ಕನಸಿನಲ್ಲಿ ನೀವು ಲೈಂಗಿಕ ಕ್ರಿಯೆಯಲ್ಲಿ ತೊಡಗುವುದನ್ನು ನೋಡಿದ್ರೆ ಅದರ ಅರ್ಥ ಏನು? ಇದು ನಿಮ್ಮ ಜೀವನದ ಮೇಲೆ ಧನಾತ್ಮಕ ಮತ್ತು ಋಣಾತ್ಮಕ ಪರಿಣಾಮಗಳನ್ನು ಬೀರುತ್ತದೆ. ಅಂತಹ ಕನಸುಗಳ ಅರ್ಥವನ್ನು ಸ್ವಪ್ನ ಶಾಸ್ತ್ರದಲ್ಲಿ ತಿಳಿಸಲಾಗಿದೆ. ಅದ್ರ ಬಗ್ಗೆ ತಿಳಿಯೋಣ ಬನ್ನಿ.
ಕನಸುಗಳ (dreams) ಅಸ್ಪಷ್ಟ ಪ್ರಪಂಚದ ಮೇಲೆ ಯಾರಿಗೂ ನಿಯಂತ್ರಣವಿರೋದೆ ಇಲ್ಲ. ಕನಸು ಯಾವಾಗ ಬೇಕಾದರೂ ಬರಬಹುದು. ಆದರೆ, ಸ್ವಪ್ನ ಶಾಸ್ತ್ರದ ಪ್ರಕಾರ, ಪ್ರತಿಯೊಂದೂ ಕನಸು ನಿಮ್ಮೊಂದಿಗೆ ಸಂಪರ್ಕ ಹೊಂದಿದೆ. ಸ್ವಪ್ನ ಶಾಸ್ತ್ರದಲ್ಲಿ (Swapna Shastra), ಬಹುತೇಕ ಎಲ್ಲಾ ರೀತಿಯ ಕನಸುಗಳ ಅರ್ಥವನ್ನು ಹೇಳಲಾಗಿದೆ. ಹಾಗಿದ್ರೆ ಕನಸಿನಲ್ಲಿ ಸೆಕ್ಸ್ ಮಾಡುವಂತೆ ಕಂಡ್ರೆ ಅದರ ಅರ್ಥ ಏನು?
ಕನಸಿನಲ್ಲಿ ದೈಹಿಕ ಸಂಬಂಧ (physical relationship) ಬೆಳೆಸುತ್ತಿರೋದನ್ನ ನೋಡುವುದು ವಿಚಿತ್ರ ಕನಸು. ಆದರೆ, ಇದು ನಿಮ್ಮ ಜೀವನದ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬುದರ ಬಗ್ಗೆ ಮಾಹಿತಿಯನ್ನು ಸ್ವಪ್ನ ಶಾಸ್ತ್ರದಲ್ಲಿ ನೀಡಲಾಗಿದೆ. ಅಂತಹ ಕನಸು ವಿಭಿನ್ನ ಅರ್ಥಗಳನ್ನು ಹೊಂದಿರಬಹುದು. ಸ್ವಪ್ನ ಶಾಸ್ತ್ರದ ಪ್ರಕಾರ, ದೈಹಿಕ ಸಂಬಂಧಗಳನ್ನು (Physical Relationship) ಹೊಂದುವಂತೆ, ಯಾರೋ ಸೆಕ್ಸ್ ಮಾಡುವಂತೆ ಕನಸು ಕಂಡ್ರೆ ಅದರ ಅರ್ಥ ಏನು?
ಕನಸಿನಲ್ಲಿ ಸೆಕ್ಸ್ ಮಾಡೊದು ಕಂಡ್ರೆ ಅದರ ಅರ್ಥ ಏನು?
ದೈಹಿಕ ಸಂಪರ್ಕ ಮಾಡುವಂತೆ ಕನಸು ಬೀಳೋದ್ರ ಅರ್ಥವು ಸೆಲ್ಫ್ ಆಕ್ಸೆಪ್ಟನ್ಸಿ (Self Acceptancy) ಮತ್ತು ಸ್ವಾಭಿಮಾನದೊಂದಿಗೆ (confidence) ಸಂಬಂಧಿಸಿದೆ. ಈ ರೀತಿಯ ಕನಸು ನಿಮ್ಮ ತೃಪ್ತಿ ಮತ್ತು ಆತ್ಮವಿಶ್ವಾಸವನ್ನು ತೋರಿಸುತ್ತದೆ. ಅಂತಹ ಕನಸಿನಲ್ಲಿ ನಿಮಗೆ ಪಾಸಿಟಿವ್ ಅನುಭವ ಆದ್ರೆ, ಅದು ನಿಮ್ಮ ಹೆಚ್ಚಿನ ಸ್ವಾಭಿಮಾನದ ಸಂಕೇತವಾಗಿದೆ. ಈ ಕನಸಿನಿಂದ ನಕಾರಾತ್ಮಕ ಅನುಭವ ಹೊಂದಿದ್ರೆ ಸ್ವಾಭಿಮಾನಿ ಕಡಿಮೆಯಾಗುತ್ತೆ ಎಂದು ಅರ್ಥ.
