ್ಟಿರುತ್ತದೆ ಎಂಬ ಕುತೂಹಲ ಹೆಚ್ಚಿದೆ. 8ನೇ ವೇತನ ಆಯೋಗದ ಶಿಫಾರಸುಗಳು ಸಕಾಲದಲ್ಲಿ ಜಾರಿಯಾಗದಿದ್ದರೆ, ಜನವರಿ 1, 2026 ರಂದು ಅಥವಾ ನಂತರ ನಿವೃತ್ತರಾಗುವ ಕೇಂದ್ರ ಸರ್ಕಾರಿ ನೌಕರರು ಪರಿಷ್ಕೃತ ವೇತನ ಮತ್ತು ಪಿಂಚಣಿ ಲಾಭಗಳಲ್ಲಿ ವಿಳಂಬವನ್ನು ಎದುರಿಸಬೇಕಾಗುತ್ತದೆ. ಜನವರಿ 16, 2025 ರಂದು 8ನೇ ವೇತನ ಆಯೋಗ ರಚನೆಗೆ ಸರ್ಕಾರ ಒಪ್ಪಿಗೆ ನೀಡಿತು, ಆದರೆ ಆ ಆಯೋಗಕ್ಕೆ ಇನ್ನೂ ಅಧ್ಯಕ್ಷರನ್ನು ನೇಮಿಸಿಲ್ಲ. ಇನ್ನೂ ಅದರ ಕಾರ್ಯಾವಧಿಯ ನಿಯಮಗಳನ್ನು ಅಂತಿಮಗೊಳಿಸಿಲ್ಲ. ಈ ಪರಿಸ್ಥಿತಿಯಲ್ಲಿ, ಅದರ ಶಿಫಾರಸುಗಳು ಸಕಾಲದಲ್ಲಿ ಜಾರಿಯಾಗುತ್ತವೆಯೇ ಎಂಬ ಪ್ರಶ್ನೆ ಉದ್ಭವಿಸಿದೆ.

8ನೇ ವೇತನ ಆಯೋಗ ಜಾರಿ ಯಾವಾಗ?

ವೇತನ ಆಯೋಗ ಪ್ರತಿ 10 ವರ್ಷಗಳಿಗೊಮ್ಮೆ ಜಾರಿಯಾಗುತ್ತದೆ. ಇದು ಕೇಂದ್ರ ನೌಕರರ ಕನಿಷ್ಠ ವೇತನ ಮತ್ತು ಪಿಂಚಣಿಯನ್ನು ಹೆಚ್ಚಿಸುತ್ತದೆ. ಮೊದಲು, 7ನೇ ವೇತನ ಆಯೋಗ ಜನವರಿ 1, 2016 ರಂದು ಜಾರಿಯಾಯಿತು. ಅದೇ ರೀತಿ, 8ನೇ ವೇತನ ಆಯೋಗ ಜನವರಿ 1, 2026 ರಿಂದ ಜಾರಿಯಾಗಲಿದೆ.

ಫಿಟ್‌ಮೆಂಟ್ ಫ್ಯಾಕ್ಟರ್ ಏನು?

ಫಿಟ್‌ಮೆಂಟ್ ಫ್ಯಾಕ್ಟರ್ ಎಂದರೆ ಹೊಸ ಮೂಲ ವೇತನವನ್ನು ಲೆಕ್ಕಹಾಕಲು ಬಳಸುವ ಅನುಪಾತ. 6ನೇ ವೇತನ ಆಯೋಗ (2006) - 54% ವೇತನ ಹೆಚ್ಚಳ (ಫಿಟ್‌ಮೆಂಟ್ ಫ್ಯಾಕ್ಟರ್: 1.86) 7ನೇ ವೇತನ ಆಯೋಗ (2016) - ಸುಮಾರು 14% ವೇತನ ಹೆಚ್ಚಳ (ಫಿಟ್‌ಮೆಂಟ್ ಫ್ಯಾಕ್ಟರ್: 2.57)

