ಚೆನ್ನೈ ಮೆಟ್ರೋದಲ್ಲಿ ಭಾರತದ ಮೊದಲ ಅತಿ ಉದ್ದದ U-ಗಿರ್ಡರ್ ನಿರ್ಮಾಣ!

ಚೆನ್ನೈ ಮೆಟ್ರೋ ರೈಲು ಲಿಮಿಟೆಡ್ (CMRL), ರಾಮಪುರಂನಲ್ಲಿ 33.33 ಮೀಟರ್ ಉದ್ದದ U-ಗಿರ್ಡರ್ ಅನ್ನು ಯಶಸ್ವಿಯಾಗಿ ನಿರ್ಮಿಸಿದೆ. ಈ ಗಿರ್ಡರ್ ಭಾರತದ ಮೆಟ್ರೋ ಯೋಜನೆಗಳಲ್ಲಿ ಬಳಸಲಾದ ಅತಿ ಉದ್ದದ U-ಗಿರ್ಡರ್ ಆಗಿದೆ ಮತ್ತು ಇದನ್ನು ಕಾರಿಡಾರ್-5ರ ಎರಡನೇ ಹಂತದ ಯೋಜನೆಯ ಭಾಗವಾಗಿ ನಿರ್ಮಿಸಲಾಗಿದೆ.

ಚೆನ್ನೈ ಮೆಟ್ರೋ ರೈಲು ಲಿಮಿಟೆಡ್ (CMRL) ಸಂಸ್ಥೆ, ಜನರಲ್ ಕನ್ಸಲ್ಟೆಂಟ್ AEON ಮತ್ತು ಗುತ್ತಿಗೆದಾರ ಲಾರ್ಸನ್ & ಟೂಬ್ರೋ (L&T) ಅವರ ಸಹಯೋಗದೊಂದಿಗೆ, ರಾಮಪುರಂನಲ್ಲಿ ದೇಶದ ಇತಿಹಾಸದಲ್ಲೇ ಇದೇ ಮೊದಲ ಬಾರಿಗೆ 33.33 ಮೀಟರ್ ಉದ್ದದ ಯು-ಗಿರ್ಡರ್‌ನ್ನು ಯಶಸ್ವಿಯಾಗಿ ನಿರ್ಮಾಣ ಮಾಡಿದ್ದು, ಇದು ಭಾರತದ ಮೆಟ್ರೋ ರೈಲು ಯೋಜನೆಗಳಲ್ಲಿ ಹೆಮ್ಮೆ ಪಡುವ ಐತಿಹಾಸಿಕ ಎಂಜಿನಿಯರಿಂಗ್ ಸಾಧನೆ ಎಂದು ಸಿಎಂಆರ್‌ಎಲ್ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.

ಈ ಗಿರ್ಡರ್‌ ನಿರ್ಮಾಣವು ಎರಡನೇ ಹಂತದ ಯೋಜನೆಯ ಭಾಗವಾಗಿರುವ ಕಾರಿಡಾರ್-5 (ಪ್ಯಾಕೇಜ್ ECV-02) ನಲ್ಲಿ ನಡೆದಿದೆ, ಇದು ಚೆನ್ನೈ ಮೊಫುಸಿಲ್ ಬಸ್ ಟರ್ಮಿನಲ್‌ನಿಂದ ಶೋಲಿಂಗನಲ್ಲೂರ್ ವರೆಗೆ ವಿಸ್ತರಣೆಯಾಗಲಿದೆ. ಒಟ್ಟು 225 ಟನ್ ತೂಕದ ಈ ಬೃಹತ್ ಗಿರ್ಡರ್‌ ಅನ್ನು ನಿರ್ಮಿಸುವುದು ಹಾಗೂ ಕಾರ್ಯಗತಗೊಳಿಸುವುದು ಅಸಾಧಾರಣ ತಾಂತ್ರಿಕ ನೈಪುಣ್ಯವನ್ನು ಅವಶ್ಯಕವಿತ್ತು ಎಂದು ಸಂಸ್ಥೆ ತಿಳಿಸಿದೆ.

