ಕನಸುಗಳು ವ್ಯಕ್ತಿಯ ಜೀವನದೊಂದಿಗೆ ನಿಕಟ ಸಂಬಂಧ ಹೊಂದಿವೆ. ಪ್ರತಿಯೊಂದು ಕನಸು ಖಂಡಿತವಾಗಿಯೂ ವ್ಯಕ್ತಿಗೆ ಶುಭ ಮತ್ತು ಅಶುಭ ಫಲ ನೀಡುತ್ತೆ. ಇದನ್ನು ಸ್ವಪ್ನ ಶಾಸ್ತ್ರದಲ್ಲಿ ವಿವರವಾಗಿ ತಿಳಿಸಿದೆ. ಆದರೆ, ನೀವು ಕನಸು ಕಾಣುವ ಎಲ್ಲಾ ಕನಸುಗಳು ನನಸಾಗೋದಿಲ್ಲ. ಯಾವ ಸಮಯದಲ್ಲಿ ಬಿದ್ದಂತಹ ಕನಸು ನನಸಾಗುತ್ತೆ ಗೊತ್ತಾ?
ಪ್ರತಿಯೊಬ್ಬ ವ್ಯಕ್ತಿಯು ಕನಸು (Dream) ಕಾಣ್ತಾನೆ. ಕೆಲವರು ಕಣ್ಣು ಬಿಟ್ಕೊಂಡೆ ಕನಸು ಕಂಡ್ರೆ, ಇನ್ನೂ ಕೆಲವರು ಮಲಗಿದ ನಂತರ ಕನಸು ಕಾಣುತ್ತಾರೆ. ಕಣ್ಣು ಬಿಟ್ಟುಕೊಂಡೆ ಕಾಣುವ ಕನಸುಗಳನ್ನು ನನಸಾಗಿಸಲು ವ್ಯಕ್ತಿಯು ಶ್ರಮಿಸಬೇಕಾಗುತ್ತದೆ, ಆದರೆ, ಮುಚ್ಚಿದ ಕಣ್ಣುಗಳಿಂದ ಕಾಣುವ ಕನಸುಗಳು ಕೆಲವೊಮ್ಮೆ ಅದಾಗಿಯೇ ನನಸಾಗುತ್ತವೆ. ಯಾವ ಕನಸು ನನಸಾಗುತ್ತದೆ ಮತ್ತು ರಾತ್ರಿಯಲ್ಲಿ ಕಾಣುವ ಕನಸುಗಳು ಭವಿಷ್ಯದಲ್ಲಿ ಯಾವ ರೀತಿಯ ಬದಲಾವಣೆ ತರುತ್ತೆ, ಇವೆಲ್ಲವನ್ನೂ ಸ್ವಪ್ನ ಶಾಸ್ತ್ರದಲ್ಲಿ ತಿಳಿಸಲಾಗಿದೆ. ಸ್ವಪ್ನ ಶಾಸ್ತ್ರದ (Swapna Shastra) ಪ್ರಕಾರ, ರಾತ್ರಿಯಲ್ಲಿ ಕಾಣುವ ಕನಸುಗಳು ಎಷ್ಟು ಸಮಯದಲ್ಲಿ ತಮ್ಮ ಫಲ ನೀಡುತ್ತವೆ ಅನ್ನೋದನ್ನು ತಿಳಿಯೋಣ.
ಕನಸು ಯಾವಾಗ ನನಸಾಗುತ್ತವೆ?