8ನೇ ವೇತನ ಆಯೋಗ ಜಾರಿಯಾದರೆ ವೇತನ ಎಷ್ಟು ಹೆಚ್ಚಾಗುತ್ತದೆ

ಪ್ರಸ್ತುತ ವೇತನ್ಕೆ ಹೆಚ್ಚಳದ ಕುರಿತು ನೌಕರರ ಸಂಘಗಳು ವಿವಿಧ ಬೇಡಿಕೆಗಳನ್ನು ಮುಂದಿಟ್ಟಿವೆ. ಇದು 2.86 ಅಥವಾ 1.92 ಆಗಿರಬಹುದು, ನಿಜವಾದ ಹೆಚ್ಚಳ ಎಷ್ಟು? ಮಾಧ್ಯಮ ವರದಿಗಳ ಪ್ರಕಾರ, ಫಿಟ್‌ಮೆಂಟ್ ಫ್ಯಾಕ್ಟರ್ ಅನ್ನು ಮೂಲ ವೇತನಕ್ಕೆ ಗುಣಿಸಲಾಗುತ್ತದೆ. ಉದಾಹರಣೆಗೆ, 1.92 ಫಿಟ್‌ಮೆಂಟ್ ಫ್ಯಾಕ್ಟರ್ ಶಿಫಾರಸು ಮಾಡಿದರೆ, ಕನಿಷ್ಠ ಮೂಲ ವೇತನ ರೂ. 34,560 ಆಗಿರುತ್ತದೆ. ಅದೇ ರೀತಿ, 2.86 ಫಿಟ್‌ಮೆಂಟ್ ಫ್ಯಾಕ್ಟರ್ ಬಳಸಿದರೆ, ಕನಿಷ್ಠ ವೇತನ ರೂ. 51,480 ಆಗಿರುತ್ತದೆ.

8ನೇ ವೇತನ ಆಯೋಗದ ಸ್ಥಿತಿ

ನಿಯಮಗಳು ಮತ್ತು ಷರತ್ತುಗಳನ್ನು (ToR) ಶೀಘ್ರದಲ್ಲೇ ಬಿಡುಗಡೆ ಮಾಡಲಾಗುವುದು ಎಂದು ಸರ್ಕಾರಿ ಮೂಲಗಳು ತಿಳಿಸಿವೆ. 8ನೇ ವೇತನ ಆಯೋಗದಲ್ಲಿ 40 ಸಿಬ್ಬಂದಿಯನ್ನು ನೇಮಿಸಲಾಗುವುದು, ಹೆಚ್ಚಿನವರು ಇತರ ಇಲಾಖೆಗಳಿಂದ ಪ್ರತಿನಿಧಿಗಳಾಗಿ ಬರುತ್ತಾರೆ. ಮಂಡಳಿಯ ಅಧ್ಯಕ್ಷರು ಮತ್ತು ಸದಸ್ಯರನ್ನು ಶೀಘ್ರದಲ್ಲೇ ನೇಮಿಸಲಾಗುತ್ತದೆ.

ಯಾರಿಗೆ ಇದರ ಪ್ರಯೋಜನ

47 ಲಕ್ಷ ಕೇಂದ್ರ ಸರ್ಕಾರಿ ನೌಕರರು, 65 ಲಕ್ಷ ಪಿಂಚಣಿದಾರರು ಇದರ ಲಾಭ ಪಡೆಯಲಿದ್ದಾರೆ.. ಇವರೆಲ್ಲರೂ ಈ ಹೆಚ್ಚಿದ ವೇತನ ಮತ್ತು ಪಿಂಚಣಿ ಬದಲಾವಣೆಗಳನ್ನು 2026ರ ಜನವರಿಯಿಂದ ನಿರೀಕ್ಷಿಸುತ್ತಿದ್ದಾರೆ. ಏಕೆಂದರೆ, 7ನೇ ವೇತನ ಆಯೋಗದ ಅವಧಿ 2025ರ ಡಿಸೆಂಬರ್ 31ಕ್ಕೆ ಮುಕ್ತಾಯಗೊಳ್ಳುತ್ತದೆ.