ಕನಸಲ್ಲಿ ಕೆನ್ನೆಗಳ ಮೇಲೆ ಚುಂಬಿಸುವುದರ ಅರ್ಥ ಏನು?
ಕನಸಿನಲ್ಲಿ ಕೆನ್ನೆಗೆ ಚುಂಬಿಸುವುದನ್ನು (kissing on cheek) ನೋಡಿದರೆ, ಅಂತಹ ಕನಸುಗಳು ಬಹಳ ಶುಭ ಸಂಕೇತಗಳನ್ನು ನೀಡುತ್ತವೆ ಎಂದು ಸ್ವಪ್ನ ಶಾಸ್ತ್ರ ತಿಳಿಸುತ್ತೆ. ಈ ರೀತಿಯ ಕನಸು ಎಂದರೆ ನೀವು ಕೆನ್ನೆಗೆ ಚುಂಬಿಸುವ ವ್ಯಕ್ತಿಯನ್ನು ಪ್ರೀತಿಸುತ್ತೀರಿ ಎಂದರ್ಥ. ನೀವು ಅವರ ನಡವಳಿಕೆಯನ್ನು ತುಂಬಾ ಇಷ್ಟಪಡುತ್ತೀರಿ. ವಿವಾಹಿತ ವ್ಯಕ್ತಿಗೆ ಅಂತಹ ಕನಸು ಬಂದರೆ, ನಿಮ್ಮ ಸಂಗಾತಿಯೊಂದಿಗಿನ ನಿಮ್ಮ ಸಂಬಂಧವು ಉತ್ತಮವಾಗಿರುತ್ತದೆ ಎಂದರ್ಥ.
ಇಮೋಷನಲ್ ಕನೆಕ್ಷನ್ (Emotional Connection)
ಇದಲ್ಲದೆ, ನಿಮ್ಮ ಕನಸಿನಲ್ಲಿ ನೀವು ದೈಹಿಕ ಸಂಬಂಧಗಳನ್ನು ನೋಡಿದರೆ, ಅಂತಹ ಕನಸುಗಳು ನೀವು ಆ ವ್ಯಕ್ತಿಯೊಂದಿಗೆ ಭಾವನಾತ್ಮಕವಾಗಿ ಬಲವಾಗಿ ಸಂಪರ್ಕ ಹೊಂದಿದ್ದೀರಿ ಎಂಬುದರ ಸಂಕೇತವಾಗಿದೆ.
ಕನಸಿನಲ್ಲಿ ಬೇರೊಬ್ಬರ ಕಡೆಗೆ ಆಕರ್ಷಿತರಾಗುವುದು
ನೀವು ಬೇರೊಬ್ಬರ ಕಡೆಗೆ ಆಕರ್ಷಿತರಾಗುತ್ತಿದ್ದಂತೆ ಕನಸು ಬಿದ್ರೆ, ನಿಮ್ಮ ಸಂಬಂಧದಲ್ಲಿ ಕೆಲವು ಸಮಸ್ಯೆಗಳು ಬರಲಿವೆ ಎಂದರ್ಥ. ಅಥವಾ ನಿಮ್ಮ ಸಂಬಂಧದಲ್ಲಿ ದೊಡ್ಡ ಬದಲಾವಣೆಯಾಗಲಿದೆ. ಅಂತಹ ಕನಸುಗಳು ನಿಮ್ಮ ಸಂಗಾತಿಯೊಂದಿಗೆ ನೀವು ಸಂಪೂರ್ಣ ಸಮಯವನ್ನು ಕಳೆಯುತ್ತಿಲ್ಲ ಎಂದರ್ಥ, ಸಂಗಾತಿಯೊಂದಿಗೆ ಭಾವನಾತ್ಮಕವಾಗಿ ಕನೆಕ್ಟ್ ಆಗೋದು ಮುಖ್ಯ.