ಸ್ವಪ್ನ ಶಾಸ್ತ್ರದ ಪ್ರಕಾರ, ರಾತ್ರಿಯ ನಾಲ್ಕು ಪ್ರಹಾರಗಳಿವೆ. ಮೊದಲನೆಯ ಪ್ರಹಾರದ ಹೆಸರು ಪ್ರದೋಷ, ಎರಡನೆಯ ಪ್ರಹಾರದ ಹೆಸರು ನಿಶಿತ್, ಮೂರನೆಯ ಪ್ರಹಾರ್ ತ್ರಿಯಮ ಮತ್ತು ನಾಲ್ಕನೆಯ ಪ್ರಹಾರದ ಹೆಸರು ಉಷಾ. ರಾತ್ರಿಯ ಮೊದಲ ಪ್ರಹಾರದ ಕನಸು (ಸಂಜೆ 6 ರಿಂದ ರಾತ್ರಿ 9 ರವರೆಗೆ) 1 ವರ್ಷದೊಳಗೆ ಫಲಿತಾಂಶ ನೀಡುತ್ತದೆ. ರಾತ್ರಿಯ ಎರಡನೇ ಪ್ರಹಾರದಲ್ಲಿ (ಬೆಳಿಗ್ಗೆ 9 ರಿಂದ 12 ರವರೆಗೆ) ಕಂಡ ಕನಸು ಎಂಟು ತಿಂಗಳಲ್ಲಿ ಫಲ ನೀಡುತ್ತದೆ. ಮೂರನೇ ಪ್ರಹಾರದಲ್ಲಿ (ರಾತ್ರಿ 12 ರಿಂದ 3 ರವರೆಗೆ) ಮತ್ತು ನಾಲ್ಕನೇ ಪ್ರಹಾರದಲ್ಲಿ (ಬೆಳಿಗ್ಗೆ 3 ರಿಂದ ರಾತ್ರಿ 6 ರವರೆಗೆ) ಕಾಣುವ ಕನಸು 1 ತಿಂಗಳೊಳಗೆ ಅದರ ಶುಭ ಮತ್ತು ಅಶುಭ ಫಲಿತಾಂಶಗಳನ್ನು ನೀಡುತ್ತದೆ.
ಕನಸಿನಲ್ಲಿ ಮಳೆಯನ್ನು ನೋಡುವುದು (Dream of Rain)
ನಿಮ್ಮ ಕನಸಿನಲ್ಲಿ ಮಳೆಯನ್ನು ನೋಡಿದರೆ, ಅಂತಹ ಕನಸುಗಳು ನಿಮಗೆ ಪ್ರಗತಿ ಮತ್ತು ಅಭಿವೃದ್ಧಿಯ ಸಂಕೇತ. ಅಲ್ಲದೆ, ಅಂತಹ ಕನಸುಗಳು ನಿಮ್ಮ ಯಾವುದೇ ಈಡೇರದ ಆಸೆಗಳು ಶೀಘ್ರದಲ್ಲೇ ಈಡೇರಲಿವೆ ಎಂದು ಸೂಚಿಸುತ್ತವೆ. ಅಷ್ಟೇ ಅಲ್ಲ, ಕನಸಿನಲ್ಲಿ ಭಾರಿ ಮಳೆಯನ್ನು ನೋಡುವುದು ಎಂದರೆ ನೀವು ಶೀಘ್ರದಲ್ಲೇ ಕೆಲವು ದೊಡ್ಡ ಮಟ್ಟದಲ್ಲಿ ಹಣದ ಪ್ರಯೋಜನ ಪಡೆಯುತ್ತೀರಿ.
ಗುಲಾಬಿ ಕಂಡರೆ! (Dream of Rose)
ನಿಮ್ಮ ಕನಸಿನಲ್ಲಿ ಗುಲಾಬಿ ಹೂವನ್ನು ನೋಡಿದ್ರೆ, ಅಂತಹ ಕನಸುಗಳು ನಿಮಗೆ ಸಕಾರಾತ್ಮಕ ಫಲಿತಾಂಶ (Positive Result) ನೀಡುತ್ತವೆ. ಈ ಕನಸುಗಳು ನಿಮ್ಮ ಒಂದು ಆಸೆ ನನಸಾಗಲಿದೆ ಎಂದು ಸೂಚಿಸುತ್ತದೆ. ಇದಲ್ಲದೆ, ಅಂತಹ ಕನಸುಗಳು ಆರ್ಥಿಕ ಪ್ರಯೋಜನಗಳ ಸಾಧ್ಯತೆಯನ್ನು ಸಹ ಸೂಚಿಸುತ್ತವೆ. ನಿಮ್ಮ ಹಣವು ಎಲ್ಲೋ ಸಿಲುಕಿಕೊಂಡಿದ್ದರೆ, ಈ ಕನಸು ಸಿಕ್ಕಿಬಿದ್ದ ಹಣವನ್ನು ಮರಳಿ ಪಡೆಯಬಹುದು ಎಂಬುದರ ಸೂಚನೆ ನೀಡುತ್ತದೆ.