ಎಷ್ಟು ಹೆಚ್ಚಳ

7ನೇ ವೇತನ ಆಯೋಗ ಸರ್ಕಾರಕ್ಕೆ ₹1.02 ಲಕ್ಷ ಕೋಟಿ ಆರ್ಥಿಕ ಹೊರೆಯನ್ನುಂಟುಮಾಡಿತು. 8ನೇ ವೇತನ ಆಯೋಗದ ಶಿಫಾರಸು, ವಿಶೇಷವಾಗಿ 2.86 ರಂತಹ ಹೆಚ್ಚಿನ ಫಿಟ್‌ಮೆಂಟ್ ಫ್ಯಾಕ್ಟರ್ ಅನ್ನು ಅಂಗೀಕರಿಸಿದರೆ, ಈ ಹೊರೆ ಇನ್ನಷ್ಟು ಹೆಚ್ಚಾಗುತ್ತದೆ. 8ನೇ ವೇತನ ಆಯೋಗದ ಶಿಫಾರಸು 2026ರ ಜನವರಿಯಿಂದ ಜಾರಿಗೆ ಬರುವ ನಿರೀಕ್ಷೆಯಿದೆ. ಫಿಟ್‌ಮೆಂಟ್ ಫ್ಯಾಕ್ಟರ್ 1.92 ಆದರೆ, ಕನಿಷ್ಠ ವೇತನ ₹34,560 ಆಗಿರುತ್ತದೆ. 2.86 ಆದರೆ ₹51,480 ಆಗಬಹುದು. ಆದರೆ 2.86 ಪಡೆಯುವ ಸಾಧ್ಯತೆ ಕಡಿಮೆ. 15%-22% ವರೆಗೆ ಹೆಚ್ಚಳವಿರುತ್ತದೆ ಎಂದು ತಜ್ಞರು ಅಂದಾಜಿಸಿದ್ದಾರೆ.

ಸರ್ಕಾರಕ್ಕೆ ಹೊರೆ

ಪ್ರಸ್ತುತ, ಸುಮಾರು 47 ಲಕ್ಷ ಕೇಂದ್ರ ಸರ್ಕಾರಿ ನೌಕರರು ಮತ್ತು 65 ಲಕ್ಷ ಪಿಂಚಣಿದಾರರು ನಿಯಮಗಳು ಮತ್ತು ಷರತ್ತುಗಳನ್ನು ಅಂತಿಮಗೊಳಿಸುವುದನ್ನು ಮತ್ತು ವೇತನ ಆಯೋಗದ ಸದಸ್ಯರನ್ನು ನೇಮಿಸುವುದನ್ನು ಎದುರು ನೋಡುತ್ತಿದ್ದಾರೆ. ಇದರಿಂದ ಆಯೋಗದ ಶಿಫಾರಸುಗಳನ್ನು ಸಕಾಲದಲ್ಲಿ ಜಾರಿಗೊಳಿಸಬಹುದು. 8ನೇ ವೇತನ ಆಯೋಗದ ಅವಧಿ ಜನವರಿ 2026 ರಿಂದ ಪ್ರಾರಂಭವಾಗುತ್ತದೆ, ಏಕೆಂದರೆ 7ನೇ ವೇತನ ಆಯೋಗದ ಅವಧಿ 31 ಡಿಸೆಂಬರ್ 2025 ರಂದು ಮುಕ್ತಾಯಗೊಳ್ಳುತ್ತದೆ. ಹಿಂದಿನ ವೇತನ ಆಯೋಗ 2016 ರಲ್ಲಿ ಜಾರಿಯಾಯಿತು, ಇದರಿಂದ ಸರ್ಕಾರದ ಮೇಲಿನ ಹೆಚ್ಚುವರಿ ಆರ್ಥಿಕ ಹೊರೆ ₹1.02 ಲಕ್ಷ ಕೋಟಿ ಆಗಿತ್ತು.

ವಿಳಂಬದಿಂದ ತೊಂದರೆಯಾಗುತ್ತಾ?

8ನೇ ವೇತನ ಆಯೋಗ 50 ಲಕ್ಷ ಕೇಂದ್ರ ಸರ್ಕಾರಿ ನೌಕರರು ಮತ್ತು 65 ಲಕ್ಷ ಪಿಂಚಣಿದಾರರ ವೇತನ ಮತ್ತು ಪಿಂಚಣಿಯನ್ನು ಪರಿಷ್ಕರಿಸುವ ಗುರಿ ಹೊಂದಿದೆ. 7ನೇ ವೇತನ ಆಯೋಗ ಜಾರಿಯಲ್ಲಿ ವಿಳಂಬವಾದರೂ, ಗಡುವಿನ ನಂತರ ನಿವೃತ್ತರಾಗುವ ನೌಕರರು ಬಾಕಿ ಪಡೆಯಲು ಅರ್ಹರು ಎಂದು ತೋರಿಸುತ್ತದೆ. 7ನೇ ವೇತನ ಆಯೋಗದ ಶಿಫಾರಸುಗಳನ್ನು ಜಾರಿಗೊಳಿಸುವಲ್ಲಿ ಸರ್ಕಾರ ಒಂದು ವರ್ಷ ವಿಳಂಬ ಮಾಡಿತು, ಆದರೆ ನಂತರ ಎಲ್ಲಾ ನೌಕರರು ಮತ್ತು ಪಿಂಚಣಿದಾರರಿಗೆ ಪರಿಹಾರ ನೀಡಲಾಯಿತು.