ಸಾಮಾನ್ಯವಾಗಿ ಸಂಚಾರ ಜಂಕ್ಷನ್‌ಗಳಲ್ಲಿ ಮತ್ತು U-ಟರ್ನ್ ಪ್ರದೇಶಗಳಲ್ಲಿ, ಭವಿಷ್ಯದ ಸಂಚಾರ ಅಗತ್ಯಗಳನ್ನು ಪೂರೈಸಲು ಉದ್ದದ ಸ್ಟೀಲ್ ಗರ್ಡರ್‌ಗಳನ್ನು ಬಳಸಲಾಗುತ್ತದೆ. ರಾಮಪುರಂನ ಎಲ್ & ಟಿ ಕೇಂದ್ರ ಕಚೇರಿ ಮುಂಭಾಗದಲ್ಲಿರುವ ಈ ನಿರ್ದಿಷ್ಟ ಸ್ಥಳದಲ್ಲಿ ಮಾತ್ರ, ಸಿಎಂಆರ್‌ಎಲ್ ಉಕ್ಕಿನ ಬದಲಿಗೆ ಹೆಚ್ಚು ಉದ್ದದ ಯು-ಗಿರ್ಡರ್‌ ಬಳಸುವ ಸಾಹಸವನ್ನು ಕೈಗೊಂಡಿದ್ದು, ಇದು ಭಾರತದ ಮಹಾನಗರಗಳಲ್ಲಿ ಬಳಸಲಾಗಿರುವ ಯು-ಗಿರ್ಡರ್‌ಗಳ ಪೈಕಿ ಅತಿ ಉದ್ದದ್ದಾಗಿರುತ್ತದೆ.

ವಿಶೇಷ ಮಾದರಿಯ ಅಚ್ಚುಗಳನ್ನು ಬಳಸಿಕೊಂಡು ಈ ಗಿರ್ಡರ್‌ಗಳನ್ನು ನಿರ್ಮಾಣ ಮಾಡುವುದು. ಅವುಗಳನ್ನು ಸುರಕ್ಷಿತವಾಗಿ ಸ್ಥಳಾಂತರಿಸುವುದು ಮತ್ತು ತಾಂತ್ರಿಕವಾಗಿ ಅಚ್ಚುಕಟ್ಟಾಗಿ ಜೋಡಣೆ ಮಾಡುವುದು ಅತ್ಯಂತ ಸವಾಲಿನ ಕೆಲಸವಾಗಿತ್ತು. ಪ್ರತಿ ಸ್ಪ್ಯಾನ್‌ಗೆ ಎರಡು ಯು-ಗಿರ್ಡರ್‌ಗಳಂತೆ, ಮೂರು ಸ್ಪ್ಯಾನ್‌ಗಳಲ್ಲಿ ಯಶಸ್ವಿಯಾಗಿ ಪೂರ್ಣಗೊಳಿಸಲಾಗಿದೆ. 

ಈ ಪ್ರಕ್ರಿಯೆಯಲ್ಲಿ ಒಟ್ಟು ಆರು ಯು-ಗಿರ್ಡರ್‌ಗಳನ್ನು ಬಳಸಲಾಗಿದ್ದು, ಅವುಗಳನ್ನು ನಿರ್ಮಾಣ ಸ್ಥಳಕ್ಕೆ ಸಾಗಿಸಲು ವೋಲ್ವೋ FH 520 HP ಎಂಜಿನ್‌ನಿಂದ ಚಲಿತ 6+6 ಮಲ್ಟಿ-ಆಕ್ಸಲ್ ಟ್ರೇಲರ್‌ಗಳನ್ನು ಬಳಸಲಾಗಿದ್ದು, ಈ ಸಂಪೂರ್ಣ ಕಾರ್ಯಾಚರಣೆ ವಿವರವಾದ ಲಾಜಿಸ್ಟಿಕ್ಸ್ ಯೋಜನೆಗೆ ಒಳಪಟ್ಟಿದೆ.  ಈ ಒತ್ತಡದಂತಹ ಸಂಕೀರ್ಣ ತಾಂತ್ರಿಕ ವಿಧಾನಗಳನ್ನು ಒಳಗೊಂಡ ಈ ಗಿರ್ಡರ್‌ ನಿರ್ಮಾಣ ಕಾರ್ಯವು, ಭಾರತೀಯ ಮೆಟ್ರೋ ನಿರ್ಮಾಣ ಕ್ಷೇತ್ರದಲ್ಲಿ ಹೊಸ ಮಾನದಂಡಗಳನ್ನು ಸ್ಥಾಪಿಸಿದೆ ಎಂದು ಸಿಎಂಆರ್‌ಎಲ್ ತಿಳಿಸಿದೆ.