ಬಿರುಗಾಳಿಯಿಂದ ಕೂಡಿದ ಸಮುದ್ರ ಮತ್ತು ಆಳವಾದ ನೀರು (cyclone in ocean)
ಸ್ವಪ್ನ ಶಾಸ್ತ್ರದ ಪ್ರಕಾರ, ಒಬ್ಬ ವ್ಯಕ್ತಿಯು ಕನಸಿನಲ್ಲಿ ಬಿರುಗಾಳಿಯಿಂದ ಕೂಡಿದ ಸಮುದ್ರ ಅಥವಾ ಆಳವಾದ ನೀರನ್ನು ನೋಡಿದರೆ, ಈ ಕನಸನ್ನು ಅಶುಭವೆಂದು ಪರಿಗಣಿಸಲಾಗುತ್ತೆ. ಅಂತಹ ಕನಸುಗಳು ಬಿದ್ದಾಗ ಜಾಗರೂಕರಾಗಿರಬೇಕು. ಈ ಕನಸುಗಳು ಮುಂಬರುವ ಸಮಯದಲ್ಲಿ ನೀವು ಅನೇಕ ರೀತಿಯ ಸಮಸ್ಯೆಗಳನ್ನು ಎದುರಿಸಬೇಕಾಗಿ ಬರಬಹುದು ಅನ್ನೋದರ ಸೂಚನೆ ನೀಡುತ್ತೆ..
ಹಾವನ್ನು ನೋಡುವುದು (Dream of Snake)
ಹಾವುಗಳಿಗೆ ಸಂಬಂಧಿಸಿದ ಎಲ್ಲಾ ಕನಸುಗಳು ಅಶುಭ ಫಲಿತಾಂಶಗಳನ್ನು ನೀಡುವುದಿಲ್ಲ. ಆದರೆ, ಕನಸಿನಲ್ಲಿ ಕಪ್ಪು ಹಾವನ್ನು ನೋಡುವುದು ಶುಭವಲ್ಲ. ಕನಸಿನಲ್ಲಿ ಕಪ್ಪು ಹಾವನ್ನು ನೋಡಿದರೆ, ಕಪ್ಪು ಬಣ್ಣದ ಹಾವು ನಿಮ್ಮನ್ನು ಕಚ್ಚಿದಂತೆ ಕನಸು ಬಿದ್ರೆ, ಭವಿಷ್ಯದಲ್ಲಿ ನಿಮಗೆ ಕೆಲವು ಕಾಯಿಲೆಗಳು ಬರಬಹುದು ಎಂದರ್ಥ.
ನೀವು ಕೆಳಗೆ ಬೀಳುವುದು ಕನಸು (falling in dream)
ಸ್ವಪ್ನ ಶಾಸ್ತ್ರದ ಪ್ರಕಾರ, ಕನಸಿನಲ್ಲಿ ನೀವು ಮೇಲಿನಿಂದ ಕೆಳಗೆ ಬೀಳುವುದನ್ನು ನೋಡಿದರೆ, ಅಂತಹ ಕನಸುಗಳು ನಿಮಗೆ ಅಶುಭ ಸೂಚನೆ ನೀಡುತ್ತೆ. ಈ ಕನಸುಗಳು ನೀವು ಕೆಲವು ಕೆಲಸಗಳಲ್ಲಿ ವಿಫಲರಾಗಬಹುದು ಅನ್ನೋದರ ಸೂಚನೆ ನೀಡುತ್ತೆ. ಅಲ್ಲದೆ, ಇದು ಆತ್ಮವಿಶ್ವಾಸದ ಕೊರತೆಯನ್ನು ಸಹ ತೋರಿಸುತ್ತವೆ.